শ্রীমদ্বাল্মীকীয় রামাযণে কিষ্কিংধাকাংডম্ ।
অথ পংচমস্সর্গঃ ।
ঋশ্যমূকাত্তু হনুমান্গত্বা তু মলয়ং গিরিম্ ।
আচচক্ষে তদা বীরৌ কপিরাজায় রাঘবৌ ॥ 1 ॥
অয়ং রামো মহাপ্রাজ্ঞ স্সংপ্রাপ্তো দৃঢবিক্রমঃ ।
লক্ষ্মণেন সহ ভ্রাত্রা রামোঽয়ং সত্যবিক্রমঃ ॥ 2 ॥
ইক্ষ্বাকূণাং কুলে জাতো রামো দশরথাত্মজঃ ।
ধর্মে নিগদিতশ্চৈব পিতুর্নির্দেশপারগঃ ॥ 3 ॥
তস্য়াস্য় বসতোঽরণ্য়ে নিযতস্য় মহাত্মনঃ ।
রাবণেন হৃতা ভার্য়া স ত্বাং শরণমাগতঃ ॥ 4 ॥
রাজসূয়াশ্বমেধৈশ্চ বহ্নির্য়েনাভিতর্পিতঃ ।
দক্ষিণাশ্চ তথোত্সৃষ্টা গাবশ্শতসহস্রশঃ ॥ 5 ॥
তপসা সত্যবাক্য়েন বসুধা যেন পালিতা ।
স্ত্রী হেতোস্তস্য় পুত্রোঽয়ং রামস্ত্বাং শরণং গতঃ ॥ 6 ॥
ভবতা সখ্যকামৌ তৌ ভ্রাতরৌ রামলক্ষ্মণৌ ।
প্রতিগৃহ্য়ার্চযস্বৈতৌ পূজনীযতমাবুভৌ ॥ 7 ॥
শ্রুত্বা হনুমতো বাক্য়ং সুগ্রীবো হৃষ্টমানসঃ ।
ভয়ং চরাঘবাদ্ঘোরং প্রজহৌ বিগতজ্বরঃ ॥ 8 ॥
সকৃত্বা মানুষং রূপং সুগ্রীবঃ প্লবগর্ষভঃ ।
দর্শনীযতমো ভূত্বা প্রীত্য়া প্রোবাচ রাঘবম্ ॥ 9 ॥
ভবাংধর্মবিনীতশ্চ বিক্রাংতস্সর্ববত্সলঃ ।
আখ্য়াতা বায়ুপুত্রেণ তত্ত্বতো মে ভবদ্গুণাঃ ॥ 10 ॥
তন্মমৈবৈষ সত্কারো লাভশ্চৈবোত্তমঃ প্রভো ।
যত্ত্বমিচ্ছসি সৌহার্দং বানরেণ ময়া সহ ॥ 11 ॥
রোচতে যদি বা সখ্য়ং বাহুরেষ প্রসারিতঃ ।
গৃহ্যতাং পাণিনা পাণির্মর্য়াদা বধ্যতাং ধ্রুবা ॥ 12 ॥
এতত্তু বচনং শ্রুত্বা সুগ্রীবেণ সুভাষিতম্ ।
সংপ্রহৃষ্টমনা হস্তং পীডয়ামাস পাণিনা ॥ 13 ॥
হৃদ্য়ং সৌহৃদমালংব্যপর্যষ্বজত পীডিতম্ ।
ততো হনূমান্সংত্যজ্য় ভিক্ষুরূপমরিংদমঃ ॥ 14 ॥
কাষ্ঠয়োস্স্বেন রূপেণ জনয়ামাস পাবকম্ ।
দীপ্যমানং ততো বহ্নিং হ্নিং পুষ্পৈরভ্যর্চ্য় সত্কৃতম্ ॥ 15 ॥
তয়োর্মধ্য়েঽথ সুপ্রীতো নিদধে সুসমাহিতঃ ।
ততোঽগ্নিং দীপ্যমানং তৌ চক্রতুশ্চ প্রদক্ষিণম্ ॥ 16 ॥
সুগ্রীবো রাঘবশ্চৈব বযস্যত্বমুপাগতৌ ।
