ශ්රීමද්වාල්මීකීය රාමායණේ සුංදරකාංඩම් ।
අථ ද්විපංචාශස්සර්ගඃ ।
තස්ය තද්වචනං ශ්රුත්වා වානරස්ය මහාත්මනඃ ।
ආජ්ඤාපයද්වධං තස්ය රාවණඃ ක්රෝධමූර්ඡිතඃ ॥ 1 ॥
වධේ තස්ය සමාජ්ඤප්තේ රාවණේන දුරාත්මනා ।
නිවේදිතවතෝ දෞත්යං නානුමේනේ විභීෂණඃ ॥ 2 ॥
තං රක්ෂෝධිපතිං ක්රුද්ධං තච්ච කාර්යමුපස්ථිතම් ।
විදිත්වා චිංතයාමාස කාර්යං කාර්යවිධෞ ස්ථිතඃ ॥ 3 ॥
නිශ්චිතාර්ථස්තතස්සාම්නා පූජ්යං ශත්රුජිදග්රජම් ।
උවාච හිතමත්යර්ථං වාක්යං වාක්යවිශාරදඃ ॥ 4 ॥
ක්ෂමස්ව රෝෂං ත්යජ රාක්ෂසේංද්ර ප්රසීද මද්වාක්යමිදං ශෘණුෂ්ව ।
වධං න කුර්වංති පරාවරජ්ඤා දූතස්ය සංතෝ වසුධාධිපේංද්රාඃ ॥ 5 ॥
රාජධර්මවිරුද්ධං ච ලෝකවෘත්තේශ්ච ගර්හිතම් ।
තව චාසදෘශං වීර කපේරස්ය ප්රමාපණම් ॥ 6 ॥
ධර්මජ්ඤශ්ච කෘතජ්ඤශ්ච රාජධර්මවිශාරදඃ ।
පරාවරජ්ඤෝ භූතානාං ත්වමේව පරමාර්ථවිත් ॥ 7 ॥
ගෘහ්යංතේ යදි රෝෂේණ ත්වාදෘශෝऽපි විචක්ෂණඃ ।
තත ශ්ශාස්ත්රවිපශ්චිත්ත්වං ශ්රම ඒව හි කේවලම් ॥ 8 ॥
තස්මාත්ප්රසීද ශත්රුඝ්න රාක්ෂසේංද්ර දුරාසද ।
යුක්තායුක්තං විනිශ්චිත්ය දූතදංඩෝ විධීයතාම් ॥ 9 ॥
විභීෂණවචඃ ශ්රුත්වා රාවණෝ රාක්ෂසේශ්වරඃ ।
රෝෂේණ මහතාවිෂ්ටෝ වාක්යමුත්තරමබ්රවීත් ॥ 10 ॥
න පාපානාං වධේ පාපං විද්යතේ ශත්රුසූදන ।
තස්මාදේනං වධිෂ්යාමි වානරං පාපචාරිණම් ॥ 11 ॥
අධර්මමූලං බහුදෝෂයුක්තමනාර්යජුෂ්ටං වචනං නිශම්ය ।
උවාච වාක්යං පරමාර්ථතත්ත්වං විභීෂණෝ බුද්ධිමතාං වරිෂ්ඨඃ ॥ 12 ॥
ප්රසීද ලංකේශ්වර රාක්ෂසේංද්ර ධර්මාර්ථයුක්තං වචනං ශෘණුෂ්ව ।
දූතානවධ්යාන් සමයේෂු රාජන් සර්වේෂු සර්වත්ර වදංති සංතඃ ॥ 13 ॥
අසංශයං ශත්රුරයං ප්රවෘද්ධඃ කෘතං හ්යනේනාප්රියමප්රමේයම් ।
න දූතවධ්යාං ප්රවදංති සංතෝ දූතස්ය දෘෂ්ටා බහවෝ හි දංඩාඃ ॥ 14 ॥
වෛරූප්යමංගේෂු කශාභිඝාතෝ මෞංඩ්යං තථා ලක්ෂණසන්නිපාතඃ ।
