শ্রীমদ্বাল্মীকীয় রামাযণে সুংদরকাংডম্ ।
অথ দশমস্সর্গঃ ।
তত্র দিব্য়োপমং মুখ্য়ং স্ফাটিকং রত্নভূষিতম্ ।
অবেক্ষমাণো হনুমান্ দদর্শ শযনাসনম্ ॥ 1 ॥
দাংতকাংচনচিত্রাংগৈর্বৈডূর্য়ৈশ্চ বরাসনৈঃ ।
মহার্হাস্তরণোপেতৈরুপপন্নং মহাধনৈঃ ॥ 2 ॥
তস্য় চৈকতমে দেশে সোঽগ্য়্রমালাবিভূষিতম্ ।
দদর্শ পাংডুরং ছত্রং তারাধিপতিসন্নিভম্ ॥ 3 ॥
জাতরূপপরিক্ষিপ্তং চিত্রভানুসমপ্রভম্ ।
অশোকমালাবিততং দদর্শ পরমাসনম্ ॥ 4 ॥
বালব্যজনহস্তাভির্বীজ্যমানং সমংততঃ ।
গংধৈশ্চ বিবিধৈর্জুষ্টং বরধূপেন ধূপিতম্ ॥ 5 ॥
পরমাস্তরণাস্তীর্ণমাবিকাজিনসংবৃতম্ ।
দামভির্বরমাল্য়ানাং সমংতাদুপশোভিতম্ ॥ 6 ॥
তস্মিন্ জীমূতসংকাশং প্রদীপ্তোত্তমকুংডলম্ ।
লোহিতাক্ষং মহাবাহুং মহারজতবাসসম্ ॥ 7 ॥
লোহিতেনানুলিপ্তাংগং চংদনেন সুগংধিনা ।
সংধ্য়ারক্তমিবাকাশে তোযদং সতটিদ্গণম্ ॥ 8 ॥
বৃতমাভরণৈর্দিব্য়ৈঃ সুরূপং কামরূপিণম্ ।
সবৃক্ষবনগুল্মাঢ্য়ং প্রসুপ্তমিব মংদরম্ ॥ 9 ॥
ক্রীডিত্বোপরতং রাত্রৌ বরাভরণভূষিতম্ ।
প্রিয়ং রাক্ষসকন্য়ানাং রাক্ষসানাং সুখাবহম্ ॥ 10 ॥
পীত্বাঽপ্য়ুপরতং চাপি দদর্শ স মহাকপিঃ ।
ভাস্বরে শযনে বীরং প্রসুপ্তং রাক্ষসাধিপম্ ॥ 11 ॥
নিঃশ্বসংতং যথা নাগং রাবণং বানরর্ষভঃ ।
আসাদ্য় পরমোদ্বিগ্নস্সোপাসর্পত্সুভীতবত্ ॥ 12 ॥
অথাঽঽরোহণমাসাদ্য় বেদিকাঽংতরমাশ্রিতঃ ।
সুপ্তং রাক্ষসশার্দূলং প্রেক্ষতে স্ম মহাকপিঃ ॥ 13 ॥
শুশুভে রাক্ষসেংদ্রস্য় স্বপতঃ শযনোত্তমম্ ।
গংধহস্তিনি সংবিষ্টে যথা প্রস্রবণং মহত্ ॥ 14 ॥
কাংচনাংগদসন্নধ্দৈ চ দদর্শ স মহাত্মনঃ ।
বিক্ষিপ্তৌ রাক্ষসেংদ্রস্য় ভুজাবিংদ্রধ্বজোপমৌ ॥ 15 ॥
ঐরাবতবিষাণাগ্রৈরাপীডনকৃতব্রণৌ ।
বজ্রোল্লিখিতপীনাংসৌ বিষ্ণুচক্রপরিক্ষতৌ ॥ 16 ॥
পীনৌ সমসুজাতাংসৌ সংগতৌ বলসংয়ুতৌ ।
সুলক্ষণনখাংগুষ্ঠা স্বংগুলীতললক্ষিতৌ ॥ 17 ॥
সংহতৌ পরিঘাকারৌ বৃত্তৌ করিকরোপমৌ ।
বিক্ষিপ্তৌ শযনে শুভ্রে পংচশীর্ষাবিবোরগৌ ॥ 18 ॥
শশক্ষতজকল্পেন সুশীতেন সুগংধিনা ।
