ශ්රීමද්වාල්මීකීය රාමායණේ සුංදරකාංඩම් ।
අථ ෂඩ්විංශස්සර්ගඃ ।
ප්රසක්තාශ්රුමුඛීත්යවං බ්රුවංතී ජනකාත්මජා ।
ආධෝගතමුඛී බාලා විලප්තුමුපචක්රමේ ॥ 1 ॥
උන්මත්තේව ප්රමත්තේව භ්රාංතචිත්තේව ශෝචතී ।
උපාවෘත්තා කිශෝරීව විවේෂ්ටංතී මහීතලේ ॥ 2 ॥
රාඝවස්ය ප්රමත්තස්ය රක්ෂසා කාමරූපිණා ।
රාවණේන ප්රමථ්යාහමානීතා ක්රෝශතී බලාත් ॥ 3 ॥
රාක්ෂසීවශමාපන්නා භර්ත්ස්යමානා සුදාරුණම් ।
චිංතයංතී සුදුඃඛාර්තා නාහං ජීවිතුමුත්සුහේ ॥ 4 ॥
න හි මේ ජීවිතේනාර්ථෝ නෛවාර්ථේර්න ච භූෂණෛඃ ।
වසංත්යා රාක්ෂසීමධ්යේ විනා රාමං මහාරථම් ॥ 5 ॥
අශ්මසාරමිදං නූනමථවාප්යජරාමරම් ।
හෘදයං මම යේනේදං න දුඃඛේනාවශීර්යතේ ॥ 6 ॥
ධිඞ්මාමනාර්යාමසතීං යාහං තේනා විනා කෘතා ।
මුහූර්තමපි රක්ෂාමි ජීවිතං පාපජීවිතා ॥ 7 ॥
කා ච මේ ජීවිතේ ශ්රද්ධා සුඛේ වා තං ප්රියං විනා ।
භර්තාරං සාගරාංතායා වසුධායාඃ ප්රියංවදම් ॥ 8 ॥
භිද්යතාං භක්ෂ්යතාං වාපි ශරීරං විසෘජාම්යහම් ।
න චාප්යහං චිරං දුඃඛං සහේයං ප්රියවර්ජිතා ॥ 9 ॥
චරණේනාපි සව්යේන න ස්පෘශේයං නිශාචරම් ।
රාවණං කිං පුනරහං කාමමේයං විගර්හිතම් ॥ 10 ॥
ප්රත්යාඛ්යාතං න ජානාති නාත්මානං නාත්මනඃ කුලම් ।
යෝ නෘශංසස්වභාවේන මාං ප්රාර්ථයිතුමිච්ඡති ॥ 11 ॥
ඡින්නා භින්නා විභක්තා වා දීප්තේවාග්නෞ ප්රදීපිතා ।
රාවණං නෝපතිෂ්ඨේයං කිං ප්රලාපේන වශ්චිරම් ॥ 12 ॥
ඛ්යාතඃ ප්රාජ්ඤඃ කෘතජ්ඤශ්ච සානුක්රෝශශ්ච රාඝවඃ ।
සද්වෘත්තෝ නිරනුක්රෝශශ්ශංකේ මද්භාග්යසංක්ෂයාත් ॥ 13 ॥
රාක්ෂසානාං සහස්රාණි ජනස්ථානේ චතුර්දශ ।
යේනෛකේන නිරස්තානි ස මාං කිං නාභිපද්යතේ ॥ 14 ॥
නිරුද්ධා රාවණේනාහමල්පවීර්යේණ රක්ෂසා ।
සමර්ථඃ ඛලු මේ භර්තා රාවණං හංතුමාහවේ ॥ 15 ॥
විරාධෝ දංඩකාරණ්යේ යේන රාක්ෂසපුංගවඃ ।
රණේ රාමේණ නිහතස්ස මාං කිං නාභිපද්යතේ ॥ 16 ॥
කාමං මධ්යේ සමුද්රස්ය ලංකේයං දුෂ්ප්රධර්ෂණා ।
