শ্রীমদ্বাল্মীকীয় রামাযণে সুংদরকাংডম্ ।
অথ দ্বিতীযস্সর্গঃ ।
স সাগরমনাদৃষ্যমতিক্রম্য় মহাবলঃ ।
ত্রিকূটশিখরে লংকাং স্থিতাং স্বস্থো দদর্শ হ ॥ 1 ॥
ততঃ পাদপমুক্তেন পুষ্পবর্ষেণ বীর্যবান্ ।
অভিবৃষ্টঃ স্থিতস্তত্র বভৌ পুষ্পময়ো যথা ॥ 2 ॥
যোজনানাং শতং শ্রীমাংস্তীর্ত্বাপ্য়ুত্তমবিক্রমঃ ।
অনিঃশ্বসন্ কপিস্তত্র ন গ্লানিমধিগচ্ছতি ॥ 3 ॥
শতান্যহং যোজনানাং ক্রমেয়ং সুবহূন্যপি ।
কিং পুনঃ সাগরস্য়াংতং সংখ্য়াতং শতয়োজনম্ ॥ 4 ॥
স তু বীর্যবতাং শ্রেষ্ঠঃ প্লবতামপি চোত্তমঃ ।
জগাম বেগবান্ লংকাং লংঘয়িত্বা মহোদধিম্ ॥ 5 ॥
শাদ্বলানি চ নীলানি গংধবংতি বনানি চ ।
গংডবংতি চ মধ্য়েন জগাম নগবংতি চ ॥ 6 ॥
শৈলাংশ্চ তরুসংছন্নান্ বনারাজীশ্চ পুষ্পিতাঃ ।
অভিচক্রাম তেজস্বী হনুমান্ প্লবগর্ষভঃ ॥ 7 ॥
স তস্মিন্নচলে তিষ্ঠন্বনান্য়ুপবনানি চ ।
স নগাগ্রে চ তাং লংকাং দদর্শ পবনাত্মজঃ ॥ 8 ॥
সরলান্ কর্ণিকারাংশ্চ খর্জূরাংশ্চ সুপুষ্পিতান্ ।
প্রিয়ালূন্মুচুলিংদাংশ্চ কুটজান্ কেতকানপি ॥ 9 ॥
প্রিয়ংংগূন্ গংধপূর্ণাংশ্চ নীপান্ সপ্তচ্ছদাংস্তথা ।
আসনান্ কোবিদারাংশ্চ করবীরাংশ্চ পুষ্পিতান্ ॥ 10 ॥
পুষ্পভারনিবদ্ধাংশ্চ তথা মুকুলিতানপি ।
পাদপান্ বিহগাকীর্ণান্ পবনাধূতমস্তকান্ ॥ 11 ॥
হংসকারংডবাকীর্ণা বাপীঃ পদ্মোত্মলায়ুতাঃ ।
আক্রীডান্ বিবিধান্ রম্য়াবন্ বিবিধাংশ্চ জলাশয়ান্ ॥ 12 ॥
সংততান্ বিবিধৈর্বৃক্ষৈঃ সর্বর্তুফলপুষ্পিতৈঃ ।
উদ্য়ানানি চ রম্য়াণি দদর্শ কপিকুংজরঃ ॥ 13 ॥
সমাসাদ্য় চ লক্ষ্মীবান্ লংকাং রাবণপালিতাম্ ।
পরিখাভিঃ সপদ্মাভিঃ সোত্পলাভিরলংকৃতাম্ ॥ 14 ॥
সীতাপহরণার্থেন রাবণেন সুরক্ষিতাম্ ।
সমংতাদ্বিচরদ্ভিশ্চ রাক্ষসৈরুগ্রধন্বিভিঃ ॥ 15 ॥
কাংচনেনাবৃতাং রম্য়াং প্রাকারেণ মহাপুরীম্ ।
গৃহৈশ্চ গ্রহসংকাশৈঃ শারদাংবুদসন্নিভৈঃ ॥ 16 ॥
পাংডুরাভিঃ প্রতোলীভিরুচ্চাভিরভিসংবৃতাম্ ।
অট্টালকশতাকীর্ণাং পতাকাধ্বজমালিনীম্ ॥ 17 ॥
তোরণৈঃ কাংচনৈর্দিব্য়ৈর্লতাপঙ্ত্কিবিচিত্রিতৈঃ ।
দদর্শ হনুমান্ লংকাং দিবি দেবপুরীং যথা ॥ 18 ॥
গিরিমূর্ধ্নিং স্থিতাং লংকাং পাংডুরৈর্ভবনৈঃ শুভৈঃ ।
দদর্শ স কপিশ্রেষ্ঠঃ পুরমাকাশগং যথা ॥ 19 ॥
পালিতাং রাক্ষসেংদ্রেণ নির্মিতাং বিশ্বকর্মণা ।
