শ্রীমদ্বাল্মীকীয় রামাযণে কিষ্কিংধাকাংডম্ ।
অথ ষষ্টিতমস্সর্গঃ ।
ততঃ কৃতোদকং স্নাতং তং গৃধ্রং হরিয়ূথপাঃ ।
উপবিষ্টা গিরৌ রম্য়ে পরিবার্য় সমংততঃ ॥ 1 ॥
তমংগদমুপাসীনং তৈস্সর্বৈর্হরিভির্বৃতম্ ।
জনিতপ্রত্যয়ো হর্ষাত্সংপাতিঃ পুনরব্রবীত্ ॥ 2 ॥
কৃত্বা নিশ্শব্দমেকাগ্রা শ্শ্রুণ্বংতু হরয়ো মম ।
তত্বং সংকীর্তয়িষ্য়ামি যথা জানামি মৈথিলীম্ ॥ 3 ॥
অস্য় বিংধ্যস্য় শিখরে পতিতোঽস্মি পুরাবনে ।
সূর্যতপপরীতাংগো নির্দগ্ধস্সূর্যরশ্মিভিঃ ॥ 4 ॥
লব্ধসংজ্ঞস্তু ষড্রাত্রাদ্বিবশো বিহ্বলন্নিব ।
বীক্ষমাণো দিশস্সর্বা নাভিজানামি কিংচন ॥ 5 ॥
ততস্তু সাগরান্ শৈলান্নদীস্সর্বাস্সরাংসি চ ।
বনানি চ প্রদেশাংশ্চ নীরীক্ষ্য় মতিরাগতা ॥ 6 ॥
হৃষ্টপক্ষিগণাকীর্ণঃ কংদরাংতরকূটবান্ ।
দক্ষিণস্য়োদধেস্তীরে বিংধ্য়োঽযমিতি নিশ্চিতঃ ॥ 7 ॥
আসীচ্চাত্রাশ্রমং পুণ্য়ং সুরৈরপি সুপূজিতম্ ।
ঋষির্নিশাকরো নাম যস্মিন্নুগ্রতপাভবত্ ॥ 8 ॥
অষ্টৌ বর্ষসহস্রাণি তেনাস্মিন্নৃষিণা বিনা ।
বসতো মম ধর্মজ্ঞা স্বর্গতে তু নিশাকরে ॥ 9 ॥
অবতীর্য় তু বিংধ্য়াগ্রাত্কৃচ্ছ্রেণ বিষমাচ্ছনৈঃ ।
তীক্ষ্ণদর্ভাং বসুমতীং দুঃখেন পুনরাগতঃ ॥ 10 ॥
তমৃষিং দ্রষ্টুকামোঽস্মি দুঃখেনাভ্য়াগতো ভৃশম্ ।
জটায়ুষা ময়া চৈব বহুশোঽভিগতো হি সঃ ॥ 11 ॥
তস্য়াশ্রমপদাভ্য়াশে ববুর্বাতাস্সুগংধিনঃ ।
বৃক্ষো বাপুষ্পিতঃ কশ্চিদফলো বা ন বিদ্যতে ॥ 12 ॥
উপেত্য় চাশ্রমং পুণ্য়ং বৃক্ষমূলমুপাশ্রিতঃ ।
দ্রষ্টুকামঃ প্রতীক্ষেঽহং ভগবংতং নিশাকরম্ ॥ 13 ॥
অথাপশ্যমদূরস্থমৃষিং জ্বলিততেজসম্ ।
কৃতাভিষেকং দুর্ধর্ষমুপাবৃত্তমুদঙ্মুখম্ ॥ 14 ॥
তমৃক্ষাস্সৃমরা ব্য়াঘ্রাস্সিংহা নাগাস্সরীসৃপাঃ ।
পরিবার্য়োপগচ্ছংতি ধাতারং প্রাণিনো যথা ॥ 15 ॥
ততঃ প্রাপ্তমৃষিং জ্ঞাত্বা তানি সত্ত্বানি বৈ যয়ুঃ ।
প্রবিষ্টে রাজনি যথা সর্বং সামাত্যকং বলম্ ॥ 16 ॥
ঋষিস্তু দৃষ্ট্বা মাং প্রীতঃ প্রবিষ্টশ্চাশ্রমং পুনঃ ।
মুহূর্তমাত্রান্নিষ্ক্রম্য় ততঃ কার্যমপৃচ্ছত ॥ 17 ॥
সৌম্য় বৈকল্যতাং দৃষ্ট্বা রোম্ণাং তে নাবগম্যতে ।
অগ্নিদগ্ধাবিমৌ পক্ষৌ ব্রণাশ্চাপি শরীরকে ॥ 18 ॥
গৃধ্রৌ দ্বৌ দৃষ্টপূর্বৌ মে মাতরিশ্বসমৌ জবে ।
গৃধ্রাণাং চৈব রাজানৌ ভ্রাতরৌ কামরূপিণৌ ॥ 19 ॥
জ্য়েষ্ঠো হি ত্বং তু সংপাতে জটায়ুরনুজস্তব ।
মানুষং রূপমাস্থায় গৃহ্ণীতাং চরণৌ মম ॥ 20 ॥
কিং তে ব্য়াধিসমুত্থানং পক্ষয়োঃ পতনং কথম্ ।
দংডোঽয়ংচ কৃতঃ কেন সর্বমাখ্য়াহি পৃচ্ছতঃ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ষষ্টিতমস্সর্গঃ ॥
