ශ්රීමද්වාල්මීකීය රාමායණේ කිෂ්කිංධාකාංඩම් ।
අථ ඒකෝනවිංශස්සර්ගඃ ।
ස වානරමහාරාජශ්ශයානශ්ශරවික්ෂතඃ ।
ප්රත්යුක්තෝ හේතුමද්වාක්යෛර්නෝත්තරං ප්රත්යපද්යත ॥ 1 ॥
අශ්මභිඃ ප්රවිභින්නාංගඃ පාදපෛරාහතෝ භෘශම් ।
රාමබාණේන චාක්රාංතෝ ජීවිතාංතේ මුමෝහ සඃ ॥ 2 ॥
තං භාර්යා බාණමෝක්ෂේණ රාමදත්තේන සංයුගේ ।
හතං ප්ලවගශාර්දූලං තාරා ශුශ්රාව වාලිනම් ॥ 3 ॥
සා සපුත්රාප්රියං ශ්රුත්වා වධං භර්තුස්සුදාරුණම් ।
නිෂ්පපාත භෘශං තස්මාද්විවිධා ගිරිගහ්වරාත් ॥ 4 ॥
යේ ත්වංගදපරීවාරා වානරා භීමවික්රමාඃ ।
තේ සකාර්මුකමාලෝක්ය රාමං ත්රස්තාඃ ප්රදුද්රුවුඃ ॥ 5 ॥
සා දදර්ශ තතස්ත්රස්තාන්හරීනාපතතෝ භෘශම් ।
යූථාදිව පරිභ්රෂ්ටාන්මෘගාන්නිහතයූථපාන් ॥ 6 ॥
තානුවාච සමාසාද්ය දුඃඛිතාංදුඛිතා සතී ।
රාමවිත්රාසිතාන්සර්වානනුබද්ධානිවේෂුභිඃ ॥ 7 ॥
වානරාඃ රාජසිංහස්ය යස්ය යූයං පුරස්සරාඃ ।
තං විහාය සුසංත්රස්තාඃ කස්මාද්ද්රවථ දුර්ගතාඃ ॥ 8 ॥
රාජ්යහේතෝස්ස චේද්භ්රාතා භ්රාත්රා රෞද්රේණ පාතිතඃ ।
රාමේණ ප්රහිතෛරෞද්රෛර්මාර්ගණෛර්දූරපාතිභිඃ ॥ 9 ॥
කපිපත්න්යා වචශ්ශ්රුත්වා කපයඃ කාමරූපිණඃ ।
ප්රාප්තකාලමවික්ලිෂ්ටමූචුර්වචනමංගනාම් ॥ 10 ॥
ජීවපුත්රේ නිවර්තස්ව පුත්රං රක්ෂස්ව චාංගදම් ।
අංතකෝ රාමරූපේණ හත්වා නයති වාලිනම් ॥ 11 ॥
ක්ෂිප්තාන් වෘක්ෂාන්සමාවිධ්ය විපුලාශ්ච ශිලාස්තථා ।
වාලී වජ්රසමෛර්බාණෛ රාමේණ විනිපාතිතඃ ॥ 12 ॥
අභිද්රුතමිදං සර්වං විද්රුතං ප්රසෘතං බලම් ।
අස්මින් ප්ලවගශාර්දූලේ හතේ ශක්රසමප්රභේ ॥ 13 ॥
රක්ෂ්යතාං නගරද්වාරමංගදශ්චාභිෂිච්යතාම් ।
පදස්ථං වාලිනඃ පුත්රං භජිෂ්යංති ප්ලවංගමාඃ ॥ 14 ॥
අථවාऽරුචිතං ස්ථානමිහ තේ රුචිරානනේ ।
ආවිශංති හි දුර්ගාණි ක්ෂිප්රමන්යානි වානරාඃ ॥ 15 ॥
අභාර්යාශ්ච සභාර්යාශ්ච සංත්යත්ර වනචාරිණඃ ।
ලුබ්ධේභ්යෝ විප්රයුක්තේභ්යස්තේභ්යෝ නස්තුමුලං භයම් ॥ 16 ॥
අල්පාංතරගතානාං තු ශ්රුත්වා වචනමංගනා ।
ආත්මනඃ ප්රතිරූපං සා බභාෂේ චාරුහාසිනී ॥ 17 ॥
පුත්රේණ මම කිං කාර්යං රාජ්යේනච කිමාත්මනා ।
කපිසිංහේ මහාභාගේ තස්මින්භර්තරි නශ්යති ॥ 18 ॥
පාදමූලං ගමිෂ්යාමි තස්යෛවාහං මහාත්මනඃ ।
යෝऽසෞ රාමප්රයුක්තේන ශරේණ විනිපාතිතඃ ॥ 19 ॥
ඒවමුක්ත්වා ප්රදුද්රාව රුදංතී ශෝකකර්ශිතා ।
ශිරශ්චෝරශ්ච බාහුභ්යාං දුඃඛේන සමභිධ්නතී ॥ 20 ॥
ආව්රජංතී දදර්ශාථ පතිං නිපතිතං භුවි ।
හංතාරං දානවේංද්රාණාං සමරේෂ්වනිවර්තිනම් ॥ 21 ॥
ක්ෂේප්තාරං පර්වතේංද්රාණාං වජ්රාණාමිව වාසවම් ।
මහාවාතසමාවිෂ්ටං මහාමේඝෞඝනිස්ස්වනම් ॥ 22 ॥
ක්රතුල්යපරාක්රාංතං වෘෂ්ටවේවෝපරතං ඝනම් ।
නර්දංතං නර්දතාං භීමං ශූරං ශූරේණ පාතිතම් ॥ 23 ॥
ශාර්දූලේනාමිෂස්යාර්ථේ මෘගරාජං යථාහතම් ।
අර්චිතං සර්වලෝකස්ය සපතාකං සවේදිකම් ॥ 24 ॥
නාගහේතෝස්සුපර්ණේන චෛත්යමුන්මථිතං යථා ।
අවෂ්ටභ්ය ච තිෂ්ඨංතං දදර්ශ ධනුරුත්තම් ॥ 25 ॥
රාමං රාමානුජං චෛව භර්තුශ්චෛවානුජං ශුභා ।
තාවතීත්ය සමාසාද්ය භර්තාරං නිහතං රණේ ॥ 26 ॥
සමීක්ෂ්ය ව්යථිතා භූමෞ සංභ්රාංතා නිපපාත හ ।
සුප්ත්වේව පුනරුත්ථාය ආර්යපුත්රේති ශෝචතී ॥ 27 ॥
රුරෝද සා පතිං දෘෂ්ට්වා සංවීතං මෘත්යුදාමභිඃ ।
තාමවේක්ෂ්ය තු සුග්රීවඃ ක්රෝශංතීං කුරරීමිව ।
විෂාදමගමත්කෂ්ටං දෘෂ්ට්වා චාංගදමාගතම් ॥ 28 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ ඒකෝනවිංශස්සර්ගඃ ॥
