শ্রীমদ্বাল্মীকীয় রামাযণে কিষ্কিংধাকাংডম্ ।
অথ পংচপংচাশস্সর্গঃ ।
শ্রুত্বা হনুমতো বাক্য়ং প্রশ্রিতং ধর্মসংহিতম্ ।
স্বামিসত্কারসংয়ুক্তমংগদো বাক্যমব্রবীত্ ॥ 1 ॥
স্থৈর্যমাত্মমনশ্শৌচমানৃশংস্যমথাঽর্জবম্ ।
বিক্রমশ্চৈব ধৈর্য়ং চ সুগ্রীবে নোপপদ্যতে ॥ 2 ॥
ভ্রাতুর্জ্য়েষ্ঠস্য় যো ভার্য়াং জীবতো মহিষীং প্রিয়াম্ ।
ধর্মেণ মাতরং যস্তু স্বীকরোতি জুগুপ্সিতঃ ॥ 3 ॥
কথং স ধর্মং জানীতে যেন ভ্রাত্রা মহাত্মনা ।
যুদ্ধায়াভিনিয়ুক্তেন বিলস্য় পিহিতং মুখম্ ॥ 4 ॥
সত্য়াত্পাণিগৃহীতশ্চ কৃতকর্মা মহাযশাঃ ।
বিস্মৃতো রাঘবো যেন স কস্য় তু কৃতং স্মরেত্ ॥ 5 ॥
লক্ষ্মণস্য় ভয়াদ্য়েন নাধর্মভযভীরুণা ।
আদিষ্টা মার্গিতুং সীতাং ধর্মমস্মিন্কথং ভবেত্ ॥ 6 ॥
তস্মিন্পাপে কৃতঘ্নে তু স্মৃতিহীনে চলাত্মনি ।
আর্য়ঃ কো বিশ্বসেজ্জাতু তত্কুলীনো জিজীবিষুঃ ॥ 7 ॥
রাজ্য়ে পুত্রঃ প্রতিষ্ঠাপ্যস্সগুণো বিগুণোঽপি বা ।
কথং শত্রুকুলীনং মাং সুগ্রীবো জীবয়িষ্যতি ॥ 8 ॥
ভিন্নমংত্রোঽপরাদ্ধশ্চ হীনশক্তিঃ কথং হ্যহম্ ।
কিষ্কিংধাং প্রাপ্য় জীবেযমনাথ ইব দুর্বলঃ ॥ 9 ॥
পাংশুদংডেন হি মাং বংধনে নোপপাদয়েত্ ।
শঠঃ ক্রূরো নৃশংসশ্চ সুগ্রীবো রাজ্যকারণাত্ ॥ 10 ॥
বংধনাদ্বাঽবসাদান্মে শ্রেয়ঃ প্রায়োপবেশনম্ ।
অনুজানীত মাং সর্বে গৃহং গচ্ছংতু বানরাঃ ॥ 11 ॥
অহং বঃ প্রতিজানামি নাগমিষ্য়াম্যহং পুরীম্ ।
ইহৈব প্রাযমাসিষ্য়ে শ্রেয়ো মরণমেব মে ॥ 12 ॥
অভিবাদনপূর্বং হি রাঘবৌ বলশালিনৌ ।
অভিবাদনপূর্বং তু রাজা কুশলমেব চ ॥ 13 ॥
বাচ্যস্তাতো যবীয়ান্মে সুগ্রীবো বানরেশ্বরঃ ।
আরোগ্যপূর্বং কুশলং বাচ্য়া মাতা রুমা চ মে ॥ 14 ॥
মাতরং চৈব মে তারামাশ্বাসয়িতুমর্হথ ।
প্রকৃত্য়া প্রিযপুত্রা সা সানুক্রোশা তপস্বিনী ॥ 15 ॥
বিনষ্টমিহ মাং শ্রুত্বা ব্যক্তং হাস্যতি জীবিতম্ ।
এতাবদুক্ত্বা বচনং বৃদ্ধাংস্তানভিবাদ্য় চ ॥ 16 ॥
বিবেশ চাংগদো ভূমৌ রুদংদর্ভেষু দুর্মনাঃ ।
তস্য় সংবিশতস্তত্র রুদংতো বানরর্ষভাঃ ॥ 17 ॥
নযনেভ্য়ঃ প্রমুমুচুরুষ্ণং বৈ বারি দুঃখিতাঃ ।
সুগ্রীবং চৈব নিংদংতঃ প্রশংসংতশ্চ বালিনম্ ॥ 18 ॥
পরিবার্য়াংগদং সর্বে ব্যবসন্প্রাযমাসিতুম্ ।
মতং তদ্বালিপুত্রস্য় বিজ্ঞায় প্লবগর্ষভাঃ ॥ 19 ॥
উপস্পৃশ্য়োদকং তত্র প্রাঙ্মুখাস্সমুপাবিশন্ ।
দক্ষিণাগ্রেষু দর্ভেষু উদক্তীরং সমাশ্রিতাঃ ॥ 20 ॥
মুমূর্ষবো হরিশ্রেষ্ঠা এতত্ ক্ষমমিতি স্ম হ ।
রামস্য় বনবাসং চ ক্ষয়ং দশরথস্য় চ ॥ 21 ॥
জনস্থানবধং চৈব বধং চৈব জটায়ুষঃ ।
হরণং চৈব বৈদেহ্য়া বালিনশ্চ বধং রণে ॥ 22 ॥
রামকোপং চ বদতাং হরীণাং ভযমাগতম্ ।
স সংবিশদ্ভিবহুভির্মহীধরো মহাদ্রিকূটপ্রতিমৈঃ প্লবংগমৈঃ ।
বভূব সন্নাদিতনির্দরাংতরো ভৃশং নদদ্ভির্জলদৈরিবোল্বণৈঃ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে পংচপংচাশস্সর্গঃ ॥
