শ্রীমদ্বাল্মীকীয় রামাযণে সুংদরকাংডম্ ।
অথ ত্রয়োদশস্সর্গঃ ।
বিমানাত্তু সুসম্ক্রম্য় প্রাকারং হরিয়ূথপঃ ।
হনুমান্বেগবানাসীদ্যথা বিদ্য়ুদ্ঘনাংতরে ॥ 1 ॥
সংপরিক্রম্য় হনুমান্রাবণস্য় নিবেশনাত্ ।
অদৃষ্ট্বা জানকীং সীতামব্রবীদ্বচনং কপিঃ ॥ 2 ॥
ভূয়িষ্ঠং লোলিতা লংকা রামস্য় চরতা প্রিযম্ ।
ন হি পশ্য়ামি বৈদেহীং সীতাং সর্বাংগশোভনাম্ ॥ 3 ॥
পল্বলানি তটাকানি সরাংসি সরিতস্তথা ।
নদ্য়োঽনূপবনাংতাশ্চ দুর্গাশ্চ ধরণীধরাঃ ॥ 4 ॥
লোলিতা বসুধা সর্বা ন তু পশ্য়ামি জানকীম্ ।
ইহ সংপাতিনা সীতা রাবণস্য় নিবেশনে ॥ 5 ॥
আখ্য়াতা গৃধ্ররাজেন ন চ পশ্য়ামি তামহম্ ।
কিং নু সীতাঽথ বৈদেহী মৈথিলী জনকাত্মজা ॥ 6 ॥
উপতিষ্ঠেত বিবশা রাবণং দুষ্টচারিণম্ ।
ক্ষিপ্রমুত্পততো মন্য়ে সীতামাদায় রক্ষসঃ ॥ 7 ॥
বিভ্যতো রামবাণানামংতরা পতিতা ভবেত্ ।
অথবা হ্রিযমাণায়াঃ পথি সিদ্ধনিষেবিতে ॥ 8 ॥
মন্য়ে পতিতমার্য়ায়া হৃদয়ং প্রেক্ষ্য় সাগরম্ ।
রাবণস্য়োরুবেগেন ভুজাভ্য়াং পীডিতেন চ ॥ 9 ॥
তয়া মন্য়ে বিশালাক্ষ্য়া ত্যক্তং জীবিতমার্যয়া ।
উপর্য়ুপরি বা নূনং সাগরং ক্রমতস্তদা ॥ 10 ॥
বিবেষ্টমানা পতিতা সাগরে জনকাত্মজা ।
অহো ক্ষুদ্রেণ বাঽনেন রক্ষংতী শীলমাত্মনঃ ॥ 11 ॥
অবংধুর্ভক্ষিতা সীতা রাবণেন তপস্বিনী ।
অথবা রাক্ষসেংদ্রস্য় পত্নীভিরসিতেক্ষণা ॥ 12 ॥
অদুষ্টা দুষ্টভাবাভির্ভক্ষিতা সা ভবিষ্যতি ।
সংপূর্ণচংদ্রপ্রতিমং পদ্মপত্রনিভেক্ষণম্ ॥ 13 ॥
রামস্য় ধ্য়াযতী বক্ত্রং পংচত্বং কৃপণা গতা ।
হা রাম লক্ষ্মণেত্য়েবং হাঽয়োধ্য়ে চেতি মৈথিলী ॥ 14 ॥
বিলপ্য় বহু বৈদেহী ন্যস্তদেহা ভবিষ্যতি ।
অথবা নিহিতা মন্য়ে রাবণস্য় নিবেশনে ॥ 15 ॥
নূনং লালপ্যতে সীতা পংজরস্থেব শারিকা ।
জনকস্য় সুতা সীতা রামপত্নী সুমধ্যমা ॥ 16 ॥
কথমুত্পলপত্রাক্ষী রাবণস্য় বশং ব্রজেত্ ।
বিনষ্টা বা প্রণষ্টা বা মৃতা বা জনকাত্মজা ॥ 17 ॥
রামস্য় প্রিযভার্যস্য় ন নিবেদয়িতুং ক্ষমম্ ।
