ശ്രീമദ്വാല്മീകീയ രാമായണേ കിഷ്കിംധാകാംഡമ് ।
അഥ സപ്തത്രിംശസ്സര്ഗഃ ।
ഏവമുക്തസ്തു സുഗ്രീവോ ലക്ഷ്മണേന മഹാത്മനാ ।
ഹനൂമംതം സ്ഥിതം പാര്ശ്വേ സചിവംത്വിദമബ്രവീത് ॥ 1 ॥
മഹേംദ്രഹിമവദ്വിംധ്യകൈലാസശിഖരേഷു ച ।
മംദരേ പാംഡുശിഖരേ പംചശൈലേഷു യേ സ്ഥിതാഃ ॥ 2 ॥
തരുണാദിത്യവര്ണേഷു ഭ്രാജമാനേഷു സർവതഃ ।
പർവതേഷു സമുദ്രാംതേ പശ്ചിമായാം ച യേ ദിശി ॥ 3 ॥
ആദിത്യഭവനേ ചൈവ ഗിരൌ സംധ്യാഭ്രസന്നിഭേ ।
പദ്മാതാലവനം ഭീമം സംശ്രിതാ ഹരിപുംഗവാഃ ॥ 4 ॥
അംജനാംബുദസംകാശാഃ കുംജരപ്രതിമൌജസഃ ।
അംജനേ പർവതേ ചൈവ യേ വസംതി പ്ലവംഗമാഃ ॥ 5 ॥
മനശ്ശിലാ ഗുഹാവാസാ വാനരാഃ കനകപ്രഭാഃ ।
മേരുപാര്ശ്വഗതാശ്ചൈവ യേ ധൂമ്രഗിരിം സംശ്രിതാഃ ॥ 6 ॥
തരുണാദിത്യവര്ണാശ്ച പർവതേ യേ മഹാരുണേ ।
പിബംതോ മധുമൈരേയം ഭീമവേഗാഃ പ്ലവംഗമാഃ ॥ 7 ॥
വനേഷു ച സുരമ്യേഷു സുഗംധിഷു മഹത്സു ച ।
താപസാനാം ച രമ്യേഷു വനാംതേഷു സമംതതഃ ॥ 8 ॥
താംസ്താം സ്ത്വമാനയ ക്ഷിപ്രം പൃഥിവ്യാം സർവവാനരാന് ।
സാമദാനാദിഭിഃ സ്സർവൈരാശു പ്രേഷയ വാനരാന് ॥ 9 ॥
പ്രേഷിതാഃ പ്രഥമം യേ ച മയാദൂതാ മഹാജവാഃ ।
ത്വരണാര്ഥം തു ഭൂയസ്ത്വം ഹരീന് സംപ്രേഷയാപരാന് ॥ 10 ॥
യേ പ്രസക്താശ്ച കാമേഷു ദീര്ഘസൂത്രാശ്ച വാനരാഃ ।
ഇഹാഽനയസ്വ താന് സർവാന് ശീഘ്രം തു മമ ശാസനാത് ॥ 11 ॥
അഹോഭിര്ദശഭിര്യേ ച നാഗച്ഛംതി മമാജ്ഞയാ ।
ഹംതവ്യാസ്തേ ദുരാത്മാനോ രാജശാസനദൂഷകാഃ ॥ 12 ॥
ശതാന്യഥ സഹസ്രാണാം കോട്യശ്ച മമ ശാസനാത് ।
പ്രയാംതു കപിസിംഹാനാം ദിശോ മമ മതേ സ്ഥിതാഃ ॥ 13 ॥
മേഘപർവതസംകാശാശ്ഛാദയംത ഇവാംബരമ് ।
ഘോരരൂപാഃ കപിശ്രേഷ്ഠാ യാംതു മച്ഛാസനാദിതഃ ॥ 14 ॥
തേ ഗതിജ്ഞാ ഗതിം ജ്ഞാത്വാ പൃഥിവ്യാം സർവവാനരാഃ ।
ആനയംതു ഹരീന് സർവാംസ്ത്വരിതാ ശസനാന്മമ ॥ 15 ॥
തസ്യ വാനര രാജസ്യ ശ്രുത്വാ വായുസുതോ വചഃ ।
ദിക്ഷു സർവാസു വിക്രാംതാന്പ്രേഷയാമാസ വാനരാന് ॥ 16 ॥
തേ പദം വിഷ്ണുവിക്രാംതം പതത്രിജ്യോതിരധ്വഗാഃ ।
പ്രയാതാഃ പ്രഹിതാ രാജ്ഞാ ഹരയസ്തത്ക്ഷണേന വൈ ॥ 17 ॥
തേ സമുദ്രേഷു ഗിരിഷു വനേഷു ച സരസ്സു ച ।
വാനരാ വാനരാന്സർവാന്രാമഹേതോരചോദയന് ॥ 18 ॥
മൃത്യുകാലോപമസ്യാഽജ്ഞാം രാജരാജസ്യ വാനരാഃ ।