চংদনেন পরার্ধ্য়েন স্বনুলিপ্তৌ স্বলংকৃতৌ ॥ 19 ॥
উত্তমস্ত্রীবিমৃদিতৌ গংধোত্তমনিষেবিতৌ ।
যক্ষপন্নগগংধর্বদেবদানবরাবিণৌ ॥ 20 ॥
দদর্শ স কপিস্তত্র বাহূ শযনসংস্থিতৌ ।
মংদরস্য়াংতরে সুপ্তৌ মহাহী রুষিতাবিব ॥ 21 ॥
তাভ্য়াং স পরিপূর্ণাভ্য়াং ভুজাভ্য়াং রাক্ষসেশ্বরঃ ।
শুশুভেঽচলসংকাশঃ শৃংগাভ্য়ামিব মংদরঃ ॥ 22 ॥
চূতপুন্নাগসুরভির্বকুলোত্তমসংয়ুতঃ ।
মৃষ্টান্নরসসংয়ুক্তঃ পানগংধপুরস্কৃতঃ ॥ 23 ॥
তস্য় রাক্ষসসিংহস্য় নিশ্চক্রাম মহামুখাত্ ।
শয়ানস্য় বিনিঃশ্বাসঃ পূরযন্নিব তদ্ গৃহম্ ॥ 24 ॥
মুক্তামণিবিচিত্রেণ কাংচনেন বিরাজিতম্ ।
মকুটেনাপবৃত্তেন কুংডলোজ্বলিতাননম্ ॥ 25 ॥
রক্তচংদনদিগ্ধেন তথা হারেণ শোভিনা ।
পীনাযতবিশালেন বক্ষসাঽভিবিরাজিতম্ ॥ 26 ॥
পাংডরেণাপবিদ্ধেন ক্ষৌমেণ ক্ষতজেক্ষণম্ ।
মহার্হেণ সুসংবীতং পীতেনোত্তমবাসসা ॥ 27 ॥
মাষরাশিপ্রতীকাশং নিশ্শ্বসংতং ভুজংগবত্ ।
গাংগে মহতি তোয়াংতে প্রসুপ্তমিব কুংজরম্ ॥ 28 ॥
চতুর্ভিঃ কাংচনৈর্দীপৈদ্ধীপ্যমানচতুর্দিশম্ ।
প্রকাশীকৃতসর্বাংগং মেঘং বিদ্য়ুদ্গণৈরিব ॥ 29 ॥
পাদমূলগতাশ্চাপি দদর্শ সুমহাত্মনঃ ।
পত্নীঃ স প্রিযভার্যস্য় তস্য় রক্ষঃপতের্গৃহে ॥ 30 ॥
শশিপ্রকাশবদনাশ্চারুকুংডলভূষিতাঃ ।
অম্লানমাল্য়াভরণা দদর্শ হরিয়ূথপঃ ॥ 31 ॥
নৃত্তবাদিত্রকুশলা রাক্ষসেংদ্রভুজাংকগাঃ ।
বরাভরণধারিণ্য়ো নিষণ্ণা দদৃশে হরিঃ ॥ 32 ॥
বজ্রবৈডূর্যগর্ভাণি শ্রবণাংতেষু যোষিতাম্ ।
দদর্শ তাপনীয়ানি কুংডলান্য়ংগদানি চ ॥ 33 ॥
তাসাং চংদ্রোপমৈর্বক্ত্রৈশ্শুভৈর্ললিতকুংডলৈঃ ।
বিররাজ বিমানং তন্নভস্তারাগণৈরিব ॥ 34 ॥
মদব্য়ায়ামখিন্নাস্তা রাক্ষসেংদ্রস্য় যোষিতঃ ।
তেষু তেষ্ববকাশেষু প্রসুপ্তাস্তনুমধ্যমাঃ ॥ 35 ॥
অংগহারৈস্তথৈবান্য়া কোমলৈর্নৃত্তশালিনী ।
বিন্যস্তশুভসর্বাংগী প্রসুপ্তা বরবর্ণিনী ॥ 36 ॥
কাচিদ্বীণাং পরিষ্বজ্য় প্রসুপ্তা সংপ্রকাশতে ।
মহানদীপ্রকীর্ণেব নলিনী পোতমাশ্রিতা ॥ 37 ॥
