শ্রীমদ্বাল্মীকীয় রামাযণে বালকাংডম্ ।
অথ সপ্ততিতমস্সর্গঃ ।
ততঃ প্রভাতে জনকঃ কৃতকর্মা মহর্ষিভিঃ ।
উবাচ বাক্য়ং বাক্যজ্ঞ শ্শতানংদং পুরোহিতম্ ॥ 1 ॥
ভ্রাতা মম মহাতেজা যবীয়ানতিধার্মিকঃ ।
কুশধ্বজ ইতি খ্য়াতঃ পুরীমধ্যবসচ্ছুভাম্ ॥ 2 ॥
বার্য়াফলকপর্য়ংতাং পিবন্নিক্ষুমতীং নদীম্ ।
সাংকাশ্য়াং পুণ্যসংকাশাং বিমানমিব পুষ্পকম্ ॥ 3 ॥
তমহং দ্রষ্টুমিচ্ছামি যজ্ঞগোপ্তা স মে মতঃ ।
প্রীতিং সোঽপি মহাতেজা ইমাং ভোক্তা ময়া সহ ॥ 4 ॥
এবমুক্তে তু বচনে শতানংদস্য় সন্নিধৌ ।
আগতাঃ কেচিদব্যগ্রা জনকস্তান্ সমাদিশত্ ॥ 5 ॥
শাসনাত্তু নরেংদ্রস্য় প্রযয়ুশ্শীঘ্রবাজিভিঃ ।
সমানেতুং নরব্য়াঘ্রং বিষ্ণুমিংদ্রাজ্ঞয়া যথা ॥ 6 ॥
সাংকাশ্য়াং তে সমাগত্য় দদৃশুশ্চ কুশধ্বজম্ ।
ন্যবেদযন্যথাবৃত্তং জনকস্য় চ চিংতিতম্ ॥ 7 ॥
তদ্বৃত্তং নৃপতি শ্শৃত্বা দূতশ্রেষ্ঠৈর্মহাবলৈঃ ।
অজ্ঞায়াঽথ নরেংদ্রস্য় আজগাম কুশধ্বজঃ ॥ 8 ॥
স দদর্শ মহাত্মানং জনকং ধর্মবত্সলম্ ।
সোঽভিবাদ্য় শতানংদং রাজানং চাপি ধার্মিকম্ ॥ 9 ॥
রাজার্হং পরমং দিব্যমাসনং চাঽধ্যরোহত ।
উপবিষ্টাবুভৌ তৌ তু ভ্রাতরাবতিতেজসৌ ॥ 10 ॥
প্রেষয়ামাসতুর্বীরৌ মংত্রিশ্রেষ্ঠং সুদামনম্ ।
গচ্ছ মংত্রিপতে শীঘ্রমৈক্ষ্বাকুমমিতপ্রভম্ ॥ 11 ॥
আত্মজৈস্সহ দুর্ধর্ষমানযস্ব সমংত্রিণম্ ।
ঔপকার্য়াং স গত্বা তু রঘূণাং কুলবর্ধনম্ ॥ 12 ॥
দদর্শ শিরসা চৈনমভিবাদ্য়েদমব্রবীত্ ।
অয়োধ্য়াধিপতে বীর বৈদেহো মিথিলাধিপঃ ॥ 13 ॥
স ত্বাং দ্রষ্টুং ব্যবসিতস্সোপাধ্য়াযপুরোহিতম্ ।
মংত্রিশ্রেষ্ঠবচ শ্শৃত্বা রাজা সর্ষিগণস্তদা ॥ 14 ॥
সবংধুরগমত্তত্র জনকো যত্র বর্ততে ।
স রাজা মংত্রিসহিত স্সোপাধ্য়ায়ঃ সবাংধবঃ ॥ 15 ॥
বাক্য়ং বাক্যবিদাং শ্রেষ্ঠো বৈদেহমিদমব্রবীত্ ।
বিদিতং তে মহারাজ ইক্ষ্বাকুকুলদৈবতম্ ॥ 16 ॥
বক্তা সর্বেষু কৃত্য়েষু বসিষ্ঠো ভগবানৃষিঃ ।
বিশ্বামিত্রাভ্যনুজ্ঞাতস্সহ সর্বৈর্মহর্ষিভিঃ ॥ 17 ॥
এষ বক্ষ্যতি ধর্মাত্মা বসিষ্ঠো মে যথাক্রমম্ ।
এবমুক্ত্বা নরশ্রেষ্ঠে রাজ্ঞাং মধ্য়ে মহাত্মনাম্ ॥ 18 ॥
তূষ্ণীংভূতে দশরথে বসিষ্ঠো ভগবানৃষিঃ ।
উবাচ বাক্য়ং বাক্যজ্ঞো বৈদেহং সপুরোধসম্ ॥ 19 ॥
অব্যক্তপ্রভবো ব্রহ্মা শাশ্বতো নিত্য় অব্যয়ঃ ।
তস্মান্মরীচি স্সংজজ্ঞে মরীচেঃ কাশ্যপঃ সুতঃ ॥ 20 ॥
বিবস্বান্ কাশ্যপাজ্জজ্ঞে মনুর্বৈবস্বত স্স্মৃতঃ ।
মনুঃ প্রজাপতিঃ পূর্বমিক্ষ্বাকুস্তু মনোস্সুতঃ ॥ 21 ॥
তমিক্ষ্বাকুময়োধ্য়ায়াং রাজানং বিদ্ধি পূর্বকম্ ।
ইক্ষ্বাকোস্তু সুতশ্শ্রীমান্ কুক্ষিরিত্য়েব বিশ্রুতঃ ॥ 22 ॥
কুক্ষেরথাত্মজঃ শ্রীমান্ বিকুক্ষিরুদপদ্যত ।