ඒතාන් හි දූතේ ප්රවදංති දංඩාන් වධස්තු දූතස්ය න නඃ ශ්රුතෝऽස්ති ॥ 15 ॥
කථං ච ධර්මාර්ථවිනීතබුද්ධිඃ පරාවරප්රත්යයනිශ්චිතාර්ථඃ ।
භවද්විධඃ කෝපවශේ හි තිෂ්ඨේත් කෝපං නියච්ඡංති හි සත්ත්වවංතඃ ॥ 16 ॥
න ධර්මවාදේ න ච ලෝකවෘත්තේ න ශාස්ත්රබුද්ධිග්රහණේෂු චාපි ।
විද්යේත කශ්චිත්තව වීර තුල්ය ස්ත්වංහ්යුත්තමස්සර්වසුරාසුරාණාම් ॥ 17 ॥
ශූරේණ වීරේණ නිශාචරේංද්ර සුරාසුරාණාමපි දුර්ජයේන ।
ත්වයා ප්රගල්භාඃ සුරදෛත්යසංඝා ජිතාශ්ච යුද්ධේෂ්වසකෘන්නරේංද්රාඃ ॥ 18 ॥
න චාප්යස්ය කපේර්ඝාතේ කංචිත්පශ්යාම්යහං ගුණම් ।
තේෂ්වයං පාත්යතාං දංඩෝ යෛරයං ප්රේෂිතඃ කපිඃ ॥ 19 ॥
සාධුර්වා යදි වාऽසාධුඃ පරෛරේෂ සමර්පිතඃ ।
බ්රුවන් පරාර්ථං පරවාන්න දූතෝ වධමර්හති ॥ 20 ॥
අපි චාස්මින් හතේ රාජන්නාන්යං පශ්යාමි ඛේචරම් ।
ඉහ යඃ පුනරාගච්ඡේත්පරං පාරං මහෝදධේඃ ॥ 21 ॥
තස්මාන්නාස්ය වධේ යත්නඃ කාර්යඃ පරපුරංජය ।
භවාන් සේංද්රේෂු දේවේෂු යත්නමාස්ථාතුමර්හති ॥ 22 ॥
අස්මින්විනෂ්ටේ න හි වීරමන්යං පශ්යාමි යස්තෞ වරරාජපුත්රෞ ।
යුද්ධාය යුද්ධප්රියදුර්විනීතාවුද්යෝජයේද්ධීර්ඝපථාවරුද්ධෞ ॥ 23 ॥
පරාක්රමෝත්සාහමනස්විනාං ච සුරාසුරාණාමපි දුර්ජයේන ।
ත්වයා මනෝනංදන නෛතානාං යුද්ධායතිර්නාශයතුං න යුක්තා ॥ 24 ॥
හිතාශ්ච ශූරාශ්ච සමාහිතාශ්ච කුලේෂු ජාතාශ්ච මහාගුණේෂු ।
මනස්විනශ්ශස්ත්රභෘතාං වරිෂ්ඨාඃ කෝට්යග්රතස්තේ සුභෘතාශ්ච යෝධාඃ ॥ 25 ॥
තදේකදේශේන බලස්ය තාවත්කේචිත්තවාऽऽදේශකෘතෝऽභියාංතු තෞ රාජපුත්රෞ විනිගෘහ්ය මූඪෞ පරේෂු තේ භාවයිතුං ප්රභාවම් ॥ 26 ॥
නිශාචරාණාමධිපෝऽනුජස්ය විභීෂණස්යෝත්තමවාක්යමිෂ්ටම් ।
ජග්රාහ බුද්ධ්යා සුරලෝකශත්රු ර්මහාබලෝ රාක්ෂසරාජමුඛ්යඃ ॥ 27 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ ද්විපංචාශස්සර්ගඃ ॥
