ශ්රීමද්වාල්මීකීය රාමායණේ සුංදරකාංඩම් ।
අථ ඒකෝනවිංශස්සර්ගඃ ।
තස්මින්නේව තතඃ කාලේ රාජපුත්රී ත්වනිංදිතා ।
රූපයෞවනසංපන්නං භූෂණෝත්තමභූෂිතම් ॥ 1 ॥
තතෝ දෘෂ්ට්වෛව වෛදේහී රාවණං රාක්ෂසාධිපම් ।
ප්රාවේපත වරාරෝහා ප්රවාතේ කදලී යථා ॥ 2 ॥
ආච්ඡාද්යෝදරමූරුභ්යාං බාහුභ්යාං ච පයෝධරෞ ।
උපවිෂ්ටා විශාලාක්ෂී රුදංතී වරවර්ණිනී ॥ 3 ॥
දශග්රීවස්තු වෛදේහීං රක්ෂිතාං රාක්ෂසීගණෛඃ ।
දදර්ශ සීතාං දුඃඛාර්තාං නාවං සන්නාමිවාර්ණවේ ॥ 4 ॥
අසංවෘතායාමාසීනාං ධරණ්යාං සංශිතව්රතාම් ।
ඡින්නාං ප්රපතිතාං භූමෞ ශාඛාමිව වනස්පතේඃ ॥ 5 ॥
මලමංඩනචිත්රාංගීං මංඩනාර්හාමමංඩිතාම් ।
මෘණාලී පංකදිග්ධේව විභාති න විභාති ච ॥ 6 ॥
සමීපං රාජසිංහස්ය රාමස්ය විදිතාත්මනඃ ।
සංකල්පහයසංයුක්සෛර්යාංතීමිව මනෝරථෛඃ ॥ 7 ॥
ශුෂ්යංතීං රුදතීමේකාං ධ්යානශෝකපරායණාම් ।
දුඃඛස්යාංතමපශ්යංතීං රාමාං රාමමනුව්රතාම් ॥ 8 ॥
වේෂ්ටමානාං තථාऽවිෂ්ටාං පන්නගේංද්රවධූමිව ।
ධූප්යමානාං ග්රහේණේව රෝහිණීං ධූමකේතුනා ॥ 9 ॥
වෘත්තශීලකුලේ ජාතාමාචාරවති ධාර්මිකේ ।
පුනඃසංස්කාරමාපන්නාං ජාතාමිව ච දුෂ්කුලේ ॥ 10 ॥
අභූතේනාපවාදේන කීර්තිං නිපතිතාමිව ।
ආම්නායානාමයෝගේන විද්යාං ප්රශිථිලාමිව ॥ 11 ॥
සන්නාමිව මහාකීර්තිං ශ්රද්ධාමිව විමානිතාම් ।
පූජාමිව පරික්ෂීණාමාශාං ප්රතිහතාමිව ॥ 12 ॥
ආයතීමිව විධ්වස්තාමාජ්ඤාං ප්රතිහතාමිව ।
දීප්තාමිව දිශං කාලේ පූජාමපහෘතාමිව ॥ 13 ॥
පද්මිනීමිව විධ්වස්තාං හතශූරාං චමූමිව ।
ප්රභාමිව තමෝධ්වස්තාමුපක්ෂීණාමිවාපගාම් ॥ 14 ॥
වේදීමිව පරාමෘෂ්ටාං ශාංතාමග්නිශිඛාමිව ।
පෞර්ණමාසීමිව නිශාං රාහුග්රස්තේංදුමංඩලාම් ॥ 15 ॥
උත්කෘෂ්ටපර්ණකමලාං විත්රාසිතවිහංගමාම් ।
හස්තිහස්තපරාමෘෂ්ටාමාකුලාං පද්මිනීමිව ॥ 16 ॥
පතිශෝකාතුරාං ශුෂ්කාං නදීං විස්රාවිතාමිව ।
පරයා මෘජයා හීනාං කෘෂ්ණපක්ෂනිශාමිව ॥ 17 ॥
සුකුමාරීං සුජාතාංගීං රත්නගර්භගෘහෝචිතාම් ।
තප්යමානාමිවෝෂ්ණේන මෘණාලීමචිරෝද්ධෘතාම් ॥ 18 ॥
ගෘහීතාමාලිතාං ස්තංභේ යූථපේන විනාකෘතාම් ।
නිඃශ්වසංතීං සුදුඃඛාර්තාං ගජරාජවධූමිව ॥ 19 ॥
ඒකයා දීර්ඝයා වේණ්යා ශෝභමානාමයත්නතඃ ।
නීලයා නීරදාපායේ වනරාජ්යා මහීමිව ॥ 20 ॥
උපවාසේන ශෝකේන ධ්යානේන ච භයේන ච ।
පරික්ෂීණාං කෘශාං දීනාමල්පාහාරාං තපෝධනාම් ॥ 21 ॥
ආයාචමානාං දුඃඛාර්තාං ප්රාංජලිං දේවතාමිව ।
භාවේන රඝුමුඛ්යස්ය දශග්රීවපරාභවම් ॥ 22 ॥
සමීක්ෂමාණාං රුදතීමනිංදිතාං සුපක්ෂ්මතාම්රායතශුක්ලලෝචනාම් ।
අනුව්රතාං රාමමතීව මෛථිලීං ප්රලෝභයාමාස වධාය රාවණඃ ॥ 23 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ ඒකෝනවිංශස්සර්ගඃ ॥
