শ্রীমদ্বাল্মীকীয় রামাযণে অয়োধ্য়াকাংডম্ ।
অথ চত্বারিংশস্সর্গঃ ।
অথ রামশ্চ সীতা চ লক্ষ্মণশ্চ কৃতাংজলিঃ ।
উপসংগৃহ্য় রাজানং চক্রুর্দীনাঃ প্রদক্ষিণম্ ॥ 1 ॥
তং চাপি সমনুজ্ঞাপ্য় ধর্মজ্ঞস্সীতয়া সহ ।
রাঘব শ্শোকসম্মূঢো জননীমভ্যবাদযত্ ॥ 2 ॥
অন্বক্ষং লক্ষ্মণো ভ্রাতুঃ কৌসল্য়াং অভ্যবাদযত্ ।
অথ মাতুঃ সুমিত্রায়া জগ্রাহ চরণৌ পুনঃ ॥ 3 ॥
তং বংদমানং রুদতী মাতা সৌমিত্রিমব্রবীত্ ।
হিতকামা মহাবাহুং মূধ্নর্য়ুপাঘ্রায় লক্ষ্মণম্ ॥ 4 ॥
সৃষ্টস্ত্বং বনবাসায় স্বনুরক্তস্সুহৃজ্জনে ।
রামে প্রমাদং মা কার্ষীঃ পুত্র ভ্রাতরি গচ্ছতি ॥ 5 ॥
ব্যসনী বা সমৃদ্ধো বা গতিরেষ তবানঘ ।
এষ লোকে সতাং ধর্মো যজ্জ্য়েষ্ঠবশগো ভবেত্ ॥ 6 ॥
ইদং হি বৃত্তমুচিতং কুলস্য়াস্য় সনাতনম্ ।
দানং দীক্ষা চ যজ্ঞেষু তনুত্য়াগো মৃধেষু চ ॥ 7 ॥
লক্ষ্মণং ত্বেবমুক্ত্বা সা সংসিদ্ধং প্রিযরাঘবম্ ।
সুমিত্রা গচ্ছ গচ্ছেতি পুনঃ পুনরুবাচ তম্ ॥ 8 ॥
রামং দশরথং বিদ্ধি মাং বিদ্ধি জনকাত্মজাম্ ।
অয়োধ্য়ামটবীং বিধ্দি গচ্ছ তাত যথাসুখম্ ॥ 9 ॥
ততঃ সুমংত্রঃ কাকুত্স্থং প্রাংজলির্বাক্যমব্রবীত্ ।
বিনীতো বিনযজ্ঞশ্চ মাতলির্বাসবং যথা ॥ 10 ॥
ররথমারোহ ভদ্রং তে রাজপুত্র মহাযশঃ ।
ক্ষিপ্রং ত্বাং প্রাপয়িষ্য়ামি যত্র মাং রাম বক্ষ্যসি ॥ 11 ॥
চতুর্দশ হি বর্ষাণি বস্তব্য়ানি বনে ত্বয়া ।
তান্য়ুপক্রমিতব্য়ানি যানি দেব্য়াসি চোদিতঃ ॥ 12 ॥
তং রথং সূর্যসংকাশং সীতা হৃষ্টেন চেতসা ।
আরুরোহ বরারোহা কৃত্বালংকারমাত্মনঃ ॥ 13 ॥
অথো জ্বলনসংকাশং চামীকরবিভূষিতম্ ।
তমারুরুহতুস্তূর্ণং ভ্রাতরৌ রামলক্ষ্মণৌ ॥ 14 ॥
বনবাসং হি সংখ্য়ায় বাসাংস্য়াভরণানি চ ।
ভর্তারমনুগচ্ছংত্য়ৈ সীতায়ৈ শ্বশুরো দদৌ ॥ 15 ॥
তথৈবায়ুধজালানি ভ্রাতৃভ্য়াং কবচানি চ ।
রথোপস্থে প্রতিন্যস্য় সচর্ম কঠিনং চ তত্ ॥ 16 ॥
সীতাতৃতীয়ানারূঢান্ দৃষ্ট্বা দৃষ্টমচোদযত্ ।
