শ্রীমদ্বাল্মীকীয় রামাযণে অয়োধ্য়াকাংডম্ ।
অথ একচত্বারিংশস্সর্গঃ ।
তস্মিন্স্তু পুরুষব্য়াঘ্রে বিনির্য়াতি কৃতাংজলৌ ।
আর্তশব্দোঽহি সংজজ্ঞে স্ত্রীণামংতঃপুরে মহান্ ॥ 1 ॥
অনাথস্য় জনস্য়াস্য় দুর্বলস্য় তপস্বিনঃ ।
যো গতিশ্শরণং চাসীত্স নাথঃ ক্ব নু গচ্ছতি ॥ 2 ॥
ন ক্রুধ্যত্যভিশপ্তোঽপি ক্রোধনীয়ানি বর্জযন্ ।
ক্রুদ্ধান্প্রসাদযন্সর্বান্ সমদুঃখঃ ক্ব গজ্ছতি ॥ 3 ॥
কৌশল্য়ায়াং মহাতেজা যথা মাতরি বর্ততে ।
তথা যো বর্ততেঽস্মাসু মহাত্মা ক্ব নু গচ্ছতি ॥ 4 ॥
কৈকেয়্য়া ক্লিশ্যমানেন রাজ্ঞা সংচোদিতো বনম্ ।
পরিত্রাতা জনস্য়াস্য় জগতঃ ক্ব নু গচ্ছতি ॥ 5 ॥
অহো নিশ্চেতনো রাজা জীবলোকস্য় সংপ্রিযম্ ।
ধর্ম্য়ং সত্যব্রতং রামং বনবাসে প্রবত্স্যতি ॥ 6 ॥
ইতি সর্বা মহিষ্যস্তা বিবত্সা ইব ধেনবঃ ।
রুরুদুশ্চৈব দুঃখার্তাঃ সস্বরং চ বিচুক্রুশুঃ ॥ 7 ॥
স তমংতঃ পুরে ঘোরমার্তশব্দং মহীপতিঃ ।
পুত্রশোকাভিসংতপ্তঃ শ্রুত্বা চাসীত্সুদুঃখিতঃ ॥ 8 ॥
নাগ্নিহোত্রাণ্যহূয়ংত নাপচন্ গৃহমেধিনঃ অকুর্বন্ন প্রজাঃ কার্য়ং সূর্যশ্চাংতরধীযত ॥ 9 ॥
ব্যসৃজন্ কবলান্নাগা গাবো বত্সান্ন পাযযন্ ।
পুত্রং প্রথমজং লব্ধ্বা জননী নাভ্যনংদত ॥ 10 ॥
ত্রিশংকুর্লোহিতাংগশ্চ বৃহস্পতিবুধাবপি ।
দারুণা স্সোমমভ্য়েত্য় গ্রহাস্সর্বে ব্যবস্থিতাঃ ॥ 11 ॥
নক্ষত্রাণি গতার্চীংষি গ্রহাশ্চ গততেজসঃ ।
বিশাখাস্তু সধূমাশ্চ নভসি প্রচকাশিরে ॥ 12 ॥
কালিকানিলবেগেন মহোদধিরিবোত্থিতঃ ।
রামে বনং প্রব্রজিতে নগরং প্রচচাল তত্ ॥ 13 ॥
দিশঃ পর্য়াকুলাস্সর্বা স্তিমিরেণেব সংবৃতাঃ ।
ন গ্রহো নাপি নক্ষত্রং প্রচকাশে নকিংচন ॥ 14 ॥
অকস্মান্নাগরস্সর্বো জনো দৈন্যমুপাগমত্ ।
আহারে বা বিহারে বা ন কশ্চিদকরোন্মনঃ ॥ 15 ॥
শোকপর্য়াযসংতপ্ত স্সততং দীর্ঘমুচ্ছবসন্ ।
অয়োধ্য়ায়াং জনস্সর্ব শ্শুশোচ জগতীপতিম্ ॥ 16 ॥
বাষ্পপর্য়াকুলমুখো রাজমার্গগতো জনঃ ।
ন হৃষ্টো লক্ষ্যতে কশ্চিত্সর্ব শ্শোকপরাযণঃ ॥ 17 ॥
ন বাতি পবন শ্শীতো ন শশী সৌম্যদর্শনঃ ।
ন সূর্যস্তপতে লোকং সর্বং পর্য়াকুলং জগত্ ॥ 18 ॥
অনর্থিনস্সুতাঃ স্ত্রীণাং ভর্তারো ভ্রাতরস্তথা ।
সর্বে সর্বং পরিত্যজ্য় রামমেবান্বচিংতযন্ ॥ 19 ॥
যে তু রামস্য় সুহৃদ স্সর্বে তে মূঢচেতসঃ ।
শোকভারেণ চাক্রাংতা শ্শযনং ন জহুস্তদা ॥ 20 ॥
ততস্ত্বয়োধ্য়া রহিতা মহাত্মনা পুরংদরেণেব মহী সপর্বতা ।
চচাল ঘোরং ভযশোকপীডিতা সনাগয়োধাশ্বগণা ননাদ চ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একচত্বারিংশস্সর্গঃ ॥
