শ্রীমদ্বাল্মীকীয় রামাযণে অরণ্যকাংডম্ ।
অথ চতুঃষষ্টিতমস্সর্গঃ ।
স দীনো দীনয়া বাচা লক্ষ্মণং বাক্যমব্রবীত্ ।
শীঘ্রং লক্ষ্মণ জানীহি গত্বা গোদাবরীং নদীম্ ॥ 1 ॥
অপি গোদাবরীং সীতা পদ্মান্য়ানয়িতুং গতা ।
এবমুক্তস্তু রামেণ লক্ষ্মণঃ পরবীরহা ॥ 2 ॥
নদীং গোদাবরীং রম্য়াং জগাম লঘুবিক্রমঃ ।
তাং লক্ষ্মণস্তীর্থবতী বিচিত্বা রামমব্রবীত্ ॥ 3 ॥
নৈনাং পশ্য়ামি তীর্থেষু ক্রোশতো ন শৃণোতি মে ।
কং নু বা দেশমাপন্না বৈদেহী ক্লেশনাশিনী ॥ 4 ॥
ন হ্যহং বেদ তং দেশং যত্র সা জনকাত্মজা ।
লক্ষ্মণস্য় বচশ্শ্রুত্বা দীনস্সংতাপমোহিতঃ ॥ 5 ॥
রামস্সমভিচক্রাম স্বয়ং গোদাবরীং নদীম্ ।
স তামুপস্থিতো রামঃ ক্ব সীতেত্য়েবমব্রবীত্ ॥ 6 ॥
ভূতানি রাক্ষসেংদ্রেণ বধার্হেণ হৃতামিতি ।
ন তাং শশংসূ রামায় তথা গোদাবরী নদি ॥ 7 ॥
ততঃ প্রচোদিতা ভূতৈশ্শংসাস্মৈতাং প্রিয়ামিতি ।
ন তু সাভ্যবদতসিতাং পৃষ্টা রামেণ শোচতা ॥ 8 ॥
রাবণস্য় তু তদ্রূপং কর্মাণি চ দুরাত্মনঃ ।
ধ্য়াত্বা ভয়াত্তু বৈদেহীং সা নদী ন শশংস তাম্ ॥ 9 ॥
নিরাশস্তু তয়া নদ্য়া সীতায়া দর্শনে কৃতঃ ।
উবাচ রামস্সৌমিত্রিং সীতাদর্শনকর্শিতঃ ॥ 10 ॥
এষা গোদাবরী সৌম্য় কিংচিন্ন প্রতি ভাষতে ।
কিং নু লক্ষ্মণ বক্ষ্য়ামি সমেত্য় জনকং বচঃ ॥ 11 ॥
মাতরং চৈব বৈদেহ্য়া বিনা তামহমপ্রিযম্ ।
যা মে রাজ্যবিহীনস্য় বনে বন্য়েন জীবতঃ ॥ 12 ॥
সর্বং ব্যপনয়েচ্ছোকং বৈদেহী ক্ব নু সা গতা ।
জ্ঞাতিপক্ষবিহীনস্য় রাজপুত্রীমপশ্যতঃ ॥ 13 ॥
মন্য়ে দীর্ঘা ভবিষ্য়ংতি রাত্রয়ো মম জাগ্রতঃ ।
গোদাবরীং জনস্থানমিমং প্রস্রবণং গিরিম্ ॥ 14 ॥
সর্বাণ্যনুগমিষ্য়ামি যদি সীতা হি দৃশ্যতে ।
এতে মৃগা মহাবীর্য় মামীক্ষংতে মুহুর্মুহুঃ ॥ 15 ॥
বক্তুকামা ইব হি মে ইংগিতান্য়ুপলক্ষয়ে ।
তাংস্তু দৃষ্ট্বা নরব্য়াঘ্রো রাঘবঃ প্রত্য়ুবাচ হ ॥ 16 ॥
ক্ব সীতেতি নিরীক্ষন্বৈ বাষ্পসংরুদ্ধয়া দৃশা ।
এবমুক্তা নরেংদ্রেণ তে মৃগাস্সহসোত্থিতাঃ ॥ 17 ॥
দক্ষিণাভিমুখাস্সর্বে দর্শয়ংতো নভস্থলম্ ।
মৈথিলী হ্রিযমাণা সা দিশং যামন্বপদ্যত ॥ 18 ॥
তেন মার্গেণ ধাবংতো নিরীক্ষংতে নরাধিপম্ ।
যেন মার্গং চ ভূমিং চ নিরীক্ষংতে স্ম তে মৃগাঃ ॥ 19 ॥
