শ্রীমদ্বাল্মীকীয় রামাযণে অরণ্যকাংডম্ ।
অথ ষোডশস্সর্গঃ ।
বসতস্তস্য় তু সুখং রাঘবস্য় মহাত্মনঃ ।
শরদ্ব্যপায়ে হেমংতঋতুরিষ্টঃ প্রবর্তত ॥ 1 ॥
স কদাচিত্প্রভাতায়াং শর্বর্য়াং রঘুনংদনঃ ।
প্রযয়াবভিষেকার্থং রম্য়াং গোদাবরীং নদীম্ ॥ 2 ॥
প্রহ্বঃ কলশহস্তস্তং সীতয়া সহ বীর্যবান্ ।
পৃষ্ঠতোঽনুব্রজন্ভ্রাতা সৌমিত্রিরিদমব্রবীত্ ॥ 3 ॥
অয়ং স কালঃ সংপ্রাপ্তঃ প্রিয়ো যস্তে প্রিয়ংবদ ।
অলংকৃত ইবাভাতি যেন সংবত্সরঃ শুভঃ ॥ 4 ॥
নীহারপরুষো লোকঃ পৃথিবী সস্যশালিনী ।
জলান্যনুপভোগ্য়ানি সুভগো হব্যবাহনঃ ॥ 5 ॥
নবাগ্রযণপূজাভিরভ্যর্চ্য় পিতৃদেবতাঃ ।
কৃতাগ্রযণকাঃ কালে সংতো বিগতকল্মষাঃ ॥ 6 ॥
প্রাজ্যকামা জনপদাস্সংপন্নতরগোরসাঃ ।
বিচরংতি মহীপালা যাত্রাস্থা বিজিগীষবঃ ॥ 7 ॥
সেবমানে দৃঢং সূর্য়ে দিশমংতক সেবিতাম্ ।
বিহীনতিলকেব স্ত্রী নোত্তরা দিক্প্রকাশতে ॥ 8 ॥
প্রকৃত্য়া হিমকোশাঢ্য়ো দূরসূর্যশ্চ সাংপ্রতম্ ।
যথার্থনামা সুব্যক্তং হিমবান্হিমবান্গিরিঃ ॥ 9 ॥
অত্য়ংতসুখসংচারা মধ্য়াহ্নে স্পর্শতস্সুখাঃ ।
দিবসাস্সুভগাদিত্য়াশ্চায়াসলিলদুর্ভগাঃ ॥ 10 ॥
মৃদুসূর্য়াস্সনীহারাঃ পটুশীতাস্সমারুতাঃ ।
শূন্য়ারণ্য়া হিমধ্বস্তা দিবসা ভাংতিসাংপ্রতম্ ॥ 11 ॥
নিবৃত্তাকাশশযনাঃ পুষ্যনীতা হিমারুণাঃ ।
শীতা বৃদ্ধতরায়ামাস্ত্রিয়ামা যাংতি সাংপ্রতম্ ॥ 12 ॥
রবিসংক্রাংতসৌভাগ্য় স্তুষারারুণমংডলঃ ।
নিশ্শ্বাসাংধ ইবাদর্শন্ছংদ্রমা ন প্রকাশতে ॥ 13 ॥
জ্য়োত্স্ন তুষারমলিনা পৌর্ণমাস্য়াং ন রাজতে ।
সীতেব চাতপশ্য়ামা লক্ষ্যতে ন তু শোভতে ॥ 14 ॥
প্রকৃত্য়া শীতলস্পর্শো হিমবিদ্ধশ্চ সাংপ্রতম্ ।
প্রবাতি পশ্চিমো বায়ুঃ কালে দ্বিগুণশীতলঃ ॥ 15 ॥
বাষ্পচ্ছন্নান্যরণ্য়ানি যবগোধূমবংতি চ ।
শোভংতেঽভ্য়ুদিতে সূর্য়ে নদ্ভি ক্রৌংচসারসৈঃ ॥ 16 ॥
খর্জূরপুষ্পাকৃতিভিশ্শিরোভিঃ পূর্ণতংডুলৈঃ ।
শোভংতে কিংচিদানম্রাশ্শালয়ঃ কনকপ্রভাঃ ॥ 17 ॥
ময়ূখৈরুপসর্পদ্ভির্হিমনীহারসংবৃতৈঃ ।
দূরমভ্য়ুদিতস্সূর্যশ্শশাংক ইব লক্ষ্যতে ॥ 18 ॥
অগ্রাহ্যবীর্য়ঃ পূর্বাহ্ণে মধ্য়াহ্নে স্পর্শতস্সুখঃ ।
সংরক্তঃ কিংচিদাপাংডুরাতপশ্শোভতে ক্ষিতৌ ॥ 19 ॥
অবশ্য়াযনিপাতেন কিংচিত্প্রক্লিন্নশাদ্বলা ।
বনানাং শোভতে ভূমির্নিবিষ্টতরুণাতপা ॥ 20 ॥
স্পৃশংস্তু বিমলং শীতমুদকং দ্বিরদস্সুখম্ ।
অত্য়ংততৃষিতো বন্য়ঃ প্রতিসংহরতে করম্ ॥ 21 ॥
এতে হি সমুপাসীনা বিহগা জলচারিণঃ ।
নাবগাহংতি সলিলমপ্রগল্ভা ইবাহবম্ ॥ 22 ॥
