শ্রীমদ্বাল্মীকীয় রামাযণে কিষ্কিংধাকাংডম্ ।
অথ একাদশস্সর্গঃ ।
রামস্য় বচনং শ্রুত্বা হর্ষপৌরুষবর্ধনম্ ।
সুগ্রীবঃ পূজয়াংচক্রে রাঘবং প্রশশংস চ ॥ 1 ॥
অসংশয়ং প্রজ্বলিতৈস্তীক্ষ্ণৈর্মর্মাতিগৈশ্শরৈঃ ।
ত্বং দহেঃ কুপিতো লোকান্য়ুগাংত ইব ভাস্করঃ ॥ 2 ॥
বালিনঃ পৌরুষং যত্তদ্যচ্চ বীর্য়ং ধৃতিশ্চ যা ।
তন্মমৈকমনাশ্শ্রুত্বা বিধত্স্ব যদনংতরম্ ॥ 3 ॥
সমুদ্রাত্পশ্চিমাত্পূর্বং দক্ষিণাদপি চোত্তরম্ ।
ক্রামত্যনুদিতে সূর্য়ে বালী ব্যপগতক্লমঃ ॥ 4 ॥
অগ্রাণ্য়ারুহ্য় শৈলানাং শিখরাণি মহাংত্যপি ।
ঊর্ধ্বমুত্ক্ষিপ্য় তরসা প্রতিগৃহ্ণাতি বীর্যবান্ ॥ 5 ॥
বহবস্সারবংতশ্চ বনেষু বিবিধা দ্রুমাঃ ।
বালিনা তরসা ভগ্না বলং প্রথযতাঽত্মনঃ ॥ 6 ॥
মহিষো দুংদুভির্নাম কৈলাসশিখরপ্রভঃ ।
বলং নাগসহস্রস্য় ধারয়ামাস বীর্যবান্ ॥ 7 ॥
বীর্য়োত্সেকেন দুষ্টাত্মা বরদানাচ্চ মোহিতঃ ।
জগাম সুমহাকায় স্সমুদ্রং সরিতাং পতিম্ ॥ 8 ॥
ঊর্মিমংতমভিক্রম্য় সাগরং রত্নসংচযম্ ।
মহ্য়ং যুদ্ধং প্রযচ্ছেতি তমুবাচ মহার্ণবম্ ॥ 9 ॥
ততস্সমুদ্রো ধর্মাত্মা সমুত্থায় মহাবলঃ ।
অব্রবীদ্বচনং রাজন্নসুরং কালচোদিতম্ ॥ 10 ॥
সমর্থো নাস্মি তে দাতুং যুদ্ধং যুদ্ধবিশারদ ।
শ্রূযতাং চাভিধাস্য়ামি যস্তে যুদ্ধং প্রদাস্যতি ॥ 11 ॥
শৈলরাজো মহারণ্য়ে তপস্বিশরণং পরম্ ।
শংকরশ্বশুরো নাম্না হিমবানিতি বিশ্রুতঃ ॥ 12 ॥
গুহাপ্রস্রবণোপেতো বহুকংদরনির্দরঃ ।
স সমর্থস্তব প্রীতিমতুলাং কর্তুমাহবে ॥ 13 ॥
তং ভীত ইতি বিজ্ঞায় সমুদ্রমসুরোত্তমঃ ।
হিমবদ্বনমাগচ্ছচ্ছরশ্চাপাদিব চ্য়ুতঃ ॥ 14 ॥
ততস্তস্য় গিরেশ্শ্বেতা গজেংদ্রবিপ্রলাশ্শিলাঃ ।
চিক্ষেপ বহুধা ভূমৌ দুংদুভির্বিননাদ চ ॥ 15 ॥
ততশ্শ্বেতাংবুদাকারঃ সৌম্য়ঃ প্রীতিকরাকৃতিঃ ।
হিমবানব্রবীদ্বাক্য়ং স্বে এব শিখরে স্থিতঃ ॥ 16 ॥
ক্লেষ্টুমর্হসি মাং ন ত্বং দুংদুভে ধর্মবত্সল ।
রণকর্মস্বকুশলস্তপস্বিশরণং হ্যহম্ ॥ 17 ॥
তস্য় তদ্বচনং শ্রুত্বা গিরিরাজস্য় ধীমতঃ ।
উবাচ দুংদুভির্বাক্য়ং ক্রোধাত্সংরক্তলোচনঃ ॥ 18 ॥
যদি যুদ্ধেঽসমর্থস্ত্বং মদ্ভয়াদ্বা নিরুদ্যমঃ ।
সমাচক্ষ্ব প্রদদ্য়ান্মে যোঽদ্য় যুদ্ধং যুয়ুত্সতঃ ॥ 19 ॥
