শ্রীমদ্বাল্মীকীয় রামাযণে অয়োধ্য়াকাংডম্ ।
অথ চতুঃষষ্টিতমস্সর্গঃ ।
বধমপ্রতিরূপং তু মহর্ষেস্তস্য় রাঘবঃ ।
বিলপন্নেব ধর্মাত্মা কৌসল্য়াং পুনরব্রবীত্ ॥ 1 ॥
তদজ্ঞানান্মহত্পাপং কৃত্বাহং সংকুলেংদ্রিয়ঃ ।
একস্ত্বচিংতয়ং বুধ্য়া কথং নু সুকৃতং ভবেত্ ॥ 2 ॥
ততস্তং ঘটমাদায় পূর্ণং পরমবারিণা ।
আশ্রমং তমহং প্রাপ্য় যথাঽখ্য়াতপথং গতঃ ॥ 3 ॥
তত্রাহং দুর্বলাবংধৌ বৃদ্ধাবপরিণাযকৌ ।
অপশ্য়ং তস্য় পিতরৌ লূনপক্ষাবিব দ্বিজৌ ॥ 4 ॥
তন্নিমিত্তাভিরাসীনৌ কথাভিরপরিশ্রমৌ ।
তামাশাং মত্কৃতে হীনাবুদাসীনাবনাথবত্ ॥ 5 ॥
শোকোপহতচিত্তশ্চ ভযসংত্রস্তচেতনঃ ।
তচ্চাঽশ্রমপদং গত্বা ভূযশ্শোকমহং গতঃ ॥ 6 ॥
পদশব্দং তু মে শ্রুত্বা মুনির্বাক্যমভাষত ।
কিং চিরাযসি মে পুত্র পানীয়ং ক্ষিপ্রমানয় ॥ 7 ॥
যন্নিমিত্তমিদং তাত সলিলে ক্রীডিতং ত্বয়া ।
উত্কংঠিতা তে মাতেয়ং প্রবিশ ক্ষিপ্রমাশ্রমম্ ॥ 8 ॥
যদ্ব্যলীকং কৃতং পুত্র মাত্রা তে যদি বা ময়া ।
ন তন্মনসি কর্তব্য়ং ত্বয়া তাত তপস্বিনা ॥ 9 ॥
ত্বং গতিস্ত্বগতীনাং চক্ষুস্ত্বং হীনচক্ষুষাম্ ।
সমাসক্তাস্ত্বয়ি প্রাণাঃ কিং ত্বং নো নাভিভাষসে ॥ 10 ॥
মুনিমব্যক্তয়া বাচা তমহং সজ্জমানয়া ।
হীনব্য়ংজনয়া প্রেক্ষ্য় ভীতচিত্ত ইবাব্রুবম্ ॥ 11 ॥
মনসঃ কর্ম চেষ্টাভিরভিসংস্তভ্য় বাগ্বলম্ ।
আচচক্ষে ত্বহং তস্মৈ পুত্রব্যসনজং ভযম্ ॥ 12 ॥
ক্ষত্রিয়োঽহং দশরথো নাহং পুত্রো মহাত্মনঃ ।
সজ্জনাবমতং দুঃখমিদং প্রাপ্তং স্বকর্মজম্ ॥ 13 ॥
ভগবংশ্চাপহস্তোঽহং সরয়ূতীরমাগতঃ ।
জিঘাংসুশ্শ্বাপদং কংচিন্নিপানে চাঽগতং গজম্ ॥ 14 ॥
ততশ্শ্রুতো ময়া শব্দো জলে কুংভস্য় পূর্যতঃ ।
দ্বিপোঽযমিতি মত্বাঽয়ং বাণেনাভিহতো ময়া ॥ 15 ॥
গত্বা নদ্য়াস্তত স্তীরমপশ্যমিষুণা হৃদি ।
বিনির্ভিন্নং গতপ্রাণং শয়ানং ভুবি তাপসম্ ॥ 16 ॥
ভগবচ্ছশব্দমালক্ষ্য় ময়া গজজিঘাংসুনা ।
বিসৃপ্টোঽংভসি নারাচস্তেন তে নিহতস্সুতঃ ॥ 17 ॥
ততস্তস্য়ৈব বচনাদুপেত্য় পরিতপ্যতঃ ।
স ময়া সহসা বাণ উধৃতো মর্মতস্তদা ॥ 18 ॥
স চোধৃতেন বাণেন তত্রৈব স্বর্গমাস্থিতঃ ।
ভবংতৌ পিতরৌ শোচন্নংধাবিতি বিলপ্য় চ ॥ 19 ॥
অজ্ঞানাদ্ভবতঃ পুত্র স্সহসাঽভিহতো ময়া ।