অবশ্য়াযতমোনদ্ধা নীহারতমসাঽবৃতাঃ ।
প্রসুপ্তা ইব লক্ষ্য়ংতে বিপুষ্পা বনরাজয়ঃ ॥ 23 ॥
বাষ্পসংছন্নসলিলা রুতবিজ্ঞেযসারসাঃ ।
হিমার্দ্রবালুকৈস্তীরৈস্সরিতো ভাংতি সাংপ্রতম্ ॥ 24 ॥
তুষারপতনাচ্চৈব মৃদুত্বাদ্ভাস্করস্য় চ ।
শৈত্য়াদগাগ্রস্থমপি প্রায়েণ রসবজ্জলম্ ॥ 25 ॥
জরাজর্জরিতৈঃ পদ্মৈশশীর্ণকেসরকর্ণিকৈঃ ।
নালষের্হিমধ্বস্সৈর্ন ভংতি কমলাকরাঃ ॥ 26 ॥
অস্মিংস্তু পুরুষব্য়াঘ্রঃ কালে দুঃখসমন্বিতঃ ।
তপশ্চরতি ধর্মাত্মা ত্বদ্ভক্ত্য়া ভরতঃ পুরে ॥ 27 ॥
ত্যক্ত্বা রাজ্য়ং চ মানং চ ভোগাংশ্চ বিবিধান্বহূন্ ।
তপস্স্বী নিযতাহারশ্শেতে শীতে মহীতলে ॥ 28 ॥
সোঽপি বেলামিমাং নূনমভিষেকার্থমুদ্যতঃ ।
বৃতঃ প্রকৃতিভির্নিত্য়ং প্রয়াতি সরয়ূং নদীম্ ॥ 29 ॥
অত্য়ংতসুখসংবৃদ্ধস্সুকুমারস্সুখোচিতঃ ।
কথং ন্বপররাত্রেষু সরয়ূমবগাহতে ॥ 30 ॥
পদ্মপত্রেক্ষণো বীরশ্শ্য়ামো নিরুদরো মহান্ ।
ধর্মজ্ঞ স্সত্যবাদী চ হ্রীনিষেধো জিতেংদ্রিয়ঃ ॥ 31 ॥
প্রিয়াভিভাষী মধুরো দীর্ঘবাহুররিংদমঃ ।
সংত্যজ্য় বিবিধান্ভোগানার্য়ং সর্বাত্মনা শ্রিতঃ ॥ 32 ॥
জিতস্স্বর্গস্তব ভ্রাত্রা ভরতেন মহাত্মনা ।
বনস্থমপি তাপস্য়ে যস্ত্বামনুবিধীযতে ॥ 33 ॥
ন পিত্র্যমনুবর্তংতে মাতৃকং দ্বিপদা ইতি ।
খ্য়াতো লোকপ্রবাদোঽয়ং ভরতেনান্যথা কৃতঃ ॥ 34 ॥
ভর্তা দশরথো যস্য়াস্সাধুশ্চ ভরতস্সুতঃ ।
কথং নু সাঽংবা কৈকেয়ী তাদৃশী ক্রূরশীলিনী ॥ 35 ॥
ইত্য়েবং লক্ষ্মণে বাক্য়ং স্নেহাদ্ব্রুবতি ধার্মিকে ।
পরিবাদং জনন্য়াস্তমসহন্রাঘবোঽব্রবীত্ ॥ 36 ॥
স তেঽংবা মধ্যমা তাত গর্হিতব্য়া কথংচন ।
তামেবেক্ষ্বাকুনাথস্য় ভরতস্য় কথাং কুরু ॥ 37 ॥
নিশ্চিতাঽপি হি মে বুদ্ধির্বনবাসে দৃঢব্রতা ।
ভরতস্নেহসংতপ্তা বালিশীক্রিযতে পুনঃ ॥ 38 ॥
সংস্মরাম্যস্য় বাক্য়ানি প্রিয়াণি মধুরাণি চ ।
হৃদ্য়ান্যমৃতকল্পানি মনঃপ্রহ্লাদনানি চ ॥ 39 ॥
কদান্বহং সমেষ্য়ামি ভরতেন মহাত্মনা ।
শত্রুঘ্নেন চ বীরেণ ত্বয়া চ রঘুনংদন ॥ 40 ॥
ইত্য়েবং বিলপংস্তত্র প্রাপ্য় গোদাবরীং নদীম্ ।
চক্রেঽভিষেকং কাকুত্স্থস্সানুজস্সহ সীতয়া ॥ 41 ॥
তর্পয়িত্বাঽথ সলিলৈস্তে পিতৃংদৈবতানি চ ।
স্তুবংতি স্মোদিতং সূর্য়ং দেবতাশ্চ সমাহিতাঃ ॥ 42 ॥
কৃতাভিষেকস্সররাজ রামঃ সীতাদ্বিতীযস্সহ লক্ষ্মণেন ।
কৃতাভিষেকো গিরিরাজপুত্র্য়া রুদ্রস্সনংদী ভগবানিবেশঃ ॥ 43 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ষোডশস্সর্গঃ ॥
