শ্রীমদ্বাল্মীকীয় রামাযণে অরণ্যকাংডম্ ।
অথ দ্বিচত্বারিংশস্সর্গঃ ।
এবমুক্ত্বা তু বচনং মারীচো রাবণং ততঃ ।
গচ্ছাবেত্যব্রবীদ্দীনো ভয়াদ্রাত্রিংচরপ্রভোঃ ॥ 1 ॥
দৃষ্টশ্চাহং পুনস্তেন শরচাপাসিধারিণা ।
মদ্বধোদ্যতশস্ত্রেঽণ বিনষ্টং জীবিতং চ মে ॥ 2 ॥
ন হি রামং পরাক্রম্য় জীবন্প্রতিনিবর্ততে ।
বর্ততে প্রতিরূপোঽসৌ যমদংডহতস্য় তে ॥ 3 ॥
কিং নু শক্য়ং ময়া কর্তুমেবং ত্বয়ি দুরাত্মনি ।
এষ গচ্ছাম্যহং তাত স্বস্তি তেঽস্তু নিশাচর ॥ 4 ॥
প্রহৃষ্টস্ত্বভবত্তেন বচনেন স রাবণঃ ।
পরিষ্বজ্য় সুসংশ্লিষ্টমিদং বচনমব্রবীত্ ॥ 5 ॥
এতচ্ছৌংডীর্যয়ুক্তং তে মচ্ছংদবশবর্তিনঃ ।
ইদানীমসি মারীচঃ পূর্বমন্য়ো নিশাচরঃ ॥ 6 ॥
আরুহ্যতাময়ং শীঘ্রং রথো রত্নবিভূষিতঃ ।
ময়া সহ তথা যুক্তঃ পিশাচবদনৈঃ খরৈঃ ॥ 7 ॥
প্রলোভয়িত্বা বৈদেহীং যথেষ্টং গংতুমর্হসি ।
তাং শূন্য়ে প্রসভং সীতামানয়িষ্য়ামি মৈথিলীম্ ॥ 8 ॥
ততো রাবণমারীচৌ বিমানমিব তং রথম্ ।
আরুহ্য় যযতুশ্শীঘ্রং তস্মাদাশ্রমমংডলাত্ ॥ 9 ॥
তথৈব তত্র পশ্য়ংতৌ পত্তনানি বনানি চ ।
গীরীংশ্চ সরিতস্সর্বা রাষ্ট্রাণি নগরাণি চ ॥ 10 ॥
সমেত্য় দংডকারণ্য়ং রাঘবস্য়াশ্রমং ততঃ ।
দদর্শ সহ মারীচো রাবণো রাক্ষসাধিপঃ ॥ 11 ॥
অবতীর্য় রথাত্তস্মাত্ততঃ কাংচনভূষণাত্ ।
হস্তে গৃহীত্বা মারীচং রাবণো বাক্যমব্রবীত্ ॥ 12 ॥
এতদাশ্রমপদং দৃশ্যতে কদলীবৃতম্ ।
ক্রিযতাং তত্সখে শীঘ্রং যদর্থং বযমাগতাঃ ॥ 13 ॥
স রাবণবচশ্শ্রুত্বা মারীচো রাক্ষসস্তদা ।
মৃগো ভূত্বাঽশ্রমদ্বারি রামস্য় বিচচার হ ॥ 14 ॥
স তু তদ্রূপমাস্থায় মহদদ্ভুতদর্শনম্ ।
মণিপ্রবরশৃংগাগ্রস্সিতাসিতমুখাকৃতিঃ ॥ 15 ॥
রক্তপদ্মোত্পলমুখ ইংদ্রনীলোত্পলশ্রবাঃ ।
কিংচিদভ্য়ুন্নতগ্রীব ইংদ্রনীলদলাধরঃ ॥ 16 ॥
কুংদেংদুবজ্রসংকাশমুদরং চাস্য় ভাস্বরম্ ।
মধূকনিভপার্শ্বশ্চ পদ্মকিংজল্কসন্নিভঃ ॥ 17 ॥
বৈডূর্যসংকাশখুরস্তনুজংঘস্সুসংহতঃ ।
