শ্রীমদ্বাল্মীকীয় রামাযণে সুংদরকাংডম্ ।
অথ একাদশস্সর্গঃ ।
অবধূয় চ তাং বুদ্ধিং বভূবাবস্থিতস্তদা ।
জগাম চাপরাং চিংতাং সীতাং প্রতি মহাকপিঃ ॥ 1 ॥
ন রামেণ বিয়ুক্তা সা স্বপ্তুমর্হতি ভামিনী ।
ন ভোক্তুং বাপ্যলংকর্তুং ন পানমুপসেবিতুম্ ॥ 2 ॥
নান্য়ং নরমুপস্থাতুং সুরাণামপি চেশ্বরম্ ।
ন হি রামসমঃ কশ্চিদ্বিদ্যতে ত্রিদশেষ্বপি ॥ 3 ॥
অন্য়েযমিতি নিশ্চিত্য় পানভূমৌ চচার সঃ ।
ক্রীডিতেনাপরাঃ ক্লাংতা গীতেন চ তথাঽপরাঃ ॥ 4 ॥
নৃত্তেন চাপরাঃ ক্লাংতাঃ পানবিপ্রহতাস্তথা ।
মুরজেষু মৃদংগেষু পীঠিকাসু চ সংস্থিতাঃ ॥ 5 ॥
তথাঽঽস্তরণমুখ্য়েষু সংবিষ্টাশ্চাপরাঃ স্ত্রিয়ঃ ।
অংগনানাং সহস্রেণ ভূষিতেন বিভূষণৈঃ ॥ 6 ॥
রূপসল্লাপশীলেন যুক্তগীতার্থভাষিণা ।
দেশকালাভিয়ুক্তেন যুক্তবাক্য়াভিধায়িনা ॥ 7 ॥
রতাভিরতসংসুপ্তং দদর্শ হরিয়ূথপঃ ।
তাসাং মধ্য়ে মহাবাহুঃ শুশুভে রাক্ষসেশ্বরঃ ॥ 8 ॥
গোষ্ঠে মহতি মুখ্য়ানাং গবাং মধ্য়ে যথা বৃষঃ ।
স রাক্ষসেংদ্রঃ শুশুভে তাভিঃ পরিবৃতস্স্বযম্ ॥ 9 ॥
করেণুভির্যথাঽরণ্য়ে পরিকীর্ণো মহাদ্বিপঃ ।
সর্বকামৈরুপেতাং চ পানভূমিং মহাত্মনঃ ॥ 10 ॥
দদর্শ হরিশার্দূলস্তস্য় রক্ষঃপতের্গৃহে ।
মৃগাণাং মহিষাণাং চ বরাহাণাং চ ভাগশঃ ॥ 11 ॥
তত্র ন্যস্তানি মাংসানি পানভূমৌ দদর্শ সঃ ।
রৌক্মেষু চ বিশালেষু ভাজনেষ্বর্ধভক্ষিতান্ ॥ 12 ॥
দদর্শ হরিশার্দূলো ময়ূরান্ কুক্কুটাংস্তথা ।
বরাহবার্ধ্রাণসকান্ দধিসৌবর্চলায়ুতান্ ॥ 13 ॥
শল্য়ান্ মৃগময়ূরাংশ্চ হনুমানন্ববৈক্ষত ।
ক্রকরান্বিবিধান্ সিদ্ধাংশ্চকোরানর্ধভক্ষিতান্ ॥ 14 ॥
মহিষানেকশল্য়াংশ্চ ছাগাংশ্চ কৃতনিষ্ঠিতান্ ।
লেহ্য়ানুচ্চাবচান্পেয়ান্ ভোজ্য়ানি বিবিধানি চ ॥ 15 ॥
তথাঽঽম্ললবণোত্তংসৈর্বিবিধৈরাগষাডবৈঃ ।
হারনূপুরকেয়ূরৈরপবিদ্ধৈর্মহাধনৈঃ ॥ 16 ॥
পানভাজনবিক্ষিপ্তৈঃ ফলৈশ্চ বিবিধৈরপি ।
কৃতপুষ্পোপহারা ভূরধিকং পুষ্যতি শ্রিযম্ ॥ 17 ॥
তত্র তত্র চ বিন্যস্তৈঃ সুশ্লিষ্টৈশ্শযনাসনৈঃ ।
পানভূমির্বিনা বহ্নিং প্রদীপ্তেবোপলক্ষ্যতে ॥ 18 ॥
বহুপ্রকারৈর্বিবিধৈর্বরসংস্কারসংস্কৃতৈঃ ।
মাংসৈঃ কুশলসংপৃক্তৈঃ পানভূমিগতৈঃ পৃথক্ ॥ 19 ॥
দিব্য়াঃ প্রসন্না বিবিধাঃ সুরাঃ কৃতসুরা অপি ।
শর্করাঽসবমাধ্বীকপুষ্পাসবফলাসবাঃ ॥ 20 ॥
বাসচূর্ণৈশ্চ বিবিধৈর্মৃষ্টাস্তৈস্তৈঃ পৃথক্ পৃথক্ ।
সংততা শুশুভে ভূমির্মাল্য়ৈশ্চ বহুসংস্থিতৈঃ ॥ 21 ॥
হিরণ্ময়ৈশ্চ বিবিধৈর্ভাজনৈঃ স্ফাটিকৈরপি ।
জাংবূনদময়ৈশ্চান্য়ৈঃ করকৈরভিসংবৃতা ॥ 22 ॥
রাজতেষু চ কুংভেষু জাংবূনদময়েষু চ ।
পানশ্রেষ্ঠং তদা ভূরি কপিস্তত্র দদর্শ হ ॥ 23 ॥
সোঽপশ্যচ্ছাতকুংভানি সীধোর্মণিময়ানি চ ।
রাজতানি চ পূর্ণানি ভাজনানি মহাকপিঃ ॥ 24 ॥