প্লবমানমিবাকাশে দদর্শ হনুমান্ পুরীম্ ॥ 20 ॥
বপ্রপ্রাকারজঘনাং বিপুলাংবুনবাংবরাম্ ।
শতঘ্নীশূলকেশাংতামট্টালকবতংসকাম্ ॥ 21 ॥
মনসেব কৃতাং লংকাং নির্মিতাং বিশ্বকর্মণা ।
দ্বারমুত্তরমাসাদ্য় চিংতয়ামাস বানরঃ ॥ 22 ॥
কৈলাসশিখরপ্রখ্য়ামালিখংতীমিবাংবরম্ ।
ডীযমানামিবাকাশমুচ্ছ্রিতৈর্ভবনোত্তমৈঃ ॥ 23 ॥
সংপূর্ণাং রাক্ষসৈর্ঘোরৈর্নাগৈর্ভোগবতীমিব ।
অচিংত্য়াং সুকৃতাং স্পষ্টাং কুবেরাধ্য়ুষিতাং পুরা ॥ 24 ॥
দংষ্ট্রিভির্বহুভিঃ শূরৈঃ শূলপট্টসপাণিভিঃ ।
রক্ষিতাং রাক্ষসৈর্ঘোরৈর্গুহামাশীবিষৈরিব ॥ 25 ॥
তস্য়াশ্চ মহতীং গুপ্তিং সাগরং চ নিরীক্ষ্য় সঃ ।
রাবণং চ রিপুং ঘোরং চিংতয়ামাস বানরঃ ॥ 26 ॥
আগত্য়াপীহ হরয়ো ভবিষ্য়ংতি নিরর্থকাঃ ।
ন হি যুদ্ধেন বৈ লংকা শক্য়া জেতুং সুরৈরপি ॥ 27 ॥
ইমাং তু বিষমাং দুর্গাং লংকাং রাবণপালিতাম্ ।
প্রাপ্য়াপি স মহাবাহুঃ কিং করিষ্যতি রাঘবঃ ॥ 28 ॥
অবকাশো নসাংত্বস্য় রাক্ষসেষ্বভিগম্যতে ।
ন দানস্য় ন ভেদস্য় নৈব যুদ্ধস্য় দৃশ্যতে ॥ 29 ॥
চতুর্ণামেব হি গতির্বানরাণাং মহাত্মনাম্ ।
বালিপুত্রস্য় নীলস্য় মম রাজ্ঞশ্চ ধীমতঃ ॥ 30 ॥
যাবজ্জানামি বৈদেহীং যদি জীবতি বা ন বা ।
তত্রৈব চিংতয়িষ্য়ামি দৃষ্ট্বা তাং জনকাত্মজাম্ ॥ 31 ॥
ততঃ স চিংতয়ামাস মুহূর্তং কপিকুংজরঃ ।
গিরিশৃংগে স্থিতস্তস্মিন্ রামস্য়াভ্য়ুদয়ে রতঃ ॥ 32 ॥
অনেন রূপেণ ময়া ন শক্য়া রক্ষসাং পুরী ।
প্রবেষ্টুং রাক্ষসৈর্গুপ্তা ক্রূরৈর্বলসমন্বিতৈঃ ॥ 33 ॥
উগ্রৌজসো মহাবীর্য়া বলবংতশ্চ রাক্ষসাঃ ।
বংচনীয়া ময়া সর্বে জানকীং পরিমার্গতা ॥ 34 ॥
লক্ষ্য়ালক্ষ্য়েণ রূপেণ রাত্রৌ লংকা পুরী ময়া ।
প্রবেষ্টুং প্রাপ্তকালং মে কৃত্য়ং সাধয়িতুং মহত্ ॥ 35 ॥
তাং পুরীং তাদৃশীং দৃষ্ট্বা দুরাধর্ষাং সুরাসুরৈঃ ।
হনুমান্ চিংতয়ামাস বিনিশ্চিত্য় মুহুর্মুহুঃ ॥ 36 ॥
কেনোপায়েন পশ্য়েয়ং মৈথিলীং জনকাত্মজাম্ ।
অদৃষ্টো রাক্ষসেংদ্রেণ রাবণেন দুরাত্মনা ॥ 37 ॥
ন বিনশ্য়েত্কথং কার্য়ং রামস্য় বিদিতাত্মনঃ ।
একামেকশ্চ বশ্য়েয়ং রহিতে জনকাত্মজাম্ ॥ 38 ॥
ভূতাশ্চার্থা বিপদ্য়ংতে দেশকালবিরোধিতাঃ ।
বিক্লবং দূতমাসাদ্য় তমঃ সূর্য়োদয়ে যথা ॥ 39 ॥
অর্থানর্থাংতরে বুদ্ধির্নিশ্চিতাপি ন শোভতে ।
