শ্রীমদ্বাল্মীকীয় রামাযণে অয়োধ্য়াকাংডম্ ।
অথ বিংশস্সর্গঃ ।
তস্মিংস্তু পুরুষব্য়াঘ্রে নিষ্ক্রামতি কৃতাংজলৌ ।
আর্তশব্দো মহান্ জজ্ঞে স্ত্রীণামংতঃপুরে তদা ॥ 1 ॥
কৃত্য়েষ্বচোদিতঃ পিত্রা সর্বস্য়াংতঃপুরস্য় চ ।
গতির্যশ্শরণং চাপি স রামোঽদ্য় প্রবত্স্যতি ॥ 2 ॥
কৌশল্য়ায়াং যথা যুক্তো জনন্য়াং বর্ততে সদা ।
তথৈব বর্ততেঽস্মাসু জন্মপ্রভৃতি রাঘবঃ ॥ 3 ॥
ন ক্রুধ্যত্যভিশপ্তোঽপি ক্রোধনীয়ানি বর্জযন্ ।
ক্রুদ্ধান্প্রসাদযন্সর্বান্ স ইতোঽদ্য় প্রবত্স্যতি ॥ 4 ॥
অবুদ্ধির্বত নো রাজা জীবলোকং চরত্যযম্ ।
যো গতিং সর্বভূতানাং পরিত্যজতি রাঘবম্ ॥ 5 ॥
ইতি সর্বা মহিষ্যস্তা বিবত্সা ইব ধেনবঃ ।
পতিমাচুক্রুশুশ্চৈব সস্বরং চাপি চুক্রুশুঃ ॥ 6 ॥
স হি চাংতঃপুরে ঘোরমার্তশব্দং মহীপতিঃ ।
পুত্রশোকাভিসংতপ্তঃ শ্রুত্বা ব্য়ালীযতাঽসনে ॥ 7 ॥
রামস্তু ভৃশমাযস্তো নিশ্শ্বসন্নিব কুংজরঃ ।
জগাম সহিতো ভ্রাত্রা মাতুরংতঃপুরং বশী ॥ 8 ॥
সোঽপশ্যত্পুরুষং তত্র বৃদ্ধং পরমপূজিতম্ ।
উপবিষ্টং গৃহদ্বারি তিষ্ঠতশ্চাপরান্বহূন্ ॥ 9 ॥
দৃষ্ট্বৈব তু তদা রামং তে সর্বে সহসোত্থিতাঃ ।
জয়েন জযতাং শ্রেষ্ঠং বর্ধয়ংতি স্ম রাঘবম্ ॥ 10 ॥
প্রবিশ্য় প্রথমাং কক্ষ্য়াং দ্বিতীয়ায়াং দদর্শ সঃ ।
ব্রাহ্মণান্বেদসংপন্নান্বৃদ্ধান্রাজ্ঞাঽভিসত্কৃতান্ ॥ 11 ॥
প্রণম্য় রামস্তান্বিপ্রাংস্তৃতীয়ায়াং দদর্শ সঃ ।
স্ত্রিয়ো বৃদ্ধাস্তথা বালা দ্বাররক্ষণতত্পরাঃ ॥ 12 ॥
বর্ধয়িত্বা প্রহৃষ্টাস্তাঃ প্রবিশ্য় চ গৃহং স্ত্রিয়ঃ ।
ন্যবেদয়ংত ত্বরিতা রামমাতুঃ প্রিয়ং তদা ॥ 13 ॥
কৌশল্য়াপি তদা দেবী রাত্রিং স্থিত্বা সমাহিতা ।
প্রভাতে ত্বকরোত্পূজাং বিষ্ণোঃ পুত্রহিতৈষিণী ॥ 14 ॥
সা ক্ষৌমবসনা হৃষ্টা নিত্য়ং ব্রতপরাযণা ।
অগ্নিং জুহোতি স্ম তদা মংত্রবত্কৃতমংগলা ॥ 15 ॥
প্রবিশ্য় চ তদা রামো মাতুরংতঃপুরং শুভম্ ।
দদর্শ মাতরং তত্র হাবয়ংতীং হুতাশনম্ ॥ 16 ॥
দেবকার্যনিমিত্তং চ তত্রাপশ্যত্সমুদ্যতম্ ।
দধ্যক্ষতং ঘৃতং চৈব মোদকান্হবিষস্তথা ॥ 17 ॥
লাজান্মাল্য়ানি শুক্লানি পাযসং কৃসরং তথা ।
সমিধঃ পূর্ণকুংভাংশ্চ দদর্শ রঘুনংদনঃ ॥ 18 ॥
তাং শুক্লক্ষৌমসংবীতাং ব্রতয়োগেন কর্শিতাম্ ।