ততস্সুপ্রীতমনসৌ তাবুভৌ হরিরাঘবৌ ॥ 17 ॥
অন্য়োন্যমভিবীক্ষংতৌ ন তৃপ্তিমুপজগ্মতুঃ ।
ত্বং বযস্য়োঽসি মে হৃদ্য়ো হ্য়েকং দুঃখং সুখং চ নৌ ॥ 18 ॥
সুগ্রীবো রাঘবং বাক্যমিত্য়ুবাচ প্রহৃষ্টবত্ ।
ততস্সুপর্ণবহুলাং ছিত্বা শাখাং সুপুষ্পিতাম্ ॥ 19 ॥
সালস্য়াস্তীর্য় সুগ্রীবো নিষসাদ সরাঘবঃ ।
লক্ষ্মণায়াথ সংহৃষ্টো হনূমান্ প্লবগর্ষভঃ ॥ 20 ॥
শাখাং চংদনবৃক্ষস্য় দদৌ পরমপুষ্পিতাম্ ।
ততঃ প্রহৃষ্টস্সুগ্রীবঃ শ্লক্ষ্ণং মধুরয়া গিরা ॥ 21 ॥
প্রত্য়ুবাচ তদা রামং হর্ষব্য়াকুললোচনঃ ।
অহং বিনিকৃতো রাম চরামীহ ভয়ার্দিতঃ ॥ 22 ॥
হৃতভার্য়ো বনে ত্রস্তো দুর্গমেতদুপাশ্রিতঃ ।
সোঽহং ত্রস্তো বনে ভীতো বসাম্য়ুদ্ভ্রাংতচেতনঃ ॥ 23 ॥
বালিনা নিকৃতো ভ্রাত্রা কৃতবৈরশ্চ রাঘব ।
বালিনো মে মহাভাগ ভয়ার্তস্য়াভয়ং কুরু ॥ 24 ॥
কর্তুমর্হসি কাকুত্স্থ ভয়ং মে ন ভবেদ্যথা ।
এবমুক্তস্তু তেজস্বী ধর্মজ্ঞো ধর্মবত্সলঃ ॥ 25 ॥
প্রত্যভাষত কাকুত্স্থঃ সুগ্রীবং প্রহসন্নিব ।
উপকারফলং মিত্রং বিদিতং মে মহাকপে ॥ 26 ॥
বালিনং তং বধিষ্য়ামি তব ভার্য়াপহারিণম্ ।
অমোঘাস্সূর্যসংকাশা মমৈতে নিশিতাশ্শরাঃ ॥ 27 ॥
তস্মিন্বালিনি দুর্বৃত্তে নিপতিষ্য়ংতি বেগিতাঃ ।
কংকপত্রপ্রতিচ্ছন্না মহেংদ্রাশনিসন্নিভাঃ ॥ 28 ॥
তীক্ষ্ণাগ্রা ঋজুপর্বাণস্সরোষা ভুজগা ইব ।
তমদ্য় বালিনং পশ্য় তীক্ষ্ণৈরাশীবিষোপমৈঃ ॥ 29 ॥
শরৈর্বিনিহতং ভূমৌ বিকীর্ণমিব পর্বতম্ ।
স তু তদ্বচনং শ্রুত্বা রাঘবস্য়াত্মনো হিতম্ ॥ 30 ॥
সুগ্রীবঃ পরমপ্রীতস্সুমহদ্বাক্যমব্রবীত্ ।
তব প্রসাদেন নৃসিংহ রাঘব প্রিয়াং চ রাজ্য়ং চ সমাপ্নুয়ামহম্ ।
তথা কুরু ত্বং নরদেব বৈরিণং যথা নিহংস্যদ্য় রিপুংমমাগ্রজম্ ॥ 31 ॥
সীতা কপীংদ্রক্ষণদাচরাণাং রাজীবহেমজ্বলনোপমানি ।
সুগ্রীবরামপ্রণযপ্রসংগে বামানি নেত্রাণি সমং স্ফুরংতি ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে পংচমস্সর্গঃ ॥
