শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তাশীতিতমস্সর্গঃ ।
গুহস্য় বচনং শ্রুত্বা ভরতো ভৃশমপ্রিযম্ ।
ধ্য়ানং জগাম তত্রৈব যত্র তচ্ছ্রুতমপ্রিযম্ ॥ 1 ॥
সুকুমারো মহাসত্ত্বস্সিংহস্কংধো মহাভুজঃ ।
পুংডরীকবিশালাক্ষ স্তরুণঃ প্রিযদর্শনঃ ॥ 2 ॥
প্রত্য়াশ্বস্য় মুহূর্তং তু কালং পরমদুর্মনাঃ ।
পপাত সহসা তোত্রৈর্হ্যতিবিদ্ধ ইব দ্বিপঃ ॥ 3 ॥
তদবস্থং তু ভরতং শত্রুঘ্নোঽনংতরস্থিতঃ ।
পরিষ্বজ্য় রুরোদোচ্চৈর্বিসংজ্ঞশ্শোককর্শিতঃ ॥ 4 ॥
ততস্সর্বাস্সমাপেতুর্মাতরো ভরতস্য় তাঃ ।
উপবাসকৃশা দীনা ভর্তৃব্যসনকর্শিতাঃ ॥ 5 ॥
তাশ্চ তং পতিতং ভূমৌ রুদংত্য়ঃ পর্যবারযন্ ।
কৌসল্য়া ত্বনুসৃত্য়ৈনং দুর্মনাঃ পরিষস্বজে ॥ 6 ॥
বত্সলা স্বং যথা বত্সমুপগূহ্য় তপস্বিনী ।
পরিপপ্রচ্ছ ভরতং রুদংতী শোকলালসা ॥ 7 ॥
পুত্র ব্য়াধির্ন তে কচ্চিচ্ছরীরং পরিবাধতে ।
অদ্য় রাজকুলস্য়াস্য় ত্বদধীনং হি জীবিতম্ ॥ 8 ॥
ত্বাং দৃষ্ট্বা পুত্র জীবামি রামে সভ্রাতৃকেগতে ।
বৃত্তে দশরথে রাজ্ঞি নাথ একস্ত্বমদ্য় নঃ ॥ 9 ॥
কচ্চিন্ন লক্ষ্মণে পুত্র শ্রুতং তে কিংচদপ্রিযম্ ।
পুত্রে বাঽপ্য়েকপুত্রায়া স্সহভার্য়ে বনং গতে ॥ 10 ॥
স মুহূর্তং সমাশ্বস্য় রুদন্নেব মহাযশাঃ ।
কৌসল্য়াং পরিসাংত্বেদ্য়ং গুহং বচনমব্রবীত্ ॥ 11 ॥
ভ্রাতা মে ক্বাবসদ্রাত্রৌ ক্ব সীতা ক্ব চ লক্ষ্মণঃ ।
অস্বপচ্ছযনে কস্মিন্ কিং ভুক্ত্বা গুহ শংস মে ॥ 12 ॥
সোঽব্রবীদ্ভরতং হৃষ্টো নিষাদাধিপতির্গুহঃ ।
যদ্বিধং প্রতিপেদে চ রামে প্রিযহিতেঽতিথৌ ॥ 13 ॥
অন্নমুচ্চাবচং ভক্ষাঃ ফলানি বিবিধানি চ ।
রামায়াভ্যবহারার্থং বহুচোপহৃতং ময়া ॥ 14 ॥
তত্সর্বং প্রত্যনুজ্ঞাসীদ্রাম স্সত্যপরাক্রমঃ ।
ন তু তত্প্রত্যগৃহ্ণাত্স ক্ষত্রধর্মমনুস্মরন্ ॥ 15 ॥
ন হ্যস্মাভিঃ প্রতিগ্রাহ্য়ং সখে দেয়ং তু সর্বদা ।
ইতি তেন বয়ং রাজন্ননুনীতা মহাত্মনা ॥ 16 ॥
লক্ষ্মণেন সমানীতং পীত্বা বারি মহাযশাঃ ।
ঔপবাস্য়ং তদাঽকার্ষীদ্রাঘবস্সহ সীতয়া ॥ 17 ॥
ততস্তু জলশেষেণ লক্ষ্মণোঽপ্যকরোত্তদা ।
বাগ্যতাস্তে ত্রয় স্সংধ্য়াং সমুপাসত সংহিতাঃ ॥ 18 ॥
সৌমিত্রিস্তু ততঃ পশ্চাদকরোত্স্বাস্তরং শুভম্ ।
স্বযমানীয় বর্হীংষি ক্ষিপ্রং রাঘবকারণাত্ ॥ 19 ॥
তস্মিন্সমাবিশদ্রাম স্স্বাস্তরে সহ সীতয়া ।
প্রক্ষাল্য় চ তয়োঃ পাদাবপচক্রাম লক্ষ্মণঃ ॥ 20 ॥
এতত্তদিংগুদীমূলমিদমেব চ তত্তৃণম্ ।
যস্মিন্রামশ্চ সীতা চ রাত্রিং তাং শয়িতাবুভৌ ॥ 21 ॥
নিযম্য় পৃষ্ঠে তু তলাংগুলিত্রবান্ শরৈস্সুপূর্ণাবিষুধী পরংতপঃ ।
মহাদ্ধনু স্সজ্যমুপোহ্য় লক্ষ্মণো নিশামতিষ্ঠত্পরিতোঽস্য় কেবলম্ ॥ 22 ॥
তত স্ত্বহংচোত্তমবাণচাপধৃত্ স্থিতোঽভবং তত্র স যত্র লক্ষ্মণঃ ।
অতংদ্রিতৈর্জ্ঞাতিভিরাত্তকার্মুকৈর্মহেংদ্রকল্পং পরিপালয়ংস্তদা ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তাশীতিতমস্সর্গঃ ॥
