শ্রীমদ্বাল্মীকীয় রামাযণে অয়োধ্য়াকাংডম্ ।
অথ চতুর্দশাধিকশততমস্সর্গঃ ।
স্নিগ্ধগংভীরঘোষেণ স্য়ংদনেনোপয়ান্প্রভুঃ ।
অয়োধ্য়াং ভরতঃ ক্ষিপ্রং প্রবিবেশ মহাযশাঃ ॥ 1 ॥
বিডালোলূকচরিতামালীননরবারণাম্ ।
তিমিরাভ্য়াহতাং কালীমপ্রকাশাং নিশামিব ॥ 2 ॥
রাহুশত্রোঃ প্রিয়াং পত্নীং শ্রিয়া প্রজ্বলিতপ্রভাম্ ।
গ্রহেণাভ্য়ুত্থিতেনৈকাং রোহিণীমিব পীডিতাম্ ॥ 3 ॥
অল্পোষ্ণক্ষুব্ধসলিলাং ঘর্মোত্তপ্তবিহংগমাম্ ।
লীনমীনঝষগ্রাহাং কৃশাং গিরিনদীমিব ॥ 4 ॥
বিধূমামিব হেমাভামধ্বরাগ্নে স্সমুত্থিতাম্ ।
হবিরভ্য়ুক্ষিতাং পশ্চাচ্ছিখাং বিপ্রলয়ং গতাম্ ॥ 5 ॥
বিধ্বস্তকবচাং রুগ্ণগজবাজিরথধ্বজাম্ ।
হতপ্রবীরামাপন্নাং চমূমিব মহাহবে ॥ 6 ॥
সফেনাং সস্বনাং ভূত্বা সাগরস্য় সমুত্থিতাম্ ।
প্রশাংতমারুতোদ্ধূতাং জলোর্মিমিব নিস্স্বনাম্ ॥ 7 ॥
ত্যক্তাং যজ্ঞায়ুধৈঃ সর্বৈরভিরূপৈশ্চ যাজকৈঃ ।
সুত্য়াকালে সুনির্বৃত্তে বেদিং গতরবামিব ॥ 8 ॥
গোষ্ঠমধ্য়ে স্থিতামার্তামচরংতীং তৃণং নবম্ ।
গোবৃষেণ পরিত্যক্তাং গবাং পক্তিমিবোত্সুকাম্ ॥ 9 ॥
প্রভাকরাদ্য়ৈ স্সুস্নিগ্ধৈঃ প্রজ্বলদ্ভিরিবোত্তমৈঃ ।
বিয়ুক্তাং মণিভির্জাত্য়ৈর্নবাং মুক্তাবলীমিব ॥ 10 ॥
সহসা চলিতাং স্থানান্মহীং পুণ্যক্ষয়াদ্গতাম্ ।
সংবৃতদ্য়ুতিবিস্তারাং তারামিব দিবশ্চ্য়ুতাম্ ॥ 11 ॥
পুষ্পনদ্ধাং বসংতাংতে মত্তভ্রমরনাদিতাম্ ।
দ্রুতদাবাগ্নি বিপ্লুষ্টাং ক্লাংতাং বনলতামিব ॥ 12 ॥
সম্মূঢনিগমাংস্তব্ধাং সংক্ষিপ্তবিপণাপণাম্ ।
প্রচ্ছন্নশশিনক্ষত্রাং দ্য়ামিবাংবুধরৈর্বৃতাম্ ॥ 13 ॥
ক্ষীণপানোত্তমৈর্ভগ্নৈঃ শরাবৈরভিসংবৃতাম্ ।
হতশৌংডামিব ধ্বস্তাংং পানভূমিমসংস্কৃতাম্ ॥ 14 ॥
বৃক্ণভূমিতলাং নিম্নাং বৃক্ণপাত্রৈস্সমাবৃতাম্ ।
উপয়ুক্তোদকাং ভগ্নাং প্রপাং নিপতিতামিব ॥ 15 ॥
বিপুলাং বিততাং চৈব যুক্তপাশাং তরস্বিনাম্ ।
ভূমৌ বাণৈর্বিনিষ্কৃত্তাং পতিতাং জ্য়ামিবায়ুধাত্ ॥ 16 ॥
