শ্রীমদ্বাল্মীকীয় রামাযণে কিষ্কিংধাকাংডম্ ।
অথ অষ্টমস্সর্গঃ ।
পরিতুষ্টস্তু সুগ্রীবস্তেন বাক্য়েন বানরঃ ।
লক্ষ্মণস্য়াগ্রতো রামমিদং বচনমব্রবীত্ ॥ 1 ॥
সর্বথাঽহমনুগ্রাহ্য়ো দেবতানাং ন সংশয়ঃ ।
উপপন্ন গুণোপেতস্সখা যস্য় ভবান্মম ॥ 2 ॥
শক্য়ং খলু ভবেদ্রাম সহায়েন ত্বয়াঽনঘ ।
সুররাজ্যমপি প্রাপ্তুং স্বরাজ্য়ং কিং পনঃ প্রভো ॥ 3 ॥
সোঽহং সভাজ্য়ো বংধূনাং সুহৃদাং চৈব রাঘব ।
যস্য়াগ্নিসাক্ষিকং মিত্রং লব্ধং রাঘববংশজম্ ॥ 4 ॥
অহমপ্যনুরূপস্তে বযস্য়ো জ্ঞাস্যসে শনৈঃ ।
ন তু বক্তুং সমর্থোঽহং স্বযমাত্মগতান্গুণান্ ॥ 5 ॥
মহাত্মনাং তু ভূয়িষ্ঠং ত্বদ্বিধানাং কৃতাত্মনাম্ ।
নিশ্চলা ভবতি প্রীতির্ধৈর্যমাত্মবতামিব ॥ 6 ॥
রজতং বা সুবর্ণং বা বস্ত্রাণ্য়াভরণানি চ ।
অবিভক্তানি সাধূনামবগচ্ছংতি সাধবঃ ॥ 7 ॥
আঢ্য়ো বাপি দরিদ্রো বা দুঃখিতস্সুখিতোঽপি বা ।
নির্দোষো বা সদোষো বা বযস্য়ঃ পরমা গতিঃ ॥ 8 ॥
ধনত্য়াগস্সুখত্য়াগো দেহত্য়াগোঽপি বা পুনঃ ।
বযস্য়ার্থে প্রবর্তংতে স্নেহং দৃষ্টবা তথাবিধম্ ॥ 9 ॥
তত্তথেত্যব্রবীদ্রামস্সুগ্রীবং প্রিযবাদিনম্ ।
লক্ষ্মণস্য়াগ্রতো লক্ষ্ম্য়া বাসবস্য়েব ধীমতঃ ॥ 10 ॥
ততো রামং স্থিতং দৃষ্ট্বা লক্ষ্মণং চ মহাবলম্ ।
সুগ্রীবস্সর্বতশ্চক্ষুর্বনে লোলমপাতযত্ ॥ 11 ॥
স দদর্শ ততস্সালমবিদূরে হরীশ্বরঃ ।
সুপুষ্পমীষত্পত্রাঢ্য়ং ভ্রমরৈরুপশোভিতম্ ॥ 12 ॥
তস্য়ৈকাং পর্ণবহুলাং ভংক্ত্বা শাখাং সুপুষ্পিতাম্ ।
সালস্য়াস্তীর্য় সুগ্রীবো নিষসাদ সরাঘবঃ ॥ 13 ॥
তাবাসীনৌ ততো দৃষ্ট্বা হনূমানপি লক্ষ্মণম্ ।
সালশাখাং সমুত্পাট্য় বিনীতমুপবেশযত্ ॥ 14 ॥
সুখোপবিষ্টং রামং তু প্রসন্নমুদধিং যথা ।
ফলপুষ্পসমাকীর্ণে তস্মিন্ গিরিবরোত্তমে ॥ 15 ॥
ততঃ প্রহৃষ্টস্সুগ্রীবশ্লক্ষ্ণং মধুরয়া গিরা ।
উবাচ প্রণয়াদ্রামং হর্ষব্য়াকুলিতাক্ষরম্ ॥ 16 ॥
অহং বিনিকৃতো ভ্রাত্রা চরাম্য়েষ ভয়ার্দিতঃ ।
ঋষ্যমূকং গিরিবরং হৃতভার্যস্সুদুঃখিতঃ ॥ 17 ॥
সোঽহং ত্রস্তো ভয়ে মগ্নো বসাম্য়ুদ্ভ্রাংতচেতনঃ ।
বালিনা নিকৃতো ভ্রাত্রা কৃতবৈরশ্চ রাঘব ॥ 18 ॥
বালিনো মে ভয়ার্তস্য় সর্বলোকাভয়ংকর ।
মমাপি ত্বমনাথস্য় প্রসাদং কর্তুমর্হসি ॥ 19 ॥
এবমুক্তস্তু তেজস্বী ধর্মজ্ঞো ধর্মবত্সলঃ ।
প্রত্য়ুবাচ স কাকুত্স্থস্সুগ্রীবং প্রহসন্নিব ॥ 20 ॥
উপকারফলং মিত্রমপকারোঽরিলক্ষণম্ ।
অদ্য়ৈব তং হনিষ্য়ামি তব ভার্য়াপহারিণম্ ॥ 21 ॥
ইমে হি মে মহাবেগা পত্রিণস্তিগ্মতেজসঃ ।
কার্তিকেযবনোদ্ভূতাশ্শরা হেমবিভূষিতাঃ ॥ 22 ॥
কংকপত্রপরিচ্ছন্না মহেংদ্রাশনিসন্নিভাঃ ।
সুপর্বাণস্সুতীক্ষ্ণাগ্রাস্সরোষা ভুজগা ইব ॥ 23 ॥
ভ্রাতৃসংজ্ঞমমিত্রং তে বালিনং কৃতকিল্বিষম্ ।
