শ্রীমদ্বাল্মীকীয় রামাযণে অয়োধ্য়াকাংডম্ ।
অথ একাদশস্সর্গঃ ।
তং মন্মথশরৈর্বিদ্ধমং কামবেগবশানুগম্ ।
উবাচ পৃথিবীপালং কৈকেয়ী দারুণং বচঃ ॥ 1 ॥
নাস্মি বিপ্রকৃতাদেব কেনচিন্নাবমানিতা ।
অভিপ্রাযস্তু মে কশ্চিত্তমিচ্ছামি ত্বয়া কৃতম্ ॥ 2 ॥
প্রতিজ্ঞাং প্রতিজানীষ্ব যদি ত্বং কর্তুমিচ্ছসি ।
অথ তদ্ব্য়াহরিষ্য়ামি যদভিপ্রার্থিতং ময়া ॥ 3 ॥
তামুবাচ মহাতেজাঃ কৈকেয়ীমীষদুত্স্মিতঃ ।
কামী হস্তেন সংগৃহ্য় মূর্ধজেষু শুচিস্মিতাম্ ॥ 4 ॥
আবলিপ্তে ন জানাসি ত্বত্তঃ প্রিযতরো মম ।
মনুজো মনুজব্য়াঘ্রাদ্রামাদন্য়ো ন বিদ্যতে ॥ 5 ॥
তেনাজয়্য়েন মুখ্য়েন রাঘবেণ মহাত্মনা ।
শপে তে জীবনার্হেণ ব্রূহি যন্মনসেচ্ছাসি ॥ 6 ॥
যং মুহূর্তমপশ্য়ংস্তু ন জীবেযমহং ধ্রুবম্ ।
তেন রামেণ কৈকেয়ি শপে তে বচনক্রিয়াম্ ॥ 7 ॥
আত্মনা বাত্মজৈশ্চান্য়ৈর্বৃণেয়ং মনুজর্ষভম্ ।
তেন রামেণ কৈকেয়ি শপে তে বচনক্রিয়াম্ ॥ 8 ॥
ভদ্রে হৃদযমপ্য়েতদনুমৃশোদ্ধরস্ব মে ।
এতত্সমীক্ষ্য় কৈকেয়ি ব্রূহি যত্সাধু মন্যসে ॥ 9 ॥
বলমাত্মনি জানংতী ন মাং শংকিতুমর্হসি ।
করিষ্য়ামি তব প্রীতিং সুকৃতেনাপি তে শপে ॥ 10 ॥
সা তদর্থমনা দেবী তমভিপ্রাযমাগতম্ ।
নির্মাধ্যস্থ্য়াচ্চ হর্ষাচ্চ বভাষে দুর্বচং বচঃ ॥ 11 ॥
তেন বাক্য়েন সংহৃষ্টা তমভিপ্রাযমাগতম্ ।
ব্য়াজহার মহাঘোরমভ্য়াগতমিবাংতকম্ ॥ 12 ॥
যথা ক্রমে শপসি বরং মম দদাসি চ ।
তচ্ছৃণ্বংতু ত্রযস্ত্রিংশদ্দেবাস্সাগ্নিপুরোগমাঃ ॥ 13 ॥
চংদ্রাদিত্য়ৌ নভশ্চৈব গ্রহা রাত্র্যহনী দিশঃ ।
জগচ্চ পৃথিবী চেয়ং সগংধর্বা সরাক্ষসা ॥ 14 ॥
নিশাচরাণি ভূতানি গৃহেষু গৃহদেবতা ।
যানি চান্য়ানি ভূতানি জানীয়ুর্ভাষিতং তব ॥ 15 ॥
সত্যসংধো মহাতেজাঃ ধর্মজ্ঞঃ সুসমাহিতঃ ।
বরং মম দদাত্য়েষ তন্মে শ্রৃণ্বংতু দৈবতাঃ ॥ 16 ॥
ইতি দেবী মহেষ্বাসং পরিগৃহ্য়াভিশস্য় চ ।
ততঃ পরমুবাচেদং বরদং কামমোহিতম্ ॥ 17 ॥
স্মর রাজন্ পুরাবৃত্তং তস্মিন্ দৈবাসুরে রণে ।
তত্র চাচ্য়াবযচ্ছত্রুস্তব জীবিতমংতরা ॥ 18 ॥
তত্র চাপি ময়া দেব যত্ত্বং সমভিরক্ষিতঃ ।
জাগ্রত্য়া যতমানায়াস্ততো মে প্রাদদা বরৌ ॥ 19 ॥
তৌ তু দত্তৌ বরৌ দেব নিক্ষেপৌ মৃগয়াম্যহম্ ।
তথৈব পৃথিবীপাল সকাশে সত্যসংগর ॥ 20 ॥
তত্ প্রতিশ্রুত্য় ধর্মেণ ন চেদ্দাস্যসি মে বরম্ ।
অদ্য়ৈব হি প্রহাস্য়ামি জীবিতং ত্বদ্বিমানিতা ॥ 21 ॥
বাঙ্মাত্রেণ তদা রাজা কৈকেয়্য়া স্ববশে কৃতঃ ।
প্রচস্কংদ বিনাশায় পাশং মৃগ ইবাত্মনঃ ॥ 22 ॥
ততঃ পরমুবাচেদং বরদং কামমোহিতম্ ।
বরৌ যৌ মে ত্বয়া দেব তদা দত্তৌ মহীপতে ॥ 23 ॥
তৌ তাবদহমদ্য়ৈব বক্ষ্য়ামি শৃণু মে বচঃ ।
অভিষেকসমারংভো রাঘবস্য়োপকল্পিতঃ ॥ 24 ॥
অনেনৈবাভিষেকেণ ভরতো মেঽভিষিচ্যতাম্ ।
যো দ্বিতীয়ো বরো দেব দত্তঃ প্রীতেন মে ত্বয়া ॥ 25 ॥
তদা দৈবাসুরে যুদ্ধে তস্য় কালোঽযমাগত ।
নব পংচ চ বর্ষাণি দংডকারণ্যমাশ্রিতঃ ॥ 26 ॥
চীরাজিনজটাধারী রামো ভবতু তাপসঃ ।
ভরতো ভজতামদ্য় যৌবরাজ্যমকংটকম্ ॥ 27 ॥
এষ মে পরমঃ কামো দত্তমেব বরং বৃণে ।
অদ্য় চৈব হি পশ্য়েয়ং প্রয়াংতং রাঘবং বনম্ ॥ 28 ॥
স রাজরাজঃ ভব সত্যসংগরঃ কুলং চ শীলং চ হি রক্ষ জন্ম চ ।
পরত্রবাসে হি বদংত্যনুত্তমং তপোধনাস্সত্যবচো হিতং নৃণাম্ ॥ 29 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একাদশস্সর্গঃ ॥
