শ্রীমদ্বাল্মীকীয় রামাযণে সুংদরকাংডম্ ।
অথ চতুর্বিংশস্সর্গঃ ।
ততঃ সীতামুপাগম্য় রাক্ষস্য়ো বিকৃতাননাঃ ।
পরুষং পরুষা নার্য় ঊচুস্তাং বাক্যমপ্রিযম্ ॥ 1 ॥
কিং ত্বমংতঃপুরে সীতে সর্বভূতমনোহরে ।
মহার্হশযনোপেতে ন বাসমনুমন্যসে ॥ 2 ॥
মানুষী মানুষস্য়ৈব ভার্য়াত্বং বহুমন্যসে ।
প্রত্য়াহর মনো রামান্ন ত্বং জাতু ভবিষ্যসি ॥ 3 ॥
ত্রৈলোক্যবসুভোক্তারং রাবণং রাক্ষসেশ্বরম্ ।
ভর্তারমুপসংগম্য় বিহরস্ব যথাসুখম্ ॥ 4 ॥
মানুষী মানুষং তং তু রামমিচ্ছসি শোভনে ।
রাজ্য়াদ্ভ্র্রষ্টমসিদ্ধার্থং বিক্লবং ত্বমনিংদিতে ॥ 5 ॥
রাক্ষসীনাং বচঃ শ্রুত্বা সীতা পদ্মনিভেক্ষণা ।
নেত্রাভ্য়ামশ্রুপূর্ণাভ্য়ামিদং বচনমব্রবীত্ ॥ 6 ॥
যদিদং লোকবিদ্বিষ্টমুদাহরথ সংগতাঃ ।
নৈতন্মনসি বাক্য়ং মে কিল্বিষং প্রতিভাতি বঃ ॥ 7 ॥
ন মানুষী রাক্ষসস্য় ভার্য়া ভবিতুমর্হতি ।
কামং খাদত মাং সর্বা ন করিষ্য়ামি বো বচঃ ॥ 8 ॥
দীনো বা রাজ্যহীনো বা যো মে ভর্তা স মে গুরুঃ ।
তং নিত্যমনুরক্তাস্মি যথা সূর্য়ং সুবর্চলা ॥ 9 ॥
যথা শচী মহাভাগা শক্রং সমুপতিষ্ঠতি ।
অরুংধতী বসিষ্ঠং চ রোহিণী শশিনং যথা ॥ 10 ॥
লোপামুদ্রা যথাগস্ত্য়ং সুকন্য়া চ্যবনং যথা ।
সাবিত্রী সত্যবংতং চ কপিলং শ্রীমতী যথা ॥ 11 ॥
সৌদাসং মদয়ংতীব কেশিনী সগরং যথা ।
নৈষধং দময়ংতীব ভৈমী পতিমনুব্রতা ॥ 12 ॥
তথাঽহমিক্ষ্বাকুবরং রামং পতিমনুব্রতা ।
সীতায়া বচনং শ্রুত্বা রাক্ষস্য়ঃ ক্রোধমূর্ছিতাঃ ॥ 13 ॥
ভর্ত্সয়ংতি স্ম পরুষৈর্বাক্য়ৈ রাবণচোদিতাঃ ।
অবলীনঃ স নির্বাক্য়ো হনূমান্ শিংশুপাদ্রুমে ॥ 14 ॥
যসীতাং সংতর্জয়ংতীস্তা রাক্ষসীরশৃণোত্ কপিঃ ।
তামভিক্রম্য় সংকৃদ্ধা বেপমানাং সমংততঃ ॥ 15 ॥
ভৃশং সংলিলিহুর্দীপ্তান্ প্রলংবান্ দশনচ্ছদান্ ।
ঊচুশ্চ পরমক্রুদ্ধাঃ প্রগৃহ্য়াশু পরশ্বধান্ ॥ 16 ॥
নেযমর্হতি ভর্তারং রাবণং রাক্ষসাধিপম্ ।
সা ভর্ত্স্যমানা ভীমাভী রাক্ষসীভির্বরাননা ॥ 17 ॥
সবাষ্পমপ সর্পংতী শিংশুপাং তামুপাগমত্ ।
ততস্তাং শিংশুপাং সীতা রাক্ষসীভিঃ সমাবৃতা ॥ 18 ॥
অভিগম্য় বিশালাক্ষী তস্থৌ শোকপরিপ্লুতা ।
তাং কৃশাং দীনবদনাং মলিনাংবরধারিণীম্ ॥ 19 ॥
ভর্ত্সয়াংচক্রিরে সীতাং রাক্ষস্যস্তাং সমংততঃ ।
ততস্তাং বিনতা নাম রাক্ষসী ভীমদর্শনা ॥ 20 ॥
অব্রবীত্কুপিতাকারা করালা নির্ণতোদরী ।
সীতে পর্য়াপ্তমেতাবদ্ভর্তুঃ স্নেহো নিদর্শিতঃ ॥ 21 ॥
সর্বাত্রাতিকৃতং ভদ্রে ব্যসনায়োপকল্পতে পরিতুষ্টাস্মি ভদ্রং তে মানুষস্তে কৃতো বিধিঃ ॥ 22 ॥
মমাপি তু বচঃ পথ্য়ং ব্রুবংত্য়াঃ কুরু মৈথিলি ।
রাবণং ভজ ভর্তারং ভর্তারং সর্বরক্ষসাম্ ॥ 23 ॥
বিক্রাংতং রূপবংতং চ সুরেশমিব বাসবম্ ।
দক্ষিণং ত্য়াগশীলং চ সর্বস্য় প্রিযদর্শনম্ ॥ 24 ॥
