শ্রীমদ্বাল্মীকীয় রামাযণে কিষ্কিংধাকাংডম্ ।
অথ ষট্ষষ্টিতমস্সর্গঃ ।
অনেকশতসাহস্রীং বিষণ্ণাং হরিবাহিনীম্ ।
জাংববান্সমুদীক্ষ্য়ৈবং হনূমংতমথাব্রবীত্ ॥ 1 ॥
বীর বানরলোকস্য় সর্বশাস্ত্রবিদাং বর ।
তূষ্ণীমেকাংতমাশ্রিত্য় হনূমন্কিং ন জল্পসি ॥ 2 ॥
হনূমন্হরিরাজস্য় সুগ্রীবস্য় সমো হ্যসি ।
রামলক্ষ্মণয়োশ্চাপি তেজসা চ বলেন চ ॥ 3 ॥
অরিষ্টনেমিনঃ পুত্রো বৈনতেয়ো মহাবলঃ ।
গরুত্মানিতি বিখ্য়াত উত্তমস্সর্বপক্ষিণাম্ ॥ 4 ॥
বহুশো হি ময়া দৃষ্টঃ সাগরে স মহাবলঃ ।
ভুজংগানুদ্ধরন্পক্ষী মহাবেগো মহাযশাঃ ॥ 5 ॥
পক্ষয়োর্যদ্বলং তস্য় তাবদ্ভুজবলং তব ।
বিক্রমশ্চাপি বেগশ্চ ন তে তেনাবহীযতে ॥ 6 ॥
বলং বুদ্ধিশ্চ তেজশ্চ সত্ত্বং চ হরিপুংগব ।
বিশিষ্টং সর্বভূতেষু কিমাত্মানং ন বুধ্যসে ॥ 7 ॥
অপ্সরাপ্সরসাং শ্রেষ্ঠা বিখ্য়াতা পুংজিকস্থলা ।
অংজনেতি পরিখ্য়াতা পত্নী কেসরিণো হরেঃ ॥ 8 ॥
বিখ্য়াতা ত্রিষু লোকেষু রূপেণাপ্রতিমা ভুবি ।
অভিশাপাদভূত্তাত বানরী কামরূপিণী ॥ 9 ॥
দুহিতা বানরেংদ্রস্য় কুংজরস্য় মহাত্মনঃ ।
মানুষং বিগ্রহং কৃত্বা রূপয়ৌবনশালিনী ॥ 10 ॥
বিচিত্রমাল্য়াভরণা মহার্হক্ষৌমবাসিনী ।
অচরত্পর্বতস্য়াগ্রে প্রাবৃডংবুদসন্নিভে ॥ 11 ॥
তস্য়া বস্ত্রং বিশালাক্ষ্য়াঃ পীতং রক্তদশং শুভম্ ।
স্থিতায়াঃ পর্বতস্য়াগ্রে মারুতোঽপহরচ্ছনৈঃ ॥ 12 ॥
স দদর্শ ততস্তস্য়া বৃত্তাবূরূ সুসংহতৌ ।
স্তনৌ চ পীনৌ সহিতৌ সুজাতং চারু চাননম্ ॥ 13 ॥
তাং বিশালাযতশ্রোণীং তনুমধ্য়াং যশস্বিনীম্ ।
দৃষ্টবৈব শুভসর্বাংগীং পবনঃ কামমোহিতঃ ॥ 14 ॥
স তাং ভুজাভ্য়াং দীর্ঘাভ্য়াং পর্যষ্বজত মারুতঃ ।
মন্মথাবিষ্টসর্বাংগো গতাত্মা তামনিংদিতাম্ ॥ 15 ॥
সা তু তত্রৈব সংভ্রাংতা সুব্রতা বাক্যমব্রবীত্ ।
একপত্নীব্রতমিদং কো নাশয়িতুমিচ্ছতি ॥ 16 ॥
অংজনায়া বচ্শুত্বা মারুতঃ প্রত্যভাষত ।
ন ত্বাং হিংসামি সুশ্রোণি মা ভূত্তে সুভগে ভযম্ ॥ 17 ॥
মনসাঽস্মি গতো যত্ত্বাং পরিষ্বজ্য় যশস্বিনীম্ ।
বীর্যবান্বুদ্ধিসংপন্নঃ পুত্রস্তব ভবিষ্যতি ॥ 18 ॥
মহাসত্ত্বো মহাতেজা মহাবলপরাক্রমঃ ।
লংঘনে প্লবনে চৈব ভবিষ্যতি হি মত্সমঃ ॥ 19 ॥
এবমুক্তা ততস্তুষ্টা জননী তে মহাকপে ।
