শ্রীমদ্বাল্মীকীয় রামাযণে সুংদরকাংডম্ ।
অথ দ্বিপংচাশস্সর্গঃ ।
তস্য় তদ্বচনং শ্রুত্বা বানরস্য় মহাত্মনঃ ।
আজ্ঞাপযদ্বধং তস্য় রাবণঃ ক্রোধমূর্ছিতঃ ॥ 1 ॥
বধে তস্য় সমাজ্ঞপ্তে রাবণেন দুরাত্মনা ।
নিবেদিতবতো দৌত্য়ং নানুমেনে বিভীষণঃ ॥ 2 ॥
তং রক্ষোধিপতিং ক্রুদ্ধং তচ্চ কার্যমুপস্থিতম্ ।
বিদিত্বা চিংতয়ামাস কার্য়ং কার্যবিধৌ স্থিতঃ ॥ 3 ॥
নিশ্চিতার্থস্ততস্সাম্না পূজ্য়ং শত্রুজিদগ্রজম্ ।
উবাচ হিতমত্যর্থং বাক্য়ং বাক্যবিশারদঃ ॥ 4 ॥
ক্ষমস্ব রোষং ত্যজ রাক্ষসেংদ্র প্রসীদ মদ্বাক্যমিদং শৃণুষ্ব ।
বধং ন কুর্বংতি পরাবরজ্ঞা দূতস্য় সংতো বসুধাধিপেংদ্রাঃ ॥ 5 ॥
রাজধর্মবিরুদ্ধং চ লোকবৃত্তেশ্চ গর্হিতম্ ।
তব চাসদৃশং বীর কপেরস্য় প্রমাপণম্ ॥ 6 ॥
ধর্মজ্ঞশ্চ কৃতজ্ঞশ্চ রাজধর্মবিশারদঃ ।
পরাবরজ্ঞো ভূতানাং ত্বমেব পরমার্থবিত্ ॥ 7 ॥
গৃহ্য়ংতে যদি রোষেণ ত্বাদৃশোঽপি বিচক্ষণঃ ।
তত শ্শাস্ত্রবিপশ্চিত্ত্বং শ্রম এব হি কেবলম্ ॥ 8 ॥
তস্মাত্প্রসীদ শত্রুঘ্ন রাক্ষসেংদ্র দুরাসদ ।
যুক্তায়ুক্তং বিনিশ্চিত্য় দূতদংডো বিধীযতাম্ ॥ 9 ॥
বিভীষণবচঃ শ্রুত্বা রাবণো রাক্ষসেশ্বরঃ ।
রোষেণ মহতাবিষ্টো বাক্যমুত্তরমব্রবীত্ ॥ 10 ॥
ন পাপানাং বধে পাপং বিদ্যতে শত্রুসূদন ।
তস্মাদেনং বধিষ্য়ামি বানরং পাপচারিণম্ ॥ 11 ॥
অধর্মমূলং বহুদোষয়ুক্তমনার্যজুষ্টং বচনং নিশম্য় ।
উবাচ বাক্য়ং পরমার্থতত্ত্বং বিভীষণো বুদ্ধিমতাং বরিষ্ঠঃ ॥ 12 ॥
প্রসীদ লংকেশ্বর রাক্ষসেংদ্র ধর্মার্থয়ুক্তং বচনং শৃণুষ্ব ।
দূতানবধ্য়ান্ সময়েষু রাজন্ সর্বেষু সর্বত্র বদংতি সংতঃ ॥ 13 ॥
অসংশয়ং শত্রুরয়ং প্রবৃদ্ধঃ কৃতং হ্যনেনাপ্রিযমপ্রমেযম্ ।
ন দূতবধ্য়াং প্রবদংতি সংতো দূতস্য় দৃষ্টা বহবো হি দংডাঃ ॥ 14 ॥
বৈরূপ্যমংগেষু কশাভিঘাতো মৌংড্য়ং তথা লক্ষণসন্নিপাতঃ ।
এতান্ হি দূতে প্রবদংতি দংডান্ বধস্তু দূতস্য় ন নঃ শ্রুতোঽস্তি ॥ 15 ॥
কথং চ ধর্মার্থবিনীতবুদ্ধিঃ পরাবরপ্রত্যযনিশ্চিতার্থঃ ।
ভবদ্বিধঃ কোপবশে হি তিষ্ঠেত্ কোপং নিযচ্ছংতি হি সত্ত্ববংতঃ ॥ 16 ॥
ন ধর্মবাদে ন চ লোকবৃত্তে ন শাস্ত্রবুদ্ধিগ্রহণেষু চাপি ।
বিদ্য়েত কশ্চিত্তব বীর তুল্য় স্ত্বংহ্য়ুত্তমস্সর্বসুরাসুরাণাম্ ॥ 17 ॥
শূরেণ বীরেণ নিশাচরেংদ্র সুরাসুরাণামপি দুর্জয়েন ।
ত্বয়া প্রগল্ভাঃ সুরদৈত্যসংঘা জিতাশ্চ যুদ্ধেষ্বসকৃন্নরেংদ্রাঃ ॥ 18 ॥
ন চাপ্যস্য় কপের্ঘাতে কংচিত্পশ্য়াম্যহং গুণম্ ।
তেষ্বয়ং পাত্যতাং দংডো যৈরয়ং প্রেষিতঃ কপিঃ ॥ 19 ॥
সাধুর্বা যদি বাঽসাধুঃ পরৈরেষ সমর্পিতঃ ।
ব্রুবন্ পরার্থং পরবান্ন দূতো বধমর্হতি ॥ 20 ॥
অপি চাস্মিন্ হতে রাজন্নান্য়ং পশ্য়ামি খেচরম্ ।
ইহ যঃ পুনরাগচ্ছেত্পরং পারং মহোদধেঃ ॥ 21 ॥
তস্মান্নাস্য় বধে যত্নঃ কার্য়ঃ পরপুরংজয় ।
ভবান্ সেংদ্রেষু দেবেষু যত্নমাস্থাতুমর্হতি ॥ 22 ॥
অস্মিন্বিনষ্টে ন হি বীরমন্য়ং পশ্য়ামি যস্তৌ বররাজপুত্রৌ ।
যুদ্ধায় যুদ্ধপ্রিযদুর্বিনীতাবুদ্য়োজয়েদ্ধীর্ঘপথাবরুদ্ধৌ ॥ 23 ॥
পরাক্রমোত্সাহমনস্বিনাং চ সুরাসুরাণামপি দুর্জয়েন ।
ত্বয়া মনোনংদন নৈতানাং যুদ্ধাযতির্নাশযতুং ন যুক্তা ॥ 24 ॥
হিতাশ্চ শূরাশ্চ সমাহিতাশ্চ কুলেষু জাতাশ্চ মহাগুণেষু ।
মনস্বিনশ্শস্ত্রভৃতাং বরিষ্ঠাঃ কোট্যগ্রতস্তে সুভৃতাশ্চ যোধাঃ ॥ 25 ॥
তদেকদেশেন বলস্য় তাবত্কেচিত্তবাঽঽদেশকৃতোঽভিয়াংতু তৌ রাজপুত্রৌ বিনিগৃহ্য় মূঢৌ পরেষু তে ভাবয়িতুং প্রভাবম্ ॥ 26 ॥
নিশাচরাণামধিপোঽনুজস্য় বিভীষণস্য়োত্তমবাক্যমিষ্টম্ ।
জগ্রাহ বুদ্ধ্য়া সুরলোকশত্রু র্মহাবলো রাক্ষসরাজমুখ্য়ঃ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে দ্বিপংচাশস্সর্গঃ ॥