মানুষং কৃপণং রামং ত্যক্ত্বা, রাবণমাশ্রয় ।
দিব্য়াংগরাগা বৈদেহি দিব্য়াভরণভূষিতা ॥ 25 ॥
অদ্যপ্রভৃতি সর্বেষাং লোকানামীশ্বরী ভব ।
অগ্নেঃ স্বাহা যথা দেবী শচী বেংদ্রস্য় শোভনে ॥ 26 ॥
কিং তে রামেণ বৈদেহি কৃপণেন গতায়ুষা ।
এতদুক্তং চ মে বাক্য়ং যদি ত্বং ন করিষ্যসি ॥ 27 ॥
অস্মিন্মুহূর্তে সর্বাস্ত্বাং ভক্ষয়িষ্য়ামহে বযম্ ।
অন্য়া তু বিকটা নাম লংবমানপয়োধরা ॥ 28 ॥
অব্রবীত্কুপিতা সীতাং মুষ্টিমুদ্যম্য় গর্জতী ।
বহূন্যপ্রিযরূপাণি বচনানি সুদুর্মতে ॥ 29 ॥
অনুক্রোশান্মৃদুত্বাচ্চ সোঢানি তব মৈথিলি ।
ন চ নঃ কুরুষে বাক্য়ং হিতং কালপুরস্কৃতম্ ॥ 30 ॥
আনীতাসি সমুদ্রস্য় পারমন্য়ৈর্দুরাসদম্ ।
রাবণাংতঃপুরং ঘোরং প্রবিষ্টা চাসি মৈথিলি ॥ 31 ॥
রাবণস্য় গৃহে রুদ্ধামস্মাভিস্তু সুরক্ষিতাম্ ।
ন ত্বাং শক্তঃ পরিত্রাতুমপি সাক্ষাত্পুরংদরঃ ॥ 32 ॥
কুরুষ্ব হিতবাদিন্য়া বচনং মম মৈথিলি ।
অলমশ্রুপ্রপাতেন ত্যজ শোকমনর্থকম্ ॥ 33 ॥
ভজ প্রীতিং চ হর্ষং চ ত্যজৈতাং নিত্যদৈন্যতাম্ ।
সীতে রাক্ষসরাজেন সহ ক্রীড যথাসুখম্ ॥ 34 ॥
জানাসি হি যথা ভীরু স্ত্রীণাং যৌবনমধ্রুবম্ ।
যাবন্ন তে ব্যতিক্রামেত্তাবত্সুখমবাপ্নুহি ॥ 35 ॥
উদ্য়ানানি চ রম্য়াণি পর্বতোপবনানি চ ।
সহ রাক্ষসরাজেন চর ত্বং মদিরেক্ষণে ॥ 36 ॥
স্ত্রী সহস্রাণি তে সপ্ত বশে স্থাস্য়ংতি সুংদরি ।
রাবণং ভজ ভর্তারং ভর্তারং সর্বরক্ষসাম্ ॥ 37 ॥
উত্পাট্য় বা তে হৃদয়ং ভক্ষয়িষ্য়ামি মৈথিলি ।
যদি মে ব্য়াহৃতং বাক্য়ং ন যথাবত্করিষ্যসি ॥ 38 ॥
ততশ্চংডোদরী নাম রাক্ষসী ক্রোধমূর্ছিতা ।
ভ্রাময়ংতী মহচ্ছূলমিদং বচনমব্রবীত্ ॥ 39 ॥
ইমাং হরিণলোলাক্ষীং ত্রাসোত্কংপিপয়োধরাম্ ।
রাবণেন হৃতাং দৃষ্টবা দৌহৃদো মে মহানভূত্ ॥ 40 ॥
যকৃত্প্লীহমথোত্পীডং হৃদয়ং চ সবংধনম্ ।
আংত্রাণ্যপি তথা শীর্ষং খাদেযমিতি মে মতিঃ ॥ 41 ॥
ততস্তু প্রঘসা নাম রাক্ষসী বাক্যমব্রবীত্ ।
কংঠমস্য়া নৃশংসায়াঃ পীডয়াম কিমাস্যতে ॥ 42 ॥
নিবেদ্যতাং ততো রাজ্ঞে মানুষী সা মৃতেতি হ ।
নাত্র কশ্চন সংদেহঃ খাদতেতি স বক্ষ্যতি ॥ 43 ॥
ততস্ত্বজামুখী নাম রাক্ষসী বাক্যমব্রবীত্ ।
বিশস্য়েমাং ততঃ সর্বাঃ সমান্ কুরুত পিংডকান্ ॥ 44 ॥
বিভজাম ততঃ সর্বা বিবাদো মে ন রোচতে ।
পেযমানীযতাং ক্ষিপ্রং লেহ্যমুচ্চাবচং বহু ॥ 45 ॥
ততঃ শূর্পণখা নাম রাক্ষসী বাক্যমব্রবীত্ ।
অজামুখ্য়া যদুক্তং হি তদেব মম রোচতে ॥ 46 ॥
সুরা চানীযতাং ক্ষিপ্রং সর্বশোকবিনাশিনী ।
মানুষং মাংসমাস্বাদ্য় নৃত্য়ামোঽথ নিকুংভিলাম্ ॥ 47 ॥
এবং সংভর্ত্স্যমানা সা সীতা সুরসুতোপমা ।
রাক্ষসীভিঃ সুঘোরাভির্দৈর্যমুত্সৃজ্য় রোদিতি ॥ 48 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে চতুর্বিংশস্সর্গঃ ॥