গুহায়াং ত্বাং মহাবাহো প্রজজ্ঞে প্লবগর্ষভম্ ॥ 20 ॥
অভ্য়ুত্থিতং ততস্সূর্য়ং বালো দৃষ্ট্বা মহাবনে ।
ফলং চেতি জিঘৃক্ষুস্ত্বমুত্প্লুত্য়াভ্য়ুদ্গতো দিবম্ ॥ 21 ॥
শতানি ত্রীণি গত্বাঽথ যোজনানাং মহাকপে ।
তেজসা তস্য় নির্ধূতো ন বিষাদং ততোগতঃ ॥ 22 ॥
তাবদাপপত স্তূর্ণমংতরিক্ষং মহাকপে ।
ক্ষিপ্তমিংদ্রেণ তে বজ্রং কোপাবিষ্টেন ধীমতা ॥ 23 ॥
তদা শৈলাগ্রশিখরে বামো হনুরভজ্যত ।
ততো হি নামধেয়ং তে হনুমানিতি কীর্ত্যতে ॥ 24 ॥
তস্ত্বাবি নিহতং দৃষ্ট্বা বায়ুর্গংধবহস্স্বযম্ ।
ত্রৈলোক্য়ে ভৃশসংকৃদ্ধো ন ববৌ বৈ প্রভংজনঃ ॥ 25 ॥
সংভ্রাংতাশ্চ সূরাস্সর্বে ত্রৈলোক্য়ে ক্ষুভিতে সতি ।
প্রসাদয়ংতি সংক্রুদ্ধং মারুতং ভুবনেশ্বরাঃ ॥ 26 ॥
প্রসাদিতে চ পবনে ব্রহ্মা তুভ্য়ং বরং দদৌ ।
অশস্ত্রবধ্যতাং তাত সমরে সত্যবিক্রম ॥ 27 ॥
বজ্রস্য় চ নিপাতেন বিরুজং ত্বাং সমীক্ষ্য় চ ।
সহস্রনেত্রঃ প্রীতাত্মা দদৌ তে বরমুত্তমম্ ॥ 28 ॥
স্বচ্ছংদতশ্চ মরণং তেভূয়াদিতি বৈ প্রভো ।
স ত্বং কেসরিণঃ পুত্রঃ ক্ষেত্রজো ভীমবিক্রমঃ ॥ 29 ॥
মারুতস্য়ৌরসঃ পুত্রস্তেজসা চাপি তত্সমঃ ।
ত্বং হি বায়ুসুতো বত্স প্লবনে চাপি তত্সমঃ ॥ 30 ॥
বযমদ্য় গতপ্রাণা ভবান্নস্ত্রাতু সাংপ্রতম্ ।
দাক্ষ্যবিক্রমসংপন্নঃ কপিরাজ ইবাপরঃ ॥ 31 ॥
ত্রিবিক্রমে ময়া তাত সশৈলবনকাননা ।
ত্রিস্সপ্তকৃত্বঃ পৃথিবী পরিক্রাংতা প্রদক্ষিণম্ ॥ 32 ॥
তথা চৌষধয়োঽস্মাভিস্সংচিতা দেবশাসনাত্ ।
নিষ্পন্নমমৃতং যাভিস্তদাসীন্নো মহদ্বলম্ ॥ 33 ॥
স ইদানীমহং বৃদ্ধঃ পরিহীনপরাক্রমঃ ।
সাংপ্রতং কালমস্মাকং ভবান্সর্বগুণান্বিতঃ ॥ 34 ॥
তদ্বিজৃংভস্ব বিক্রাংতঃ প্লবতামুত্তমো হ্যসি ।
ত্বদ্বীর্য়ং দ্রষ্টুকামা হি সর্বা বানরবাহিনী ॥ 35 ॥
উত্তিষ্ঠ হরিশার্দূল লংঘযস্ব মহার্ণবম্ ।
পরা হি সর্বভূতানাং হনুমন্য়া গতিস্তব ॥ 36 ॥
বিষণ্ণা হরযস্সর্বে হনুমন্কিমুপেক্ষসে ।
বিক্রমস্ব মহাবেগো বিষ্ণুস্ত্রীন্বিক্রমানিব ॥ 37 ॥
ততস্তু বৈ জাংববতা প্রচোদিতঃ প্রতীতবেগঃ পবনাত্মজঃ কপিঃ ।
প্রহর্ষয়ংস্তাং হরিবীরবাহিনীং চকার রূপং মহদাত্মনস্তদা ॥ 38 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ষট্ষষ্টিতমস্সর্গঃ ॥