নিবেদ্যমানে দোষস্স্য়াদ্দোষস্স্য়াদনিবেদনে ॥ 18 ॥
কথং নু খলু কর্তব্য়ং বিষমং প্রতিভাতি মে ।
অস্মিন্নেবংগতে কার্য়ে প্রাপ্তকালং ক্ষমং চ কিম্ ॥ 19 ॥
ভবেদিতি মতং ভূয়ো হনুমান্প্রবিচারযত্ ।
যদি সীতামদৃষ্ট্বাঽহং বানরেংদ্রপুরীমিতঃ ॥ 20 ॥
গমিষ্য়ামি ততঃ কো মে পুরুষার্থো ভবিষ্যতি ।
মমেদং লংঘনং ব্যর্থং সাগরস্য় ভবিষ্যতি ॥ 21 ॥
প্রবেশশ্চৈব লংকায়াঃ রাক্ষসানাং চ দর্শনম্ ।
কিং মাং বক্ষ্যতি সুগ্রীবো হরয়ো বা সমাগতাঃ ॥ 22 ॥
কিষ্কিংধাং সমনুপ্রাপ্তং তৌ বা দশরথাত্মজৌ ।
গত্বা তু যদি কাকুত্স্থং বক্ষ্য়ামি পরমপ্রিযম্ ॥ 23 ॥
ন দৃষ্টেতি ময়া সীতা ততস্তক্ষ্যতি জীবিতম্ ।
পরুষং দারুণং ক্রূরং তীক্ষ্ণমিংদ্রিযতাপনম্ ॥ 24 ॥
সীতানিমিত্তং দুর্বাক্য়ং শ্রুত্বা স ন ভবিষ্যতি ।
তং তু কৃচ্ছ্রগতং দৃষ্ট্বা পংচত্বগতমানসম্ ॥ 25 ॥
ভৃশানুরক্তো মেধাবী ন ভবিষ্যতি লক্ষ্মণঃ ।
বিনষ্টৌ ভ্রাতরৌ শ্রুত্বা ভরতোঽপি মরিষ্যতি ॥ 26 ॥
ভরতং চ মৃতং দৃষ্ট্বা শত্রুঘ্নো ন ভবিষ্যতি ।
পুত্রান্মৃতান্সমীক্ষ্য়াথ ন ভবিষ্য়ংতি মাতরঃ ॥ 27 ॥
কৌসল্য়া চ সুমিত্রা চ কৈকেয়ী চ ন সংশয়ঃ ।
কৃতজ্ঞস্সত্যসংধশ্চ সুগ্রীবঃ প্লবগাধিপঃ ॥ 28 ॥
রামং তথা গতং দৃষ্ট্বা ততস্ত্যক্ষ্যতি জীবিতম্ ।
দুর্মনা ব্যথিতা দীনা নিরানংদা তপস্বিনী ॥ 29 ॥
পীডিতা ভর্তৃশোকেন রুমা ত্যক্ষ্যতি জীবিতম্ ।
বালিজেন তু দুঃখেন পীডিতা শোককর্শিতা ॥ 30 ॥
পংচত্বং চ গতে রাজ্ঞি তারাঽপি ন ভবিষ্যতি ।
মাতাপিত্রোর্বিনাশেন সুগ্রীবব্যসনেন চ ॥ 31 ॥
কুমারোঽপ্য়ংগদঃ কস্মাদ্ধারয়িষ্যতি জীবিতম্ ।
ভর্তৃজেন তু দুঃখেন হ্যভিভূতা বনৌকসঃ ॥ 32 ॥
শিরাংস্যভিহনিষ্য়ংতি তলৈর্মুষ্টিভিরেব চ ।
সাংত্বেনানুপ্রদানেন মানেন চ যশস্বিনা ॥ 33 ॥
লালিতাঃ কপিরাজেন প্রাণাংস্ত্যক্ষ্য়ংতি বানরাঃ ।
ন বনেষু ন শৈলেষু ন নিরোধেষু বা পুনঃ ॥ 34 ॥
ক্রীডামনুভবিষ্য়ংতি সমেত্য় কপিকুংজরাঃ ।
সপুত্রদারাস্সামাত্য়া ভর্তৃব্যসনপীডিতাঃ ॥ 35 ॥
শৈলাগ্রেভ্য়ঃ পতিষ্য়ংতি সমেষু বিষমেষু চ ।