সহসা যুদ্ধশৌংডেন হয়ারোহেণ বাহিতাম্ ।
নিহতাং প্রতিসৈন্য়েন বডবামিব পাতিতাম্ ॥ 17 ॥
শুষ্কতোয়াং মহামত্স্য়ৈঃ কূর্মৈশ্চ বহুভির্বৃতাম্ ।
প্রভিন্নতটবিস্তীর্ণাং বাপীমিব হৃতোত্পলাম্ ॥ 18 ॥
পুরুষস্য়াপ্রহৃষ্টস্য় প্রতিষিদ্ধানুলেপনাম্ ।
সংতপ্তামিব শোকেন গাত্রযষ্টিমভূষণাম্ ॥ 19 ॥
প্রাবৃষি প্রবিগাঢায়াং প্রবিষ্টস্য়াভ্রমংডলম্ ।
প্রচ্ছন্নাং নীলজীমূতৈর্ভাস্করস্য় প্রভামিব ॥ 20 ॥
ভরতস্তু রথস্থ স্সন্ শ্রীমাংদশরথাত্মজঃ ।
বাহয়ংতং রথশ্রেষ্ঠং সারথিং বাক্যমব্রবীত্ ॥ 21 ॥
কিং নু খল্বদ্য় গংভীরো মূর্ছিতো ন নিশম্যতে ।
যথাপুরময়োধ্য়ায়াং গীতবাদিত্রনিস্বনঃ ॥ 22 ॥
বারুণীমদগংধশ্চ মাল্যগংধশ্চ মূর্ছিতঃ ।
ধূপিতাগুরুগংধশ্চ ন প্রবাতি সমংততঃ ॥ 23 ॥
যানপ্রবরঘোষশ্চ স্নিগ্ধশ্চ হযনিস্বনঃ ।
প্রমত্তগজনাদশ্চ মহাংশ্চ রথনিস্বনঃ ॥ 24 ॥
নেদানীং শ্রূযতে পুর্য়ামস্য়াং রামে বিবাসিতে ।
চংদনাগরুগংধাংশ্চ মহার্হাশ্চ নবস্রজঃ ।
গতে হি রামে তরুণা স্সংতপ্তা নোপভুংজতে ॥ 25 ॥
বহির্য়াত্রাং ন গচ্ছংতি চিত্রমাল্যধরা নরাঃ ।
নোত্সবা স্সংপ্রবর্তংতে রামশোকার্দিতে পুরে ॥ 26 ॥
সহ নূনং মম ভ্রাত্রা পুরস্য়াস্য় দ্য়ুতির্গতা ।
ন হি রাজত্যয়োধ্য়েয়ং সাসারেবার্জুনী ক্ষপা ॥ 27 ॥
কদা নু খলু মে ভ্রাতা মহোত্সব ইবাঽগতঃ ।
জনয়িষ্যত্যয়োধ্য়ায়াং হর্ষং গ্রীষ্ম ইবাংবুদঃ ॥ 28 ॥
তরুণৈশ্চারুবেষৈশ্চ নরৈরুন্নতগামিভিঃ ।
সংপতদ্ভিরয়োধ্য়ায়াং নাভিভাংতি মহাপথাঃ ॥ 29 ॥
এবং বহুবিধং জল্পন্বিবেশ বসতিং পিতুঃ ।
তেন হীনাং নরেংদ্রেণ সিংহহীনাং গুহামিব ॥ 30 ॥
তদা তদংতঃ পুরমুংঝিতপ্রভং সুরৈরিবোত্সৃষ্টমভাস্করং দিনম্ ।
নিরীক্ষ্য় সর্বং তু বিবিক্তমাত্মবান্মুমোচ বাষ্পং ভরতঃ সুদুঃখিতঃ ॥ 31 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে চতুর্দশাধিকশততমস্সর্গঃ ॥
