শ্রীমদ্বাল্মীকীয় রামাযণে অরণ্যকাংডম্ ।
অথ পংচচত্বারিংশস্সর্গঃ ।
আর্তস্বরং তু তং ভর্তুর্বিজ্ঞায় সদৃশং বনে ।
উবাচ লক্ষ্মণং সীতা গচ্ছ জীনীহি রাঘবম্ ॥ 1 ॥
ন হি মে হৃদয়ং স্থানে জীবিতং বাঽবতিষ্ঠতি ।
ক্রোশতঃ পরমার্তস্য় শ্রুতশ্শব্দো ময়া ভৃশম্ ॥ 2 ॥
আক্রংদমানং তু বনে ভ্রাতরং ত্রাতুমর্হসি ।
তং ক্ষিপ্রমভিধাব ত্বং ভ্রাতরং শরণৈষিণম্ ॥ 3 ॥
রক্ষসাং বশমাপন্নং সিংহানামিব গোবৃষম্ ।
ন জগাম তথোক্তস্তু ভ্রাতুরাজ্ঞায় শাসনম্ ॥ 4 ॥
তমুবাচ ততস্তত্র কুপিতা জনকাত্মজা ।
সৌমিত্রে মিত্ররূপেণ ভ্রাতুস্ত্বমসি শত্রুবত্ ॥ 5 ॥
যস্ত্বমস্য়ামবস্থায়াং ভ্রাতরং নাভিপত্স্যসে ।
ইচ্ছসি ত্বং বিনশ্য়ংতং রামং লক্ষ্মণ মত্কৃতে ॥ 6 ॥
লোভাত্ত্বং মত্কৃতে নূনং নানুগচ্ছসি রাঘবম্ ।
ব্যসনং তে প্রিয়ং মন্য়ে স্নেহো ভ্রাতরিনাস্তিতে ॥ 7 ॥
তেন তিষ্ঠসি বিশ্রব্ধংতমপশ্যন্মহাদ্য়ুতিম্ ।
কিং হি সংশযমাপন্নে তস্মিন্নিহ ময়া ভবেত্ ॥ 8 ॥
কর্তব্যমিহ তিষ্ঠংত্য়া যত্প্রধানস্ত্বমাগতঃ ।
ইতি ব্রুবাণাং বৈদেহীং বাষ্পশোকপরিপ্লুতাম্ ॥ 9 ॥
অব্রবীল্লক্ষ্মণস্ত্রস্তাং সীতাং মৃগবধূমিব ।
পন্নগাসুরগংধর্বদেবমানুষরাক্ষসৈঃ ॥ 10 ॥
অশক্যস্তব বৈদেহি ভর্তা জেতুং ন সংশয়ঃ ।
দেবি দেবমনুষ্য়েষু গংধর্বেষু পতত্রিষু ॥ 11 ॥
রাক্ষসেষু পিশাচেষু কিন্নরেষু মৃগেষু চ ।
দানবেষু চ ঘোরেষু স ন বিদ্য়েত শোভনে ॥ 12 ॥
যো রামং প্রতিয়ুধ্য়েত সমরে বাসবোপমম্ ।
অবধ্যস্সমরে রামো নৈবং ত্বং বক্তুমর্হসি ॥ 13 ॥
ন ত্বামস্মিন্বনে হাতুমুত্সহে রাঘবং বিনা ।
অনিবার্য়ং বলং তস্য় বলৈর্বলবতামপি ॥ 14 ॥
ত্রিভির্লোকৈস্সমুদ্য়ুক্তৈস্সেশ্বরৈরপি সামরৈঃ ।
হৃদয়ং নির্বৃতং তেঽস্তুসংতাপস্ত্যজ্যতামযম্ ॥ 15 ॥
আগমিষ্যতি তে ভর্তা শ্রীঘ্রং হত্বা মৃগোত্তমম্ ।
ন চ তস্য় স্বরো ব্যক্তং মাযয়া কেন চিত্কৃতঃ ।
গংধর্বনগরপ্রখ্য়া মায়া সা তস্য় রক্ষসঃ ॥ 16 ॥
ন্য়াসভূতাসি বৈদেহি ন্যস্তা ময়ি মহাত্মনা ॥ 17 ॥
রামেণ ত্বং বরারোহে ন ত্বাং ত্যক্তুমিহোত্সহে ।
কৃতবৈরাশ্চ বৈদেহি বযমেতৈর্নিশাচরৈঃ ॥ 18 ॥
খরস্য় নিধনাদেব জনস্থানবধং প্রতি ।
রাক্ষসা বিবিধা বাচো বিসৃজংতি মহাবনে ॥ 19 ॥
হিংসাবিহারা বৈদেহি ন চিংতয়িতুমর্হসি ।
লক্ষ্মণেনৈবমুক্তা সা ক্রুদ্ধা সংরক্তলোচনা ॥ 20 ॥
অব্রবীত্পরুষং বাক্য়ং লক্ষ্মণং সত্যবাদিনম্ ।
অনার্য়াকরণারংভ নৃশংস কুলপাংসন ॥ 21 ॥
অহং তব প্রিয়ং মন্য়ে রামস্য় ব্যসনং মহত্ ।
