শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষোডশাধিকশততমস্সর্গঃ ।
প্রতিপ্রয়াতে ভরতে বসন্রামস্তপোবনে ।
লক্ষয়ামাস সোদ্বেগমথৌত্সুক্য়ং তপস্বিনাম্ ॥ 1 ॥
যে তত্র চিত্রকূটস্য় পুরস্তাত্তাপসাশ্রমে ।
রামমাশ্রিত্য় নিরতাস্তানলক্ষযদুত্সুকান্ ॥ 2 ॥
নযনৈর্ব্রুকুটীভিশ্চ রামং নির্দিশ্য় শংকিতাঃ ।
অন্য়োন্যমুপজল্পংত শ্শনৈশ্চক্রুর্মিথঃ কথাঃ ॥ 3 ॥
তেষামৌত্সুক্যমালক্ষ্য় রামস্ত্বাত্মনি শংকিতঃ ।
কৃতাংজলিরুবাচেদমৃষিং কুলপতিং ততঃ ॥ 4 ॥
ন কচ্চিদ্ভগবন্কিংচিত্পূর্ববৃত্তমিদং ময়ি ।
দৃশ্যতে বিকৃতং যেন বিক্রিয়ংতে তপস্বিনঃ ॥ 5 ॥
প্রমাদাচ্চরিতং কচ্চিত্কিংচিন্নাবরজস্য় মে ।
লক্ষ্মণস্যর্ষিভিদৃষ্টং নানুরূপমিবাত্মনঃ ॥ 6 ॥
কচ্চিচ্ছুশ্রূষমাণা ব শ্শুশ্রূষণপরা ময়ি ।
প্রমদাঽভ্য়ুচিতাং বৃত্তিং সীতা যুক্তং ন বর্ততে ॥ 7 ॥
অথর্ষির্জরয়া বৃদ্ধস্তপসা চ জরাং গতঃ ।
বেপমান ইবোবাচ রামং ভূতদয়াপরম্ ॥ 8 ॥
কুতঃ কল্য়াণসত্ত্বায়াঃ কল্য়াণাভিরতেস্তথা ।
চলনং তাত বৈদেহ্য়াস্তপস্বিষু বিশেষতঃ ॥ 9 ॥
ত্বন্নিমিত্তমিদং তাবত্তাপসান্প্রতিবর্ততে ।
রক্ষোভ্যস্তেন সংবিগ্নাঃ কথয়ংতি মিথঃ কথাঃ ॥ 10 ॥
রাবণাবরজঃ কশ্চিত্ খরো নামেহ রাক্ষসঃ ।
উত্পাট্য় তাপসান্সর্বাংজনস্থাননিকেতনান্ ॥ 11 ॥
ধৃষ্টশ্চ জিতকাশী চ নৃশংসঃ পুরুষাদকঃ ।
অবলিপ্তশ্চ পাপশ্চ ত্বাং চ তাত ন মৃষ্যতে ॥ 12 ॥
ত্বং যদাপ্রভৃতি হ্যস্মিন্নাশ্রমে তাত বর্তসে ।
তদাপ্রভৃতি রক্ষাংসি বিপ্রকুর্বংতি তাপসান্ ॥ 13 ॥
দর্শয়ংতি হি বীভত্সৈঃ ক্রূরৈর্ভীষণকৈরপি ।
নানারূপৈর্বিরূপৈশ্চ রূপৈর্বিকৃতদর্শনৈঃ ॥ 14 ॥
অপ্রশস্তৈশুচিভিস্সংপ্রয়োজ্য় চ তাপসান্ ।
প্রতিধ্নংত্যপরান্ক্ষিপ্রমনার্য়াঃ পুরতঃ স্থিতাঃ ॥ 15 ॥
তেষু তেষ্বাশ্রমস্থানেষ্ববুদ্ধমবলীয় চ ।
রমংতে তাপসাং স্তত্র নাশয়ংতোঽল্পচেতসঃ ॥ 16 ॥
অপক্ষিপংতি স্রুগ্ভাংডানগ্নীস্নিংচংতি বারিণা ।
কলশাংশ্চ প্রমধ্নংতি হবনে সমুপস্থিতে ॥ 17 ॥
তৈর্দুরাত্মভিরামৃষ্টানাশ্রমান্প্রজিহাসবঃ ।
গমনায়ান্যদেশস্য় চোদয়ংত্য়ৃষয়োঽদ্য় মাম্ ॥ 18 ॥
তত্পুরা রাম শারীরামুপহিংসাং তপস্বিষু ।
দর্শয়ংতি হি দুষ্টাস্তে ত্যক্ষ্য়াম ইমমাশ্রমম্ ॥ 19 ॥
বহুমূলফলং চিত্রমবিদূরাদিতো বনম্ ।
পুরাণাশ্রমমেবাহং শ্রয়িষ্য়ে সগণঃ পুনঃ ॥ 20 ॥
খরস্ত্বয়্যপি চায়ুক্তং পুরা তাত প্রবর্ততে ।
সহাস্মাভিরিতো গচ্ছ যদি বুদ্ধিঃ প্রবর্ততে ॥ 21 ॥
সকলত্রস্য় সংদেহো নিত্য়ং যত্তস্য় রাঘব ।
সমর্থস্য়াপি হি সতো বাসো দুঃখমিহাদ্য় তে ॥ 22 ॥
ইত্য়ুক্তবংতং স্তংরাম রাজপুত্রস্তপস্বিনম্ ।
ন শশাকোত্তরৈর্বাক্য়ৈরবরোদ্ধুং সমুত্সুকম্ ॥ 23 ॥
অভিনংদ্য় সমাপৃচ্ছ্য় সমাধায় চ রাঘবম্ ।
স জগামাশ্রমং ত্যক্ত্বা কুলৈঃ কুলপতিস্সহ ॥ 24 ॥
রামঃ সংসাদ্য় ঋষিগণমনুগমনাদ্দেশাত্তস্মাত্কুলপতিমভিবাদ্য় ঋষিম্ ।
সম্যক্প্রীতৈস্তৈরনুমত উপদিষ্টার্থঃ পুণ্য়ং বাসায় স্বনিলযমুপসংপেদে ॥ 25 ॥
আশ্রমমৃষিবিরহিতং প্রভুঃ ক্ষণমপিন জহৌ স রাঘবঃ ।
রাঘবং হি সততমনুগতা স্তাপসাশ্চার্ষচরিত ধৃতগুণাঃ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষোডশাধিকশততমস্সর্গঃ ॥