পুনশ্চ মার্গমিচ্ছংতি লক্ষ্মণেনোপলক্ষিতাঃ ।
তেষাং বচনসর্বস্বং লক্ষয়ামাস চেংগিতম্ ॥ 20 ॥
উবাচ লক্ষ্মণো জ্য়েষ্ঠং ধীমান্ভ্রাতরমার্তবত্ ।
ক্ব সিতেতি ত্বয়া পৃষ্টা যথেমে সহসোত্থিতাঃ ॥ 21 ॥
দর্শয়ংতি ক্ষিতিং চৈব দক্ষিণাং চ দিশং মৃগাঃ ।
সাধু গচ্ছাবহে দেব দিশমেতাং হি নৈঋতিম্ ॥ 22 ॥
যদি স্য়াদাগমঃ কশ্চিদার্য়া বা সাঽথ লক্ষ্যতে ।
বাঢমিত্য়েব কাকুত্স্থঃ প্রস্থিতো দক্ষিণাং দিশম্ ॥ 23 ॥
লক্ষ্মণানুগতশ্শীমন্বীক্ষমাণো বসুংধরাম্ ।
এবং সংভাষমাণৌ তাবন্য়োন্য়ং ভ্রাতরাবুভৌ ॥ 24 ॥
বসুংধরায়াং পতিতং পুষ্পমার্গমপশ্যতাম্ ।
তাং পুষ্পবৃষ্টিং পতিতাং দৃষ্ট্বা রামো মহীতলে ॥ 25 ॥
উবাচ লক্ষ্মণং বীরো দুঃখিতো দুঃখিতং বচঃ ।
অভিজানামি পুষ্পাণি তানীমানীহ লক্ষ্মণ ॥ 26 ॥
পিনদ্ধানি হি বৈদেহ্য়া ময়া দত্তানি কাননে ।
মন্য়ে সূর্যশ্চ বায়ুশ্চ মেদিনী চ যশস্বিনী ॥ 27 ॥
অভিরক্ষংতি পুষ্পাণি প্রকুর্বংতো মম প্রিযম্ ।
এবমুক্ত্বা মহাবাহুং লক্ষ্মণং পুরুষর্ষভঃ ॥ 28 ॥
উবাচ রামো ধর্মাত্মা গিরিং প্রস্রবণাকুলম্ ।
কচ্চিত্ ক্ষিতিভৃতাং নাথ দৃষ্টা সর্বাংগসুংদরী ॥ 29 ॥
রামা রম্য়ে বনোদ্দেশে ময়া বিরহিতা ত্বয়া ।
ক্রুদ্ধোঽব্রবীদ্গিরিং তত্র সিংহঃ ক্ষুদ্রমৃগং যথা ॥ 30 ॥
তাং হেমবর্ণাং হেমাভাং সীতাং দর্শয় পর্বত ।
যাবত্সানূনি সর্বাণি ন তে বিধ্বংসয়াম্যহম্ ॥ 31 ॥
এবমুক্তস্তু রামেণ পর্বতো মৈথিলীং প্রতি ।
শংসন্নিব ততস্সীতাং নাদর্শযত রাঘবে ॥ 32 ॥
ততো দাশরথী রাম উবাচ চ শিলোচ্চযম্ ।
মম বাণাগ্নিনির্দগ্ধো ভস্মীভূতো ভবিষ্যসি ॥ 33 ॥
অসেব্য়ঃ সততং চৈব নিস্তৃণদ্রুমপল্লবঃ ।
ইমাং বা সরিতং চাদ্য় শোষয়িষ্য়ামি লক্ষ্মণ ॥ 34 ॥
যদি নাখ্য়াতি মে সীতামার্য়াং চংদ্রনিভাননাম্ ।
এবং স রুষিতো রামো দিধক্ষন্নিব চক্ষুষা ॥ 35 ॥
দদর্শ ভূমৌ নিষ্ক্রাংতং রাক্ষসস্য় পদং মহত্ ।
ত্রস্তায়া রামকাংক্ষিণ্য়াঃ প্রধাবংত্য়া ইতস্ততঃ ॥ 36 ॥
রাক্ষসেনানুবৃত্তায়া মৈথিল্য়াশ্চ পদান্যথ ।
স সমীক্ষ্য় পরিক্রাংতং সীতায়া রাক্ষসস্য় চ ॥ 37 ॥
ভগ্নং ধনুশ্চ তূণী চ বিকীর্ণং বহুধা রথম্ ।
সংভ্রাংতহৃদয়ো রামশ্শশংস ভ্রাতরংপ্রিযম্ ॥ 38 ॥