න තු රාඝවබාණානාං ගතිරෝධෝ භවිෂ්යති ॥ 17 ॥
කින්නු තත්කාරණං යේන රාමෝ දෘඪපරාක්රමඃ ।
රක්ෂසාපහෘතාං භාර්යාමිෂ්ටාං නාභ්යවපද්යතේ ॥ 18 ॥
ඉහස්ථාං මාං න ජානීතේ ශංකේ ලක්ෂ්මණපූර්වජඃ ।
ජානන්නපි හි තේජස්වී ධර්ෂණං මර්ෂයිෂ්යති ॥ 19 ॥
හෘතේති යෝऽධිගත්වා මාං රාඝවාය නිවේදයේත් ।
ගෘධ්රරාජෝऽපි ස රණේ රාවණේන නිපාතිතඃ ॥ 20 ॥
කෘතං කර්ම මහත්තේන මාං තථාऽභ්යවපද්යතා ।
තිෂ්ඨතා රාවණද්වංද්වේ වෘද්ධේනාපි ජටායුෂා ॥ 21 ॥
යදි මාමිහ ජානීයාද්වර්තමානාං ස රාඝවඃ ।
අද්ය බාණෛරභික්රුද්ධඃ කුර්යාල්ලෝකමරාක්ෂසම් ॥ 22 ॥
විධමේච්ච පුරීං ලංකාං ශෝෂයේච්ච මහෝදධිම් ।
රාවණස්ය ච නීචස්ය කීර්තිං නාම ච නාශයේත් ॥ 23 ॥
තතෝ නිහතනාථානාං රාක්ෂසීනාං ගෘහේ ගෘහේ ।
යථාහමේවං රුදතී තථා භූයෝ න සංශයඃ ॥ 24 ॥
අන්විෂ්ය රක්ෂසාං ලංකාං කුර්යාද්රාමස්සලක්ෂ්මණඃ ।
න හි තාභ්යාං රිපුර්දෘෂ්ටෝ මුහූර්තමපි ජීවති ॥ 25 ॥
චිතාධූමාකුලපථා ගෘධ්රමංඩලසංකුලා ।
අචිරේණ තු ලංකේයං ශ්මශානසදෘශී භවේත් ॥ 26 ॥
අචිරේණෛව කාලේන ප්රාප්ස්යාම්යේව මනෝරථම් ।
දුෂ්ප්රස්ථානෝऽයාමාඛ්යාති සර්වේෂාං වෝ විපර්යයම් ॥ 27 ॥
යාදෘශානීහ දෘශ්යංතේ ලංකායාමශුභානි වෛ ।
අචිරේණෛව කාලේන භවිෂ්යති හතප්රභා ॥ 28 ॥
නූනං ලංකා හතේ පාපේ රාවණේ රාක්ෂසාධමේ ।
ශෝෂං යාස්යති දුර්ධර්ෂා ප්රමදා විධවා යථා ॥ 29 ॥
පුණ්යෝත්සවසමුත්ථා ච නෂ්ටභර්ත්රී සරාක්ෂසී ।
භවිෂ්යති පුරී ලංකා නෂ්ටභර්ත්රී යථාංගනා ॥ 30 ॥
නූනං රාක්ෂසකන්යානාං රුදංතීනාං ගෘහේ ගෘහේ ।
ශ්රෝෂ්යාමි නචිරාදේව දුඃඛාර්තානාමිහ ධ්වනිම් ॥ 31 ॥
සාංථකාරා හතද්යෝතා හතරාක්ෂසපුංගවා ।
භවිෂ්යති පුරී ලංකා නිර්දග්ධා රාමසායකෛඃ ॥ 32 ॥
යදි නාම ස ශූරෝ මාං රාමෝ රක්තාංතලෝචනඃ ।
ජානීයාද්වර්තමානාං හි රාවණස්ය නිවේශනේ ॥ 33 ॥
අනේන තු නෘශංසේන රාවණේනාධමේන මේ ।
සමයෝ යස්තු නිර්දිෂ්ටස්තස්ය කාලෝऽයමාගතඃ ॥ 34 ॥
