শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তপংচাশস্সর্গঃ ।
তত্তু শ্রুত্বা তথা বাক্যমংগদস্য় মুখোদ্গতম্ ।
অব্রবীদ্বচনং গৃধ্রস্তীক্ষ্ণতুংডো মহাস্বনঃ ॥ 1 ॥
কোঽয়ং গিরা ঘোষযতি প্রাণৈঃ প্রিযতমস্য় মে ।
জটায়ুষো বধং ভ্রাতুঃ কংপযন্নিব মে মনঃ ॥ 2 ॥
কথমাসীজ্জনস্থানে যুদ্ধং রাক্ষসগৃধ্রয়োঃ ।
নামধেযমিদং ভ্রাতুশ্চিরস্য়াদ্য় ময়া শ্রুতম্ ॥ 3 ॥
ইচ্ছেয়ং গিরিদুর্গাচ্চ ভবদ্ভিরবতারিতুম্ ।
যবীযসো গুণজ্ঞস্য় শ্লাঘনীযস্য় বিক্রমৈঃ ॥ 4 ॥
অতিদীর্ঘস্য় কালস্য় পরিতুষ্টোঽস্মি পরিকীর্তনাত্ ।
তদিচ্ছেযমহং শ্রোতুং বিনাশং বানরর্ষভাঃ ॥ 5 ॥
ভ্রাতুর্জটায়ুষস্তস্য় জনস্থাননিবাসিনঃ ।
তস্য়ৈব চ মম ভ্রাতুস্সখা দশরথঃ কথম্ ॥ 6 ॥
যস্য় রামঃ প্রিয়ঃ পুত্রো জ্য়েষ্ঠো গুরুজনপ্রিয়ঃ ।
সূর্য়াংশুদগ্ধপক্ষত্বান্ন শক্নোম্য়ুপসর্পিতুম্ ॥ 7 ॥
ইচ্ছেয়ং পর্বতাদস্মাদবতর্তু মরিংদমাঃ ।
শোকাদ্ভ্রষ্টস্বরমপি শ্রুত্বা তে হরিয়ূথপাঃ ।
শ্রদ্দধুর্নৈব তদ্বাক্য়ং কর্মণা তস্য় শংকিতাঃ ॥ 8 ॥
তে প্রাযমুপবিষ্টাস্তু দৃষ্ট্বা গৃধ্রং প্লবংগমাঃ ।
চক্রুর্বুদ্ধিং তদা রৌদ্রাং সর্বান্নো ভক্ষয়িষ্যতি ॥ 9 ॥
সর্বথা প্রাযমাসীনান্যদি নো ভক্ষয়িষ্যতি ।
কৃতকৃত্য়া ভবিষ্য়ামঃ ক্ষিপ্রং সিদ্ধিমিতো গতাঃ ॥ 10 ॥
এতাং বুদ্ধিং ততশ্চক্রুস্সর্বে তে বানরর্ষভাঃ ।
অবতার্য় গিরেশ্শৃংগাদ্গৃধ্রমাহাংগদস্তদা ॥ 11 ॥
বভূবর্ক্ষরজা নাম বানরেংদ্রঃ প্রতাপবান্ ।
মমার্য়ঃ পার্থিবঃ পক্ষিন্ ধার্মিক স্তস্য় চাত্মজৌ ॥ 12 ॥
সুগ্রীবশ্চৈব বালী চ পুত্রাবোঘবলাবুভৌ ।
লোকেবিশ্রুতকর্মাভূদ্রাজা বালী পিতা মম ॥ 13 ॥
রাজা কৃত্স্নস্য় জগত ইক্ষ্বাকূণাং মহারথঃ ।
রামো দাশরথিঃ শ্রীমান্প্রবিষ্টো দংডকাবনম্ ॥ 14 ॥
লক্ষ্মণেন সহ ভ্রাত্রা বৈদেহ্য়া চাপি ভার্যয়া ।
পিতুর্নিদেশনিরতো ধর্ম্য়ং পংথানমাশ্রিতঃ ॥ 15 ॥
তস্য় ভার্য়া জনস্থানাদ্রাবণেন হৃতা বলাত্ ।
রামস্য় তু পিতুর্মিত্রং জটায়ুর্নাম গৃধ্ররাট্ ॥ 16 ॥
দদর্শ সীতাং বৈদেহীং হ্রিযমাণাং বিহাযসা ।
রাবণং বিরথং কৃত্বা স্থাপয়িত্বা চ মৈথিলীম্ ।
পরিশ্রাংতশ্চ বৃদ্ধশ্চ রাবণেন হতো রণে ॥ 17 ॥
এবং গৃধ্রো হতস্তেন রাবণেন বলীযসা ।
সংস্কৃতশ্চাপি রামেণ গতশ্চ গতিমুত্তমাম্ ॥ 18 ॥
ততো মম পিতৃব্য়েণ সুগ্রীবেণ মহাত্মনা ।
চকার রাঘবস্সখ্য়ং সোঽবধীত্পিতরং মম ॥ 19 ॥
মম পিত্রা বিরুদ্ধো হি সুগ্রীবস্সচিবৈস্সহ ।
নিহত্য় বালিনং রামস্ততস্তমভিষেচযত্ ॥ 20 ॥
স রাজ্য়ে স্থাপিতস্তেন সুগ্রীবো বানরাধিপঃ ।
রাজা বানরমুখ্য়ানাং যেন প্রস্থাপিতা বযম্ ॥ 21 ॥
এবং রামপ্রয়ুক্তাস্তু মার্গমাণাস্ততস্ততঃ ।
বৈদেহীং নাধিগচ্ছামো রাত্রৌ সূর্যপ্রভামিব ॥ 22 ॥
তে বয়ং দংডকারণ্য়ং বিচিত্য় সুসমাহিতাঃ ॥ 23 ॥
অজ্ঞানাত্তু প্রবিষ্টাস্স্ম ধর্মিণ্য়া বিবৃতং বিলম্ ।
মযস্য় মায়াবিহিতং তদ্বিলং চ বিচিন্বতাম্ ॥ 24 ॥
ব্যতীতস্তত্র নো মাসো যো রাজ্ঞা সময়ঃ কৃতঃ ।
তে বয়ং কপিরাজস্য় সর্বে বচনকারিণঃ ॥ 25 ॥
কৃতাং সংস্থামতিক্রাংতা ভয়াত্প্রাযমুপাস্মহে ।
ক্রুদ্ধে তস্মিংস্তু কাকুত্স্থে সুগ্রীবে চ সলক্ষ্মণে ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তপংচাশস্সর্গঃ ॥
