শ্রীমদ্বাল্মীকীয় রামাযণে অরণ্যকাংডম্ ।
অথ ত্রয়োবিংশস্সর্গঃ ।
তস্মিন্য়াতে বলে ঘোরমশিবং শোণিতোদকম্ ।
অভ্যবর্ষন্মহামেঘস্তুমুলো গর্দভারুণঃ ॥ 1 ॥
নিপেতুস্তুরগাস্তস্য় রথয়ুক্তা মহাজবাঃ ।
সমে পুষ্পচিতে দেশে রাজমার্গে যদৃচ্ছয়া ॥ 2 ॥
শ্য়ামং রুধিরপর্য়ংতং বভূব পরিবেষণম্ ।
অলাতচক্রপ্রতিমং পরিগৃহ্য় দিবাকরম্ ॥ 3 ॥
ততো ধ্বজমুপাগম্য় হেমদংডং সমুচ্ছ্রিতম্ ।
সমাক্রম্য় মহাকাযস্তস্থৌ গৃধ্রস্সুদারুণঃ ॥ 4 ॥
জনস্থানসমীপে তু সমাগম্য় খরস্বনাঃ ।
বিস্বরান্বিবিধাংশ্চক্রুর্মাংসাদা মৃগপক্ষিণঃ ॥ 5 ॥
ব্য়াজহ্রুশ্চ প্রদীপ্তায়াং দিশি বৈ ভৈরবস্বনম্ ।
অশিবং যাতুধানানাং শিবা ঘোরা মহাস্বনাঃ ॥ 6 ॥
প্রভিন্নগিরিসংকাশাস্তোযশোণিতধারিণঃ ।
আকাশং তদনাকাশং চক্রুর্ভীমা বলাহকাঃ ॥ 7 ॥
বভূব তিমিরং ঘোরমুদ্ধতং রোমহর্ষণম্ ।
দিশো বা বিদিশো বাপি ন চ ব্যক্তং চকাশিরে ॥ 8 ॥
ক্ষতজার্দ্রসবর্ণাভা সংধ্য়াকালং বিনা বভৌ ।
খরস্য়াভিমুখা নেদুস্তদা ঘোরমৃগাঃ খগাঃ ॥ 9 ॥
কংকগোমায়ুগৃধ্রাশ্চ চুক্রুশুর্ভযশংসিনঃ ।
নিত্য়াশুভকরা যুদ্ধে শিবা ঘোরনিদর্শনাঃ ॥ 10 ॥
নেদুর্বলস্য়াভিমুখং জ্বালোদ্গারিভিরাননৈঃ ।
কবংধঃ পরিঘাভাসো দৃশ্যতে ভাস্করাংতিকে ॥ 11 ॥
জগ্রাহ সূর্য়ং স্বর্ভানুরপর্বণি মহাগ্রহঃ ।
প্রবাতি মারুতশ্শীঘ্রং নিষ্প্রভোঽভূদ্দিবাকরঃ ॥ 12 ॥
উত্পেতুশ্চ বিনা রাত্রিং তারাঃ খদ্য়োতসপ্রভাঃ ।
সংলীনমীনবিহগা নলিন্যশ্শুষ্কপংকজাঃ ॥ 13 ॥
তস্মিন্ ক্ষণে বভূবুশ্চ বিনা পুষ্পফলৈর্দ্রুমাঃ ।
উদ্ধূতশ্চ বিনা বাতং রেণুর্জলধরারুণঃ ॥ 14 ॥
বীচীকূচীতি বাশ্য়ংত্য়ো বভূবুস্তত্র শারিকাঃ ।
উল্কাশ্চাপি সনির্ঘাতা নিপেতুর্ঘোরদর্শনাঃ ॥ 15 ॥
প্রচচাল মহী সর্বা সশৈলবনকাননা ।
খরস্য় চ রথস্থস্য় নর্দমানস্য় ধীমতঃ ॥ 16 ॥
প্রাকংপত ভুজস্সব্যস্স্বরশ্চাস্য়াবসজ্জত ।
সাস্রা সংপদ্যতে দৃষ্টিঃ পশ্যমানস্য় সর্বতঃ ॥ 17 ॥
ললাটে চ রুজা জাতা ন চ মোহান্যবর্তত ।
তান্সমীক্ষয় মহোত্পাতানুত্থিতান্রোমহর্ষণান্ ॥ 18 ॥
অব্রবীদ্রাক্ষসান্সর্বান্প্রহসন্সখরস্তদা ।