বিষমুদ্বংধনং বাপি প্রবেশং জ্বলনস্য় বা ॥ 36 ॥
উপবাসমথো শস্ত্রং প্রচরিষ্য়ংতি বানরাঃ ।
ঘোরমারোদনং মন্য়ে গতে ময়ি ভবিষ্যতি ॥ 37 ॥
ইক্ষ্বাকুকুলনাশশ্চ নাশশ্চৈব বনৌকসাম্ ।
সোঽহং নৈব গমিষ্য়ামি কিষ্কিংধাং নগরীমিতঃ ॥ 38 ॥
ন চ শক্ষ্য়াম্যহং দ্রষ্টুং সুগ্রীবং মৈথিলীং বিনা ।
ময়্যগচ্ছতি চেহস্থে ধর্মাত্মানৌ মহারথৌ ॥ 39 ॥
আশয়া তৌ ধরিষ্য়েতে বানরাশ্চ মনস্বিনঃ ।
হস্তাদানো মুখাদানো নিযতো বৃক্ষমূলিকঃ ॥ 40 ॥
বানপ্রস্থো ভবিষ্য়ামি হ্যদৃষ্ট্বা জনকাত্মজাম্ ।
সাগরানূপজে দেশে বহুমূলফলোদকে ॥ 41 ॥
চিতাং কৃত্বা প্রবেক্ষ্য়ামি সমিদ্ধমরণীসুতম্ ।
উপবিষ্টস্য় বা সম্যগ্লিংগিনীং সাধয়িষ্যতঃ ॥ 42 ॥
শরীরং ভক্ষয়িষ্য়ংতি বাযসাঃ শ্বাপদানি চ ।
ইদং মহর্ষিভির্দৃষ্টং নির্য়াণমিতি মে মতিঃ ॥ 43 ॥
সম্যগাপঃ প্রবেক্ষ্য়ামি ন চেত্পশ্য়ামি জানকীম্ ।
সুজাতমূলা সুভগা কীর্তিমালা যশস্বিনী ॥ 44 ॥
প্রভগ্না চিররাত্রীয়ং মম সীতামপশ্যতঃ ।
তাপসো বা ভবিষ্য়ামি নিযতো বৃক্ষমূলিকঃ ॥ 45 ॥
নেতঃ প্রতিগমিষ্য়ামি তামদৃষ্ট্বাসিতেক্ষণাম্ ।
যদীতঃ প্রতিগচ্ছামি সীতামনধিগম্য় তাম্ ॥ 46 ॥
অংগদস্সহ তৈস্সর্বৈর্বানরৈর্ন ভবিষ্যতি ।
বিনাশে বহবো দোষা জীবন্ ভদ্রাণি পশ্যতি ॥ 47 ॥
তস্মাত্প্রাণান্ ধরিষ্য়ামি ধ্রুবো জীবিতসংগমঃ ।
এবং বহুবিধং দুঃখং মনসা ধরাযন্মুহুঃ ॥ 48 ॥
নাধ্যগচ্ছত্তদা পারং শোকস্য় কপিকুংচরঃ ।
রাবণং বা বধিষ্য়ামি দশগ্রীবং মহাবলম্ ॥ 49 ॥
কামমস্তু হৃতা সীতা প্রত্য়াচীর্ণং ভবিষ্যতি ।
অথবৈনং সমুত্ক্ষিপ্য় উপর্য়ুপরি সাগরম্ ॥ 50 ॥
রামায়োপহরিষ্য়ামি পশুং পশুপতেরিব ।
ইতি চিংতাং সমাপন্নঃ সীতামনধিগম্য় তাম্ ॥ 51 ॥
ধ্য়ানশোকপরীতাত্মা চিংতয়ামাস বানরঃ ।
যাবত্সীতাং হি পশ্য়ামি রামপত্নীং যশস্বিনীম্ ॥ 52 ॥
তাবদেতাং পুরীং লংকাং বিচিনোমি পুনঃ পুনঃ ।
সংপাতিবচনাচ্চাপি রামং যদ্য়ানয়াম্যহম্ ॥ 53 ॥
অপশ্যন্ রাঘবো ভার্য়াং নির্ধহেত্সর্ববানরান্ ।
