শ্রীমদ্বাল্মীকীয় রামাযণে অরণ্যকাংডম্ ।
অথ ত্রিংশস্সর্গঃ ।
ভিত্ত্বা তু তাং গদাং বাণৈ রাঘবো ধর্মবত্সলঃ ।
স্মযমানঃ খরং বাক্য়ং সংরব্ধমিদমব্রবীত্ ॥ 1 ॥
এতত্তে বলসর্বস্বং দর্শিতং রাক্ষসাধম ।
শক্তিহীনতরো মত্তো বৃথা ত্বমবগর্জসি ॥ 2 ॥
এষা বাণবিনির্ভিন্না গদা ভূমিতলং গতা ।
অভিধানপ্রগল্ভস্য় তব প্রত্যযঘাতিনী ॥ 3 ॥
যত্ত্বয়োক্তং বিনষ্টানামহমশ্রুপ্রমার্জনম্ ।
রাক্ষসানাং করোমীতি মিথ্য়া তদপি তে বচঃ ॥ 4 ॥
নীচস্য় ক্ষুদ্রশীলস্য় মিথ্য়াবৃত্তস্য় রক্ষসঃ ।
প্রাণানহং হরিষ্য়ামি গরুত্মানমৃতং যথা ॥ 5 ॥
অদ্য় তে ছিন্নকংঠস্য় ফেনবুদ্বুদভূষিতম্ ।
বিদারিতস্য় মদ্বাণৈর্মহী পাস্যতি শোণিতম্ ॥ 6 ॥
পাংসুরূষিতসর্বাংগস্স্রস্তন্যস্ত ভুজদ্বয়ঃ ।
স্বপ্স্যসে গাং সমালিংগ্য় দুর্লভাং প্রমদামিব ॥ 7 ॥
প্রবদ্ধনিদ্রে শয়িতে ত্বয়ি রাক্ষসপাংসনে ।
ভবিষ্য়ংতিশরণ্য়ানাং শরণ্য়া দংডকা ইমে ॥ 8 ॥
জনস্থানে হতস্থানে তব রাক্ষস মচ্ছরৈঃ ।
নির্ভয়া বিচরিষ্য়ংতি সর্বতো মুনয়ো বনে ॥ 9 ॥
অদ্য় বিপ্রসরিষ্য়ংতি রাক্ষস্য়ো হতবাংধবাঃ ।
বাষ্পার্দ্রবদনা দীনা ভয়াদন্যভয়াবহাঃ ॥ 10 ॥
অদ্য় শোকরসজ্ঞাস্তা ভবিষ্য়ংতি নিরর্থকাঃ ।
অনুরূপকুলাঃ পত্ন্য়ো যাসাং ত্বং পতিরীদৃশঃ ॥ 11 ॥
নৃশংস নীচ ক্ষুদ্রাত্মন্নিত্য়ং ব্রাহ্মণকংটক ।
যত্কৃতে শংকিতৈরগ্নৌ মুনিভিঃ পাত্যতে হবিঃ ॥ 12 ॥
তমেবমভিসংরব্ধং ব্রুবাণং রাঘবং রণে ।
খরো নির্ভর্ত্সয়ামাস রোষাত্খরতরস্বরঃ ॥ 13 ॥
দৃঢং খল্ববলিপ্তোঽসি ভয়েষ্বপি চ নির্ভয়ঃ ।
বাচ্য়াবাচ্য়ং ততো হি ত্বং মৃত্য়ুবশ্য়ো ন বুধ্যসে ॥ 14 ॥
কালপাশপরিক্ষিপ্তা ভবংতি পুরুষা হি যে ।
কার্য়াকার্য়ং ন জানংতি তে নিরস্তষডিংদ্রিয়াঃ ॥ 15 ॥
এবমুক্ত্বা ততো রামং সংরুধ্য় ভ্রুকুটীং ততঃ ।
স দদর্শ মহাসালমবিদূরে নিশাচরঃ ॥ 16 ॥
রণে প্রহরণস্য়ার্থে সর্বতো হ্যবলোকযন্ ।
স তমুত্পাটয়ামাস সংদশ্য় দশনচ্ছদম্ ॥ 17 ॥
তং সমুত্ক্ষিপ্য় বাহুভ্য়াং বিনদ্য় চ মহাবলঃ ।
রামমুদ্দিশ্য় চিক্ষেপ হতস্ত্বমিতি চাব্রবীত্ ॥ 18 ॥
তমাপতংতং বাণৌঘৈচ্ছিত্বা রামঃ প্রতাপবান্ ।
রোষমাহারযত্তীব্রং নিহংতুং সমরে খরম্ ॥ 19 ॥
জাতস্বেদস্ততো রামো রোষাদ্রক্তাংতলোচনঃ ।
নির্ভিভেদ সহস্রেণ বাণানাং সমরে খরম্ ॥ 20 ॥
তস্য় বাণাংতরাদ্রক্তং বহু সুস্রাব ফেনিলম্ ।
