শ্রীমদ্বাল্মীকীয় রামাযণে অয়োধ্য়াকাংডম্ ।
অথ ত্রিচত্বারিংশস্সর্গঃ ।
ততঃ সমীক্ষ্য় শযনে সন্নং শোকেন পার্থিবম্ ।
কৌশল্য়া পুত্রশোকার্তা তমুবাচ মহীপতিম্ ॥ 1 ॥
রাঘবে নরশার্দূলে বিষমুপ্ত্বাহিজিহ্মগা ।
বিচরিষ্যতি কৈকেয়ী নির্মুক্তেব হি পন্নগী ॥ 2 ॥
বিবাস্য় রামং সুভগা লব্ধকামা সমাহিতা ।
ত্রাসয়িষ্যতি মাং ভূয়ো দুষ্টাহিরিব বেশ্মনি ॥ 3 ॥
অথ স্ম নগরে রামশ্চরন্ ভৈক্ষং গৃহে বসেত্ ।
কামকারো বরং দাতুমপি দাসং মমাত্মজম্ ॥ 4 ॥
পাতয়িত্বা তু কৈকেয়্য়া রামং স্থানাদ্যথেষ্টতঃ ।
প্রদিষ্টো রক্ষসাং ভাগঃ পর্বণীবাহিতাগ্নিনা ॥ 5 ॥
গজরাজগতির্বীরো মহাবাহুর্ধনুর্ধরঃ ।
বনমাবিশতে নূনং সভার্য় স্সহ লক্ষ্মণঃ ॥ 6 ॥
বনে ত্বদৃষ্টদুঃখানাং কেকয়্য়ানুমতে ত্বয়া ।
ত্যক্তানাং বনবাসায় কান্ববস্থা ভবিষ্যতি ॥ 7 ॥
তে রত্নহীনাস্তরুণাঃ ফলকালে বিবাসিতাঃ ।
কথং বত্স্য়ংতি কৃপণাঃ ফলমূলৈঃ কৃতাশনাঃ ॥ 8 ॥
অপীদানীং স কালস্স্য়ান্মম শোকক্ষয় শ্শিবঃ ।
সভার্য়ং যত্সহ ভ্রাত্রা পশ্য়েযমিহ রাঘবম্ ॥ 9 ॥
শ্রৃত্বৈবোপস্থিতৌ বীরৌ কদায়োধ্য়া ভবিষ্যতি ।
যশস্বিনী হৃষ্টজনা সূচ্ছ্রিতধ্বজমালিনী ॥ 10 ॥
কদা প্রেক্ষ্য় নরব্য়াঘ্রাবরণ্য়াত্পুনরাগতৌ ।
নংদিষ্যতি পুরী হৃষ্টা সমুদ্র ইব পর্বণি ॥ 11 ॥
কদাঽয়োধ্য়াং মহাবাহুঃ পুরীং বীরঃ প্রবেক্ষ্যতি ।
পুরস্কৃত্য় রথে সীতাং বৃষভো গোবধূমিব ॥ 12 ॥
কদা প্রাণিসহস্রাণি রাজমার্গে মমাত্মজৌ ।
লাজৈরবকিরিষ্য়ংতি প্রবিশংতাবরিংদমৌ ॥ 13 ॥
প্রবিশংতৌ কদাঽয়োধ্য়াং দ্রক্ষ্য়ামি শুভকুংডলৌ ।
উদগ্রায়ুধনিস্ত্রিংশৌ সশ্রৃংগাবিব পর্বতৌ ॥ 14 ॥
কদাসুমনসঃ কন্য়াদ্বিজাতীনাং ফলানি চ ।
প্রদিশংতঃ পুরীং হৃষ্টাঃ করিষ্য়ংতি প্রদক্ষিণম্ ॥ 15 ॥
কদা পরিণতো বুদ্ধ্য়া বযসা চামরপ্রভঃ ।
অভ্য়ুপৈষ্যতি ধর্মজ্ঞস্ত্রিবর্ষ ইব মাং ললন্ ॥ 16 ॥
নিস্সংশয়ং ময়া মন্য়ে পুরা বীর কদর্যয়া ।
পাতুকামেষু বত্সেষু মাতৃণাং শাতিতাস্স্তনাঃ ॥ 17 ॥
সাহং গৌরিব সিংহেন বিবত্সা বত্সলা কৃতা ।
কৈকেয়্য়া পুরুষব্য়াঘ্র বালবত্সেব গৌর্বলাত্ ॥ 18 ॥
ন হি তাবদ্গুণৈর্জুষ্টং সর্বশাস্ত্রবিশারদম্ ।
একপুত্রা বিনা পুত্রমহং জীবিতুমুত্সহে ॥ 19 ॥
ন হি মে জীবিতে কিংচিত্সামর্থ্যমিহ কল্প্যতে ।
অপশ্য়ংত্য়াঃ প্রিয়ং পুত্রং মহাবাহুং মহাবলম্ ॥ 20 ॥
অয়ং হি মাং দীপযতে সমুত্থিতঃ তনূজশোকপ্রভবো হুতাশনঃ ।
মহীমিমাং রশ্মিভিরুদ্ধতপ্রভঃ যথা নিদাঘে ভগবান্ দিবাকরঃ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ত্রিচত্বারিংশস্সর্গঃ ॥