ঘাতয়ংতি হি কার্য়াণি দূতাঃ পংডিতমানিনঃ ॥ 40 ॥
ন বিনশ্য়েত্কথং কার্য়ং বৈক্লব্য়ং ন কথং ভবেত্ ।
লংঘনং চ সমুদ্রস্য় কথং নু ন বৃথা ভবেত্ ॥ 41 ॥
ময়ি দৃষ্টে তু রক্ষোভী রামস্য় বিদিতাত্মনঃ ।
ভবেদ্ব্যর্থমিদং কার্য়ং রাবণানর্থমিচ্ছতঃ ॥ 42 ॥
ন হি শক্য়ং ক্বচিত্ স্থাতুমবিজ্ঞাতেন রাক্ষসৈঃ ।
অপি রাক্ষসরূপেণ কিমুতান্য়েন কেনচিত্ ॥ 43 ॥
বায়ুরপ্যত্র নাজ্ঞাতশ্চরেদিতি মতির্মম ।
ন হ্য় স্ত্যবিদিতং কিংচিদ্রাক্ষসানাং বলীযসাম্ ॥ 44 ॥
ইহাহং যদি তিষ্ঠামি স্বেন রূপেণ সংবৃতঃ ।
বিনাশমুপয়াস্য়ামি ভর্তুরর্থশ্চ হীযতে ॥ 45 ॥
তদহং স্বেন রূপেণ রজন্য়াং হ্রস্বতাং গতঃ ।
লংকামভিপতিষ্য়ামি রাঘবস্য়ার্থসিদ্ধয়ে ॥ 46 ॥
রাবণস্য় পুরীং রাত্রৌ প্রবিশ্য় সুদুরাসদাম্ ।
বিচিন্বন্ ভবনং সর্বং দ্রক্ষ্য়ামি জনকাত্মজাম্ ॥ 47 ॥
ইতি সংচিংত্য় হনুমান্ সূর্যস্য়াস্তময়ং কপিঃ ।
আচকাংক্ষে তদা বীরো বৈদেহ্য়া দর্শনোত্সুকঃ ॥ 48 ॥
সূর্য়ে চাস্তং গতে রাত্রৌ দেহং সংক্ষিপ্য় মারুতিঃ ।
পৃষদংশকমাত্রঃ সন্ বভূবাদ্ভুতদর্শনঃ ॥ 49 ॥
প্রদোষকালে হনুমাংস্তূর্ণমুত্প্লুত্য় বীর্যবান্ ।
প্রবিবেশ পুরীং রম্য়াং সুবিভক্তমহাপথাম্ ॥ 50 ॥
প্রাসাদমালাবিততাং স্তংভৈঃ কাংচনরাজতৈঃ ।
শাতকুংভময়ৈর্জালৈর্গংথর্বনগরোপমাম্ ॥ 51 ॥
সপ্তভৌমাষ্টভৌমৈশ্চ স দদর্শ মহাপুরীম্ ।
তলৈঃ স্ফাটিকসংকীর্ণৈঃ কার্তস্বরবিভূষিতৈঃ ॥ 52 ॥
বৈডূর্যমণিচিত্রৈশ্চ মুক্তাজালবিভূষিতৈঃ ।
তলৈঃ শুশুভিরে তানি ভবনান্যত্র রক্ষসাম্ ॥ 53 ॥
কাংচনানি চ চিত্রাণি তোরণানি চ রক্ষসাম্ ।
লংকামুদ্য়োতয়ামাসুঃ সর্বতঃ সমলংকৃতাম্ ॥ 54 ॥
অচিংত্য়ামদ্ভুতাকারাং দৃষ্টবা লংকাং মহাকপিঃ ।
আসীদ্বিষণ্ণো হৃষ্টশ্চ বৈদেহ্য়া দর্শনোত্সুকঃ ॥ 55 ॥
স পাংডুরাবিদ্ধবিমানমালিনীং মহার্হজাংবূনদজালতোরণাম্ ।
যশস্বিনীং রাবণবাহুপালিতাং ক্ষপাচরৈর্ভীমবলৈঃ সমাবৃতাম্ ॥ 56 ॥
চংদ্রোঽপি সাচিব্যমিবাস্য় কুর্বংস্তারাগণৈর্মধ্যগতো বিরাজন্ ।
জ্য়োত্স্নাবিতানেন বিতত্য় লোক মুত্তিষ্ঠতে নৈকসহস্ররশ্মিঃ ॥ 57 ॥
শংখপ্রভং ক্ষীরমৃণালবর্ণ মুদ্গচ্ছমানং ব্যবভাসমানম্ ।
দদর্শ চংদ্রং স হরিপ্রবীরঃ পোপ্লূযমানং সরসীব হংসম্ ॥ 58 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে দ্বিতীযস্সর্গঃ ॥