হিমবানব্রবীদ্বাক্য়ং শ্রুত্বা বাক্যবিশারদঃ ।
অনুক্তপূর্বং ধর্মাত্মা ক্রোধাত্তমসুরোত্তমম্ ॥ 20 ॥
বালী নাম মহাপ্রাজ্ঞশ্শক্রতুল্য় পরাক্রমঃ ।
অধ্য়াস্তে বানরশ্শ্রীমান্ কিষ্কিংধামতুলপ্রভাম্ ॥ 21 ॥
স সমর্থো মহাপ্রাজ্ঞস্তব যুদ্ধবিশারদঃ ।
দ্বংদ্বয়ুদ্ধং মহদ্দাতুং নমুচেরিব বাসবঃ ॥ 22 ॥
তং শীঘ্রমভিগচ্ছ ত্বং যদি যুদ্ধমিহেচ্ছসি ।
স হি দুর্ধর্ষণো নিত্য়ং শূরস্সমরকর্মণি ॥ 23 ॥
শ্রুত্বা হিমবতো বাক্য়ং কোধাবিষ্টস্স দুংদুভিঃ ।
জগাম তাং পুরীং তস্য় কিষ্কিংধাং বালিনস্তদা ॥ 24 ॥
ধারযন্মাহিষং রূপং তীক্ষ্ণশৃংগো ভয়াবহঃ ।
প্রাবৃষীব মহামেঘস্তোযপূর্ণো নভস্স্থলে ॥ 25 ॥
ততস্তু দ্বারমাগম্য় কিষ্কিংধায়া মহাবলঃ ।
ননর্দ কংপযন্ভূমিং দুংদুভির্দুংদুভির্যথা ॥ 26 ॥
সমীপস্থাংদ্রুমান্ভংজন্বসুধাং দারযন্খুরৈঃ ।
বিষাণেনোল্লিখন্ দর্পাত্তদ্দ্বারং দ্বিরদো যথা ॥ 27 ॥
অংতঃপুরগতো বালী শ্রুত্বা শব্দমমর্ষণঃ ।
নিষ্পপাত সহ স্ত্রীভিস্তারাভিরিব চংদ্রমাঃ ॥ 28 ॥
মিতং ব্যক্তাক্ষরপদং তমুবাচাথ দুংদুভিম্ ।
হরীণামীশ্বরো বালী সর্বেষাং বনচারিণাম্ ॥ 29 ॥
কিমর্থং নগরদ্বারমিদং রুধ্দ্বা বিনর্দসি ।
দুংদুভে বিদিতো মেঽসি রক্ষপ্রাণান্মহাবল ॥ 30 ॥
তস্য় তদ্বচনং শ্রুত্বা বানরেংদ্রস্য় ধীমতঃ ।
উবাচ দুংদুভির্বাক্য়ং রোষাত্সংরক্তলোচনঃ ॥ 31 ॥
ন ত্বং স্ত্রীসন্নিধৌ বীর বচনং বক্তুমর্হসি ।
মম যুদ্ধং প্রযচ্ছাদ্য় ততো জ্ঞাস্য়ামি তে বলম্ ॥ 32 ॥
অথবা ধারয়িষ্য়ামি ক্রোধমদ্য় নিশামিমাম্ ।
গৃহ্যতামুদযস্স্বৈরং কামভোগেষু বানর ॥ 33 ॥
দীযতাং সংপ্রদানং চ পরিষ্বজ্য় চ বানরান্ ।
সর্বশাখামৃগেংদ্র স্ত্বং সংসাদয় সুহৃজ্জনান্ ॥ 34 ॥
সুদৃষ্টাং কুরু কিষ্কিংধাং কুরুষ্বাত্মসমং পুরে ।
ক্রীডস্ব চ সহ স্ত্রীভিরহং তে দর্পনাশনঃ ॥ 35 ॥
যো হি মত্তং প্রমত্তং বা সুপ্তং বা রহিতং ভৃশম্ ।
হন্য়াত্স ভ্রূণহা লোকে ত্বদ্বিধং মদমোহিতম্ ॥ 36 ॥
স প্রহস্য়াব্রবীন্মংদং ক্রোধাত্তমসুরোত্তমম্ ।
বিসৃজ্য় তাঃ স্ত্রিযস্সর্বাস্তারাপ্রভৃতিকাস্তদা ॥ 37 ॥
মত্তোঽযমিতি মা মংস্থা যদ্যভীতোঽসি সংয়ুগে ।
