শ্রীমদ্বাল্মীকীয় রামাযণে কিষ্কিংধাকাংডম্ ।
অথ নবমস্সর্গঃ ।
বালী নাম মম ভ্রাতা জ্য়েষ্ঠশ্শত্রুনিষূদনঃ ।
পিতুর্বহুমতো নিত্য়ং মমাপি চ তথা পুরা ॥ 1 ॥
পিতর্য়ুপরতেঽস্মাকং জ্য়েষ্ঠোঽযমিতি মংত্রিভিঃ ।
কপীনামীশ্বরো রাজ্য়ে কৃতঃ পরমসম্মতঃ ॥ 2 ॥
রাজ্য়ং প্রশাসতস্তস্য় পিতৃপৈতামহং মহত্ ।
অহং সর্বেষু কালেষু প্রণতঃ প্রেষ্যবত্ স্থিতঃ ॥ 3 ॥
মায়াবী নাম তেজস্বী পূর্বজো দুংদুভেঃ সুতঃ ।
তেন তস্য় মহদ্বৈরং স্ত্রীকৃতং বিশ্শ্রুতং পুরা ॥ 4 ॥
স তু সুপ্তজনে রাত্রৌ কিষ্কিংধাদ্বারমাগতঃ ।
নর্দতি স্ম সুসংরব্ধো বালিনং চাহ্বযদ্রণে ॥ 5 ॥
প্রসুপ্তস্তু মম ভ্রাতা নর্দিতং ভৈরবস্বনম্ ।
শ্রুত্বা ন মমৃষে বালী নিষ্পপাত জবাত্তদা ॥ 6 ॥
স তু বৈ নিস্সৃতঃ ক্রোধাত্তং হংতুমসুরোত্তমম্ ।
বার্যমাণস্তত স্ত্রীভির্ময়া চ প্রণতাত্মনা ॥ 7 ॥
স তু নির্ধূয় তাঃ সর্বা নির্জগাম মহাবলঃ ।
ততোঽহমপি সৌহার্দান্নিস্সৃতো বালিনা সহ ॥ 8 ॥
স তু মে ভ্রাতরং দৃষ্ট্বা মাং চ দূরাদবস্থিতম্ ।
অসুরো জাতসংত্রাসঃ প্রদুদ্রাব ততো ভৃশম্ ॥ 9 ॥
তস্মিন্ দ্রবতি সংত্রস্তে হ্য়াবাং দ্রুততরং গতৌ ।
প্রকাশশ্চ কৃতো মার্গশ্চংদ্রেণোদ্গচ্ছতা তদা ॥ 10 ॥
স তৃণৈরাবৃতং দুর্গং ধরণ্য়া বিবরং মহত্ ।
প্রবিবেশাসুরো বেগাদাবামাসাদ্য় বিষ্ঠিতৌ ॥ 11 ॥
তং প্রবিষ্টং রিপুং দৃষ্ট্বা বিলং রোষবশং গতঃ ।
মামুবাচ তদা বালী বচনং ক্ষুভিতেংদ্রিয়ঃ ॥ 12 ॥
ইহ ত্বং তিষ্ঠ সুগ্রীব বিলদ্বারি সমাহিতঃ ।
যাবত্তত্র প্রবিশ্য়াহং নিহন্মি সহসা রিপুম্ ॥ 13 ॥
ময়া ত্বেতদ্বচশ্শ্রুত্বা যাচিতস্স পরংতপঃ ।
শাপয়িত্বা তু মাং পদ্ভ্য়াং প্রবিবেশ বিলং মহত্ ॥ 14 ॥
তস্য় প্রবিষ্টস্য় বিলং সাগ্রস্সংবত্সরো গতঃ ।
স্থিতস্য় মম বিলদ্বারি স কালো ব্যত্যবর্তত ॥ 15 ॥
অহং তু নষ্টং জ্ঞাত্বা তং স্নেহাদাগতসংভ্রমঃ ।
ভ্রাতরং ন চ পশ্য়ামি পাপাশংকি চ মে মনঃ ॥ 16 ॥
অথ দীর্ঘস্য় কালস্য় বিলাত্তস্মাদ্বিনিস্সৃতম্ ।
সফেনং রুধিরং রক্তমহং দৃষ্ট্বা সুদুঃখিতঃ ॥ 17 ॥
নর্দতামসুরাণাং চ ধ্বনির্মে শ্রোত্রমাগতঃ ।
নিরস্তস্য় চ সংগ্রামে ক্রোশতোনিস্স্বনো গুরোঃ ॥ 18 ॥
অহং ত্ববগতো বুদ্ধ্য়া চিহ্নৈস্তৈর্ভ্রাতরং হতম্ ।
পিধায় চ বিলদ্বারং শিলয়া গিরিমাত্রয়া ॥ 19 ॥
শোকার্তশ্চোদকং কৃত্বা কিষ্কিংধামাগতস্সখে ।
গূহমানস্য় মে তত্ত্বং যত্নতো মংত্রিভিশ্শ্রুতম্ ॥ 20 ॥
ততোঽহং তৈস্সমাগম্য় সম্মতৈরভিষেচিতঃ ।
রাজ্য়ং প্রশাসতস্তস্য় ন্য়াযতো মম রাঘব ॥ 21 ॥
আজগাম রিপুং হত্বা বালী তমসুরোত্তমম্ ।
অভিষিক্তং তু মাং দৃষ্ট্বা বালী সংরক্তলোচনঃ ।
মদীয়ান্মংত্রিণো বদ্ধ্বা পরুষং বাক্যমব্রবীত্ ॥ 22 ॥
নিগ্রহেঽপি সমর্থস্য় তং পাপং প্রতি রাঘব ।
ন প্রাবর্তত মে বুদ্ধির্ভ্রাতুর্গৌরবয়ংত্রিতা ॥ 23 ॥
হত্বা শত্রুং স মে ভ্রাতা প্রবিবেশ পুরং তদা ॥ 24 ॥
মানয়ংস্তং মহাত্মানং যথাবচ্চাভ্যবাদযম্ ।
উক্তাশ্চ নাশিষস্তেন সংতুষ্টেনাংতরাত্মনা ॥ 25 ॥
নত্বা পাদাবহং তস্য় মকুটেনাস্পৃশং প্রভো অপি বালী মম ক্রোধান্ন প্রসাদং চকার সঃ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে নবমস্সর্গঃ ॥