ස ච මේ විහිතෝ මෘත්යුරස්මින් දුෂ්ටේ න වර්තතේ ।
අකාර්යං යේ න ජානංති නෛරෘතාඃ පාපකාරිණඃ ॥ 35 ॥
අධර්මාත්තු මහෝත්පාතෝ භවිෂ්යති හි සාංප්රතම් ।
නෛතේ ධර්මං විජානංති රාක්ෂසාඃ පිශිතාශනාඃ ॥ 36 ॥
ධ්රුවං මාං ප්රාතරාශාර්ථේ රාක්ෂසඃ කල්පයිෂ්යති ।
සාහං කථං කරිෂ්යාමි තං විනා ප්රියදර්ශනම් ॥ 37 ॥
ක්ෂිප්රං වෛවස්වතං දේවං පශ්යේයං පතිනා විනා ।
නාජානාජ්ජීවතීං රාමස්ස මාං ලක්ෂ්මණපූර්වජඃ ॥ 38 ॥
ජානංතෞ තෞ න කුර්යාතාං නෝර්ය්වාං හි මම මාර්ගණම් ।
නූනං මමෛව ශෝකේන ස වීරෝ ලක්ෂ්මණාග්රජඃ ॥ 39 ॥
දේවලෝකමිතෝ යාතස්ත්යක්ත්වා දේහං මහීතලේ ।
ධන්යා දේවාස්සගංධර්වාඃ සිද්ධාශ්ච පරමර්ෂයඃ ॥ 40 ॥
මම පශ්යංති යේ නාථං රාමං රාජීවලෝචනම් ।
අථවා න හි තස්යාර්ථෝ ධර්මකාමස්ය ධීමතඃ ॥ 41 ॥
මයා රාමස්ය රාජර්ෂේර්භාර්යයා පරමාත්මනඃ ।
දෘශ්යමානේ භවේත්ප්රීති ස්සෞහෘදං නාස්ත්යපශ්යතඃ ॥ 42 ॥
නාශයංති කෘතඝ්නාස්තු න රාමෝ නාශයිෂ්යති ।
කිං නු මේ න ගුණාඃ කේචිත්කිං වා භාග්යක්ෂයෝ මම ॥ 43 ॥
යාහං සීදාමි රාමේණ හීනා මුඛ්යේන භාමිනී ।
ශ්රේයෝ මේ ජීවිතාන්මර්තුං විහීනායා මහාත්මනඃ ॥ 44 ॥
රාමාදක්ලිෂ්ටචාරිත්රාච්ඡූරාච්ඡත්රුනිබර්හණාත් ।
අථවා න්යස්තශත්රෞ තෞ වනේ මූලඵලාශිනෞ ॥ 45 ॥
භ්රාතරෞ හි නරශ්රේෂ්ඨෞ සංවෘත්තෞ වනගෝචරෞ ।
අථවා රාක්ෂසේංද්රේණ රාවණේන දුරාත්මනා ॥ 46 ॥
ඡද්මනා ඝාතිතෞ ශූරෞ භ්රාතරෞ රාමලක්ෂ්මණෞ ।
සාऽහමේවංගතේ කාලේ මර්තුමිච්ඡාමි සර්වථා ॥ 47 ॥
න ච මේ විහිතෝ මෘත්යුරස්මින් දුඃඛේऽපි වර්තතේ ।
ධන්යාඃ ඛලු මහාත්මානෝ මුනයස්ත්යක්තකිල්බිෂාඃ ॥ 48 ॥
ජිතාත්මනෝ මහාභාගා යේෂාං න ස්තඃ ප්රියාප්රියේ ।
ප්රියාන්න සංභවේද්දුඃඛමප්රියාදධිකං භයම් ॥ 49 ॥
තාභ්යාං හි යේ වියුජ්යංතේ නමස්තේෂාං මහාත්මනාම් ।
සාහං ත්යක්තා ප්රියාර්හේණ රාමේණ විදිතාත්මනා ॥ 50 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ ෂඩ්විංශස්සර්ගඃ ॥