অন্য়া কক্ষগতেনৈব মড্ডুকেনাসিতেক্ষণা ।
প্রসুপ্তা ভামিনী ভাতি বালপুত্রেব বত্সলা ॥ 38 ॥
পটহং চারুসর্বাংগী পীড্য় শেতে শুভস্তনী ।
চিরস্য় রমণং লব্ধ্বা পরিষ্বজ্য়েব ভামিনী ॥ 39 ॥
কাচিদ্বংশং পরিষ্বজ্য় সুপ্তা কমললোচনা ।
রহঃ প্রিযতমং গৃহ্য় সকামেব চ কামিনী ॥ 40 ॥
বিপংচীং পরিগৃহ্য়ান্য়া নিযতা নৃত্তশালিনী ।
নিদ্রাবশমনুপ্রাপ্তা সহ কাংতেব ভামিনী ॥ 41 ॥
অন্য়া কনকসংকাশৈর্মৃদুপীনৈর্মনোরমৈঃ ।
মৃদংগং পরিপীড্য়াংগৈঃ প্রসুপ্তা মত্তলোচনা ॥ 42 ॥
ভুজপার্শ্বাংতরস্থেন কক্ষগেন কৃশোদরী ।
পণবেব সহানিংদ্য়া সুপ্তা মদকৃতশ্রমা ॥ 43 ॥
ডিংডিমং পরিগৃহ্য়ান্য়া তথৈবাসক্তডিংডিমা ।
প্রসুপ্তা তরুণং বত্সমুপগূহ্য়েব ভামিনী ॥ 44 ॥
কাচিদাডংবরং নারী ভুজসংয়োগপীডিতম্ ।
কৃত্বা কমলপত্রাক্ষী প্রসুপ্তা মদমোহিতা ॥ 45 ॥
কলশীমপবিধ্য়ান্য়া প্রসুপ্তা ভাতি ভামিনী ।
বসংতে পুষ্পশবলা মালেব পরিমার্জিতা ॥ 46 ॥
পাণিভ্য়াং চ কুচৌ কাচিত্সুবর্ণকলশোপমৌ ।
উপগূহ্য়াবলা সুপ্তা নিদ্রাবলপরাজিতা ॥ 47 ॥
অন্য়া কমলপত্রাক্ষী পূর্ণেংদুসদৃশাননা ।
অন্য়ামালিংগ্য় সুশ্রোণীং প্রসুপ্তা মদবিহ্বলা ॥ 48 ॥
আতোদ্য়ানি বিচিত্রাণি পরিষ্বজ্য় বরস্ত্রিয়ঃ ।
নিপীড্য় চ কুচৈস্সুপ্তা কামিন্য়ঃ কামুকানিব ॥ 49 ॥
তাসামেকাংতবিন্যস্তে শয়ানাং শযনে শুভে ।
দদর্শ রূপসংপন্নামপরাং স কপিঃ স্ত্রিযম্ ॥ 50 ॥
মুক্তামণিসমায়ুক্তৈর্ভূষণৈঃ সুবিভূষিতাম্ ।
বিভূষয়ংতীমিব তত্স্বশ্রিয়া ভবনোত্তমম্ ॥ 51 ॥
গৌরীং কনকবর্ণাভামিষ্টামংতঃ পুরেশ্বরীম্ ।
কপির্মংদোদরীং তত্র শয়ানাং চারুরূপিণীম্ ॥ 52 ॥
স তাং দৃষ্ট্বা মহাবাহুর্ভূষিতাং মারুতাত্মজঃ ।
তর্কয়ামাস সীতেতি রূপয়ৌবনসংপদা ॥ 53 ॥
হর্ষেণ মহতা যুক্তো ননংদ হরিয়ূথপঃ ।
আস্ফোটয়ামাস চুচুংব পুচ্ছং ননংদ চিক্রীড জগৌ জগাম ।
স্তংভানরোহন্নিপপাত ভূমৌ নিদর্শযন্ স্বাং প্রকৃতিং কপীনাম্ ॥ 54 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে দশমস্সর্গঃ ॥