সুমংত্রস্সম্মতানশ্বান্ বায়ুবেগসমান্জবে ॥ 17 ॥
প্রতিয়াতে মহারণ্য়ং চিররাত্রায় রাঘবে ।
বভূব নগরে মূর্ছা বলমূর্ছা জনস্য় চ ॥ 18 ॥
তত্সমাকুলসংভ্রাংতং মত্তসংকুপিতদ্বিপম্ ।
হযশিংজিতনির্ঘোষং পুরমাসীন্মহাস্বনম্ ॥ 19 ॥
তত স্সবালবৃদ্ধা সা পুরী পরমপীডিতা ।
রামমেবাভিদুদ্রাব ঘর্মার্তা সলিলং যথা ॥ 20 ॥
পার্শ্বতঃ পৃষ্ঠতশ্চাপি লংবমানাস্তদুন্মুখাঃ ।
বাষ্পপূর্ণমুখাস্সর্বে তমূচুর্ভৃশনিস্বনাঃ ॥ 21 ॥
সংযচ্ছ বাজিনাং রশ্মীন্ সূত যাহি শনৈশ্শনৈঃ ।
মুখং দ্রক্ষ্য়াম রামস্য় দুর্দর্শং নো ভবিষ্যতি ॥ 22 ॥
আযসং হৃদয়ং নূনং রামমাতুরসংশযম্ ।
যদ্দেবগর্ভপ্রতিমে বনং যাতি ন ভিদ্যতে ॥ 23 ॥
কৃতকৃত্য়া হি বৈদেহী ছায়েবানুগতা পতিম্ ।
ন জহাতি রতা ধর্মে মেরুমর্কপ্রভা যথা ॥ 24 ॥
অহো লক্ষ্মণ সিদ্ধার্থ স্সততং প্রিযবাদিনম্ ।
ভ্রাতরং দেবসংকাশং যস্ত্বং পরিচরিষ্যসি ॥ 25 ॥
মহত্য়েষা হি তে সিধ্দিরেষ চাভ্য়ুদয়ো মহান্ ।
এষ স্বর্গস্য় মার্গশ্চ যদেনমনুগচ্ছসি ॥ 26 ॥
এবং বদংতস্তে সোঢুং ন শেকুর্বাষ্পমাগতম্ ।
নরাস্তমনুগচ্ছংতঃ প্রিযমিক্ষ্বাকুনংদনম্ ॥ 27 ॥
অথ রাজা বৃত স্ত্রীভির্দীনাভির্দীনচেতনঃ ।
নির্জগাম প্রিয়ং পুত্রং দ্রক্ষ্য়ামীতি ব্রুবন্ গৃহাত্ ॥ 28 ॥
শুশ্রুবে চাগ্রতঃ স্ত্রীণাং রুদংতীনাং মহাস্বনঃ ।
যথা নাদঃ করেণূনাং বদ্ধে মহতি কুংজরে ॥ 29 ॥
পিতা হি রাজা কাকুত্স্থঃ শ্রীমান্ সন্নস্তদাঽভবত্ ।
পরিপূর্ণঃ শশী কালে গ্রহেণোপপ্লুতো যথা ॥ 30 ॥
স চ শ্রীমানচিংত্য়াত্মা রামো দশরথাত্মজঃ ।
সূতং সংচোদয়ামাস ত্বরিতং বাহ্যতামিতি ॥ 31 ॥
রামো যাহীতি সূতং তং তিষ্ঠেতি স জনস্তদা ।
উভয়ং নাশকত্সূতঃ কর্তুমধ্বনি চোদিতঃ ॥ 32 ॥
নির্গচ্ছতি মহাবাহৌ রামে পৌরজনাশ্রুভিঃ ।
পতিতৈরভ্যবহিতং প্রশশাম মহীরজঃ ॥ 33 ॥
রুদিতাশ্রুপরিদ্য়ূনং হাহাকৃতমচেতনম্ ।
প্রয়াণে রাঘবস্য়াসীত্পুরং পরমপীডিতম্ ॥ 34 ॥
সুস্রাব নযনৈঃ স্ত্রীণামস্রমায়াসসংভবম্ ।
