ශ්රීමද්වාල්මීකීය රාමායණේ අරණ්යකාංඩම් ।
අථ ද්විචත්වාරිංශස්සර්ගඃ ।
ඒවමුක්ත්වා තු වචනං මාරීචෝ රාවණං තතඃ ।
ගච්ඡාවේත්යබ්රවීද්දීනෝ භයාද්රාත්රිංචරප්රභෝඃ ॥ 1 ॥
දෘෂ්ටශ්චාහං පුනස්තේන ශරචාපාසිධාරිණා ।
මද්වධෝද්යතශස්ත්රේऽණ විනෂ්ටං ජීවිතං ච මේ ॥ 2 ॥
න හි රාමං පරාක්රම්ය ජීවන්ප්රතිනිවර්තතේ ।
වර්තතේ ප්රතිරූපෝऽසෞ යමදංඩහතස්ය තේ ॥ 3 ॥
කිං නු ශක්යං මයා කර්තුමේවං ත්වයි දුරාත්මනි ।
ඒෂ ගච්ඡාම්යහං තාත ස්වස්ති තේऽස්තු නිශාචර ॥ 4 ॥
ප්රහෘෂ්ටස්ත්වභවත්තේන වචනේන ස රාවණඃ ।
පරිෂ්වජ්ය සුසංශ්ලිෂ්ටමිදං වචනමබ්රවීත් ॥ 5 ॥
ඒතච්ඡෞංඩීර්යයුක්තං තේ මච්ඡංදවශවර්තිනඃ ।
ඉදානීමසි මාරීචඃ පූර්වමන්යෝ නිශාචරඃ ॥ 6 ॥
ආරුහ්යතාමයං ශීඝ්රං රථෝ රත්නවිභූෂිතඃ ।
මයා සහ තථා යුක්තඃ පිශාචවදනෛඃ ඛරෛඃ ॥ 7 ॥
ප්රලෝභයිත්වා වෛදේහීං යථේෂ්ටං ගංතුමර්හසි ।
තාං ශූන්යේ ප්රසභං සීතාමානයිෂ්යාමි මෛථිලීම් ॥ 8 ॥
තතෝ රාවණමාරීචෞ විමානමිව තං රථම් ।
ආරුහ්ය යයතුශ්ශීඝ්රං තස්මාදාශ්රමමංඩලාත් ॥ 9 ॥
තථෛව තත්ර පශ්යංතෞ පත්තනානි වනානි ච ।
ගීරීංශ්ච සරිතස්සර්වා රාෂ්ට්රාණි නගරාණි ච ॥ 10 ॥
සමේත්ය දංඩකාරණ්යං රාඝවස්යාශ්රමං තතඃ ।
දදර්ශ සහ මාරීචෝ රාවණෝ රාක්ෂසාධිපඃ ॥ 11 ॥
අවතීර්ය රථාත්තස්මාත්තතඃ කාංචනභූෂණාත් ।
හස්තේ ගෘහීත්වා මාරීචං රාවණෝ වාක්යමබ්රවීත් ॥ 12 ॥
ඒතදාශ්රමපදං දෘශ්යතේ කදලීවෘතම් ।
ක්රියතාං තත්සඛේ ශීඝ්රං යදර්ථං වයමාගතාඃ ॥ 13 ॥
ස රාවණවචශ්ශ්රුත්වා මාරීචෝ රාක්ෂසස්තදා ।
මෘගෝ භූත්වාऽශ්රමද්වාරි රාමස්ය විචචාර හ ॥ 14 ॥
ස තු තද්රූපමාස්ථාය මහදද්භුතදර්ශනම් ।
මණිප්රවරශෘංගාග්රස්සිතාසිතමුඛාකෘතිඃ ॥ 15 ॥
රක්තපද්මෝත්පලමුඛ ඉංද්රනීලෝත්පලශ්රවාඃ ।
කිංචිදභ්යුන්නතග්රීව ඉංද්රනීලදලාධරඃ ॥ 16 ॥
කුංදේංදුවජ්රසංකාශමුදරං චාස්ය භාස්වරම් ।
මධූකනිභපාර්ශ්වශ්ච පද්මකිංජල්කසන්නිභඃ ॥ 17 ॥
වෛඩූර්යසංකාශඛුරස්තනුජංඝස්සුසංහතඃ ।
ඉංද්රායුධසවර්ණේන පුච්ඡේනෝර්ධ්වං විරාජතා ॥ 18 ॥
