শ্রীমদ্বাল্মীকীয় রামাযণে অয়োধ্য়াকাংডম্ ।
অথ পংচদশস্সর্গঃ ।
তে তু তাং রজনীমুষ্য় ব্রাহ্মণা বেদপারগাঃ ।
উপতস্থুরুপস্থানং সহ রাজপুরোহিতাঃ ॥ 1 ॥
অমাত্য়া বলমুখ্য়াশ্চ মুখ্য়া যে নিগমস্য় চ ।
রাঘবস্য়াভিষেকার্থে প্রিযমাণাস্তু সংগতাঃ ॥ 2 ॥
উদিতে বিমলে সূর্য়ে পুষ্য়ে চাভ্য়াগতেঽহনি ।
লগ্নে কর্কটকে প্রাপ্তে জন্ম রামস্য় চ স্থিতে ॥ 3 ॥
অভিষেকায় রামস্য় দ্বিজেংদ্রৈরুপকল্পিতম্ ।
কাংচনা জলকুংভাশ্চ ভদ্রপীঠং স্বলংকৃতম্ ।
2.15,4 ।
রথঃ চ সম্যগাস্তীর্ণো ভাস্বতা ব্য়াঘ্রচর্মণা ।
গংগাযমুনয়োঃপুণ্য়াত্সংগমাদাহৃতং জলম্ ॥ 4 ॥
যাশ্চান্য়া স্সরিতঃ পুণ্য়া হ্রদাঃ কূপা স্সরাংসি চ ।
প্রাগ্বাহাশ্চোর্ধ্ববাহাশ্চ তির্যগ্বাহা স্সমাহিতাঃ ॥ 5 ॥
তাভ্যশ্চৈবাহৃতং তোয়ং সমুদ্রেভ্যশ্চ সর্বশঃ ।
সলাজাঃ ক্ষীরিভিশ্ছন্না ঘটাঃ কাংচনরাজতাঃ ॥ 6 ॥
পদ্মোত্পলয়ুতা ভাংতি পূর্ণাঃ পরমবারিণা ।
ক্ষৌদ্রং দধি ঘৃতং লাজা দর্ভা স্সুমনসঃ পয়ঃ ॥ 7 ॥
বেশ্য়াশ্চৈব শুভাচারা স্সর্বাভরণভূষিতাঃ ।
চংদ্রাংশুবিকচপ্রখ্য়ং কাংচনং রত্নভূষিতম্ ॥ 8 ॥
সজ্জং তিষ্ঠতি রামস্য় বালব্যজনমুত্তমম্ ।
চংদ্রমংডলসংকাশমাতপত্রং চ পাংডুরম্ ॥ 9 ॥
সজ্জং দ্য়ুতিকরং শ্রীমদভিষেকপুরস্কৃতম্ ।
পাংডুরশ্চ বৃষস্সজ্জঃ পাংডুরোঽশ্বশ্চ সুস্থিতঃ ॥ 10 ॥
প্রসৃতশ্চ গজঃশ্রীমানৌপবাহ্য়ঃ প্রতীক্ষতে ।
অষ্টৌ চ কন্য়া মাংগল্য়া স্সর্বাভরণভূষিতাঃ ॥ 11 ॥
বাদিত্রাণি চ সর্বাণি বংদিনশ্চ তথাঽপরে ।
ইক্ষ্বাকূণাং যথা রাজ্য়ে সংভ্রিয়েতাভিষেচনম্ ॥ 12 ॥
তথাজাতীযমাদায় রাজপুত্রাভিষেচনম্ ।
তে রাজবচনাত্তত্র সমবেতামহীপতিম্ ॥ 13 ॥
অপশ্য়ংতোঽব্রুবন্ কো নু রাজ্ঞো নঃ প্রতিবেদয়েত্ ।
ন পশ্য়ামশ্চ রাজানমুদিতশ্চ দিবাকরঃ ॥ 14 ॥
যৌবরাজ্য়াভিষেকশ্চ সজ্জো রামস্য় ধীমতঃ ।
ইতি তেষু ব্রুবাণেষু সার্বভৌমান্ মহীপতীন্ ॥ 15 ॥
অব্রবীত্তানিদং সর্বান্সুমংত্রো রাজসত্কৃতঃ ।
