শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনত্রিংশস্সর্গঃ ।
এতত্তু বচনং শ্রুত্বা সীতা রামস্য় দুঃখিতা ।
প্রসক্তাশ্রুমুখী মংদমিদং বচনমব্রবীত্ ॥ 1 ॥
যে ত্বয়া কীর্তিতা দোষা বনে বস্তব্যতাং প্রতি ।
গুণানিত্য়েব তান্বিদ্ধি তব স্নেহপুরস্কৃতান্ ॥ 2 ॥
মৃগা স্সিংহা গজাশ্চৈব শার্দূলা শ্শরভাস্তথা ।
পক্ষিণ স্সৃমরাশ্চৈব যে চান্য়ে বনচারিণঃ ॥ 3 ॥
অদৃষ্টপূর্বরূপত্বাত্সর্বে তে তব রাঘব ।
রূপং দৃষ্ট্বাঽপসর্পেয়ুর্ভয়ে সর্বে হি বিভ্যতি ॥ 4 ॥
ত্বয়া চ সহ গংতব্য়ং ময়া গুরুজনাজ্ঞয়া ।
ত্বদ্বিয়োগেন মে রাম ত্যক্তব্যমিহ জীবিতম্ ॥ 5 ॥
ন হি মাং ত্বত্সমীপস্থামপি শক্নোতিরাঘব ।
সুরাণামীশ্বর শ্শক্রঃ প্রধর্ষয়িতুমোজসা ॥ 6 ॥
পতিহীনা তু যা নারী ন সা শক্ষ্যতি জীবিতুম্ ।
কামমেবং বিধং রাম ত্বয়া মম নিদর্শিতম্ ॥ 7 ॥
অথ চাপি মহাপ্রাজ্ঞ ব্রাহ্মণানাং ময়া শ্রুতম্ ।
পুরা পিতৃগৃহে সত্য়ং বস্তব্য়ং কিল মে বনে ॥ 8 ॥
লক্ষণিভ্য়ো দ্বিজাতিভ্য় শ্শৃত্বাঽহং বচনং পুরা ।
বনবাসকৃতোত্সাহা নিত্যমেব মহাবল ॥ 9 ॥
আদেশো বনবাসস্য় প্রাপ্তব্য় স্স ময়া কিল ।
সা ত্বয়া সহ তত্রাহং যাস্য়ামি প্রিয় নান্যথা ॥ 10 ॥
কৃতাদেশা ভবিষ্য়ামি গমিষ্য়ামি সহ ত্বয়া ।
কালশ্চায়ং সমুত্পন্ন স্সত্যবাগ্ভবতু দ্বিজঃ ॥ 11 ॥
বনবাসেঽভিজানামি দুঃখানি বহুথা কিল ।
প্রাপ্য়ংতে নিযতং বীর পুরুষৈরকৃতাত্মভিঃ ॥ 12 ॥
কন্যয়া চ পিতুর্গেহে বনবাস শ্শৃতো ময়া ।
ভিক্ষিণ্য়া স্সাধুবৃত্তায়া মম মাতুরিহাগ্রতঃ ॥ 13 ॥
প্রসাদিতশ্চ বৈ পূর্বং ত্বং মে বহুতিথং প্রভো ।
গমনং বনবাসস্য় কাংক্ষিতং হি সহ ত্বয়া ॥ 14 ॥
কৃতক্ষণাঽহং ভদ্রং তে গমনং প্রতি রাঘব ।
বনবাসস্য় শূরস্য় চর্য়া হি মম রোচতে ॥ 15 ॥
শুদ্ধাত্মন্প্রেমভাবাধ্দি ভবিষ্য়ামি বিকল্মষা ।
ভর্তারমনুগচ্ছংতী ভর্তা হি মম দৈবতম্ ॥ 16 ॥
প্রেত্যভাবে হি কল্য়াণ স্সংগমো মে সহ ত্বয়া ।
শ্রুতির্হি শ্রূযতে পুণ্য়া ব্রাহ্মণানাং যশস্বিনাম্ ॥ 17 ॥
ইহলোকে চ পিতৃভির্য়া স্ত্রী যস্য় মহামতে ।
অদ্ভির্দত্তা স্বধর্মেণ প্রেত্যভাবেঽপি তস্য় সা ॥ 18 ॥
এবমস্মাত্স্বকাং নারীং সুবৃত্তাং হি পতিব্রতাম্ ।
নাভিরোচযসে নেতুং ত্বং মাং কেনেহ হেতুনা ॥ 19 ॥
ভক্তাং পতিব্রতাং দীনাং মাং সমাং সুখদুঃখয়োঃ ।
নেতুমর্হসি কাকুত্স্থ সমান সুখদুঃখিনীম্ ॥ 20 ॥
যযদি মাং দুঃখিতামেবং বনং নেতুং ন চেচ্ছসি ।
বিষমগ্নিং জলং বাঽহমাস্থাস্য়ে মৃত্য়ুকারণাত্ ॥ 21 ॥
এবং বহুবিধং তং সা যাচতে গমনং প্রতি ।
নানুমেনে মহাবাহুস্তাং নেতুং বিজনং বনম্ ॥ 22 ॥
এবমুক্তা তু সা চিংতাং মৈথিলী সমুপাগতা ।
স্নাপয়ংতীব গামুষ্ণৈরশ্রুভির্নযনচ্য়ুতৈঃ ॥ 23 ॥
চিংতয়ংতীং তথা তাং তু নিবর্তয়িতুমাত্মবান্ ।
তাম্রোষ্ঠীং স তদা সীতাং কাকুত্স্থো বহ্বসাংত্বযত্ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনত্রিংশস্সর্গঃ ॥
