শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তবিংশস্সর্গঃ ।
অভিষিক্তে তু সুগ্রীবে প্রবিষ্টে বানরে গুহাম্ ।
আজগাম সহ ভ্রাত্রা রামঃ প্রস্রবণং গিরিম্ ॥ 1 ॥
শার্দূলমৃগসংঘুষ্টং সিংহৈর্ভীমরবৈর্বৃতম্ ।
নানাগুল্মলতাগূঢং বহুপাদপসংকুলম্ ॥ 2 ॥
ঋক্ষবানরগোপুচ্ছৈর্মার্জারৈশ্চ নিষেবিতম্ ।
মেঘরাশিনিভং শৈলং নিত্য়ং শুচিজলাশযম্ ॥ 3 ॥
তস্য় শৈলস্য় শিখরে মহতীমাযতাং গুহাম্ ।
প্রত্যগৃহ্ণত বাসার্থং রামস্সৌমিত্রিণা সহ ॥ 4 ॥
কৃত্বা চ সময়ং রামস্সুগ্রীবেণ সহানঘঃ ।
কালয়ুক্তং মহদ্বাক্যমুবাচ রঘুনংদনঃ ॥ 5 ॥
বিনীতং ভ্রাতরং ভ্রাতা লক্ষ্মণং লক্ষ্মিবর্ধনম্ ।
ইয়ং গিরিগুহা রম্য়া বিশালা যুক্তমারুতা ।
অস্য়াং বত্স্য়াম সৌমিত্রে বর্ষরাত্রমরিংদম ॥ 6 ॥
গিরিশৃংগমিদং রম্যমুন্নতং পার্থিবাত্মজ ॥ 7 ॥
শ্বেতাভিঃ কৃষ্ণতাম্রাভিশ্শিলাভিরুপশোভিতম্ ।
নানাধাতুসমাকীর্ণং দরীনির্ঝরশোভিতম্ ॥ 8 ॥
বিবিধৈর্বৃক্ষষংডৈশ্চ চারুচিত্রলতায়ুতম্ ।
নানাবিহগসংঘুষ্টং ময়ূররবনাদিতম্ ॥ 9 ॥
মালতীকুংদগুল্মৈশ্চ সিংধুবারৈশ্শিরীষকৈঃ ।
কদংবার্জুনসর্জৈশ্চ পুষ্পিতৈরুপশোভিতম্ ॥ 10 ॥
ইয়ং চ নলিনী রম্য়া ফুল্লপংকজমংডিতা ।
নাতিদূরে গুহায়ানৌ ভবিষ্যতি নৃপাত্মজ ॥ 11 ॥
প্রাগুদক্প্রবণে দেশে গুহা সাধু ভবিষ্যতি ।
পশ্চাচ্চৈবোন্নতা সৌম্য় নিবাতেয়ং ভবিষ্যতি ॥ 12 ॥
গুহাদ্বারে চ সৌমিত্রে শিলা সমতলা শুভা ।
শ্লক্ষ্ণা চৈবাযতা চৈব ভিন্নাংজনচয়োপমা ॥ 13 ॥
গিরিশৃংগমিদং তাত পশ্য় চোত্তরতঃ শুভম্ ।
ভিন্নাংজনচয়াকারমংভোধরমিবোত্থিতম্ ॥ 14 ॥
দক্ষিণস্য়ামপি দিশি স্থিতং শ্বেতমিবাপরম্ ।
কৈলাসশিখরপ্রখ্য়ং নানাধাতুবিভূষিতম্ ॥ 15 ॥
প্রাচীনবাহিনীং চৈব নদীং ভৃশমকর্দমাম্ ।
গুহায়াঃ পূর্বতঃ পশ্য় ত্রিকূটে জাহ্নবীমিব ॥ 16 ॥
চংদনৈস্তিলকৈস্তালৈস্তমালৈরতিমুক্তকৈঃ ।
