শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনবিংশস্সর্গঃ ।
তদপ্রিযমমিত্রঘ্নো বচনং মরণোপমম্ ।
শ্রুত্বা ন বিব্যথে রামঃ কৈকেয়ীং চেদমব্রবীত্ ॥ 1 ॥
এবমস্তু গমিষ্য়ামি বনং বস্তুমহং ত্বিতঃ ।
জটাজিনধরো রাজ্ঞঃ প্রতিজ্ঞামনুপালযন্ ॥ 2 ॥
ইদং তু জ্ঞাতুমিচ্ছামি কিমর্থং মাং মহীপতিঃ ।
নাভিনংদতি দুর্ধর্ষো যথাপূর্বমরিংদমঃ ॥ 3 ॥
মন্য়ুর্ন চ ত্বয়া কার্য়ো দেবি ব্রূমি তবাগ্রতঃ ।
যাস্য়ামি ভব সুপ্রীতা বনং চীরজটাধরঃ ॥ 4 ॥
হিতেন গুরুণা পিত্রা কৃতজ্ঞেন নৃপেণ চ ।
নিয়ুজ্যমানো বিস্রব্ধঃ কিং ন কুর্য়ামহং প্রিযম্ ॥ 5 ॥
অলীকং মানসং ত্বেকং হৃদয়ং দহতীব মে ।
স্বয়ং যন্নাহ মাং রাজা ভরতস্য়াভিষেচনম্ ॥ 6 ॥
অহং হি সীতাং রাজ্য়ং চ প্রাণানিষ্টাংধনানি চ ।
হৃষ্টো ভ্রাত্রে স্বয়ং দদ্য়াং ভরতায়াপ্রচোদিতঃ ॥ 7 ॥
কিং পুনর্মনুজেংদ্রেণ স্বয়ং পিত্রা প্রচোদিতঃ ।
তব চ প্রিযকামার্থং প্রতিজ্ঞামনুপালযন্ ॥ 8 ॥
তদাশ্বাসয় হীমং ত্বং কিন্বিদং যন্মহীপতিঃ ।
বসুধাসক্তনযনো মংদমশ্রূণি মুংচতি ॥ 9 ॥
গচ্ছংতু চৈবানয়িতুং দূতাশ্শ্রীঘ্রজবৈর্হয়ৈঃ ।
ভরতং মাতুলকুলাদদ্য়ৈব নৃপশাসনাত্ ॥ 10 ॥
দংডকারণ্যমেষোঽহমিতো গচ্ছামি সত্বরঃ ।
অবিচার্য় পিতুর্বাক্য়ং সমা বস্তুং চতুর্দশ ॥ 11 ॥
সা হৃষ্টা তস্য় তদ্বাক্য়ং শ্রুত্বা রামস্য় কৈকয়ী ।
প্রস্থানং শ্রদ্ধধানা হি ত্বরয়ামাস রাঘবম্ ॥ 12 ॥
এবং ভবতু যাস্য়ংতি দূতা শ্শীঘ্রজবৈর্হয়ৈঃ ।
ভরতং মাতুলকুলাদুপাবর্তয়িতুং নরাঃ ॥ 13 ॥
তব ত্বহং ক্ষমং মন্য়ে নোত্সুকস্য় বিলংবনম্ ।
রাম তস্মাদিত শ্শীঘ্রং বনং ত্বং গংতুমর্হসি ॥ 14 ॥
ব্রীডান্বিত স্স্বয়ং যচ্চ নৃপস্ত্বাং নাভিভাষতে ।
নৈতত্কিংচিন্নরশ্রেষ্ঠ মন্য়ুরেষোঽপনীযতাম্ ॥ 15 ॥
যাবত্ত্বং ন বনং যাতঃ পুরাদস্মাদভিত্বরন্ ।
পিতা তাবন্ন তে রাম স্নাস্যতে ভোক্ষ্যতেঽপি বা ॥ 16 ॥
ধিক্কষ্টমিতি নিঃশ্বস্য় রাজা শোকপরিপ্লুতঃ ।
মূর্ছিতো ন্যপতত্তস্মিন্পর্য়ংকে হেমভূষিতে ॥ 17 ॥
রামোঽপ্য়ুত্থাপ্য় রাজানং কৈকেয়্য়াভিপ্রচোদিতঃ ।
কশয়েবাহতো বাজী বনং গংতুং কৃতত্বরঃ ॥ 18 ॥
তদপ্রিযমনার্য়ায়া বচনং দারুণোদযম্ ।
শ্রুত্বা গতব্যথো রামঃ কৈকেয়ীং বাক্যমব্রবীত্ ॥ 19 ॥
নাহমর্থপরো দেবি লোকমাবস্তুমুত্সহে ।
বিদ্ধিমামৃষিভিস্তুল্য়ং কেবলং ধর্মমাস্থিতম্ ॥ 20 ॥
