ශ්රීමද්වාල්මීකීය රාමායණේ කිෂ්කිංධාකාංඩම් ।
අථ චතුඃෂෂ්ටිතමස්සර්ගඃ ।
ආඛ්යාතා ගෘධ්රරාජේන සමුත්ප්ලුත්ය ප්ලවංගමාඃ ।
සංගතාඃ ප්රීතිසංයුක්තා විනේදුර්භීමවික්රමාඃ ॥ 1 ॥
සංපාතේර්වචනං ශ්රුත්වා හරයෝ රාවණක්ෂයම් ।
හෘෂ්ටාස්සාගරමාජග්මුස්සීතාදර්ශනකාංක්ෂිණඃ ॥ 2 ॥
අභික්රම්ය තු තං දේශං දදෘශුර්භීමවික්රමාඃ ।
කෘත්ස්නං ලෝකස්ය මහතඃ ප්රතිබිංබමිව ස්ථිතම් ॥ 3 ॥
දක්ෂිණස්ය සමුද්රස්ය සමාසාද්යෝත්තරාං දිශම් ।
සන්නිවේශං තතශ්චක්රුර්හරිවීරා මහාබලාඃ ॥ 4 ॥
සත්ත්වෛර්මහද්භිර්විකෘතෛඃ ක්රීඩද්භිර්විවිධෛර්ජලේ ।
ව්යාත්තාස්යෛස්සුමහාකායෛරූර්මිභිශ්ච සමාකුලම් ॥ 5 ॥
ප්රසුප්තමිව චාන්යත්ර ක්රීඩංතමිව චාන්යතඃ ।
ක්වචිත්පර්වතමාත්රෛශ්ච ජලරාශිභිරාවෘතම් ॥ 6 ॥
සංකුලං දානවේංද්රෛශ්ච පාතාලතලවාසිභිඃ ।
රෝමහර්ෂකරං දෘෂ්ට්වා විෂේදුඃ කපිකුංජරාඃ ॥ 7 ॥
ආකාශමිව දුෂ්පාරං සාගරං ප්රේක්ෂය වානරාඃ ।
විෂේදු ස්සහසාසර්වේ කථං කාර්යමිති බ්රුවන් ॥ 8 ॥
විෂණ්ණාං වාහිනීං දෘෂ්ට්වා සාගරස්ය නිරීක්ෂණාත් ।
ආශ්වාසයාමාස හරීන්භයාර්තාන් හරිසත්තමඃ ॥ 9 ॥
තාන්විෂාදේන මහතා විෂණ්ණාන්වානරර්ෂභාන් ।
උවාච මතිමාන්කාලේ වාලිසූනුර්මහාබලඃ ॥ 10 ॥
න විෂාදේ මනඃ කාර්යං විෂාදෝ දෝෂවත්තමඃ ।
විෂාදෝ හංති පුරුෂං බාලං ක්රුද්ධ ඉවෝරගඃ ॥ 11 ॥
යෝ විෂාදං ප්රසහතේ වික්රමේ පර්යුපස්ථිතේ ।
තේජසා තස්ය හීනස්ය පුරුෂාර්ථෝ න සිධ්යති ॥ 12 ॥
තස්යාං රාත්ර්යාං ව්යතීතායාමංගදෝ වානරෛස්සහ ।
හරිවෘද්ධෛස්සමාගම්ය පුනර්මංත්රමමංත්රයත් ॥ 13 ॥
සා වානරාණාං ධ්වජිනී පරිවාර්යාංගදං බභෞ ।
වාසවං පරිවාර්යේව මරුතාං වාහිනී ස්ථිතා ॥ 14 ॥
කෝऽන්යස්තාං වානරීං සේනාං ශක්තඃස්තංභයිතුං භවේත් ।
අන්යත්ර වාලිතනයාදන්යත්ර ච හනූමතඃ ॥ 15 ॥
තතස්තාන්හරිවෘද්ධාංශ්ච තච්ච සෛන්යමරිංදමඃ ।
අනුමාන්යාංගදශ්ශ්රීමාන්වාක්යමර්ථවදබ්රවීත් ॥ 16 ॥
ක ඉදානීං මහාතේජා ලංඝයිෂ්යති සාගරම් ।
කඃ කරිෂ්යති සුග්රීවං සත්යසංධමරිංදමම් ॥ 17 ॥
කෝ වීරෝ යෝජනශතං ලංඝයේත ප්ලවංගමාඃ ।
ඉමාංශ්ච යූථපාන් සර්වාන්මෝක්ෂයේත්කෝ මහාභයාත් ॥ 18 ॥
කස්ය ප්රභාවාද්ධාරාංශ්ච පුත්රාංශ්චෛව ගෘහාණි ච ।
ඉතෝ නිවෘත්තාඃ පශ්යේම සිද්ධාර්ථාස්සුඛිනෝ වයම් ॥ 19 ॥
කස්ය ප්රසාදාද්රාමං ච ලක්ෂ්මණං ච මහාබලම් ।
අභිගච්ඡේම සංහෘෂ්ටාස්සුග්රීවං ච වනෞකසම් ॥ 20 ॥
යදි කශ්චිත්සමර්ථෝ වස්සාගරප්ලවනේ හරිඃ ।
ස දදා ත්විහ න ශශීඝ්රං පුණ්යාමභයදක්ෂිණාම් ॥ 21 ॥
අංගදස්ය වච ශ්ශෘත්වා න කශ්චිත් කිංචිදබ්රවීත් ।
ස්තිමිතේ වා භවත්සර්වා සා තත්ර හරිවාහිනී ॥ 22 ॥
පුනරේවාංගදඃ ප්රාහ තාන්හරීන්හරිසත්තමඃ ।
සර්වේ බලවතාං ශ්රේෂ්ඨා භවංතෝ දෘඪවික්රමාඃ ॥ 23 ॥
ව්යපදේශ්ය කුලේ ජාතාඃ පූජිතාශ්චාප්යභීක්ෂ්ණශඃ ।
න හි වෝ ගමනේ සංගඃ කදාචිත්කස්යචිත්ක්වචිත් ।
බ්රුවධ්වං යස්ය යා ශක්තිඃ ප්ලවනේ ප්ලවගර්ෂභාඃ ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ චතුඃෂෂ්ටිතමස්සර්ගඃ ॥
