শ্রীমদ্বাল্মীকীয় রামাযণে বালকাংডম্ ।
অথ নবমস্সর্গঃ ।
এতচ্ছ্রুত্বা রহস্সূতো রাজানমিদমব্রবীত্ ।
ঋত্বিগ্ভিরুপদিষ্টোঽয়ং পুরাবৃত্তো ময়া শ্রুতঃ ॥ 1 ॥
সনত্কুমারো ভগবান্পূর্বং কথিতবান্কথাম্ ।
ঋষীণাং সন্নিধৌ রাজন্ তব পুত্রাগমং প্রতি ॥ 2 ॥
কাশ্যপস্যতু পুত্রোঽস্তি বিভংডক ইতি শ্রুতঃ ।
ঋষ্যশৃংগ ইতি খ্য়াতস্তস্য় পুত্রো ভবিষ্যতি ॥ 3 ॥
স বনে নিত্যসংবৃদ্ধো মুনির্বনচরস্সদা ।
নান্য়ং জানাতি বিপ্রেংদ্রো নিত্য়ং পিত্রনুবর্তনাত্ ॥ 4 ॥
দ্বৈবিধ্য়ং ব্রহ্মচর্যস্য় ভবিষ্যতি মহাত্মনঃ ।
লোকেষু প্রথিতং রাজন্বিপ্রৈশ্চ কথিতং সদা ॥ 5 ॥
তস্য়ৈবং বর্তমানস্য় কালস্সমভিবর্তত ।
অগ্নিং শুশ্রূষমাণস্য় পিতরং চ যশস্বিনম্ ॥ 6 ॥
এতস্মিন্নেব কালে তু রোমপাদঃ প্রতাপবান্ ।
অংগেষু প্রথিতো রাজা ভবিষ্যতি মহাবলঃ ॥ 7 ॥
তস্য় ব্যতিক্রমাদ্রাজ্ঞো ভবিষ্যতি সুদারুণা ।
অনাবৃষ্টিস্সুঘোরা বৈ সর্বভূতভয়াবহা ॥ 8 ॥
অনাবৃষ্ট্য়াং তু বৃত্তায়াং রাজা দুঃখসমন্বিতঃ ।
ব্রাহ্মণান্শ্রুতবৃদ্ধাংশ্চ সমানীয় প্রবক্ষ্যতি ॥ 9 ॥
ভবংতশ্শ্রুতধর্মাণো লোকচারিত্রবেদিনঃ ।
সমাদিশংতু নিযমং প্রাযশ্চিত্তং যথা ভবেত্ ॥ 10 ॥
বক্ষ্য়ংতি তে মহীপালং ব্রাহ্মণা বেদপারগাঃ ।
বিভংডকসুতং রাজন্সর্বোপায়ৈরিহানয় ॥ 11 ॥
আনায়্য় চ মহীপাল ঋশ্যশৃংগং সুসত্কৃতম্ ।
প্রযচ্ছ কন্য়াং শাংতাং বৈ বিধিনা সুসমাহিতঃ ॥ 12 ॥
তেষাং তু বচনং শ্রুত্বা রাজা চিংতাং প্রপত্স্যতে ।
কেনোপায়েন বৈ শক্য় ইহানেতুং স বীর্যবান্ ॥ 13 ॥
ততো রাজা বিনিশ্চিত্য় সহ মংত্রিভিরাত্মবান্ ।
পুরোহিতমমাত্য়াংশ্চ ততঃ প্রেষ্যতি সত্কৃতান্ ॥ 14 ॥
তে তু রাজ্ঞো বচশ্শ্রুশৃত্বা ব্যথিতা বিনতাননাঃ ।
ন গচ্ছেম ঋষের্ভীতা অনুনেষ্য়ংতি তং নৃপম্ ॥ 15 ॥
বক্ষ্য়ংতি চিংতয়িত্বা তে তস্য়োপায়াংশ্চ তত্ক্ষমান্ ।
আনেষ্য়ামো বয়ং বিপ্রং ন চ দোষো ভবিষ্যতি ॥ 16 ॥
এবমংগাধিপেনৈব গণিকাভিঃ ঋষেস্সুতঃ ।
আনীতোঽবর্ষযদ্দেবশ্শাংতা চাস্মৈ প্রদীযতে ॥ 17 ॥
ঋশ্যশৃংগস্তু জামাতা পুত্রাংস্তব বিধাস্যতি ।
সনত্কুমারকথিতমেতাবদ্ব্য়াহৃতং ময়া ॥ 18 ॥
অথ হৃষ্টো দশরথস্সুমংত্রং প্রত্যভাষত ।
যথর্শ্যশৃংগস্ত্বানীতো বিস্তরেণ ত্বয়োচ্যতাম্ ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে নবমস্সর্গঃ ॥