শরৈর্বিনিহতং পশ্য় বিকীর্ণমিব পর্বতম্ ॥ 24 ॥
রাঘবস্য় বচশ্শ্রুত্বা সুগ্রীবো বাহিনীপতিঃ ।
প্রহর্ষমতুলং লেভে সাধু সাধ্বিতি চাব্রবীত্ ॥ 25 ॥
রাম শোকাভিভূতোঽহং শোকার্তানাং ভবান্গতিঃ ।
বযস্য় ইতি কৃত্বা হি ত্বয়্যহং পরিদেবয়ে ॥ 26 ॥
ত্বং হি পাণিপ্রদানেন বযস্য়ো মেঽগ্নিসাক্ষিকম্ ।
কৃতঃ প্রাণৈর্বহুমতস্সত্য়েনাপি শপামি তে ॥ 27 ॥
বযস্য় ইতি কৃত্বা চ বিস্রব্ধঃ প্রবদাম্যহম্ ।
দুঃখমংতর্গতং যন্মে মনো হরতি নিত্যশঃ ॥ 28 ॥
এতাবদুক্ত্বা বচনং বাষ্পদূষিতলোচনঃ ।
বাষ্পোপহতয়া বাচা নোচ্চৈশ্শক্নোতি ভাষিতুম্ ॥ 29 ॥
বাষ্পবেগং তু সহসা নদীবেগমিবাগতম্ ।
ধারয়ামাস ধৈর্য়েণ সুগ্রীবো রামসন্নিধৌ ॥ 30 ॥
সন্নিগৃহ্য় তু তং বাষ্পং প্রমৃজ্য় নযনে শুভে ।
বিনিশ্শ্বস্য় চ তেজস্বী রাঘবং বাক্যমব্রবীত্ ॥ 31 ॥
পুরাঽহং বালিনা রাম রাজ্য়াত্স্বাদবরোপিতঃ ।
পরুষাণি চ সংশ্রাব্য় নির্ধূতোঽস্মি বলীযসা ॥ 32 ॥
হৃতা ভার্য়া চ মে তেন প্রাণেভ্য়োঽপি গরীযসী ।
সুহৃদশ্চ মদীয়া যে সংযতা বংধনেষু তে ॥ 33 ॥
যত্নবাংশ্চ সুদুষ্টাত্মা মদ্বিনাশায় রাঘব ।
বহুশস্তত্প্রয়ুক্তাশ্চ বানরা নিহতা ময়া ॥ 34 ॥
শংকয়া ত্বেতয়া চেহ দৃষ্ট্বা ত্বামপি রাঘব ।
নোপসর্পাম্যহং ভীতো ভয়ে সর্বে হি বিভ্যতি ॥ 35 ॥
কেবলং হি সহায়া মে হনুমত্প্রমুখাস্ত্বিমে ।
অতোঽহং ধারয়াম্যদ্য় প্রাণান্ কৃচ্ছ্রগতোঽপি সন্ ॥ 36 ॥
এতে হি কপযস্স্নিগ্ধা মাং রক্ষংতি সমংততঃ ।
সহ গচ্ছংতি গংতব্য়ে নিত্য়ং তিষ্ঠংতি চ স্থিতে ॥ 37 ॥
সংক্ষেপস্ত্বেষ মে রাম কিমুক্ত্বা বিস্তরং হি তে ।
স মে জ্য়েষ্ঠো রিপুর্ভ্রাতা বালী বিশ্রুতপৌরুষঃ ॥ 38 ॥
তদ্বিনাশাদ্ধি মে দুঃখং প্রণষ্টং স্য়াদনংতরম্ ।
সুখং মে জীবিতং চৈব তদ্বিনাশনিবংধনম্ ॥ 39 ॥
এষ মে রাম শোকাংতশ্শোকার্তেন নিবেদিতঃ ।
দুঃখিতস্সুখিতো বাপি সখ্য়ুর্নিত্য়ং সখা গতিঃ ॥ 40 ॥
শ্রুত্বৈতদ্বচনং রামস্সুগ্রীবমিদমব্রবীত্ ।
কিং নিমিত্তমভূদ্বৈরং শ্রোতুমিচ্ছামি তত্ত্বতঃ ॥ 41 ॥
সুখং হি কারণং শ্রুত্বা বৈরস্য় তব বানর ।
অনংতরং বিধাস্য়ামি সংপ্রধার্য় বলাবলম্ ॥ 42 ॥
বলবান্ হি মমামর্ষশ্শ্রুত্বা ত্বামবমানিতম্ ।
বর্ততে হৃদয়োত্কংপী প্রাবৃড্বেগ ইবাংভসঃ ॥ 43 ॥
হৃষ্টঃ কথয় বিস্রব্ধো যাবদারোপ্যতে ধনুঃ ।
সৃষ্টশ্চ হি ময়া বাণো নিরস্তশ্চ রিপুস্তব ॥ 44 ॥
এবমুক্তস্তু সুগ্রীবঃ কাকুত্স্থেন মহাত্মনা ।
প্রহর্ষমতুলং লেভে চতুর্ভিস্সহ বানরৈঃ ॥ 45 ॥
ততঃ প্রহৃষ্টবদনস্সুগ্রীবো লক্ষ্মণাগ্রজে ।
বৈরস্য় কারণং তত্ত্বমাখ্য়াতুমুপচক্রমে ॥ 46 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে অষ্টমস্সর্গঃ ॥
