ශ්රීමද්වාල්මීකීය රාමායණේ සුංදරකාංඩම් ।
අථ ඒකෝනත්රිංශස්සර්ගඃ ।
තථාගතාං තාං ව්යථිතාමනිංදිතාං ව්යපේතහර්ෂාං පරිදීනමානසාම් ।
ශුභාං නිමිත්තානි ශුභානි භේජිරේ නරං ශ්රියා ජුෂ්ටමිවෝපජීවිනඃ ॥ 1 ॥
තස්යාඃ ශුභං වාමමරාලපක්ෂ්ම රාජීවෘතං කෘෂ්ණවිශාලශුක්ලම් ।
ප්රාස්පංදතෛකං නයනං සුකේශ්යා මීනාහතං පද්මමිවාභිතාම්රම් ॥ 2 ॥
භුජශ්ච චාර්වංචිතපීනවෘත්තඃ පරාර්ථ්යකාලාගරුචංදනාර්හඃ ।
අනුත්තමේනාධ්යුෂිතඃ ප්රියේණ චිරේණ වාමඃ සමවේපතාऽශු ॥ 3 ॥
ගජේංද්රහස්තප්රතිමශ්ච පීන ස්තයෝර්ද්වයෝඃ සම්හතයෝඃ සුජාතඃ ।
ප්රස්පංදමානඃ පුනරූරුරස්යා රාමං පුරස්තාත් ස්ථිතමාචචක්ෂේ ॥ 4 ॥
ශුභං පුනර්හේමසමානවර්ණ මීෂද්රජෝධ්වස්තමිවාමලාක්ෂ්යාඃ ।
වාස ස්ස්ථිතායා ශ්ශිඛරාග්රදංත්යාඃ කිංචිත්පරිස්රංසත චාරුගාත්ය්රාඃ ॥ 5 ॥
ඒතෛර්නිමිත්තෛරපරෛශ්ච සුභ්රූඃ සංබෝධිතා ප්රාගපි සාධු සිද්ධෛඃ ।
වාතාතපක්ලාංතමිව ප්රණෂ්ටං වර්ෂේණ බීජං ප්රතිසංජහර්ෂ ॥ 6 ॥
තස්යාඃ පුනර්බිංබඵලාධරෝෂ්ඨං ස්වක්ෂිභ්රුකේශාංතමරාලපක්ෂ්ම ।
වක්ත්රං බභාසේ සිතශුක්ලදංෂ්ට්රං රාහෝර්මුඛාච්චංද්ර ඉව ප්රමුක්තඃ ॥ 7 ॥
සා වීතශෝකා ව්යපනීතතංද්රී ශාංතජ්වරා හර්ෂවිබුද්ධසත්ත්වා ।
අශෝභතාර්යා වදනේන ශුක්ලේ ශීතාංශුනා රාත්රිරිවෝදිතේන ॥ 8 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ ඒකෝනත්රිංශස්සර්ගඃ ॥