শেষমেবং গতে যত্স্য়াত্তত্প্রসীদতু মে মুনিঃ ॥ 20 ॥
স তচ্চ্রুত্বা বচঃ ক্রূরং ময়োক্তমঘশংসিনা ।
নাশকত্তীব্রমায়াসমকর্তুং ভগবানৃষিঃ ॥ 21 ॥
স বাষ্পপূর্ণবদনো নিশ্শ্বসন্শোককর্শিতঃ ।
মামুবাচ মহাতেজাঃ কৃতাংজলিমুপস্থিতম্ ॥ 22 ॥
যদ্য়েতদশুভং কর্ম ন ত্বং মে কথয়েস্স্বযম্ ।
ফলেন্মূর্ধা স্ম তে রাজন্ সদ্য় শ্শতসহস্রধা ॥ 23 ॥
ক্ষত্রিয়েণ বধো রাজন্ বানপ্রস্থে বিশেষতঃ ।
জ্ঞানপূর্বং কৃত স্স্থানাচ্চ্য়াবয়েদপি বজ্রিণম্ ॥ 24 ॥
সপ্তধা তু ফলেন্মূর্ধা মুনৌ তপসি তিষ্ঠতি ।
জ্ঞানাদ্বিসৃজতশ্শস্ত্রং তাদৃশে ব্রহ্মাবাদিনি ॥ 25 ॥
অজ্ঞানাদ্ধিকৃতং যস্মাদিদং তেনৈব জবসি ।
অপি হ্যদ্য় কুলং ন স্য়াদিক্ষ্বাকূণাং কুতো ভবান্ ॥ 26 ॥
নয় নৌ নৃপ তং দেশমিতি মাং চাভ্যভাষত ।
অদ্য় তং দ্রষ্টুমিচ্ছাবঃ পুত্রং পশ্চিমদর্শনম্ ॥ 27 ॥
রুধিরেণাবসিক্তাংগং প্রকীর্ণাজিনবাসসম্ ।
শয়ানং ভুবি নিস্সংজ্ঞং ধর্ম রাজবশং গতম্ ॥ 28 ॥
অথাহমেকস্তং দেশং নীত্বা তৌ ভৃশদুঃখিতৌ ।
অস্পর্শযমহং পুত্রং তং মুনিং সহ ভার্যয়া ॥ 29 ॥
নাভিবাদযসে মাদ্য় ন চ মাঽমভিভাষসে ।
কিং নু শেষে তু ভূমৌ ত্বং বত্স কিং কুপিতো হ্যসি ॥ 30 ॥
ন ত্বহং তে প্রিয়ং পুত্র মাতরং পশ্য় ধার্মিক ।
কিং নু নালিংগসে পুত্র সুকুমার বচো বদ ॥ 31 ॥
কস্য় বাঽপররাত্রেঽহং শ্রোষ্য়ামি হৃদয়ংগমম্ ।
অধীয়ানস্য় মধুরং শাস্ত্রং বান্যদ্বিশেষতঃ ॥ 32 ॥
কো মাং সংদ্য়ামুপাস্য়ৈব স্নাত্বা হুতহুতাশনঃ ।
শ্লাঘয়িষ্যত্য়ুপাসীনঃ পুত্র শোকভয়ার্দিতম্ ॥ 33 ॥
কংদমূলফলং হৃত্বা কো মাং প্রিযমিবাতিথিম্ ।
ভোজয়িষ্যত্যকর্মণ্যমপ্রগ্রহমনাযকম্ ॥ 34 ॥
ইমামংধাং চ বৃদ্ধাং চ মাতরং তে তপস্বিনীম্ ।
কথং বত্স ভরিষ্য়ামি কৃপণাং পুত্রগর্ধিনীম্ ॥ 35 ॥
তিষ্ঠ মাং মাগমঃ পুত্র যমস্য় সদনং প্রতি ।
শ্বো ময়া সহ গংতাসি জনন্য়া চ সমেধিতঃ ॥ 36 ॥
ততো বৈবস্বতং দৃষ্ট্বা তং প্রবক্ষ্য়ামি ভারতীম্ ।
ক্ষমতাং ধর্মরাজো মে বিভৃয়াত্পিতরাবযম্ ॥ 37 ॥
দাতুমর্হতি ধর্মাত্মা লোকপালো মহাযশাঃ ।
ঈদৃশস্য় মমাক্ষয়্য়া মেকামভযদক্ষিণাম্ ॥ 38 ॥
অপাপোঽসি যদা পুত্র নিহতঃ পাপকর্মণা ।
তেন সত্য়েন গচ্ছাঽঽশু যে লোকাশ্শস্ত্রয়োধিনাম্ ॥ 39 ॥