রামস্য় ব্যসনং দৃষ্ট্বা তেনৈতানি প্রভাষসে ॥ 22 ॥
নৈতচ্চিত্রং সপত্নেষু পাপং লক্ষ্মণ যদ্ভবেত্ ।
ত্বদ্বিধেষু নৃশংসেষু নিত্য়ং প্রচ্ছন্নচারিষু ॥ 23 ॥
সুদুষ্টস্ত্বং বনে রামমেকমেকোঽনুগচ্ছসি ।
মম হেতোঃ প্রতিচ্ছন্নঃ প্রয়ুক্তোভরতেন বা ॥ 24 ॥
তন্নসিধ্যতি সৌমিত্রে তব বা ভরতস্য় বা ।
কথমিংদীবরশ্য়ামং পদ্মপত্রনিভেক্ষণম্ ॥ 25 ॥
উপসংশ্রিত্য় ভর্তারং কাময়েয়ং পৃথগ্জনম্ ।
সমক্ষং তব সৌমিত্রে প্রাণাংস্ত্যক্ষে ন সংশয়ঃ ।
রামং বিনা ক্ষণমপি ন হি জীবামি ভূতলে ॥ 26 ॥
ইত্য়ুক্তঃ পরুষং বাক্য়ং সীতয়া রোমহর্ষণম্ ॥ 27 ॥
অব্রবীল্লক্ষ্মণস্সীতাং প্রাংজলির্বিজিতেংদ্রিয়ঃ ।
উত্তরং নোত্সহে বক্তুং দৈবতং ভবতী মম ॥ 28 ॥
বাক্যমপ্রতিরূপং তু ন চিত্রং স্ত্রীষু মৈথিলি ।
স্বভাবস্ত্বেষ নারীণামেবং লোকেষু দৃশ্যতে ॥ 29 ॥
বিমুক্তধর্মাশ্চপলাস্তীক্ষ্ণা ভেদকরাঃ স্ত্রিয়ঃ ।
ন সহে হীদৃশং বাক্য়ং বৈদেহি জনকাত্মজে ॥ 30 ॥
শ্রোত্রয়োরুভয়োর্মেদ্য় তপ্তনারাচসন্নিভম্ ।
উপশৃণ্বংতু মে সর্বে সাক্ষিভূতা বনেচরাঃ ॥ 31 ॥
ন্য়াযবাদী যথান্য়াযমুক্তোঽহং পরুষং ত্বয়া ।
ধিক্ত্বামদ্য় প্রণশ্য় ত্বং যন্মামেবং বিশংকসে ।
স্ত্রীত্বলদুষ্টং স্বভাবেন গুরুবাক্য়ে ব্যবস্থিতম্ ॥ 32 ॥
গমিষ্য়ে যত্র কাকুত্স্থ স্বস্তি তেঽস্তু বরাননে ॥ 33 ॥
রক্ষংতু ত্বাং বিশালাক্ষি সমগ্রা বনদেবতাঃ ।
নিমিত্তানি চ ঘোরাণি যানি প্রাদুর্ভবংতি মে ॥ 34 ॥
অপি ত্বাং সহ রামেণ পশ্য়েয়ং পুনরাগতঃ ।
ন বেত্য়েতন্ন জানামি বৈদেহি জনকাত্মজে ॥ 35 ॥
লক্ষ্মণেনৈবমুক্তা সা রুদংতী জনকাত্মজা ।
প্রত্য়ুবাচ ততো বাক্য়ং তীব্রং বাষ্পপরিপ্লুতা ॥ 36 ॥
গোদাবরীং প্রবেক্ষ্য়ামি বিনা রামেণ লক্ষ্মণ ।
অবংধিষ্য়েঽথবা ত্যক্ষ্য়ে বিষমে দেহমাত্মনঃ ॥ 37 ॥
পিবাম্যহং বিষং তীক্ষ্ণং প্রবেক্ষ্য়ামি হুতাশনম্ ।
ন ত্বহং রাঘবাদন্য়ং পদাপি পুরুষং স্পৃশে ॥ 38 ॥
ইতি লক্ষ্মণমাক্রুশ্য় সীতা দুঃখসমন্বিতা ।
পাণিভ্য়াং রুদতী দুঃখাদুদরং প্রজঘান হ ॥ 39 ॥
তামার্তরূপাং বিমনা রুদংতীং সৌমিত্রিরালোক্য় বিশালনেত্রাম্ ।
আশ্বাসয়ামাস ন চৈব ভর্তু স্তং ভ্রাতরংকিংচিদুবাচ সীতা ॥ 40 ॥
ততস্তু সীতামভিবাদ্য় লক্ষ্মণঃ কৃতাংজলিঃ কিংচিদভিপ্রণম্য় চ ।
অন্বীক্ষমাণো বহুশশ্চ মৈথিলীং জগাম রামস্য় সমীপমাত্মবান্ ॥ 41 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে পংচচত্বারিংশস্সর্গঃ ॥