পদ্মকৈঃ সরলৈশ্চৈব অশোকৈশ্চৈব শোভিতাম্ ॥ 17 ॥
বানীরৈস্তিমিশৈশ্চৈব বকুলৈঃ কেতকৈর্ধবৈঃ ।
হিংতালৈস্তিনিশৈর্নীপৈর্বেত্রকৈঃ কৃতমালকৈঃ ॥ 18 ॥
তীরজৈশ্শোভিতা ভাতি নানারূপৈ স্ততস্ততঃ ।
বসনাভরণোপেতা প্রমদেবাভ্যলংকৃতা ॥ 19 ॥
শতশঃ পক্ষিসংঘৈশ্চ নানানাদৈর্বিনাদিতা ।
একৈকমনুরক্তৈশ্চ চক্রবাকৈরলংকৃতা ॥ 20 ॥
পুলিনৈরতিরম্য়ৈশ্চ হংসসারসসেবিতৈঃ ।
প্রহসংতীবভাত্য়েষা নারী সর্ববিভূষিতা ॥ 21 ॥
ক্বচিন্নীলোত্পলৈশ্ছন্না ভাতি রক্তোত্পলৈঃ ক্বচিত্ ।
ক্বচিদাভাতি শুক্লৈশ্চ দিব্য়ৈঃ কুমুদকুট্মলৈঃ ॥ 22 ॥
পারিপ্লবশতৈর্জুষ্টা বর্হিক্রৌংচবিনাদিতা ।
রমণীয়া নদী সৌম্য় মুনিসংঘৈর্নিষেবিতা ॥ 23 ॥
পশ্য় চংদনবৃক্ষাণাং পংক্তীস্সুরচিতা ইব ।
ককুভানাং চ দৃশ্য়ংতে মনসেবোদিতাস্সমম্ ॥ 24 ॥
অহো সুরমণীয়োঽয়ং দেশশ্শত্রুনিষূদন ।
দৃঢং রংস্য়াব সৌমিত্রে সাধ্বত্র নিবসাবহৈ ॥ 25 ॥
ইতশ্চ নাতিদূরে সা কিষ্কিংধা চিত্রকাননা ।
সুগ্রীবস্য় পুরী রম্য়া ভবিষ্যতি নৃপাত্মজ ॥ 26 ॥
গীতবাদিত্রনির্ঘোষশ্শ্রূযতে জযতাং বর ।
নর্দতাং বানরাণাং চ মৃদংগাডংবরৈ স্সহ ॥ 27 ॥
লব্ধ্বা ভার্য়াং কপিবরঃ প্রাপ্য় রাজ্য়ং সুহৃদ্বৃতঃ ।
ধ্রুবং নংদতি সুগ্রীবস্সংপ্রাপ্য় মহতীং শ্রিযম্ ॥ 28 ॥
ইত্য়ুক্ত্বা ন্যবসত্তত্র রাঘবস্সহলক্ষ্মণঃ ।
বহুদৃশ্যদরীকুংজে তস্মিন্প্রস্রবণে গিরৌ ॥ 29 ॥
সুসুখেঽপি বহুদ্রব্য়ে তস্মিন্হি ধরণীধরে ।
বসতস্তস্য় রামস্য় রতিরল্পাপিনা ভবেত্ ॥ 30 ॥
হৃতাং হি ভার্য়াং স্মরতঃ প্রাণেভ্য়োঽপি গরীযসীম্ ।
উদয়াভ্য়ুদিতং দৃষ্ট্বা শশাংকং চ বিশেষতঃ ॥ 31 ॥
আবিবেশ ন তং নিদ্রা নিশাসু শযনং গতম্ ।
তত্সমুত্থেন শোকেন বাষ্পোপহতচেতসম্ ॥ 32 ॥
তং শোচমানং কাকুত্স্থং নিত্য়ং শোকপরাযণম্ ।
তুল্যদুঃখোঽব্রবীদ্ভ্রাতা লক্ষ্মণোঽনুনযন্বচঃ ॥ 33 ॥
অলং বীর ব্যথাং গত্বা ন ত্বং শোচিতুমর্হসি ।
