শ্রীমদ্বাল্মীকীয় রামাযণে কিষ্কিংধাকাংডম্ ।
অথ একপংচাশস্সর্গঃ ।
ইত্য়ুক্ত্বা হনুমাংস্তত্র পুনঃ কৃষ্ণাজিনাংবরাম্ ।
অব্রবীত্তাং মহাভাগাং তাপসীং ধর্মচারিণীম্ ॥ 1 ॥
ইদং প্রবিষ্টাস্সহসা বিলং তিমিরসংবৃতম্ ।
ক্ষুত্পিপাসাপরিশ্রাংতাঃ পরিখিন্নাশ্চ সর্বশঃ ॥ 2 ॥
মহদ্ধরণ্য়া বিবরং প্রবিষ্টাঃ স্ম পিপাসিতাঃ ।
ইমাং স্ত্বেবংবিধান্ভাবান্বিবিধানদ্ভুতোপমান্ ॥ 3 ॥
দৃষ্ট্বা বয়ং প্রব্যথিতাস্সংভ্রাংতা নষ্টচেতসঃ ।
কস্য়ৈতে কাংচনা বৃক্ষাস্তরুণাদিত্যসন্নিভাঃ ॥ 4 ॥
শুচীন্যভ্যবহার্য়াণি মূলানি চ ফলানি চ ।
কাংচনানি বিমানানি রাজতানি গৃহাণি চ ॥ 5 ॥
তপনীযগবাক্ষাণি মণিজালাবৃতানি চ ।
পুষ্পিতাঃ ফলবংতশ্চ পুণ্য়াস্সুরভিগংধিনঃ ॥ 6 ॥
ইমে জাংবূনদময়াঃ পাদপাঃ কস্য় তেজসা ।
কাংচনানি চ পদ্মানি জাতানি বিমলে জলে ॥ 7 ॥
কথং মত্স্য়াশ্চ সৌবর্ণা দৃশ্য়ংতে সহ কচ্ছপৈঃ ।
আত্মানমনুভাবং চ কস্য় চৈতত্তপোবলম্ ॥ 8 ॥
অজানতাং ন স্সর্বেষাং সর্বমাখ্য়াতুমর্হসি ।
এবমুক্তা হনুমতা তাপসী ধর্মচারিণী ॥ 9 ॥
প্রত্য়ুবাচ হনূমংতং সর্বভূতহিতে রতা ।
ময়ো নাম মহাতেজা মায়াবী বানরর্ষভঃ ॥ 10 ॥
তেনেদং নির্মিতং সর্বং মাযয়া কাংচনং বনম্ ।
পুরা দানবমুখ্য়ানাং বিশ্বকর্মা বভূব হ ॥ 11 ॥
যেনেদং কাংচনং দিব্য়ং নির্মিতং ভবনোত্তমম্ ।
স তু বর্ষসহস্রাণি তপস্তপ্ত্বা মহাবনে ॥ 12 ॥
পিতামহাদ্বরং লেভে সর্বমৌশনসং ধনম্ ।
বনং বিধায় বলবান্সর্বকামেশ্বরস্তদা ॥ 13 ॥
উবাস সুখিতঃ কালং কংচিদস্মিন্মহাবনে ।
তমপ্সরসি হেমায়াং সক্তং দানবপুংগবম্ ॥ 14 ॥
বিক্রম্য়ৈবাশনিং গৃহ্য় জঘানেত্রঃ পুরংদরঃ ।
ইদং চ ব্রহ্মণা দত্তং হেমায়ৈ বনমুত্তমম্ ॥ 15 ॥
শাশ্বতাঃ কামভোগশ্চ গৃহং চেদং হিরণ্মযম্ ।
দুহিতা মেরুসাবর্ণেরহং তস্য়াস্স্বয়ংপ্রভা ॥ 16 ॥
ইদং রক্ষামি ভবনং হেমায়া বানরোত্তম ।
মম প্রিযসখী হেমা নৃত্তগীতবিশারদা ॥ 17 ॥
তয়া দত্তবরা চাস্মি রক্ষামি ভবনোত্তমম্ ।
কিং কার্য়ং কস্য় বা হেতোঃ কাংতারাণি প্রপশ্যথ ॥ 18 ॥
কথং চেদং বনং দুর্গং যুষ্মাভিরুপলক্ষিতম্ ।
ইমান্যভ্যবহার্য়াণি মূলানি চ ফলানি চ ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একপংচাশস্সর্গঃ ॥
