শ্রীমদ্বাল্মীকীয় রামাযণে অরণ্যকাংডম্ ।
অথ একচত্বারিংশস্সর্গঃ ।
আজ্ঞপ্তো রাজবদ্বাক্য়ং প্রতিকূলং নিশাচরঃ ।
অব্রবীত্পরুষং বাক্য়ং মারীচো রাক্ষসাধিপম্ ॥ 1 ॥
কেনাযমুপদিষ্টস্তে বিনাশঃ পাপকর্মণা ।
সপুত্রস্য় সরাষ্ট্রস্য় সামাত্যস্য় নিশাচর ॥ 2 ॥
কস্ত্বয়া সুখিনা রাজন্নাভিনংদতি পাপকৃত্ ।
কেনেদমুপদিষ্টং তে মৃত্য়ুদ্বারমুপাযতঃ ॥ 3 ॥
শত্রবস্তব সুব্যক্তং হীনবীর্য়া নিশাচরাঃ ।
ইচ্ছংতি ত্বাং বিনশ্য়ংতমুপরুদ্ধং বলীযসা ॥ 4 ॥
কেনেদমুপদিষ্টং তে ক্ষুদ্রেণাহিতবাদিনা ।
যস্ত্বামিচ্ছতি নশ্য়ংতং স্বকৃতেন নিশাচর ॥ 5 ॥
বধ্য়াঃ খলু ন হন্য়ংতে সচিবাস্তব রাবণ ।
যে ত্বামুত্পথমারূঢং ন নিগৃহ্ণংতি সর্বশঃ ॥ 6 ॥
অমাত্য়ৈঃ কামবৃত্তো হি রাজা কাপথমাশ্রিতঃ ।
নিগ্রাহ্যস্সর্বথা সদভির্ন নিগ্রাহ্য়ো নিগৃহ্যসে ॥ 7 ॥
ধর্মমর্থং চ কামং চ যশশ্চ জযতাং বর ।
স্বামিপ্রসাদাত্সচিবাঃ প্রাপ্নুবংতি নিশাচর ॥ 8 ॥
বিপর্যয়ে তু তত্সর্বং ব্যর্থং ভবতি রাবণ ।
ব্যসনং স্বামিবৈগুণ্য়াত্প্রাপ্নুবংতীতরে জনাঃ ॥ 9 ॥
রাজমূলো হি ধর্মশ্চ জযশ্চ জযতাং বর ।
তস্মাত্সর্বাস্ববস্থাসু রক্ষিতব্য়া নরাধিপাঃ ॥ 10 ॥
রাজ্য়ং পালয়িতুং শক্য়ং ন তীক্ষ্ণেন নিশাচর ।
ন চাপি প্রতিকূলেন নাবিনীতেন রাক্ষস ॥ 11 ॥
যে তীক্ষ্ণমংত্রাস্সচিবা ভজ্য়ংতে সহ তেন বৈ ।
বিষমে তুরগা শ্শীঘ্রা মংদসারথয়ো যথা ॥ 12 ॥
বহবস্সাধবো লোকে যুক্তা ধর্মমনুষ্ঠিতাঃ ।
পরেষামপরাধেন বিনষ্টাস্সপরিচ্ছদাঃ ॥ 13 ॥
স্বামিনা প্রতিকূলেন প্রজাস্তীক্ষ্ণেন রাবণ ।
রক্ষ্যমাণা ন বর্ধংতে মেষা গোমায়ুনা যথা ॥ 14 ॥
অবশ্য়ং বিনশিষ্য়ংতি সর্বে রাবণ রাক্ষসাঃ ।
যেষাং ত্বং কর্কশো রাজা দুর্বুদ্ধিরজিতেংদ্রিয়ঃ ॥ 15 ॥
তদিদং কাকতালীয়ং ঘোরমাসাদিতং ময়া ।
অত্র কিং শোচনীযস্ত্বং সসৈন্য়ো বিনশিষ্যসি ॥ 16 ॥
মাং নিহত্য় তু রামশ্চ ন চিরাত্ত্বাং বধিষ্যতি ।
অনেন কৃতকৃত্য়োঽস্মি ম্রিয়েযমরিণা হতঃ ॥ 17 ॥
দর্শনাদেব রামস্য় হতং মামবধারয় ।
আত্মানং চ হতং বিদ্ধি হৃত্বা সীতাং সবাংধবম্ ॥ 18 ॥
আনয়িষ্যসি চেত্সীতামাশ্রমাত্সহিতো ময়া ।
নৈবত্বমসি নাহং চ নৈব লংকা ন রাক্ষসাঃ ॥ 19 ॥
নিবার্যমাণস্তু ময়া হিতৈষিণা ন মৃষ্যসে বাক্যমিদং নিশাচর ।
পরেতকল্পা হি গতায়ুষো নরা হিতং ন গৃহ্ণংতি সুহৃদ্ভিরীরিতম্ ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একচত্বারিংশস্সর্গঃ ॥