যদত্র ভবতঃ কিংচিচ্ছক্য়ং কর্তুং প্রিয়ং ময়া ।
প্রাণানপি পরিত্যজ্য় সর্বথা কৃতমেব তত্ ॥ 21 ॥
ন হ্যতো ধর্মচরণং কিংচিদস্তি মহত্তরম্ ।
যথা পিতরিশুশ্রূষা তস্য় বা বচনক্রিয়া ॥ 22 ॥
অনুক্তোঽপ্যত্রভবতা ভবত্য়া বচনাদহম্ ।
বনে বত্স্য়ামি বিজনে বর্ষাণীহ চতুর্দশ ॥ 23 ॥
ন নূনং ময়ি কৈকয়ি কিংচিদাশংসসে গুণম্ ।
যদ্রাজানমবোচস্ত্বং মমেশ্বরতরা সতী ॥ 24 ॥
যাবন্মাতরমাপ্নচ্ছে সীতাং চানুনয়াম্যহম্ ।
ততোঽদ্য়ৈব গমিষ্য়ামি দংডকানাং মহদ্বনম্ ॥ 25 ॥
ভরতঃ পালয়েদ্রাজ্য়ং শুশ্রূষেচ্চ পিতুর্যথা ।
তথা ভবত্য়া কর্তব্য়ং স হি ধর্ম স্সনাতনঃ ॥ 26 ॥
স রামস্য় বচশ্শ্রৃত্বা ভৃশং দুঃখহতঃ পিতা ।
শোকাদশক্নুবন্বকতুং প্ররুরোদ মহাস্বনম্ ॥ 27 ॥
বংদিত্বা চরণৌ রামো বিসংজ্ঞস্য় পিতুস্তথা ।
কৈকেয়্য়াশ্চাপ্যনার্য়ায়াঃ নিষ্পপাত মহাদ্য়ুতিঃ ॥ 28 ॥
স রামঃ পিতরং কৃত্বা কৈকেয়ীং চ প্রদক্ষিণম্ ।
নিষ্ক্রম্য়াংতঃপুরাত্তস্মাত্স্বং দদর্শ সুহৃজ্জনম্ ॥ 29 ॥
তং বাষ্পপরিপূর্ণাক্ষঃ পৃষ্ঠতোঽনুজগাম হ ।
লক্ষ্মণঃ পরমক্কৃধ্দঃ স্সুমিত্রানংদবর্ধনঃ ॥ 30 ॥
অভিষেচনিকং ভাংডং কৃত্বা রামঃ প্রদক্ষিণম্ ।
শনৈর্জগাম সাপেক্ষো দৃষ্টিং তত্রাবিচালযন্ ॥ 31 ॥
ন চাস্য় মহতীং লক্ষ্মীং রাজ্যনাশোঽপকর্ষতি ।
লোককাংতস্য় কাংতত্বাচ্ছীতরশ্মেরিব ক্ষপা ॥ 32 ॥
ন বনং গংতুকামস্য় ত্যজতশ্চ বসুংধরাম্ ।
সর্বলোকাতিগস্য়েব লক্ষ্যতে চিত্তবিক্রিয়া ॥ 33 ॥
প্রতিষিধ্য় শুভং ছত্রং ব্যজনে চ স্বলংকৃতে ।
বিসর্জয়িত্বা স্বজনং রথং পৌরাংস্তথা জনান্ ॥ 34 ॥
ধারযন্ মনসা দুঃখমিংদ্রিয়াণি নিগৃহ্য় চ ।
প্রবিবেশাত্মবান্বেশ্ম মাতুরপ্রিযশংসিবান্ ॥ 35 ॥
সর্বোহ্যভিজনশ্শ্রীমান্ শ্রীমতস্সত্যবাদিনঃ ।
নালক্ষযত রামস্য় কিংচিদাকারমাননে ॥ 36 ॥
উচিতং চ মহাবাহুর্নজহৌহর্ষমাত্মনঃ ।
শারদ স্সমুদীর্ণাংশুশ্চংদ্রস্তেজ ইবাত্মজম্ ॥ 37 ॥
বাচা মধুরয়া রামস্সর্বং সম্মানয়ংজনম্ ।
মাতুস্সমীপং ধীরাত্মা প্রবিবেশ মহাযশাঃ ॥ 38 ॥
তং গুণৈস্সমতাং প্রাপ্তো ভ্রাতা বিপুলবিক্রমঃ ।
সৌমিত্রিরনুবব্রাজ ধারয়ংদুঃখমাত্মজম্ ॥ 39 ॥
প্রবিশ্য় বেশ্মাতিভৃশং মুদাঽন্বিতং সমীক্ষ্য় তাং চার্থবিপত্তিমাগতাম্ ।
ন চৈব রামোঽত্রজগামবিক্রিয়াং সুহৃজ্জনস্য়াত্মবিপত্তিশংকয়া ॥ 40 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনবিংশস্সর্গঃ ॥