গিরেঃ প্রস্রবণস্য়েব তোযধারাপরিস্রবঃ ॥ 21 ॥
বিহ্বলস্সকৃতো বাণৈঃ খরো রামেণ সংয়ুগে ।
মত্তো রুধিরগংধেন তমেবাভ্যদ্রবদ্দ্রুতম্ ॥ 22 ॥
তমাপতংতং সংরব্ধং কৃতাস্ত্রো রুধিরাপ্লুতম্ ।
অপাসর্পত্প্রতিপদং কিংচিত্বরিতবিক্রমঃ ॥ 23 ॥
ততঃ পাবকসংকাশং বধায় সমরে শরম্ ।
খরস্য় রামো জগ্রাহ ব্রহ্মদংডমিবাপরম্ ॥ 24 ॥
স তং দত্তং মঘবতা সুররাজেন ধীমতা ।
সংদধে চাপি ধর্মাত্মা মুমোচ চ খরং প্রতি ॥ 25 ॥
স বিমুক্তো মহাবাণো নির্ঘাতসমনিস্বনঃ ।
রামেণ ধনুরাযম্য় খরস্য়োরসিচাপতত্ ॥ 26 ॥
স পপাত খরো ভূমৌ দহ্যমানশ্শরানগ্নিনা ।
রুদ্রেণেব বিনির্দগ্ধশ্বেতারণ্য়ে যথাংতকঃ ॥ 27 ॥
স বৃত্র ইব বজ্রেণ ফেনেন নমুচির্যথা ।
বলো বেংদ্রাশনিহতো নিপপাত হতঃ খরঃ ॥ 28 ॥
ততো রাজর্ষযস্সর্বে সংগতাঃ পরমর্ষয়ঃ ।
সভাজ্য় মুদিতা রামমিদং বচনমব্রুবন্ ॥ 29 ॥
এতদর্থং মহাতেজা মহেংদ্রঃ পাকশাসনঃ ।
শরভংগাশ্রমং পুণ্যমাজগাম পুরংদরঃ ॥ 30 ॥
আনীতস্ত্বমিমং দেশমুপায়েন মহর্ষিভিঃ ।
এষাং বধার্থং ক্রূরাণাং রক্ষসাং পাপকর্মণাম্ ॥ 31 ॥
তদিদং নঃ কৃতং কার্য়ং ত্বয়া দশরথাত্মজ ।
সুখং ধর্মং চরিষ্য়ংতি দংডকেষু মহর্ষয়ঃ ॥ 32 ॥
এতস্মিংতরে দেবাশ্চারণৈস্সহ সংগতাঃ ।
দুংদুভীংশ্চাভিনিঘ্নংতঃ পুষ্পবর্ষং সমংততঃ ॥ 33 ॥
রামস্য়োপরি সংহ্রুষ্টা ববৃষুর্বিস্মিতাস্তদা ।
অর্ধাধিকমুহূর্তেন রামেণ নিশিতৈশ্শরৈঃ ॥ 34 ॥
চতুর্দশসহস্রাণি রক্ষসাং ভীমকর্মণাম্ ।
খরদূষণমুখ্য়ানাং নিহতানি মহাহবে ॥ 35 ॥
অহো বত মহত্কর্ম রামস্য় বিদিতাত্মনঃ ।
অহো বীর্যমহো দাক্ষ্য়ং বিষ্ণোরিব হি দৃশ্যতে ॥ 36 ॥
ইত্য়েবমুক্ত্বা তে সর্বে যয়ুর্দেবা যথাগতম্ ।
তস্মিন্নংতরে বীরো লক্ষ্মণস্সহ সীতয়া ।
গিরিদুর্গাদ্বিনিষ্ক্রম্য় সংবিবেশাশ্রমং সুখী ॥ 37 ॥
ততো রামস্তু বিজয়ী পূজ্যমানো মহর্ষিভিঃ ।
প্রবিবেশাশ্রমং বীরো লক্ষ্মণেনাভিপূজিতঃ ॥ 38 ॥
তং দৃষ্ট্বা শত্রুহংতারং মহর্ষীণাং সুখাবহম্ ।
বভূব হৃষ্টা বৈদেহী ভর্তারং পরিষস্বজে ॥ 39 ॥
মুদা পরময়া যুক্তা দৃষ্ট্বা রক্ষোগণান্হতান্ ।
রামং চৈবাব্যথং দৃষ্ট্বা তুতোষ জনকাত্মজা ॥ 40 ॥
ততস্তু তং রাক্ষসসংঘমর্দনং সভাজ্যমানং মুদিতৈর্মহর্ষিভিঃ ।
পুনঃ পরিষ্বজ্য় শশিপ্রভাননা বভূব হৃষ্টা জনকাত্মজা তদা ॥ 41 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে ত্রিংশস্সর্গঃ ॥