তর্পয়ংতীং দদর্শাদ্ভির্দেবতাং দেববর্ণিনীম্ ॥ 19 ॥
সা চিরস্য়াত্মজং দৃষ্ট্বা মাতৃনংদনমাগতম্ ।
অভিচক্রাম সংহৃষ্টা কিশোরং বডবা যথা ॥ 20 ॥
স মাতরমভিক্রাংতামুপসংগৃহ্য় রাঘবঃ ।
পরিষ্বক্তশ্চ বাহুভ্য়ামুপাঘ্রাতশ্চ মূর্ধনি ॥ 21 ॥
তমুবাচ দুরাধর্ষং রাঘবং সুতমাত্মনঃ ।
কৌশল্য়া পুত্রবাত্সল্য়াদিদং প্রিযহিতং বচঃ ॥ 22 ॥
বৃদ্ধানাং ধর্মশীলানাং রাজর্ষীণাং মহাত্মনাম্ ।
প্রাপ্নুহ্য়ায়ুশ্চ কীর্তিং চ ধর্মং চোপহিতং কুলে ॥ 23 ॥
সত্যপ্রতিজ্ঞং পিতরং রাজানং পশ্য় রাঘব ।
অদ্য়ৈব হি ত্বাং ধর্মাত্মা যৌবরাজ্য়েঽভিষেক্ষ্যতি ॥ 24 ॥
দত্তমাসনমালভ্য় ভোজনেন নিমংত্রিতঃ ।
মাতরং রাঘবঃ কিংচিদ্ব্রীডাত্প্রসার্য়াংজলিমব্রবীত্ ॥ 25 ॥
স স্বভাববিনীতশ্চ গৌরবাচ্চ তদা নতঃ ।
প্রস্থিতো দংডকারণ্যমাপ্রষ্টুমুপচক্রমে ॥ 26 ॥
দেবি নূনং ন জানীষে মহদ্ভযমুপস্থিতম্ ।
ইদং তব চ দুঃখায় বৈদেহ্য়া লক্ষ্মণস্য় চ ॥ 27 ॥
গমিষ্য়ে দংডকারণ্য়ং কিমনেনাসনেন মে ।
বিষ্টরাসনয়োগ্য়ো হি কালোঽয়ং মামুপস্থিতঃ ॥ 28 ॥
চতুর্দশ হি বর্ষাণি বত্স্য়ামি বিজনে বনে ।
মধুমূলফলৈর্জীবন্হিত্বা মুনিবদামিষম্ ॥ 29 ॥
ভরতায় মহারাজো যৌবরাজ্য়ং প্রযচ্ছতি ।
মাং পুনর্দংডকারণ্য়ে বিবাসযতি তাপসম্ ॥ 30 ॥
স ষট্চাষ্টৌ চ বর্ষাণি বত্স্য়ামি বিজনে বনে ।
আসেবমানো বন্য়ানি ফলমূলৈশ্চ বর্তযন্ ॥ 31 ॥
সা নিকৃত্তেব সালস্য় যষ্টিঃ পরশুনা বনে ।
পপাত সহসা দেবী দেবতেব দিবশ্চ্য়ুতা ॥ 32 ॥
তামদুঃখোচিতাং দৃষ্ট্বা পতিতাং কদলীমিব ।
রামস্তূত্থাপয়ামাস মাতরং গতচেতসম্ ॥ 33 ॥
উপাবৃত্ত্য়োত্থিতাং দীনাং বডবামিব বাহিতাম্ ।
পাংসুকুংঠিতসর্বাংগীং বিমমর্শ চ পাণিনা ॥ 34 ॥
সা রাঘবমুপাসীনমসুখার্তা সুখোচিতা ।
উবাচ পুরুষব্য়াঘ্রমুপশৃণ্বতি লক্ষ্মণে ॥ 35 ॥
যদি পুত্র ন জায়েথা মম শোকায় রাঘব ।
ন স্ম দুঃখমতো ভূয়ঃ পশ্য়েযমহমপ্রজাঃ ॥ 36 ॥
এক এব হি বংধ্য়ায়া শ্শোকো ভবতি মানসঃ ।
অপ্রজাঽস্মীতি সংতাপো ন হ্যন্য়ঃ পুত্র বিদ্যতে ॥ 37 ॥
ন দৃষ্টপূর্বং কল্য়াণং সুখং বা পতিপৌরুষে ।
অপি পুত্রে ঽপি পশ্য়েযমিতি রামাঽস্থিতং ময়া ॥ 38 ॥