শোচতো ব্যবসীদংতি সর্বার্থা বিদিতং হি তে ॥ 34 ॥
ভবান্ক্রিয়াপরো লোকে ভবান্ দেবপরাযণঃ ।
আস্তিকো ধর্মশীলশ্চ ব্যবসায়ী চ রাঘব ॥ 35 ॥
ন হ্যব্যবসিতশ্শত্রুং রাক্ষসং তং বিশেষতঃ ।
সমর্থস্ত্বং রণে হংতুং বিক্রমৈর্জিহ্মকারিণম্ ॥ 36 ॥
সমুন্মূলয় শোকং ত্বং ব্যবসায়ং স্থিরং কুরু ।
ততস্সপরিবারং তং নির্মূলং কুরু রাক্ষসম্ ॥ 37 ॥
পৃথিবীমপি কাকুত্স্থ সসাগরবনাচলাম্ ।
পরিবর্তয়িতুং শক্তঃ কিমংগপুন রাবণম্ ॥ 38 ॥
শরত্কালং প্রতীক্ষস্ব প্রাবৃট্কালোঽযমাগতঃ ।
ততস্সরাষ্ট্রং সগণং রাবণং ত্বং বধিষ্যসি ॥ 39 ॥
অহং তু খলু তে বীর্য়ং প্রসুপ্তং প্রতিবোধয়ে ।
দীপ্সৈরাহুতিভিঃ কালে ভস্মচ্ছন্নমিবানলম্ ॥ 40 ॥
লক্ষ্মণস্য় তু তদ্বাক্য়ং প্রতিপূজ্য় হিতং শুভম্ ।
রাঘবস্সুহৃদং স্নিগ্ধমিদং বচনমব্রবীত্ ॥ 41 ॥
বাচ্য়ং যদনুরক্তেন স্নিগ্ধেন চ হিতেন চ ।
সত্যবিক্রময়ুক্তেন তদুক্তং লক্ষ্মণ ত্বয়া ॥ 42 ॥
এষ শোকঃ পরিত্যক্তস্সর্বকার্য়াবসাদকঃ ।
বিক্রমেষ্বপ্রতিহতং তেজঃ প্রোত্সাহয়াম্যহম্ ॥ 43 ॥
শরত্কালং প্রতীক্ষিষ্য়ে স্থিতোঽস্মি বচনে তব ।
সুগ্রীবস্য় নদীনাং চ প্রসাদমনুপালযন্ ॥ 44 ॥
উপকারেণ বীরস্তু প্রতীকারেণ যুজ্যতে ।
অকৃতজ্ঞোঽপ্রতিকৃতো হংতি সত্ত্ববতাং মনঃ ॥ 45 ॥
অথৈব মুক্তঃপ্রণিধায় লক্ষ্মণঃ কৃতাংজলিস্তত্প্রতিপূজ্য় ভাষিতম্ ।
উবাচ রামং স্বভিরামদর্শনং প্রদর্শয়ংদর্শনমাত্মনশ্শুভম্ ॥ 46 ॥
যথোক্তমেতত্তব সর্বমীপ্সিতং নরেংদ্র কর্তা ন চিরাদ্ধরীশ্বরঃ ।
শরত্প্রতীক্ষঃ ক্ষমতামিমং ভবান্ জলপ্রপাতং রিপুনিগ্রহে ধৃতঃ ॥ 47 ॥
নিযম্য় কোপং প্রতিপাল্যতাং শরত্ ক্ষমস্ব মাসাং শ্চতুরো ময়া সহ ।
বসাচলেঽস্মিন্মৃগরাজসেবিতে সংবর্ধযন্ শত্রুবধে সমুদ্যমম্ ॥ 48 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তবিংশস্সর্গঃ ॥