রামং রাজ্ঞো নিয়োগেন ত্বরয়া প্রস্থিতোঽস্ম্যহম্ ॥ 16 ॥
পূজ্য়া রাজ্ঞো ভবংতস্তু রামস্য় চ বিশেষতঃ ।
অয়ং পৃচ্ছামি বচনাত্সুখমায়ুষ্মতামহম্ ॥ 17 ॥
রাজ্ঞঃ সংপ্রতি বুদ্ধস্য় যচ্চাগমনকারণম্ ।
ইত্য়ুক্ত্বাঽংতঃ পুরদ্বারমাজগাম পুরাণবিত্ ॥ 18 ॥
সদাঽসক্তং চ তদ্বেশ্ম সুমংত্রঃ প্রবিবেশ হ ।
তুষ্টাবাস্য় তদা বংশং প্রবিশ্য় স বিশাংপতেঃ ॥ 19 ॥
শযনীয়ং নরেংদ্রস্য় তদাঽঽসাদ্য় ব্যতিষ্ঠত ।
সোঽত্য়াসাদ্য় তু তদ্বেশ্ম তিরস্করণিমংতরা ॥ 20 ॥
আশীর্ভির্গুণয়ুক্তাভি রভিতুষ্টাব রাঘবম্ ।
সোমসূর্য়ৌ চ কাকুত্স্থ শিববৈশ্রবণাবপি ॥ 21 ॥
বরুণশ্চাগ্নিরিংদ্রশ্চ বিজয়ং প্রদিশংতু তে ।
গতা ভগবতী রাত্রিরহঃ শিবমুপস্থিতম্ ॥ 22 ॥
বুদ্ধ্যস্ব নৃপশার্দূল কুরু কার্যমনংতরম্ ।
ব্রাহ্মণা বলমুখ্য়াশ্চ নৈগমাশ্চাগতা নৃপ ॥ 23 ॥
দর্শনং তেঽভিকাংক্ষংতে প্রতিবুধ্যস্ব রাঘব ।
স্তুবংতং তং তদা সূতং সুমংত্রং মংত্রকোবিদম্ ॥ 24 ॥
প্রতিবুধ্য় ততো রাজা ইদং বচনমব্রবীত্ ।
রামমানয় সূতেতি যদস্যভিহিতোঽনয়া ॥ 25 ॥
কিমিদং কারণং যেন মমাজ্ঞা প্রতিহন্যতে ।
ন চৈব সংপ্রসুপ্তোঽহমানয়েহাশু রাঘবম্ ॥ 26 ॥
ইতি রাজা দশরথ স্সূতং তত্রান্বশাত্পুনঃ ।
স রাজবচনং শ্রুত্বা শিরসা প্রতিপূজ্য় তম্ ॥ 27 ॥
নির্জগাম নৃপাবাসান্মন্যমানঃ প্রিয়ং মহত্ ।
প্রসন্নো রাজমার্গং চ পতাকাধ্বজশোভিতম্ ॥ 28 ॥
হৃষ্টঃ প্রমুদিত স্সূতো জগামাশু বিলোকযন্ ।
স সূতস্তত্র শুশ্রাব রামাধিকরণাঃ কথাঃ ॥ 29 ॥
অভিষেচনসংয়ুক্তাস্সর্বলোকস্য় হৃষ্টবত্ ।
ততো দদর্শ রুচিরং কৈলাসশিখরপ্রভম্ ॥ 30 ॥
রামবেশ্ম সুমংত্রস্তু শক্রবেশ্মসমপ্রভম্ ।
মহাকবাটবিহিতং বিতর্দিশতশোভিতম্ ॥ 31 ॥
কাংচনপ্রতিমৈকাগ্রং মণিবিদ্রুমতোরণম্ ।
শারদাভ্রঘনপ্রখ্য়ং দীপ্তং মেরুগুহোপমম্ ॥ 32 ॥
মণিভির্বরমাল্য়ানাং সমুহদ্ভিরলংকৃতম্ ।
মুক্তামণিভিরাকীর্ণং চংদনাগরূধূপিতম্ ॥ 33 ॥
গংধান্মনোজ্ঞান্ বিসৃজদ্দার্দুরং শিখরং যথা ।
সারসৈশ্চ ময়ূরৈশ্চ বিনদদ্ভির্বিরাজিতম্ ॥ 34 ॥