মীনসংক্ষোভচলিতৈ স্সলিলং পংকজৈরিব ॥ 35 ॥
দৃষ্ট্বা তু নৃপতি শ্শ্রীমানেকচিত্তগতং পুরম্ ।
নিপপাতৈব দুঃখেন হতমূল ইব দ্রুমঃ ॥ 36 ॥
ততো হলহলাশব্দো জজ্ঞে রামস্য় পৃষ্ঠতঃ ।
নরাণাং প্রেক্ষ্য় রাজানং সীদংতং ভৃশদুঃখিতম্ ॥ 37 ॥
হা রামেতি জনাঃ কেচিদ্রামমাতেতি চাপরে ।
অংতঃপুরং সমৃদ্ধং চ ক্রোশংতঃ পর্যদেবযন্ ॥ 38 ॥
অন্বীক্ষমাণো রামস্তু বিষণ্ণং ভ্রাংতচেতসম্ ।
রাজানং মাতরং চৈব দদর্শানুগতৌ পথি ॥ 39 ॥
স বদ্ধ ইব পাশেন কিশোরো মাতরং যথা ।
ধর্মপাশেন সংক্ষিপ্তঃ প্রকাশং নাভ্য়ুদৈক্ষত ॥ 40 ॥
পদাতিনৌ চ যানার্হাবদুঃখার্হৌ সুখোচিতৌ ।
দৃষ্ট্বা সংচোদয়ামাস শীঘ্রং যাহীতি সারথিম্ ॥ 41 ॥
ন হি তত্পুরুষব্য়াঘ্রো দুঃখদং দর্শনং পিতুঃ ।
মাতুশ্চ সহিতুং শক্তস্তোত্রার্দিত ইব দ্বিপঃ ॥ 42 ॥
প্রত্যগারমিবায়াংতী বত্সলা বত্সকারণাত্ ।
বদ্ধবত্সা যথা ধেনূ রামমাতাভ্যধাবত ॥ 43 ॥
তথা রুদংতীং কৌসল্য়াং রথং তমনুধাবতীম্ ।
ক্রোশংতীং রাম রামেতি হা সীতে লক্ষ্মণেতি চ ॥ 44 ॥
রামলক্ষ্মণসীতার্থং স্রবংতীং বারি নেত্রজম্ ।
অসকৃত্প্রৈক্ষত তদা নৃত্য়ংতীমিব মাতরম্ ॥ 45 ॥
তিষ্ঠেতি রাজা চুক্রোশ যাহি যাহীতি রাঘবঃ ।
সুমংত্রস্য় বভূবাত্মা চক্রয়োরিব চাংতরা ॥ 46 ॥
নাশ্রৌষমিতি রাজানমুপালব্ধোঽপি বক্ষ্যসি ।
চিরং দুঃখস্য় পাপিষ্ঠমিতি রামস্তমব্রবীত্ ॥ 47 ॥
রামস্য় স বচঃ কুর্বন্ননুজ্ঞাপ্য় চ তং জনম্ ।
ব্রজতোঽপি হয়ান্ শীঘ্রং চোদয়ামাস সারথিঃ ॥ 48 ॥
ন্যবর্তত জনো রাজ্ঞো রামং কৃত্বা প্রদক্ষিণম্ ।
মনসাপ্যশ্রুবেগৈশ্চ ন ন্যবর্তত মানুষম্ ॥ 49 ॥
যমিচ্ছেত্পুনরায়াংতং নৈনং দূরমনুব্রজেত্ ।
ইত্যমাত্য়া মহারাজমূচুর্দশরথং বচঃ ॥ 50 ॥
তেষাং বচঃ সর্বগুণোপপন্নং প্রস্বিন্নগাত্রঃ প্রবিষণ্ণরূপঃ ।
নিশম্য় রাজা কৃপণঃ সভার্য়ো ব্যবস্থিতস্তং সুতমীক্ষমাণঃ ॥ 51 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে চত্বারিংশস্সর্গঃ ॥