ইংদ্রায়ুধসবর্ণেন পুচ্ছেনোর্ধ্বং বিরাজতা ॥ 18 ॥
মনোহরস্স্নিগ্ধবর্ণো রত্নৈর্নানাবিধৈর্বৃতঃ ।
ক্ষণেন রাক্ষসো জাতো মৃগঃ পরমশোভনঃ ॥ 19 ॥
বনং প্রজ্বলযন্রম্য়ং রামাশ্রমপদং চ তত্ ।
মনোহরং দর্শনীয়ং রূপং কৃত্বা স রাক্ষসঃ ॥ 20 ॥
প্রলোভনার্থং বৈদেহ্য়া নানাধাতুবিচিত্রিতম্ ।
বিচরন্গচ্ছতে তস্মাচ্ছাদ্বলানি সমংততঃ ॥ 21 ॥
রূপ্য়ৈর্বিংদুশতৈশ্চিত্রো ভূত্বা স প্রিযদর্শনঃ ।
বিটপীনাং কিসলয়ান্ভঙ্ত্ক্বাঽদন্বিচচার হ ॥ 22 ॥
কদলীগৃহকং গত্বা কর্ণিকারানিতস্ততঃ ।
সমাশ্রযন্মংদগতিস্সীতাসংদর্শনং তথা ॥ 23 ॥
রাজীবচিত্রপৃষ্ঠস্স বিররাজ মহামৃগঃ ।
রামাশ্রমপদাভ্য়াশে বিচচার যথাসুখম্ ॥ 24 ॥
পুনর্গত্বা নিবৃত্তশ্চ বিচচার মৃগোত্তমঃ ।
গত্বা মুহূর্তং ত্বরয়া পুনঃ প্রতিনিবর্ততে ॥ 25 ॥
বিক্রীডংশ্চ ক্বচিদ্ভূমৌ পুনরেব নিষীদতি ।
আশ্রমদ্বারমাগম্য় মৃগয়ূথানি গচ্ছতি ॥ 26 ॥
মৃগয়ূথৈরনুগতঃ পুনরেব নিবর্ততে ।
সীতাদর্শনমাকাংক্ষন্রাক্ষসো মৃগতাং গতঃ ॥ 27 ॥
পরিভ্রমতি চিত্রাণি মংডলানি বিনিষ্পতন্ ।
সমুদ্বীক্ষ্য় চ তে সর্বে মৃগা হ্যন্য়ে বনেচরাঃ ॥ 28 ॥
উপাগম্য় সমাঘ্রায় বিদ্রবংতি দিশো দশ ।
রাক্ষসস্সোঽপি তান্বন্য়ান্মৃগান্মৃগবধে রতঃ ॥ 29 ॥
প্রচ্ছাদনার্থং ভাবস্য় ন ভক্ষযতি সংস্পৃশন্ ।
তস্মিন্নেব ততঃ কালে বৈদেহী শুভলোচনা ॥ 30 ॥
কুসুমাবচযব্যগ্রা পাদপানভ্যবর্তত ।
কর্ণিকারানশোকাংশ্চ চূতাংশ্চ মদিরেক্ষণা ॥ 31 ॥
কুসুমান্যবচিন্বংতী চচার রুচিরাননা ।
অনর্হাঽরণ্যবাসস্য় সা তং রত্নময়ং মৃগম্ ॥ 32 ॥
মুক্তামণি বিচিত্রাংগং দদর্শ পরমাংগনা ।
সা তং রুচিরদংতোষ্ঠী রূপ্যধাতুতনূরুহম্ ॥ 33 ॥
বিস্ময়োত্ফুল্লনযনা সস্নেহং সমুদৈক্ষত ।
স চ তাং রামদয়িতাং পশ্যন্মায়াময়ো মৃগঃ ॥ 34 ॥
বিচচার পুনশ্চিত্রং দীপযন্নিব তদ্বনম্ ।
অদৃষ্টপূর্বং তং দৃষ্ট্বা নানারত্নময়ং মৃগম্ ॥ 35 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দ্বিচত্বারিংশস্সর্গঃ ॥
