শ্রীমদ্বাল্মীকীয় রামাযণে কিষ্কিংধাকাংডম্ ।
অথ চতুঃপংচাশস্সর্গঃ ।
তথা ব্রুবতি তারে তু তারাধিপতিবর্চসি ।
অথ মেনে হৃতং রাজ্য়ং হনূমানংগদেন তত্ ॥ 1 ॥
বুদ্ধ্য়া হ্যষ্টাংগয়া যুক্তং চতুর্বলসমন্বিতম্ ।
চতুর্দশগুণং মেনে হনূমান্বালিনস্সুতম্ ॥ 2 ॥
আপূর্যমাণং শশ্বচ্চ তেজোবলপরাক্রমৈঃ ।
শশিনং শুক্লপক্ষাদৌ বর্ধমানমিব শ্রিয়া ॥ 3 ॥
বৃহস্পতিসমং বুদ্ধ্য়া বিক্রমে সদৃশং পিতুঃ ।
শুশ্রূষমাণং তারস্য় শক্রস্য়েব পুরংদরম্ ॥ 4 ॥
ভর্তুরর্থে পরিশ্রাংতং সর্বশাস্ত্রবিদাংবরম্ ।
অভিসংধাতুমারেভে হনূমানংগদং ততঃ ॥ 5 ॥
স চতুর্ণামুপায়ানাং তৃতীযমুপবর্ণযন্ ।
ভেদয়ামাস তান্সর্বান্ বানরান্বাক্যসংপদা ॥ 6 ॥
তেষু সর্বেষু ভিন্নেষু ততোঽভীষযদংগদম্ ।
ভীষণৈর্ভহুভির্বাক্য়ৈঃ কোপোপাযসমন্বিতৈঃ ॥ 7 ॥
ত্বং সমর্থতরঃ পিত্রা যুদ্ধে তারেয় বৈ ধুরম্ ।
দৃঢং ধারয়িতুং শক্তঃ কপিরাজ্য়ং যথা পিতা ॥ 8 ॥
নিত্যমস্থিরচিত্তা হি কপয়ো হরিপুংগব ।
নাজ্ঞাপ্য়ং বিষহিষ্য়ংতি পুত্রদারান্বিনা ত্বয়া ॥ 9 ॥
ত্বাং নৈতেহ্যনুয়ুংজেয়ুঃ প্রত্যক্ষং প্রবদামি তে ।
যথায়ং জাংববান্নীলস্সুহোত্রশ্চ মহাকপিঃ ॥ 10 ॥
ন হ্যহং তে ইমে সর্বে সামদানাদিভির্গুণৈঃ ।
দংডেন বা ত্বয়া শক্য়াস্সুগ্রীবাদপকর্ষিতম্ ॥ 11 ॥
বিগৃহ্য়াসনমপ্য়াহুর্দুর্বলেন বলীযসঃ ।
আত্মরক্ষাকরস্তস্মান্ন বিগৃহ্ণীত দুর্বলঃ ॥ 12 ॥
যাং চেমাং মন্যসে ধাত্রীমেতদ্বিলমিতি শ্রুতম্ ।
এতল্লক্ষ্মণবাণানামীষত্কার্য়ং বিদারণে ॥ 13 ॥
স্বল্পং হি কৃতমিংদ্রেণ ক্ষিপতা হ্যশনিং পুরা ।
লক্ষ্মণো নিশিতৈর্বাণৈর্ভিংধ্য়াত্পত্রপুটং যথা ॥ 14 ॥
লক্ষ্মণস্য় চ নারাচা বহবস্সংতি তদ্বিধাঃ ।
বজ্রাশনিসমস্পর্শা গিরীণামপি দারণাঃ ॥ 15 ॥
অবস্থানে যদৈব ত্বমাসিষ্যসি পরংতপ ।
তদৈব হরযস্সর্বে ত্যক্ষ্য়ংতি কৃতনিশ্চয়াঃ ॥ 16 ॥
স্মরংতঃ পুত্রদারাণাং নিত্য়োদ্বিগ্না বুভুক্ষিতাঃ ।
খেদিতা দুঃখশয়্য়াভিস্ত্বাং করিষ্য়ংতি পৃষ্ঠতঃ ॥ 17 ॥
স ত্বং হীনস্সুহৃদ্ভিশ্চ হিতকামৈশ্চ বংধুভিঃ ।
তৃণাদপি ভৃশোদ্বিগ্নস্স্পংদমানাদ্ভবিষ্যসি ॥ 18 ॥
ন চ জাতু ন হিংস্য়ুস্ত্বাং ঘোরা লক্ষ্মণসাযকাঃ ।
অপবৃত্তং জিঘাংসংতো মহাবেগা দুরাসদাঃ ॥ 19 ॥
ন চ জাতু ন হিংস্য়ুস্ত্বা ঘোরা লক্ষ্মণসাযকাঃ ।
অপাবৃত্তং জিঘাংসংতো মহাবেগা দুরাসদাঃ ॥ 20 ॥
অস্মাভিস্তু গতং সার্ধং বিনীতবদুপস্থিতম্ ।
আনুপূর্ব্য়াত্তু সুগ্রীবো রাজ্য়ে ত্বাং স্থাপয়িষ্যতি ॥ 21 ॥
ধর্মকামঃ পিতৃব্যস্তে প্রীতিকামো দৃঢব্রতঃ ।
শুচিস্সত্যপ্রতিজ্ঞশ্চ ন ত্বাং জাতু জিঘাংসতি ॥ 22 ॥
প্রিযকামশ্চ তে মাতুস্তদর্থং চাস্য় জীবিতম্ ।
তস্য়াপত্য়ং চ নাস্ত্যন্যত্তস্মাদংগদ গম্যতাম্ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে চতুঃপংচাশস্সর্গঃ ॥