সুকৃতেহামৃগাকীর্ণং সুকীর্ণং ভক্তিভিস্তথা ।
মনশ্চক্ষুশ্চ ভূতানামাদদত্তিগ্মতেজসা ॥ 35 ॥
চংদ্রভাস্করসংকাশং কুবেরভবনোপমম্ ।
মহেংদ্রধামপ্রতিমং নানাপক্ষিসমাকুলম্ ॥ 36 ॥
মেরুশৃংগসমং সূতো রামবেশ্ম দদর্শ হ ।
উপস্থিতৈঃসমাকীর্ণং জনৈরংজলিকারিভিঃ ॥ 37 ॥
উপাদায় সমাক্রাংতৈস্তথা জানপদৈর্জনৈঃ ।
রামাভিষেকসুমুখৈরুন্মুখৈস্সমলংকৃতম্ ॥ 38 ॥
মহামেঘসমপ্রখ্যমুদগ্রং সুবিভূষিতম্ ।
নানারত্নসমাকীর্ণং কুব্জকৈরাতকাবৃতম্ ॥ 39 ॥
স বাজিয়ুক্তেন রথেন সারথিঃ নরাকুলং রাজকুলং বিরাজযন্ ।
বরূথিনা রামগৃহাভিপাতিনা পুরস্য় সর্বস্য় মনাংসি হর্ষযন্ ॥ 40 ॥
ততস্সমাসাদ্য় মহাধনং মহত্ প্রহৃষ্টরোমা স বভূব সারথিঃ ।
মৃর্গৈর্ময়ূরৈশ্চ সমাকুলোল্বণং গৃহং বরার্হস্য় শচীপতেরিব ॥ 41 ॥
স তত্র কৈলাসনিভাস্স্বলংকৃতাঃ প্রবিশ্য় কক্ষ্য়াস্ত্রিদশালয়োপমাঃ ।
প্রিয়ান্বরান্ রামমতে স্থিতান্ বহূন্ ব্যপোহ্য় শুদ্ধাংতমুপস্থিতো রথী ॥ 42 ॥
স তত্র শুশ্রাব চ হর্ষয়ুক্তাঃ রামাভিষেকার্থকৃতা জনানাম্ ।
নরেংদ্রসূনোরভিমংগলার্থাঃ সর্বস্য় লোকস্য় গিরঃ প্রহৃষ্টঃ ॥ 43 ॥
মহেংদ্রসদ্মপ্রতিমং তু বেশ্ম রামস্য় রম্য়ং মৃগপক্ষি জুষ্টম্ ।
দদর্শ মেরোরিব শ্রুংগমুচ্চং বিভ্রাজমানং প্রভয়া সুমংত্রঃ ॥ 44 ॥
উপস্থিতৈরংজলিকারকৈশ্চ সোপাযনৈর্জানপদৈর্জনৈশ্চ ।
কোট্য়া পরার্ধৈশ্চ বিমুক্তয়ানৈঃ সমাকুলং দ্বারপথং দদর্শ ॥ 45 ॥
ততো মহামেঘমহীধরাভং প্রভিন্নমত্য়ংকুশমত্যসহ্যম্ ।
রামৌপবাহ্য়ং রুচিরং দদর্শ শত্রুংজয়ং নাগমুদগ্রকাযম্ ॥ 46 ॥
স্বলংকৃতান্ সাশ্বরথান্ সকুংজরা নমাত্য় মুখ্য়াংশ্চ দদর্শ বল্লভান্ ।
ব্যপোহ্য় সূতস্সহিতান্ সমংততঃ সমৃদ্ধমংতঃপুরমাবিবেশ হ ॥ 47 ॥
তদংদ্রিকূটাচলমেঘসন্নিভং মহাবিমানোপমবেশ্মসংয়ুতম্ ।
অবার্যমাণঃ প্রবিবেশ সারথিঃ প্রভূতরত্নং মকরো যথার্ণবম্ ॥ 48 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে পংচদশস্সর্গঃ ॥
