শ্রীমদ্বাল্মীকীয় রামাযণে কিষ্কিংধাকাংডম্ ।
অথ চতুঃষষ্টিতমস্সর্গঃ ।
আখ্য়াতা গৃধ্ররাজেন সমুত্প্লুত্য় প্লবংগমাঃ ।
সংগতাঃ প্রীতিসংয়ুক্তা বিনেদুর্ভীমবিক্রমাঃ ॥ 1 ॥
সংপাতের্বচনং শ্রুত্বা হরয়ো রাবণক্ষযম্ ।
হৃষ্টাস্সাগরমাজগ্মুস্সীতাদর্শনকাংক্ষিণঃ ॥ 2 ॥
অভিক্রম্য় তু তং দেশং দদৃশুর্ভীমবিক্রমাঃ ।
কৃত্স্নং লোকস্য় মহতঃ প্রতিবিংবমিব স্থিতম্ ॥ 3 ॥
দক্ষিণস্য় সমুদ্রস্য় সমাসাদ্য়োত্তরাং দিশম্ ।
সন্নিবেশং ততশ্চক্রুর্হরিবীরা মহাবলাঃ ॥ 4 ॥
সত্ত্বৈর্মহদ্ভির্বিকৃতৈঃ ক্রীডদ্ভির্বিবিধৈর্জলে ।
ব্য়াত্তাস্য়ৈস্সুমহাকায়ৈরূর্মিভিশ্চ সমাকুলম্ ॥ 5 ॥
প্রসুপ্তমিব চান্যত্র ক্রীডংতমিব চান্যতঃ ।
ক্বচিত্পর্বতমাত্রৈশ্চ জলরাশিভিরাবৃতম্ ॥ 6 ॥
সংকুলং দানবেংদ্রৈশ্চ পাতালতলবাসিভিঃ ।
রোমহর্ষকরং দৃষ্ট্বা বিষেদুঃ কপিকুংজরাঃ ॥ 7 ॥
আকাশমিব দুষ্পারং সাগরং প্রেক্ষয় বানরাঃ ।
বিষেদু স্সহসাসর্বে কথং কার্যমিতি ব্রুবন্ ॥ 8 ॥
বিষণ্ণাং বাহিনীং দৃষ্ট্বা সাগরস্য় নিরীক্ষণাত্ ।
আশ্বাসয়ামাস হরীন্ভয়ার্তান্ হরিসত্তমঃ ॥ 9 ॥
তান্বিষাদেন মহতা বিষণ্ণান্বানরর্ষভান্ ।
উবাচ মতিমান্কালে বালিসূনুর্মহাবলঃ ॥ 10 ॥
ন বিষাদে মনঃ কার্য়ং বিষাদো দোষবত্তমঃ ।
বিষাদো হংতি পুরুষং বালং ক্রুদ্ধ ইবোরগঃ ॥ 11 ॥
যো বিষাদং প্রসহতে বিক্রমে পর্য়ুপস্থিতে ।
তেজসা তস্য় হীনস্য় পুরুষার্থো ন সিধ্যতি ॥ 12 ॥
তস্য়াং রাত্র্য়াং ব্যতীতায়ামংগদো বানরৈস্সহ ।
হরিবৃদ্ধৈস্সমাগম্য় পুনর্মংত্রমমংত্রযত্ ॥ 13 ॥
সা বানরাণাং ধ্বজিনী পরিবার্য়াংগদং বভৌ ।
বাসবং পরিবার্য়েব মরুতাং বাহিনী স্থিতা ॥ 14 ॥
কোঽন্যস্তাং বানরীং সেনাং শক্তঃস্তংভয়িতুং ভবেত্ ।
অন্যত্র বালিতনয়াদন্যত্র চ হনূমতঃ ॥ 15 ॥
ততস্তান্হরিবৃদ্ধাংশ্চ তচ্চ সৈন্যমরিংদমঃ ।
অনুমান্য়াংগদশ্শ্রীমান্বাক্যমর্থবদব্রবীত্ ॥ 16 ॥
ক ইদানীং মহাতেজা লংঘয়িষ্যতি সাগরম্ ।
কঃ করিষ্যতি সুগ্রীবং সত্যসংধমরিংদমম্ ॥ 17 ॥
কো বীরো যোজনশতং লংঘয়েত প্লবংগমাঃ ।
ইমাংশ্চ যূথপান্ সর্বান্মোক্ষয়েত্কো মহাভয়াত্ ॥ 18 ॥
কস্য় প্রভাবাদ্ধারাংশ্চ পুত্রাংশ্চৈব গৃহাণি চ ।
ইতো নিবৃত্তাঃ পশ্য়েম সিদ্ধার্থাস্সুখিনো বযম্ ॥ 19 ॥
কস্য় প্রসাদাদ্রামং চ লক্ষ্মণং চ মহাবলম্ ।
অভিগচ্ছেম সংহৃষ্টাস্সুগ্রীবং চ বনৌকসম্ ॥ 20 ॥
যদি কশ্চিত্সমর্থো বস্সাগরপ্লবনে হরিঃ ।
স দদা ত্বিহ ন শশীঘ্রং পুণ্য়ামভযদক্ষিণাম্ ॥ 21 ॥
অংগদস্য় বচ শ্শৃত্বা ন কশ্চিত্ কিংচিদব্রবীত্ ।
স্তিমিতে বা ভবত্সর্বা সা তত্র হরিবাহিনী ॥ 22 ॥
পুনরেবাংগদঃ প্রাহ তান্হরীন্হরিসত্তমঃ ।
সর্বে বলবতাং শ্রেষ্ঠা ভবংতো দৃঢবিক্রমাঃ ॥ 23 ॥
ব্যপদেশ্য় কুলে জাতাঃ পূজিতাশ্চাপ্যভীক্ষ্ণশঃ ।
ন হি বো গমনে সংগঃ কদাচিত্কস্যচিত্ক্বচিত্ ।
ব্রুবধ্বং যস্য় যা শক্তিঃ প্লবনে প্লবগর্ষভাঃ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে চতুঃষষ্টিতমস্সর্গঃ ॥
