শ্রীমদ্বাল্মীকীয় রামাযণে সুংদরকাংডম্ ।
অথ একোনত্রিংশস্সর্গঃ ।
তথাগতাং তাং ব্যথিতামনিংদিতাং ব্যপেতহর্ষাং পরিদীনমানসাম্ ।
শুভাং নিমিত্তানি শুভানি ভেজিরে নরং শ্রিয়া জুষ্টমিবোপজীবিনঃ ॥ 1 ॥
তস্য়াঃ শুভং বামমরালপক্ষ্ম রাজীবৃতং কৃষ্ণবিশালশুক্লম্ ।
প্রাস্পংদতৈকং নযনং সুকেশ্য়া মীনাহতং পদ্মমিবাভিতাম্রম্ ॥ 2 ॥
ভুজশ্চ চার্বংচিতপীনবৃত্তঃ পরার্থ্যকালাগরুচংদনার্হঃ ।
অনুত্তমেনাধ্য়ুষিতঃ প্রিয়েণ চিরেণ বামঃ সমবেপতাঽশু ॥ 3 ॥
গজেংদ্রহস্তপ্রতিমশ্চ পীন স্তয়োর্দ্বয়োঃ সম্হতয়োঃ সুজাতঃ ।
প্রস্পংদমানঃ পুনরূরুরস্য়া রামং পুরস্তাত্ স্থিতমাচচক্ষে ॥ 4 ॥
শুভং পুনর্হেমসমানবর্ণ মীষদ্রজোধ্বস্তমিবামলাক্ষ্য়াঃ ।
বাস স্স্থিতায়া শ্শিখরাগ্রদংত্য়াঃ কিংচিত্পরিস্রংসত চারুগাত্য়্রাঃ ॥ 5 ॥
এতৈর্নিমিত্তৈরপরৈশ্চ সুভ্রূঃ সংবোধিতা প্রাগপি সাধু সিদ্ধৈঃ ।
বাতাতপক্লাংতমিব প্রণষ্টং বর্ষেণ বীজং প্রতিসংজহর্ষ ॥ 6 ॥
তস্য়াঃ পুনর্বিংবফলাধরোষ্ঠং স্বক্ষিভ্রুকেশাংতমরালপক্ষ্ম ।
বক্ত্রং বভাসে সিতশুক্লদংষ্ট্রং রাহোর্মুখাচ্চংদ্র ইব প্রমুক্তঃ ॥ 7 ॥
সা বীতশোকা ব্যপনীততংদ্রী শাংতজ্বরা হর্ষবিবুদ্ধসত্ত্বা ।
অশোভতার্য়া বদনেন শুক্লে শীতাংশুনা রাত্রিরিবোদিতেন ॥ 8 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে একোনত্রিংশস্সর্গঃ ॥