যাংতি শূরা গতিং যাং চ সংগ্রামেষ্বনিবর্তিনঃ ।
হতাস্ত্বভিমুখাঃ পুত্র গতিং তাং পরমাং ব্রজ ॥ 40 ॥
যাং গতিং সগরশ্শৈব্য়ো দিলীপো জনমেজয়ঃ ।
নহুষো দুংদুমারশ্চ প্রাপ্তাস্তাং গচ্ছ পুত্রক ॥ 41 ॥
যা গতি স্সর্বসাধূনাং স্বাধ্য়ায়াত্তপসাচ যা ।
যা ভূমিদস্য়াহিঽতাগ্নেরেকপত্নী ব্রতস্য় চ ॥ 42 ॥
গোসহস্রপ্রদাতৃণাং যা যা গুরুভৃতামপি ।
দেহন্য়াসকৃতাং যা চ তাং গতিং গচ্ছ পুত্রক ॥ 43 ॥
ন হি ত্বস্মিন্কুলে জাতো গচ্ছত্যকুশলাং গতিম্ ।
স তু যাস্যতি যেন ত্বং নিহতো মম বাংধবঃ ॥ 44 ॥
এবং স কৃপণং তত্র পর্যদেবযতাসকৃত্ ।
ততোঽস্মৈ কর্তুমুদকং প্রবৃত্তস্সহভার্যয়া ॥ 45 ॥
স তু দিব্য়েন রূপেণ মুনিপুত্রস্স্বকর্মভিঃ ।
স্বর্গমধ্য়ারুহত্ক্ষিপ্রং শক্রেণ সহ ধর্মবিত্ ॥ 46 ॥
আবভাষে চ বৃদ্ধৌ তৌ সহ শক্রেণ তাপসঃ ।
আশ্বাস্যচ মুহূর্তং তু পিতরৌ বাক্যমব্রবীত্ ॥ 47 ॥
স্থানমস্মি মহত্প্রাপ্তো ভবতোঃ পরিচারণাত্ ।
ভবংতাবপি চ ক্ষিপ্রং মম মূলমুপৈষ্যতঃ ॥ 48 ॥
এবমুক্ত্বা তু দিব্য়েন বিমানেন বপুষ্মতা ।
আরুরোহ দিবং ক্ষিপ্রং মুনিপুত্রো জিতেংদ্রিয়ঃ ॥ 49 ॥
স কৃত্বা তূদকং তূর্ণং তাপস স্সহ ভার্যয়া ।
মামুবাচ মহাতেজাঃ কৃতাংজলিমুপস্থিতম্ ॥ 50 ॥
অদ্য়ৈব জহিং মাং রাজন্মরণে নাস্তি মে ব্যথা ।
যচ্ছরেণৈকপুত্রং মাং ত্বমকর্ষীরপুত্রকম্ ॥ 51 ॥
ত্বয়া তু যদবিজ্ঞানান্নিহতো মে সুতশ্শুচিঃ ।
তেন ত্বামভিশপ্স্য়ামি সুদুঃখমতিদারুণম্ ॥ 52 ॥
পুত্রব্যসনজং দুঃখং যদেতন্মম সাংপ্রতম্ ।
এবং ত্বং পুত্রশোকেন রাজন্কালং করিষ্যসি ॥ 53 ॥
অজ্ঞানাত্তু হতো যস্মাত্ক্ষত্রিয়েণ ত্বয়া মুনিঃ ।
তস্মাত্ত্বাং নাবিশত্য়াশু ব্রহ্মহত্য়া নরাধিপ ॥ 54 ॥
ত্বামপ্য়েতাদৃশো ভাবঃ ক্ষিপ্রমেব গমিষ্যতি ।
জীবিতাংতকরো ঘোরো দাতারমিব দক্ষিণা ॥ 55 ॥
এবং শাপং ময়ি ন্যস্য় বিলপ্য় করুণং বহু ।
চিতামারোপ্য় দেহং তন্মিথুনং স্বর্গমভ্যয়াত্ ॥ 56 ॥
তদেতচ্ছিংতয়ানেন স্মৃতং পাপং ময়া স্বযম্ ।
তদা বাল্য়াত্কৃতং দেবি শব্দবেধ্যনুশিক্ষিণা ॥ 57 ॥
তস্য়ায়ং কর্মণো দেবি বিপাকস্সমুপস্থিতঃ ।
অপথ্য়ৈস্সহংভুক্তে ব্য়াধিরন্নরসে যথা ॥ 58 ॥
তস্মান্মামাগতং ভদ্রে তস্য়োদারস্য় তদ্বচঃ ।