ক্বচিদল্পাবশেষাণি ক্বচিত্পীতানি সর্বশঃ ।
ক্বচিন্নৈব প্রপীতানি পানানি স দদর্শ হ ॥ 25 ॥
ক্বচিদ্ ভক্ষ্য়াংশ্চ বিবিধান্ ক্বচিত্পানানি ভাগশঃ ।
ক্বচিদন্নাবশেষাণি পশ্যন্বৈ বিচচার হ ॥ 26 ॥
ক্বচিত্প্রভিন্নৈঃ করকৈঃ ক্বচিদালোলিতৈর্ঘটৈঃ ।
ক্বচিত্সংপৃক্তমাল্য়ানি জলানি চ ফলানি চ ॥ 27 ॥
শযনান্যত্র নারীণাং শুভ্রাণি বহুধা পুনঃ ।
পরস্পরং সমাশ্লিষ্য় কাশ্চিত্সুপ্তা বরাংগনাঃ ॥ 28 ॥
কাশ্চিচ্চ বস্ত্রমন্যস্য়াস্স্বপংত্য়াঃ পরিধায় চ ।
আহৃত্য় চাবলাঃ সুপ্তা নিদ্রাবলপরাজিতাঃ ॥ 29 ॥
তাসামুচ্ছবাসবাতেন বস্ত্রং মাল্য়ং চ গাত্রজম্ ।
নাত্যর্থং স্পংদতে চিত্রং প্রাপ্য় মংদমিবানিলম্ ॥ 30 ॥
চংদনস্য় চ শীতস্য় শীধোর্মধুরসস্য় চ ।
বিবিধস্য় চ মাল্যস্য় ধূপস্য় বিবিধস্য় চ ॥ 31 ॥
বহুধা মারুতস্তত্র গংধং বিবিধমুদ্বহন্ ।
স্নানানাং চংদনানাং চ ধূপানাং চৈব মূর্ছিতঃ ॥ 32 ॥
প্রববৌ সুরভির্গংধো বিমানে পুষ্পকে তদা ।
শ্য়ামাবদাতাস্তত্রান্য়াঃ কাশ্চিত্কৃষ্ণা বরাংগনাঃ ॥ 33 ॥
কাশ্চিত্ কাংচনবর্ণাংগ্য়ঃ প্রমদা রাক্ষসালয়ে ।
তাসাং নিদ্রাবশত্বাচ্চ মদনেন বিমূর্ছিতম্ ॥ 34 ॥
পদ্মিনীনাং প্রসুপ্তানাং রূপমাসীদ্যথৈব হি ।
এবং সর্বমশেষেণ রাবণাংতঃ পুরং কপিঃ ॥ 35 ॥
দদর্শ সুমহাতেজাঃ ন দদর্শ চ জানকীম্ ।
নিরীক্ষমাণশ্চ তদা তাঃ স্ত্রিয়ঃ স মহাকপিঃ ॥ 36 ॥
জগাম মহতীং চিংতাং ধর্মসাধ্বসশংকিতঃ ।
পরদারাবরোধস্য় প্রসুপ্তস্য় নিরীক্ষণম্ ॥ 37 ॥
ইদং খলু মমাত্যর্থং ধর্মলোপং করিষ্যতি ।
ন হি মে পরদারাণাং দৃষ্টির্বিষযবর্তিনী ॥ 38 ॥
অয়ং চাত্র ময়া দৃষ্টঃ পরদারাপরিগ্রহঃ ।
তস্য় প্রাদুরভূচ্চিংতা পুনরন্য়া মনস্বিনঃ ॥ 39 ॥
নিশ্চিতৈকাংতচিত্তস্য় কার্যনিশ্চযদর্শিনী ।
কামং দৃষ্টা ময়া সর্বা বিশ্বস্তা রাবণস্ত্রিয়ঃ ॥ 40 ॥
ন হি মে মনসঃ কিংচিদ্বৈকৃত্যমুপজাযতে ।
মনো হি হেতুঃ সর্বেষামিংদ্রিয়াণাং প্রবর্তনে ॥ 41 ॥
শুভাশুভাস্ববস্থাসু তচ্চ মে সুব্যবস্থিতম্ ।
নান্যত্র হি ময়া শক্য়া বৈদেহী পরিমার্গিতুম্ ॥ 42 ॥
স্ত্রিয়ো হি স্ত্রীষু দৃশ্য়ংতে সদা সংপরিমার্গণে ।
যস্য় সত্ত্বস্য় যা যোনিস্তস্য়াং তত্পরিমার্গ্যতে ।
ন শক্য়া প্রমদা নষ্টা মৃগীষু পরিমার্গিতুম্ ॥ 43 ॥
তদিদং মার্গিতং তাবচ্ছুদ্ধেন মনসা ময়া ॥ 44 ॥
রাবণাংতঃপুরং সর্বং দৃশ্যতে ন তু জানকী ।
দেবগংধর্বকন্য়াশ্চ নাগকন্য়াশ্চ বীর্যবান্ ॥ 45 ॥
অবেক্ষমাণো হনুমান্নৈবাপশ্যত জানকীম্ ।
তামপশ্যন্কপিস্তত্র পশ্যঞ্শ্চান্য়া পরস্ত্রিয়ঃ ॥ 46 ॥
অপক্রম্য় তদা বীরঃ প্রধ্য়াতুমুপচক্রমে ।
স ভূযস্তু পরং শ্রীমান্ মারুতির্যত্নমাস্থিতঃ ॥ 47 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে একাদশস্সর্গঃ ॥