মদোঽয়ং সংপ্রহারেঽস্মিন্বীরপানং সমর্থ্যতাম্ ॥ 38 ॥
তমেবমুক্ত্বা সংকৃদ্ধো মালামুত্ক্ষিপ্য় কাংচনীম্ ।
পিত্রা দত্তাং মহেংদ্রেণ যুদ্ধায় ব্যবতিষ্ঠত ॥ 39 ॥
বিষাণয়োর্গৃহীত্বা তং দুংদুভিং গিরিসন্নিভম্ ।
আবিধ্যত তদা বালী বিনদন্কপিকুংজরঃ ॥ 40 ॥
বালী ব্য়াপাতয়াংচক্রে ননর্দ চ মহাস্বনম্ ।
শ্রোত্রাভ্য়ামথ রক্তং তু তস্য় সুস্রাব পাত্যতঃ ॥ 41 ॥
তয়োস্তু ক্রোধসংরংভাত্পরস্পরজয়ৈষিণোঃ ।
যুদ্ধং সমভবদ্ঘোরং দুংদুভের্বানরস্যচ ॥ 42 ॥
অয়ুদ্ধ্যত তদা বালী শক্রতুল্যপরাক্রমঃ ।
মুষ্টিভির্জানুভিশ্চৈব শিলাভিঃ পাদপৈস্তথা ॥ 43 ॥
পরস্পরং ঘ্নতো স্তত্র বানরাসুরয়োস্তদা ।
আসীদসুরো যুদ্ধে শক্রসূনুর্ব্যবর্ধত ॥ 44 ॥
ব্য়াপারবীর্যধৈর্য়ৈশ্চ পরিক্ষীণং পরাক্রমৈঃ ।
তং তু দুংদুভিমুদ্যম্য় ধরণ্য়ামভ্যপাতযত্ ॥ 45 ॥
যুদ্ধে প্রাণহরে তস্মিন্নিষ্পিষ্টো দুংদুভিস্তদা ।
পপাত চ মহাকায়ঃ ক্ষিতৌ পংচত্বমাগতঃ ॥ 46 ॥
তং তোলয়িত্বা বাহুভ্য়াং গতসত্ত্বমচেতনম্ ।
চিক্ষেপ বলবান্বালী বেগেনৈকেন যোজনম্ ॥ 47 ॥
তস্য় বেগপ্রবিদ্ধস্য় বক্ত্রাত্ক্ষতজবিংদবঃ ।
প্রপেতুর্মারুতোত্ক্ষিপ্তা মতংগপ্য়াশ্রমং প্রতি ॥ 48 ॥
তাংদৃষ্ট্বা পতিতাংস্তস্য় মুনিশ্শোণিতবিপ্রুষঃ ।
ক্রুদ্ধস্তত্র মহাভাগশ্চিংতয়ামাস কোন্বযম্ ॥ 49 ॥
যেন অহং সহসা স্পৃষ্টঃ শোণিতেন দুরাত্মনা ।
কোঽয়ং দুরাত্মা দুর্ বুদ্ধিঃ অকৃতাত্মা চ বালিশঃ ॥ 50 ॥
ইত্য়ুক্ত্বাঽথ বিনিষ্ক্রম্য় দদর্শ মুনিসত্তমঃ ।
মহিষং পর্বতাকারং গতাসুং পতিতং ভুবি ॥ 51 ॥
স তু বিজ্ঞায় তপসা বানরেণ কৃতং হি তত্ ।
উত্সসর্জ মহাশাপং ক্ষেপ্তারং বালিনং প্রতি ॥ 52 ॥
ইহ তেনাপ্রবেষ্টব্য়ং প্রবিষ্টস্য় বধো ভবেত্ ।
বনং মত্সংশ্রয়ং যেন দূষিতং রুধিরস্রবৈঃ ॥ 53 ॥
সংভগ্নাঃ পাদপাশ্চৈমেক্ষিপতেহাসুরীং তনুম্ ।
সমংতাদাদ্য়োজনং পূর্ণমাশ্রমং মামকং যদি ॥ 54 ॥
আগমিষ্যতি দুর্বুদ্ধির্ব্যক্তং স ন ভবিষ্যতি ।
যে চাপি সচিবাঃ স্তস্য় সংশ্রিতা মামকং বনম্ ॥ 55 ॥
ন চ তৈরিহ বস্তব্য়ং শ্রুত্বা যাংতু যথাসুখম্ ।
যদি তেঽপী হ তিষ্ঠংতি শপিষ্য়ে তানপি ধ্রুবম্ ॥ 56 ॥