পশ্য় লক্ষ্মণ বৈদেহ্য়াশশীর্ণাঃ কনকবিংদবঃ ।
ভূষণানাং হি সৌমিত্রে মাল্য়ানি বিবিধানি চ ॥ 39 ॥
তপ্তবিংদুনিকাশৈশ্চ চিত্রৈঃ ক্ষতজবিংদুভিঃ ।
আবৃতং পশ্য় সৌমিত্রে সর্বতো ধরণীতলম্ ॥ 40 ॥
মন্য়ে লক্ষ্মণ বৈদেহী রাক্ষসৈঃ কামরূপিভিঃ ।
ভিত্বাভিত্বা বিভক্তা বা ভক্ষিতা বা ভবিষ্যতি ॥ 41 ॥
তস্য়া নিমিত্তং বৈদেহ্য়া দ্বয়োর্বিবদমানয়োঃ ।
বভূব যুদ্ধং সৌমিত্রে ঘোরং রাক্ষসয়োরিহ ॥ 42 ॥
মুক্তামণিময়ং চেদং তপনীযবিভূষিতম্ ।
ধরণ্য়াং পতিতং সৌম্য় কস্য় ভগ্নং মহদ্ধনুঃ ॥ 43 ॥
তরুণাদিত্যসংকাশং বৈডূর্যগুলিকাচিতম্ ।
বিশীর্ণং পতিতং ভূমৌ কবচং কস্য় কাংচনম্ ॥ 44 ॥
ছত্রং শতশলাকং চ দিব্যমাল্য়োপশোভিতম্ ।
ভগ্নদংডমিদং কস্য় ভূমৌ সম্যঙ্নিপাতিতম্ ॥ 45 ॥
কাংচনোরশ্ছদা শ্চেমে পিশাচবদনাঃ খরাঃ ।
ভীমরূপা মহাকায়াঃ কস্য় বা নিহতা রণে ॥ 46 ॥
দীপ্তপাবকসংকাশো দ্য়ুতিমান্সমরধ্বজঃ ।
অপবিদ্ধশ্চ ভগ্নশ্চ কস্য় সাংগ্রামিকো রথঃ ॥ 47 ॥
রথাক্ষমাত্রা বিশিখাস্তপনীযবিভূষণাঃ ।
কস্য়েমেঽভিহতা বাণাঃ প্রকীর্ণা ঘোরকর্মণঃ ॥ 48 ॥
শরাবরৌ শরৈঃ পূর্ণৌ বিধ্বস্তৌ পশ্য় লক্ষ্মণ ।
প্রতোদাভীশুহস্তো বৈ কস্য়ায়ং সারথির্হতঃ ॥ 49 ॥
কস্য়েমৌ পুরুষব্য়াঘ্র শয়াতে নিহতৌ যুধি ।
চামরগ্রাহিণৌ সৌম্য় সোষ্ণীষমণিকুংডলৌ ॥ 50 ॥
পদবীপুরুষস্য়ৈষা ব্যক্তং কস্য়াপি রক্ষসঃ ।
বৈরং শতগুণং পশ্য় মমেদং জীবিতাংতকম্ ॥ 51 ॥
সুঘোরহৃদয়ৈস্সৌম্য় রাক্ষসৈঃ কামরূপিভিঃ ।
হৃতা মৃতা বা সীতা সা ভক্ষিতা বা তপস্বিনী ॥ 52 ॥
নধর্মস্ত্রাযতে সীতাং হ্রিযমাণাং মহাবনে ।
ভক্ষিতায়াং হি বৈদেহ্য়াং হৃতায়ামপি লক্ষ্মণ ॥ 53 ॥
কে হি লোকে প্রিয়ং কর্তুং শক্তাস্সৌম্য় মমেশ্বরাঃ ।
কর্তারমপি লোকানাং শূরং করুণবেদিনম্ ॥ 54 ॥
অজ্ঞানাদবমন্য়েরত্সর্বভূতানি লক্ষ্মণ ।
মৃদুং লোকহিতে যুক্তং দাংতং করুণবেদিনম্ ॥ 55 ॥
নির্বীর্য় ইতি মন্য়ংতে নূনং মাং ত্রিদশেশ্বরাঃ ।
মাং প্রাপ্য় হি গুণো দোষস্সংবৃত্তঃ পশ্য় লক্ষ্মণ ॥ 56 ॥
অদ্য়ৈব সর্বভূতানাং রক্ষসামভবায় চ ।
সংহৃত্য়ৈব শশিজ্য়োত্স্নাং মহান্সূর্য় ইবোদিতঃ ॥ 57 ॥
সংহৃত্য়ৈব গুণান্সর্বান্মম তেজঃ প্রকাশতে ।
