শ্রীমদ্বাল্মীকীয় রামাযণে বালকাংডম্ ।
অথ অষ্টষষ্টিতমস্সর্গঃ ।
জনকেন সমাদিষ্টা দূতাস্তে ক্লাংতবাহনাঃ ।
ত্রিরাত্রমুষিতা মার্গে তেঽয়োধ্য়াং প্রাবিশন্ পুরীম্ ॥ 1 ॥
রাজ্ঞো ভবনমাসাদ্য় দ্বারস্থানিদমব্রুবন্ ।
শীঘ্রং নিবেদ্যতাং রাজ্ঞে দূতান্নো জনকস্য় চ ॥ 2 ॥
ইত্য়ুক্তা দ্বারপালাস্তে রাঘবায় ন্যবেদযন্ ।
তে রাজবচনাদ্দূতা রাজবেশ্মপ্রবেশিতাঃ ।
দদৃশুর্দেবসংকাশং বৃদ্ধং দশরথং নৃপম্ ॥ 3 ॥
বদ্ধাংজলিপুটা স্সর্বে দূতা বিগতসাধ্বসাঃ ।
রাজানং প্রযতা বাক্যমব্রুবন্মধুরাক্ষরম্ ॥ 4 ॥
মৈথিলো জনকো রাজা সাগ্নিহোত্রপুরস্কৃতম্ ।
কুশলং চাব্যয়ং চৈব সোপাধ্য়াযপুরোহিতম্ ॥ 5 ॥
মুহুর্মুহুর্মধুরয়া স্নেহসংয়ুক্তয়া গিরা ।
জনকস্ত্বাং মহারাজ পৃচ্ছতে সপুরস্সরম্ ॥ 6 ॥
পৃষ্ট্বা কুশলমব্যগ্রং বৈদেহো মিথিলাধিপঃ ।
কৌশিকানুমতে বাক্য়ং ভবংতমিদমব্রবীত্ ॥ 7 ॥
পূর্বং প্রতিজ্ঞা বিদিতা বীর্যশুল্কা মমাত্মজা ।
রাজানশ্চ কৃতামর্ষানির্বীর্য়া বিমুখীকৃতাঃ ॥ 8 ॥
সেয়ং মম সুতা রাজন্ বিশ্বামিত্রপুরস্সরৈঃ ।
যদৃচ্ছয়াগতৈর্বীরৈর্নির্জিতা তব পুত্রকৈঃ ॥ 9 ॥
তচ্চ রাজন্ ধনুর্দিব্য়ং মধ্য়ে ভগ্নং মহাত্মনা ।
রামেণ হি মহারাজ মহত্য়াং জনসংসদি ॥ 10 ॥
অস্মৈ দেয়া ময়া সীতা বীর্যশুল্কা মহাত্মনে ।
প্রতিজ্ঞাং কর্তুমিচ্ছামি তদনুজ্ঞাতুমর্হসি ॥ 11 ॥
সোপাধ্য়ায়ো মহারাজ পুরোহিতপুরস্সরঃ ।
শীঘ্রমাগচ্ছ ভদ্রং তে দ্রষ্টুমর্হসি রাঘবৌ ॥ 12 ॥
প্রীতিং চ মম রাজেংদ্র নির্বর্তয়িতুমর্হসি ।
পুত্রয়োরুভয়োরেব প্রীতিং ত্বমপি লপ্স্যসে ॥ 13 ॥
এবং বিদেহাধিপতির্মধুরং বাক্যমব্রবীত্ ॥ 14 ॥
বিশ্বামিত্রাভ্যনুজ্ঞাত শ্শতানংদমতে স্থিতঃ ।
ইত্য়ুক্ত্বা বিরতা দূতা রাজগৌরবশংকিতাঃ ॥ 15 ॥
দূতবাক্য়ং চ তচ্ছ্রুত্বা রাজা পরমহর্ষিতঃ ।
বসিষ্ঠং বামদেবং চ মংত্রিণোঽন্য়াংশ্চ সোঽব্রবীত্ ॥ 16 ॥
গুপ্তঃ কুশিকপুত্রেণ কৌসল্য়ানংদবর্ধনঃ ।
লক্ষ্মণেন সহ ভ্রাত্রা বিদেহেষু বসত্যসৌ ॥ 17 ॥
দৃষ্টবীর্যস্তু কাকুত্স্থো জনকেন মহাত্মনা ।
সংপ্রদানং সুতায়াস্তু রাঘবে কর্তুমিচ্ছতি ॥ 18 ॥
যদি বো রোচতে বৃত্তং জনকস্য় মহাত্মনঃ ।
পুরীং গচ্ছামহে শীঘ্রং মা ভূত্কালস্য় পর্যয়ঃ ॥ 19 ॥
মংত্রিণো বাঢমিত্য়াহুঃ সহ সর্বৈর্মহর্ষিভিঃ ।
সুপ্রীতশ্চাব্রবীদ্রাজা শ্বো যাত্রেতি স মংত্রিণঃ ॥ 20 ॥
মংত্রিণস্তু নরেংদ্রস্য় রাত্রিং পরমসত্কৃতাঃ ।
ঊষু স্তেমুদিতা স্সর্বে গুণৈ স্সর্বৈস্সমন্বিতাঃ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে অষ্টষষ্টিতমস্সর্গঃ ॥