বনেঽস্মিন্মামকে নিত্য়ং পুত্রবত্পরিরক্ষিতে ।
পত্রাংকুরবিনাশায় ফলমূলাভবায় চ ॥ 57 ॥
দিবসশ্চাস্য় মর্য়াদা যং দ্রষ্টা শ্বোঽস্মি বানরম্ ।
বহুবর্ষসহস্রাণি স বৈ শৈলো ভবিষ্যতি ॥ 58 ॥
ততস্তে বানরাশ্শ্রুত্বা গিরং মুনিসমীরিতাম্ ।
নিশ্চক্রমুর্বনাত্তস্মাত্তাংদৃষ্ট্বা বালিরব্রবীত্ ॥ 59 ॥
কিং ভবংতস্সমস্তাশ্চ মতংগবনবাসিনঃ ।
মত্সমীপমনুপ্রাপ্তা অপি স্বস্তি বনৌকসাম্ ॥ 60 ॥
ততস্তে কারণং সর্বং তদা শাপং চ বালিনঃ ।
শশংসুর্বানরাস্সর্বে বালিনে হেমমালিনে ॥ 61 ॥
এতচ্ছ্রুত্বা তদা বালী বচনং বানরেরিতম্ ।
স মহর্ষিংতদাঽসাদ্য় যাচতে স্ম কৃতাংজলিঃ ॥ 62 ॥
মহর্ষিস্তমনাদৃত্য় প্রবিবেশাশ্রমং তদা ।
শাপধারণভীতস্তু বালী বিহ্বলতাং গতঃ ॥ 63 ॥
ততশ্শাপভয়াদ্ভীত ঋশ্যমূকং মহাগিরিম্ ।
প্রবেষ্টুং নেচ্ছতি হরির্দ্রষ্টুং বাপি নরেশ্বর ॥ 64 ॥
তস্য়াপ্রবেশং জ্ঞাত্বাঽহমিদং রাম মহাবনম্ ।
বিচরামি সহামাত্য়ো বিষাদেন বিবর্জিতঃ ॥ 65 ॥
এষোঽস্থিনিচযস্তস্য় দুংদুভেস্সংপ্রকাশতে ।
বীর্য়োত্সেকান্নিরস্তস্য় গিরিকূটোপমো মহান্ ॥ 66 ॥
ইমে চ বিপুলাস্সালাস্সপ্ত শাখাবলংবিনঃ ।
যত্রৈকং ঘটতে বালী নিষ্পত্রয়িতুমোজসা ॥ 67 ॥
এতদস্য়াসমং বীর্য়ং ময়া রাম প্রকীর্তিতম্ ।
কথং তং বালিনং হংতুং সমরে শক্ষ্যসে নৃপ ॥ 68 ॥
তথা ব্রুবাণং সুগ্রীবং প্রহসন্ লক্ষ্মণোঽব্রবীত্ ।
কস্মিন্কর্মণি নির্বৃত্তে শ্রদ্দধ্য়া বালিনো বধম্ ॥ 69 ॥
তমুবাচাথ সুগ্রীবস্সপ্ত সালানিমান্পুরা ।
এবমেকৈকশো বালী বিব্য়াথাথ স চাসকৃত্ ॥ 70 ॥
রামোঽপিদারয়েদেষাং বাণেনৈকেন চ দ্রুমম্ ।
বালিনং নিহতং মন্য়ে দৃষ্ট্বা রামস্য় বিক্রমম্ ॥ 71 ॥
হতস্য় মহিষস্য়াস্থি পাদেনৈকেন লক্ষ্মণ ।
উদ্যম্য়াথ প্রক্ষিপেচ্চেত্তরসা দ্বে ধনুশ্শতে ॥ 72 ॥
এবমুক্ত্বা তু সুগ্রীবো রামং রক্তাংতলোচনম্ ।
ধ্য়াত্বা মুহূর্তং কাকুত্স্থং পুনরেব বচোঽব্রবীত্ ॥ 73 ॥
শূরশ্চ শূরঘাতী চ প্রখ্য়াতবলপৌরুষঃ ।
বলবান্বানরো বালী সংয়ুগেষ্বপরাজিতঃ ॥ 74 ॥
দৃশ্য়ংতে চাস্য় কর্মাণি দুষ্করাণি সুরৈরপি ।
যানি সংচিংত্য় ভীতোঽহমৃশ্যমূকং সমাশ্রিতঃ ॥ 75 ॥
তমজয়্যমধৃষ্য়ং চ বানরেংদ্রমমর্ষণম্ ।