নৈব যক্ষা ন গংধর্বা ন পিশাচা ন রাক্ষসাঃ ॥ 58 ॥
কিন্নরা বা মনুষ্য়া বা সুখং প্রাপ্স্য়ংতি লিক্ষ্মণ ।
মমাস্ত্রবাণসংপূর্ণমাকাশং পশ্য় লক্ষ্মণ ॥ 59 ॥
নিস্সংপাতং করিষ্য়ামি হ্যদ্য় ত্রৈলোক্যচারিণাম্ ।
সন্নিরুদ্ধগ্রহগণমাবারিতনিশাকরম্ ॥ 60 ॥
বিপ্রণষ্টানলমরুদ্ভাস্করদ্য়ুতিসংবৃতম্ ।
বিনির্মথিতশৈলাগ্রং শুষ্যমাণজলাশযম্ ॥ 61 ॥
ধ্বস্তদ্রুমলতাগুল্মং বিপ্রণাশিতসাগরম্ ।
ত্রৈলোক্য়ং তু করিষ্য়ামি সংয়ুক্তং কালকর্মণা ॥ 62 ॥
ন তাং কুশলিনীং সীতাং প্রদাস্য়ংতি মমেশ্বরাঃ ।
অস্মিন্মুহূর্তে সৌমিত্রে মম দ্রক্ষ্য়ংতি বিক্রমম্ ॥ 63 ॥
নাকাশমুত্পতিষ্য়ংতি সর্বভূতানি লক্ষ্মণ ।
মম চাপগুণোন্মুক্তৈর্বাণজালৈর্নিরংতরম্ ॥ 64 ॥
অর্দিতং মম নারাচৈর্ধ্বস্তভ্রাংতমৃগদ্বিজম্ ।
সমাকুলমমর্য়াদং জগত্পশ্য়াদ্য় লক্ষ্মণ ॥ 65 ॥
আকর্ণপূর্ণৈরিষুভির্জীবলোকং দুরাবরৈঃ ।
করিষ্য়ে মৈথিলীহেতোরপিশাচমরাক্ষসম্ ॥ 66 ॥
মম রোষপ্রয়ুক্তানাং সাযকানাং বলং সুরাঃ ।
দ্রক্ষ্য়ংত্যদ্য় বিমুক্তানামতিদূরাতিগামিনাম্ ॥ 67 ॥
নৈব দেবা ন দৈতেয়া ন পিশাচা ন রাক্ষসাঃ ।
ভবিষ্য়ংতি মম ক্রোধাত্ত্রৈলোক্য়ে বিপ্রণাশিতে ॥ 68 ॥
দেবদানবযক্ষাণাং লোকা যে রক্ষসামপি ।
বহুধা ন ভবিষ্য়ংতি বাণৌঘৈশ্শকলীকৃতাঃ ॥ 69 ॥
নির্মর্য়াদানিমান্লোকান্করিষ্য়াম্যদ্য় সাযকৈঃ ।
হৃতাং মৃতাং বা সৌমিত্রে ন দাস্য়ংতি মমেশ্বরাঃ ॥ 70 ॥
তথারুপাং হি বৈদেহীং ন দাস্য়ংতি যদি প্রিয়াম্ ।
নাশয়ামি জগত্সর্বং ত্রৈলোক্য়ং সচরাচরম্ ॥ 71 ॥
ইত্য়ুক্ত্বা রোষতাম্রাক্ষো রামো নিষ্পীড্য় কার্মুকম্ ।
শরমাদায় সংদীপ্তং ঘোরমাশীবিষোপমম্ ॥ 72 ॥
সংধায় ধনুষি শ্রীমান্রামঃ পরপুরংজয়ঃ ।
যুগাংতাগ্নিরিব ক্রুদ্ধ ইদং বচনমব্রবীত্ ॥ 73 ॥
যথা জরা যথা মৃত্য়ুর্যথা কালো যথা বিধিঃ ।
নিত্য়ং ন প্রতিহন্য়ংতে সর্বভূতেষু লক্ষ্মণ ॥ 74 ॥
তথাহং ক্রোধসংয়ুক্তো ন নিবার্য়োঽস্মি সর্বথা ।
পুরেব মে চারুদংতীমনিংদিতাং দিশংতি সীতাং যদি নাদ্য় মৈথিলীম্ ।
সদেবগংধর্বমনুষ্যপন্নগং জগত্সশৈলং পরিবর্তয়াম্যহম্ ॥ 75 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে চতুঃষষ্টিতমস্সর্গঃ ॥
