ශ්රීමද්වාල්මීකීය රාමායණේ අයෝධ්යාකාංඩම් ।
අථ ඒකෝනත්රිංශස්සර්ගඃ ।
ඒතත්තු වචනං ශ්රුත්වා සීතා රාමස්ය දුඃඛිතා ।
ප්රසක්තාශ්රුමුඛී මංදමිදං වචනමබ්රවීත් ॥ 1 ॥
යේ ත්වයා කීර්තිතා දෝෂා වනේ වස්තව්යතාං ප්රති ।
ගුණානිත්යේව තාන්විද්ධි තව ස්නේහපුරස්කෘතාන් ॥ 2 ॥
මෘගා ස්සිංහා ගජාශ්චෛව ශාර්දූලා ශ්ශරභාස්තථා ।
පක්ෂිණ ස්සෘමරාශ්චෛව යේ චාන්යේ වනචාරිණඃ ॥ 3 ॥
අදෘෂ්ටපූර්වරූපත්වාත්සර්වේ තේ තව රාඝව ।
රූපං දෘෂ්ට්වාऽපසර්පේයුර්භයේ සර්වේ හි බිභ්යති ॥ 4 ॥
ත්වයා ච සහ ගංතව්යං මයා ගුරුජනාජ්ඤයා ।
ත්වද්වියෝගේන මේ රාම ත්යක්තව්යමිහ ජීවිතම් ॥ 5 ॥
න හි මාං ත්වත්සමීපස්ථාමපි ශක්නෝතිරාඝව ।
සුරාණාමීශ්වර ශ්ශක්රඃ ප්රධර්ෂයිතුමෝජසා ॥ 6 ॥
පතිහීනා තු යා නාරී න සා ශක්ෂ්යති ජීවිතුම් ।
කාමමේවං විධං රාම ත්වයා මම නිදර්ශිතම් ॥ 7 ॥
අථ චාපි මහාප්රාජ්ඤ බ්රාහ්මණානාං මයා ශ්රුතම් ।
පුරා පිතෘගෘහේ සත්යං වස්තව්යං කිල මේ වනේ ॥ 8 ॥
ලක්ෂණිභ්යෝ ද්විජාතිභ්ය ශ්ශෘත්වාऽහං වචනං පුරා ।
වනවාසකෘතෝත්සාහා නිත්යමේව මහාබල ॥ 9 ॥
ආදේශෝ වනවාසස්ය ප්රාප්තව්ය ස්ස මයා කිල ।
සා ත්වයා සහ තත්රාහං යාස්යාමි ප්රිය නාන්යථා ॥ 10 ॥
කෘතාදේශා භවිෂ්යාමි ගමිෂ්යාමි සහ ත්වයා ।
කාලශ්චායං සමුත්පන්න ස්සත්යවාග්භවතු ද්විජඃ ॥ 11 ॥
වනවාසේऽභිජානාමි දුඃඛානි බහුථා කිල ।
ප්රාප්යංතේ නියතං වීර පුරුෂෛරකෘතාත්මභිඃ ॥ 12 ॥
කන්යයා ච පිතුර්ගේහේ වනවාස ශ්ශෘතෝ මයා ।
භික්ෂිණ්යා ස්සාධුවෘත්තායා මම මාතුරිහාග්රතඃ ॥ 13 ॥
ප්රසාදිතශ්ච වෛ පූර්වං ත්වං මේ බහුතිථං ප්රභෝ ।
ගමනං වනවාසස්ය කාංක්ෂිතං හි සහ ත්වයා ॥ 14 ॥
කෘතක්ෂණාऽහං භද්රං තේ ගමනං ප්රති රාඝව ।
වනවාසස්ය ශූරස්ය චර්යා හි මම රෝචතේ ॥ 15 ॥
ශුද්ධාත්මන්ප්රේමභාවාධ්දි භවිෂ්යාමි විකල්මෂා ।
භර්තාරමනුගච්ඡංතී භර්තා හි මම දෛවතම් ॥ 16 ॥
ප්රේත්යභාවේ හි කල්යාණ ස්සංගමෝ මේ සහ ත්වයා ।
ශ්රුතිර්හි ශ්රූයතේ පුණ්යා බ්රාහ්මණානාං යශස්විනාම් ॥ 17 ॥
ඉහලෝකේ ච පිතෘභිර්යා ස්ත්රී යස්ය මහාමතේ ।
අද්භිර්දත්තා ස්වධර්මේණ ප්රේත්යභාවේऽපි තස්ය සා ॥ 18 ॥
ඒවමස්මාත්ස්වකාං නාරීං සුවෘත්තාං හි පතිව්රතාම් ।
නාභිරෝචයසේ නේතුං ත්වං මාං කේනේහ හේතුනා ॥ 19 ॥
භක්තාං පතිව්රතාං දීනාං මාං සමාං සුඛදුඃඛයෝඃ ।
නේතුමර්හසි කාකුත්ස්ථ සමාන සුඛදුඃඛිනීම් ॥ 20 ॥
යයදි මාං දුඃඛිතාමේවං වනං නේතුං න චේච්ඡසි ।
විෂමග්නිං ජලං වාऽහමාස්ථාස්යේ මෘත්යුකාරණාත් ॥ 21 ॥
ඒවං බහුවිධං තං සා යාචතේ ගමනං ප්රති ।
නානුමේනේ මහාබාහුස්තාං නේතුං විජනං වනම් ॥ 22 ॥
ඒවමුක්තා තු සා චිංතාං මෛථිලී සමුපාගතා ।
ස්නාපයංතීව ගාමුෂ්ණෛරශ්රුභිර්නයනච්යුතෛඃ ॥ 23 ॥
චිංතයංතීං තථා තාං තු නිවර්තයිතුමාත්මවාන් ।
තාම්රෝෂ්ඨීං ස තදා සීතාං කාකුත්ස්ථෝ බහ්වසාංත්වයත් ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ඒකෝනත්රිංශස්සර්ගඃ ॥