මනෝහරස්ස්නිග්ධවර්ණෝ රත්නෛර්නානාවිධෛර්වෘතඃ ।
ක්ෂණේන රාක්ෂසෝ ජාතෝ මෘගඃ පරමශෝභනඃ ॥ 19 ॥
වනං ප්රජ්වලයන්රම්යං රාමාශ්රමපදං ච තත් ।
මනෝහරං දර්ශනීයං රූපං කෘත්වා ස රාක්ෂසඃ ॥ 20 ॥
ප්රලෝභනාර්ථං වෛදේහ්යා නානාධාතුවිචිත්රිතම් ।
විචරන්ගච්ඡතේ තස්මාච්ඡාද්වලානි සමංතතඃ ॥ 21 ॥
රූප්යෛර්බිංදුශතෛශ්චිත්රෝ භූත්වා ස ප්රියදර්ශනඃ ।
විටපීනාං කිසලයාන්භඞ්ත්ක්වාऽදන්විචචාර හ ॥ 22 ॥
කදලීගෘහකං ගත්වා කර්ණිකාරානිතස්තතඃ ।
සමාශ්රයන්මංදගතිස්සීතාසංදර්ශනං තථා ॥ 23 ॥
රාජීවචිත්රපෘෂ්ඨස්ස විරරාජ මහාමෘගඃ ।
රාමාශ්රමපදාභ්යාශේ විචචාර යථාසුඛම් ॥ 24 ॥
පුනර්ගත්වා නිවෘත්තශ්ච විචචාර මෘගෝත්තමඃ ।
ගත්වා මුහූර්තං ත්වරයා පුනඃ ප්රතිනිවර්තතේ ॥ 25 ॥
වික්රීඩංශ්ච ක්වචිද්භූමෞ පුනරේව නිෂීදති ।
ආශ්රමද්වාරමාගම්ය මෘගයූථානි ගච්ඡති ॥ 26 ॥
මෘගයූථෛරනුගතඃ පුනරේව නිවර්තතේ ।
සීතාදර්ශනමාකාංක්ෂන්රාක්ෂසෝ මෘගතාං ගතඃ ॥ 27 ॥
පරිභ්රමති චිත්රාණි මංඩලානි විනිෂ්පතන් ।
සමුද්වීක්ෂ්ය ච තේ සර්වේ මෘගා හ්යන්යේ වනේචරාඃ ॥ 28 ॥
උපාගම්ය සමාඝ්රාය විද්රවංති දිශෝ දශ ।
රාක්ෂසස්සෝऽපි තාන්වන්යාන්මෘගාන්මෘගවධේ රතඃ ॥ 29 ॥
ප්රච්ඡාදනාර්ථං භාවස්ය න භක්ෂයති සංස්පෘශන් ।
තස්මින්නේව තතඃ කාලේ වෛදේහී ශුභලෝචනා ॥ 30 ॥
කුසුමාවචයව්යග්රා පාදපානභ්යවර්තත ।
කර්ණිකාරානශෝකාංශ්ච චූතාංශ්ච මදිරේක්ෂණා ॥ 31 ॥
කුසුමාන්යවචින්වංතී චචාර රුචිරානනා ।
අනර්හාऽරණ්යවාසස්ය සා තං රත්නමයං මෘගම් ॥ 32 ॥
මුක්තාමණි විචිත්රාංගං දදර්ශ පරමාංගනා ।
සා තං රුචිරදංතෝෂ්ඨී රූප්යධාතුතනූරුහම් ॥ 33 ॥
විස්මයෝත්ඵුල්ලනයනා සස්නේහං සමුදෛක්ෂත ।
ස ච තාං රාමදයිතාං පශ්යන්මායාමයෝ මෘගඃ ॥ 34 ॥
විචචාර පුනශ්චිත්රං දීපයන්නිව තද්වනම් ।
අදෘෂ්ටපූර්වං තං දෘෂ්ට්වා නානාරත්නමයං මෘගම් ॥ 35 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අරණ්යකාංඩේ ද්විචත්වාරිංශස්සර්ගඃ ॥