বিকুক্ষেস্তু মহাতেজা বাণঃ পুত্রঃ প্রতাপবান্ ॥ 23 ॥
বাণস্য় তু মহাতেজা অনরণ্য়ঃ প্রতাপবান্ ।
অনরণ্য়াত্পৃথুর্জজ্ঞে ত্রিশংকুস্তু পৃথোস্সুতঃ ॥ 24 ॥
ত্রিশংকোরভবত্পুত্রো দুংদুমারো মহাযশাঃ ।
যুবনাশ্বসুতস্ত্বাসীন্মাংধাতা পৃথিবীপতিঃ ॥ 25 ॥
মাংধাতুস্তু সুত শ্শ্রীমান্ সুসংধিরুদপদ্যত ।
সুসংধেরপি পুত্রৌ দ্বৌ ধ্রুবসংধিঃ প্রসেনজিত্ ॥ 26 ॥
যশস্বী ধ্রুবসংধেস্তু ভরতো নাম নামতঃ ।
ভরতাত্তু মহাতেজা অসিতো নাম জাতবান্ ॥ 27 ॥
যস্য়ৈতে প্রতিরাজান উদপদ্য়ংত শত্রবঃ ।
হৈহয়াস্তালজংঘাশ্চ শূরাশ্চ শশিবিংদবঃ ॥ 28 ॥
তাংস্তু স প্রতিয়ুধ্যন্ বৈ যুদ্ধে রাজা প্রবাসিতঃ ।
হিমবংতমুপাগম্য় ভৃগুপ্রস্রবণেঽবসত্ ॥ 29 ॥
অসিতোঽল্পবলো রাজা মংত্রিভিস্সহিতস্তদা ।
দ্বে চাস্য় ভার্য়ে গর্ভিণ্য়ৌ বভূবতুরিতি শ্রুতম্ ॥ 30 ॥
একা গর্ভবিনাশায় সপত্ন্য়ৈ সগরং দদৌ ।
তত শ্শৈলবরং রম্য়ং বভূবাভিরতো মুনিঃ ॥ 31 ॥
ভার্গবশ্চ্যবনো নাম হিমবংতমুপাশ্রিতঃ ।
তত্রৈকা তু মহাভাগা ভার্গবং দেববর্চসম্ ॥ 32 ॥
ববংদে পদ্মপত্রাক্ষী কাংক্ষংতী সুতমাত্মনঃ ।
তমৃষিং সাঽভ্য়ুপাগম্য় কালিংদী চাভ্যবাদযত্ ॥ 33 ॥
স তামভ্যবদদ্বিপ্রঃ পুত্রেপ্সুং পুত্রজন্মনি ।
তব কুক্ষৌ মহাভাগে সুপুত্রস্সুমহাবলঃ ॥ 34 ॥
মহাবীর্য়ো মহাতেজা অচিরাত্সংজনিষ্যতি ।
গরেণ সহিত শ্শ্রীমান্ মা শুচঃ কমলেক্ষণে ॥ 35 ॥
চ্যবনং তু নমস্কৃত্য় রাজপুত্রী পতিব্রতা ।
পতিশোকাতুরা তস্মাত্পুত্রং দেবী ব্যজাযত ॥ 36 ॥
সপত্ন্য়া তু গরস্তস্য়ৈ দত্তো গর্ভজিঘাংসয়া ।
সহ তেন গরেণৈব জাতঃ স সগরোঽভবত্ ॥ 37 ॥
সগরস্য়াসমংজস্তু অসমংজাত্তথাংঽশুমান্ ।
দিলীপোংঽশুমতঃ পুত্রো দিলীপস্য় ভগীরথঃ ॥ 38 ॥
ভগীরথাত্ককুত্স্থশ্চ ককুত্স্থস্য় রঘুস্সুতঃ ।
রঘোস্তু পুত্রস্তেজস্বী প্রবৃদ্ধঃ পুরুষাদকঃ ॥ 39 ॥
কল্মাষপাদো হ্যভবত্তস্মাজ্জাতস্তু শংখণঃ ।
সুদর্শনঃ শংঘণস্য় অগ্নিবর্ণ স্সুদর্শনাত্ ॥ 40 ॥
শীঘ্রগস্ত্বগ্নিবর্ণস্য় শীঘ্রগস্য় মরু স্সুতঃ ।
মরোঃ প্রশুশ্রুকস্ত্বাসীদংবরীষঃ প্রশুশ্রৃকাত্ ॥ 41 ॥
অংবরীষস্য় পুত্রোঽভূন্নহুষঃ পৃথিবীপতিঃ ।
নহুষস্য় যয়াতিস্তু নাভাগস্তু যয়াতিজঃ ॥ 42 ॥
নাভাগস্য় বভূবাজঃ অজাদ্দশরথোঽভবত্ ।
অস্মাদ্দশরথাজ্জাতৌ ভ্রাতরৌ রামলক্ষ্মণৌ ॥ 43 ॥
আদিবংশবিশুদ্ধানাং রাজ্ঞাং পরমধর্মিণাম্ ।
ইক্ষ্বাকুকুলজাতানাং বীরাণাং সত্যবাদিনাম্ ॥ 44 ॥
রামলক্ষ্মণয়োরর্থে ত্বত্সুতে বরয়ে নৃপ ।
সদৃশাভ্য়াং নৃপশ্রেষ্ঠ সদৃশে দাতুমর্হসি ॥ 45 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে সপ্ততিতমস্সর্গঃ ॥