সা বহূন্যমনোজ্ঞানি বাক্য়ানি হৃদযচ্ছিদাম্ ।
অহং শ্রোষ্য়ে সপত্নীনামবরাণাং বরা সতী ॥ 39 ॥
অতো দুঃখতরং কিং নু প্রমদানাং ভবিষ্যতি ।
মম শোকো বিলাপশ্চ যাদৃশোঽযমনংতকঃ ॥ 40 ॥
ত্বয়ি সন্নিহিতেঽপ্য়েবমহমাসং নিরাকৃতা ।
কিং পুনঃ প্রোষিতে তাত ধ্রুবং মরণমেব মে ॥ 41 ॥
অত্য়ংতনিগৃহীতাস্মি ভর্তুর্নিত্যমতংত্রিতা ।
পরিবারেণ কৈকেয়্য়া স্সমা বাপ্যথবাঽবরা ॥ 42 ॥
যোঽহি মাং সেবতে কশ্চিদথবাপ্যনুবর্ততে ।
কৈকেয়্য়াঃ পুত্রমন্বীক্ষ্য় স্বশ্চি জনো নাভিভাষতে ॥ 43 ॥
নিত্যক্রোধতয়া তস্য়াঃ কথং নু খরবাদিতত্ ।
কৈকেয়্য়া বদনং দ্রষ্টুং পুত্র শক্ষ্য়ামি দুর্গতা ॥ 44 ॥
দশ সপ্ত চ বর্ষাণি জাতস্য় তব রাঘব অতিতানি প্রকাংক্ষংত্য়া ময়া দুঃখপরিক্ষযম্ ॥ 45 ॥
তদক্ষয়ং মহদ্দুঃখং নোত্সহে সহিতুং চিরম্ ।
বিপ্রকারং সপত্নীনামেবং জীর্ণাঽপি রাঘব ॥ 46 ॥
অপশ্য়ংতী তব মুখং পরিপূর্ণশশিপ্রভম্ ।
কৃপণা বর্তয়িষ্য়ামি কথং কৃপণজীবিকাম্ ॥ 47 ॥
উপবাসৈশ্চ যোগৈশ্চ বহুভিশ্চ পরিশ্রমৈঃ ।
দুঃখং সংবর্ধিতো মোঘং ত্বং হি দুর্গতয়া ময়া ॥ 48 ॥
স্থিরং তু হৃদয়ং মন্য়ে মমেদং যন্ন দীর্যতে ।
প্রাবৃষীব মহানদ্য়া স্পৃষ্টং কূলং নবাংভসা ॥ 49 ॥
মমৈব নূনং মরণং ন বিদ্যতে ন চাবকাঽশোস্তি যমক্ষয়েঽমম ।
যদংতকোঽদ্য়ৈব ন মাং জিহীর্ষতি ।
প্রসহ্য় সিংহো রুদতীং মৃগীমিব ॥ 50 ॥
স্থিরং হি নূনং হৃদয়ং মমাযসং ন ভিদ্যতে যদ্ভুবি নাবদীর্যতে ।
অনেন দুঃখেন চ দেহমর্পিতং ধ্রুবং হ্যকালে মরণং ন বিদ্যতে ॥ 51 ॥
ইদং হি দুঃখং যদনর্থকানি মে ব্রতানি দানানি চ সংযমাশ্চ হি ।
তপশ্চ তপ্তং যদপত্যকারণা ত্সুনিষ্ফলং বীজমিবোপ্তমূষরে ॥ 52 ॥
যদি হ্যকালে মরণং স্বয়েচ্ছয়া লভেত কশ্চিদ্গুরুদুঃখকর্শিতঃ ।
গতাহমদ্য়ৈব পরেতসংসদং বিনা ত্বয়া ধেনুরিবাত্মজেন বৈ ॥ 53 ॥
অথাপি কিং জীবিতমদ্য় মে বৃথা ত্বয়া বিনা চংদ্রনিভাননপ্রভ ।
অনুব্রজিষ্য়ামি বনং ত্বয়ৈব গৌ স্সুদুর্বলা বত্সমিবানুকাংক্ষয়া ॥ 54 ॥
ভৃশমসুখমমর্ষিতা তদা বহু বিললাপ সমীক্ষ্য় রাঘবম্ ।
ব্যসনমুপনিশম্য় সা মহ ত্সুতমিব বদ্ধমবেক্ষ্য় কিন্নরী ॥ 55 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে বিংশস্সর্গঃ ॥