মহোত্পাতানিমান্সর্বানুত্থিতান্ঘোরদর্শনান্ ॥ 19 ॥
ন চিংতয়াম্যহং বীর্য়াদ্বলবাংদুর্বলানিব ।
তারা অপি শরৈস্তীক্ষ্ণৈঃ পাতয়ামি নভস্স্থলাত্ ॥ 20 ॥
মৃত্য়ুং মরণধর্মেণ সংক্রুদ্ধো যোজয়াম্যহম্ ।
রাঘবং তং বলোত্সিক্তং ভ্রাতরং চাস্য় লক্ষ্মণম্ ॥ 21 ॥
অহত্বা সাযকৈস্তীক্ষ্ণৈর্নোপাবর্তিতুমুত্সহে ।
সকামা ভগিনী মেঽস্তু পীত্বা তু রুধিরং তয়োঃ ॥ 22 ॥
যন্নিমিত্তস্তু রামস্য় লক্ষ্মণস্য় বিপর্যয়ঃ ।
ন ক্বচিত্প্রাপ্তপূর্বো মে সংয়ুগেষু পরাজয়ঃ ॥ 23 ॥
যুষ্মাকমেতত্প্রত্যক্ষং নানৃতং কথয়াম্যহম্ ।
দেবরাজমপি ক্রুদ্ধো মত্তৈরাবতয়ায়িনম্ ॥ 24 ॥
বজ্রহস্তং রণে হন্য়াং কিং পুনস্তৌ কুমানুষৌ ।
সা তস্য় গর্জিতং শ্রুত্বা রাক্ষসস্য় মহাচমূঃ ॥ 25 ॥
প্রহর্ষমতুলং লেভে মৃত্য়ুপাশাবপাশিতা ।
সমীয়ুশ্চ মহাত্মানো যুদ্ধদর্শনকাংক্ষিণঃ ॥ 26 ॥
ঋষয়ো দেবগংদর্বাস্সিদ্ধাশ্চ সহচারণৈঃ ।
সমেত্য় চোচুস্সহিতাস্তেঽন্য়োন্য়ং পুণ্যকর্মণঃ ।
স্বস্তি গোব্রাহ্মণেভ্য়োঽস্তু লোকানাং যেঽভিসংগতাঃ ॥ 27 ॥
জযতাং রাঘবস্সংখ্য়ে পৌলস্ত্য়ান্ রজনীচরান্ ॥ 28 ॥
চক্রহস্তো যথা যুদ্ধে সর্বানসুরপুংগবান্ ।
এতচ্চান্যচ্চ বহুশো ব্রুবাণাঃ পরমর্ষয়ঃ ॥ 29 ॥
জাতকৌতূহলাস্তত্র বিমানস্থাশ্চ দেবতাঃ ।
দদৃশুর্বাহিনীং তেষাং রাক্ষসানাং গতায়ুষাম্ ॥ 30 ॥
রথেন তু খরো বেগাদুগ্রসৈন্য়ো বিনিস্সৃতঃ ।
তং দৃষ্ট্বা রাক্ষসং ভূয়ো রাক্ষসাশ্চ বিনিস্সৃতাঃ ॥ 31 ॥
শ্য়েনগামী পৃথুগ্রীবো যজ্ঞশত্রুর্বিহংগমঃ ।
দুর্জয়ঃ করবীরাক্ষঃ পরুষঃ কালকার্মুকঃ ॥ 32 ॥
মেঘমালী মহামালী সর্বাস্য়ো রুধিরাশনঃ ।
দ্বাদশৈতে মহাবীর্য়াঃ প্রতস্থুরভিতঃ খরম্ ॥ 33 ॥
মহাকপালিস্স্থূলাক্ষঃ প্রমাথী ত্রিশিরাস্তথা ।
চত্বার এতে সেনান্য়ো দূষণং পৃষ্ঠতো যয়ুঃ ॥ 34 ॥
সা ভীমবেগা সমরাভিকামা মহাবলা রাক্ষসবীরসেনা ।
তৌ রাজপুত্রৌ সহসাভ্য়ুপেতা মালা গ্রহাণামিব চংদ্রসূর্য়ৌ ॥ 35 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ত্রয়োবিংশস্সর্গঃ ॥