ইহৈব নিযতাহারো বত্স্য়ামি নিযতেংদ্রিয়ঃ ॥ 54 ॥
ন মত্কৃতে বিনশ্য়েয়ুঃ সর্বে তে নরবানরাঃ ।
অশোকবনিকা চেয়ং দৃশ্যতে যা মহাদ্রুমা ॥ 55 ॥
ইমামধিগমিষ্য়ামি ন হীয়ং বিচিতা ময়া ।
বসূন্রুদ্রাংস্তথাঽদিত্য়ানশ্বিনৌ মরুতোঽপি চ ॥ 56 ॥
নমস্কৃত্বা গমিষ্য়ামি রক্ষসাং শোকবর্ধনঃ ।
জিত্বা তু রাক্ষসান্ সর্বানিক্ষ্বাকুকুলনংদিনীম্ ॥ 57 ॥
সংপ্রদাস্য়ামি রামায় যথা সিদ্ধিং তপস্বিনে ।
সঃ মুহূর্তমিব ধ্য়াত্বা চিংতাবগ্রথিতেংদ্রিয়ঃ ॥ 58 ॥
উদতিষ্ঠন্মহাতেজা হনুমান্ মারুতাত্মজঃ ।
নমোঽস্তু রামায় সলক্ষ্মণায় দেব্য়ৈ চ তস্য়ৈ জনকাত্মজায়ৈ ।
নমোঽস্তু রুদ্রেংদ্রযমানিলেভ্য়ো নমোঽস্তু চংদ্রার্কমরুদ্গণেভ্য়ঃ ॥ 59 ॥
স তেভ্যস্তু নমস্কৃত্য় সুগ্রীবায় চ মারুতিঃ ।
দিশস্সর্বাস্সমালোক্য় হ্যশোকবনিকাং প্রতি ॥ 60 ॥
স গত্বা মনসা পূর্বমশোকবনিকাং শুভাম্ ।
উত্তরং চিংতয়ামাস বানরো মারুতাত্মজঃ ॥ 61 ॥
ধ্রুবং তু রক্ষোবহুলা ভবিষ্যতি বনাকুলা ।
অশোকবনিকা পুণ্য়া সর্বসংস্কারসংস্কৃতা ॥ 62 ॥
রক্ষিণশ্চাত্র বিহিতা নূনং রক্ষংতি পাদপান্ ।
ভগবানপি সর্বাত্মা নাতিক্ষোভং প্রবাতি বৈ ॥ 63 ॥
সংক্ষিপ্তোঽয়ং ময়াঽত্মা চ রামার্থে রাবণস্য় চ ।
সিদ্ধিং মে সংবিধাস্য়ংতি দেবাঃ সর্ষিগণাস্ত্বিহ ॥ 64 ॥
ব্রহ্মা স্বয়ংভূর্ভগবান্ দেবাশ্চৈব দিশংতু মে ।
সিদ্ধিমগ্নিশ্চ বায়ুশ্চ পুরুহূতশ্চ বজ্রভৃত্ ॥ 65 ॥
বরুণঃ পাশহস্তশ্চ সোমাদিত্য়ৌ তথৈব চ ।
অশ্বিনৌ চ মহাত্মানৌ মরুতঃ শর্ব এব চ ॥ 66 ॥
সিদ্ধিং সর্বাণি ভূতানি ভূতানাং চৈব যঃ প্রভুঃ ।
দাস্য়ংতি মম যে চান্য়ে হ্যদৃষ্টাঃ পথি গোচরাঃ ॥ 67 ॥
তদুন্নসং পাংডুরদংতমব্রণং শুচিস্মিতং পদ্মপলাশলোচনম্ ।
দ্রক্ষ্য়ে তদার্য়াবদনং কদান্বহং প্রসন্নতারাধিপতুল্যদর্শনম্ ॥ 68 ॥
ক্ষুদ্রেণ পাপেন নৃশংসকর্মণা সুদারুণালংকৃতবেষধারিণা ।
বলাভিভূতা হ্যবলা তপস্বিনী কথং নু মে দৃষ্টিপথেঽদ্য় সা ভবেত্ ॥ 69 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ত্রয়োদশস্সর্গঃ ॥