যদহং পুত্রশোকেন সংত্যক্ষ্য়াম্যদ্য় জীবিতম্ ॥ 59 ॥
চক্ষুভ্য়াং ত্বাং ন পশ্য়ামি কৌসল্য়ে সাধু মাং স্ফৃশ ।
ইত্য়ুক্ত্বা স রুদংস্ত্রস্তো ভার্য়ামাহ চ ভূমিপঃ ॥ 60 ॥
এতন্মে সদৃশং দেবি যন্ময়া রাঘবে কৃতম্ ।
সদৃশং তত্তু তস্য়ৈব যদনেন কৃতং ময়ি ॥ 61 ॥
দুর্বৃত্তমপি কঃ পুত্রং ত্যজেদ্ভুবি বিচক্ষণঃ ।
কশ্চ প্রব্রাজ্যমানো বা নাসূয়েত্পিতরং সুতঃ ॥ 62 ॥
যদি মাং সংস্পৃশেদ্রামস্সকৃদদ্য় লভেত বা ।
যমক্ষযমনুপ্রাপ্তা দ্রক্ষ্য়ংতি ন হি মানবাঃ ॥ 63 ॥
চক্ষুষা ত্বাং ন পশ্য়ামি স্মৃতির্মম বিলুপ্যতে ।
দূতা বৈবস্বতস্য়ৈতে কৌসল্য়ে ত্বরয়ংতি মাম্ ॥ 64 ॥
অতস্তু কিং দুঃখতরং যদহং জীবিতক্ষয়ে ।
ন হি পশ্য়ামি ধর্মজ্ঞং রামং সত্যপরাক্রমম্ ॥ 65 ॥
তস্য়াদর্শনজশ্শোকস্সুতস্য়াপ্রতিকর্মণঃ ।
উচ্ছোষযতি মে প্রাণান্বারিস্তোকমিবাতপঃ ॥ 66 ॥
ন তে মনুষ্য়া দেবাস্তে যে চারুশুভকুংডলম্ ।
মুখং দ্রক্ষ্য়ংতি রামস্য় বর্ষে পংচদশে পুনঃ ॥ 67 ॥
পদ্মপত্রেক্ষণং সুভ্রু সুদংষ্ট্রং চারুনাসিকম্ ।
ধন্য়া দ্রক্ষ্য়ংতি রামস্য় তারাধিপনিভং মুখম্ ॥ 68 ॥
সদৃশং শারদস্য়েংদোঃ পুল্লস্য় কমলস্য় চ ।
সুগংধি মম নাথস্য় ধন্য়া দ্রক্ষ্য়ংতি তন্মুখম্ ॥ 69 ॥
নিবৃত্তবনবাসং তময়োধ্য়াং পুনরাগতম্ ।
দ্রক্ষ্য়ংতি সুখিনো রামং শুক্রং মার্গগতং যথা ॥ 70 ॥
কৌসল্য়ে চিত্তমোহেন হৃদয়ং সীদতীব মে ।
বেদয়ে ন চ সংয়ুক্তান্ শব্দস্পর্শরসানহম্ ॥ 71 ॥
চিত্তনাশাদ্বিপদ্য়ংতে সর্বাণ্য়েংদ্রিয়াণি মে ।
ক্ষীণস্নেহস্য় দীপস্য় সংসক্তা রশ্ময়ো যথা ॥ 72 ॥
অযমাত্মভবশ্শোকো মামনাথমচেতনম্ ।
সংসাদযতি বেগেন যথা কূলং নদীরয়ঃ ॥ 73 ॥
হা রাঘব মহাবাহো হা মমাঽয়াসনাশন ।
হা পিতৃপ্রিয় মে নাথ হাঽদ্য় ক্বাসি গতস্সুত ॥ 74 ॥
হা কৌসল্য়ে নশিষ্য়ামি হা সুমিত্রে তপস্বিনি ।
হা নৃশংসে মমামিত্রে কৈকেয়ি কুলপাংসনি ॥ 75 ॥
ইতি রামস্য় মাতুশ্চ সুমিত্রায়াশ্চ সন্নিধৌ ।
রাজা দশরথ শ্শোচংজীবিতাংতমুপাগমত্ ॥ 76 ॥
যদা তু দীনং কথযন্নরাধিপঃ প্রিযস্য় পুত্ত্রস্য় বিবাসনাতুরঃ ।
গতেঽর্ধরাত্রে ভৃশদুঃখপীডিতস্তদা জহৌ প্রাণমুদারদর্শনঃ ॥ 77 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে চতুঃষষ্টিতমস্সর্গঃ ॥