বিচিংতযন্ন মুংচামি ঋশ্যমূকমহন্বিমম্ ॥ 76 ॥
উদ্বিগ্নশ্শংকিতশ্চাপি বিচরামি মহাবনে ।
অনুরক্তৈঃ সহামাত্য়ৈর্হনুমত্প্রমুখৈর্বরৈঃ ॥ 77 ॥
উপলব্ধং চ মে শ্লাঘ্য়ং সন্মিত্রং মিত্রবত্সল ।
ত্বামহং পুরুষব্য়াঘ্র হিমবংতমিবাশ্রিতঃ ॥ 78 ॥
কিং তু তস্য় বলজ্ঞোঽহং দুর্ভ্রাতুর্বলশালিনঃ ।
অপ্রত্যক্ষং তু মে বীর্য়ং সমরে তব রাঘব ॥ 79 ॥
ন খল্বহং ত্বাং তুলয়ে নাবমন্য়ে ন ভীষয়ে ।
কর্মভিস্তস্য় ভীমৈস্তু কাতর্য়ং জনিতং মম ॥ 80 ॥
কামং রাঘব তে বাণী প্রমাণং ধৈর্যমাকৃতিঃ ।
সূচয়ংতি পরং তেজো ভস্মচ্ছন্নমিবানলম্ ॥ 81 ॥
তস্য় তদ্বচনং শ্রুত্বা সুগ্রীবস্য় মহাত্মনঃ ।
স্মিতপূর্বমথো রামঃ প্রত্য়ুবাচ হরিং প্রভুঃ ॥ 82 ॥
যদি ন প্রত্যয়োঽস্মাসু বিক্রমে তব বানর ।
প্রত্যয়ং সমরে শ্লাঘ্যমহমুত্পাদয়ামি তে ॥ 83 ॥
এবমুক্ত্বা তু সুগ্রীবং সাংত্বং লক্ষ্মণপূর্বজঃ ।
রাঘবো দুংদুভেঃ কায়ং পাদাংগুষ্ঠেন লীলয়া ॥ 84 ॥
তোলয়িত্বা মহাবাহুশ্চিক্ষেপ দশয়োজনম্ ।
অসুরস্য় তনুং শুষ্কং পাদাংগুষ্ঠেন বীর্যবান্ ॥ 85 ॥
ক্ষিপ্তং দৃষ্ট্বা ততঃ কায়ং সুগ্রীবঃ পুনরব্রবীত্ ।
লক্ষ্মণস্য়াগ্রতো রামমিদং বচনমর্থবত্ ॥ 86 ॥
আর্দ্রস্সমাংসঃ প্রত্যগ্রঃ ক্ষিপ্তঃ কায়ঃ পুরা সখে ॥ 87 ॥
লঘুস্সংপ্রতি নির্মাংস স্তৃণভূতশ্চ রাঘব ।
পরিশ্রাংতেন মত্তেন ভ্রাত্রা মে বালিনা তদা ॥ 88 ॥
ক্ষিপ্তমেবং প্রহর্ষেণ ভবতা রঘুনংদন ।
নাত্র শক্য়ং বলং জ্ঞাতুং তব বা তস্য় বাঽধিকম্ ।
আর্দ্রং শুষ্কমিতি হ্য়েতত্সুমহদ্রাঘবাংতরম্ ॥ 89 ॥
স এব সংশযস্তাত তব তস্য় চ যদ্বলে ॥ 90 ॥
সালমেকং তু নির্ভিদ্য়া ভবেদ্ব্যক্তির্বলাবলে ।
কৃত্বেদং কার্মুকং সজ্য়ং হস্তিহস্ত মিবাততম্ ॥ 91 ॥
আকর্ণপূর্ণমাযম্য় বিসৃজস্ব মহাশরম্ ।
ইমং হি সালং সহিত স্ত্বয়া শরো ন সংশয়োঽত্রাস্তি বিদারয়িষ্যতি ।
অলং বিমর্শেন মম প্রিয়ং ধ্রুবং কুরুষ্ব রাজাত্মজ শাপিতো ময়া ॥ 92 ॥
যথা হি তেজস্সু বরস্সদা রবি র্যথা হি শৈলো হিমবান্মহাদ্রিষু ।
যথা চতুষ্পাত্সু চ কেসরী বর স্তথা নরণামসি বিক্রমে বরঃ ॥ 93 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একাদশস্সর্গঃ ॥