സുഗ്രീവസ്യായയു ശ്ശ്രുത്വാ സുഗ്രീവഭയദര്ശിനഃ ॥ 19 ॥
തതസ്തേഽംജനസംകാശാ ഗിരേസ്തസ്മാന്മഹാജവാഃ ।
തിസ്രഃ കോട്യഃ പ്ലവംഗാനാം നിര്യയുര്യത്ര രാഘവഃ ॥ 20 ॥
അസ്തം ഗച്ഛതി യത്രാര്കസ്തസ്മിന്ഗിരിവരേ സ്ഥിതാഃ ।
സംതപ്ത ഹേമമഹാഭാസസ്തസ്മാത്കോട്യോ ദശ ച്യുതാഃ ॥ 21 ॥
കൈലാസശിഖരേഭ്യശ്ച സിംഹകേസരവര്ചസാമ് ।
തതഃ കോടിസഹസ്രാണി വാനരാണാമുപാഗമന് ॥ 22 ॥
ഫലമൂലേന ജീവംതോ ഹിമവംതമുപാശ്രിതാഃ ।
തേഷാം കോടിസഹസ്രാണാം സഹസ്രം സമവര്തത ॥ 23 ॥
അംഗാരകസമാനാനാം ഭീമാനാം ഭീമകര്മണാമ് ।
വിംധ്യാദ്വാനരകോടീനാം സഹസ്രാണ്യപതംദ്രുതമ് ॥ 24 ॥
ക്ഷീരോദവേലാനിലയാസ്തമാലവനവാസിനഃ ।
നാരികേലാശനാശ്ചൈവ തേഷാം സംഖ്യാ ന വിദ്യതേ ॥ 25 ॥
വനേഭ്യോ ഗഹ്വരേഭ്യശ്ച സരിദ്ഭ്യശ്ച മഹാജവാ ।
ആഗച്ഛദ്വാനരീ സേനാ പിബംതീവ ദിവാകരമ് ॥ 26 ॥
യേ തു ത്വരയിതും യാതാ വാനരാസ്സർവവാനരാന് ।
തേ വീരാ ഹിമവച്ഛൈലം ദദൃശുസ്തം മഹാദ്രുമമ് ॥ 27 ॥
തസ്മിന്ഗിരിവരേ രമ്യേ യജ്ഞോ മാഹേശ്വരഃ പുരാ ।
സർവദേവമനസ്തോഷോ ബഭൌ ദിവ്യോ മനോഹരഃ ॥ 28 ॥
അന്നനിഷ്യംദജാതാനി മൂലാനി ച ഫലാനി ച ।
അമൃതാസ്വാദകല്പാനി ദദൃശുസ്തത്ര വാനരാഃ ॥ 29 ॥
തദന്നസംഭവം ദിവ്യം ഫലമൂലം മനോഹരമ് ।
യഃ കശ്ചിത്സകൃദശ്നാതി മാസം ഭവതി തര്പിതഃ ॥ 30 ॥
താനി മൂലാനി ദിവ്യാനി ഫലാനി ച ഫലാശനാഃ ।
ഔഷധാനി ച ദിവ്യാനി ജഗൃഹുര്ഹരിയൂഥപാഃ ॥ 31 ॥
തസ്മാച്ച യജ്ഞായതനാത്പുഷ്പാണി സുരഭീണി ച ।
ആനിന്യുർവാനരാ ഗത്വാ സുഗ്രീവപ്രിയകാരണാത് ॥ 32 ॥
തേ തു സർവേ ഹരിവരാഃ പൃഥിവ്യാം സർവവാനരാന് ।
സംചോദയിത്വാ ത്വരിതാ യൂഥാനാം ജഗ്മുരഗ്രതഃ ॥ 33 ॥
തേ തു തേന മുഹൂര്തേന യൂഥപാശ്ശീഘ്രഗാമിനഃ ।
കിഷ്കിംധാം ത്വരയാ പ്രാപ്താ സ്സുഗ്രീവോ യത്ര വാനരഃ ॥ 34 ॥
തേ ഗൃഹീത്വൌഷധീസ്സർവാഃ ഫലമൂലം ച വാനരാഃ ।
തം പ്രതിഗ്രാഹയാമാസുർവചനം ചേദമബ്രുവന് ॥ 35 ॥
സർവേ പരിഗതാശ്ശൈലാസ്സമുദ്രാശ്ച വനാനി ച ।
പൃഥിവ്യാം വാനരാസ്സർവേ ശാസനാദുപയാംതി തേ ॥ 36 ॥
ഏവം ശ്രുത്വാ തതോ ഹൃഷ്ട സ്സുഗ്രീവഃ പ്ലവഗാധിപഃ ।
പ്രതിജഗ്രാഹ തത്പ്രതീതസ്തേഷാം സർവമുപായനമ് ॥ 37 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ കിഷ്കിംധാകാംഡേ സപ്തത്രിംശസ്സര്ഗഃ ॥
